نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

مطبخنا المنعكش ( الحلقة الاولي دة لو هيبقي فيه حلقات بعد كدة لإني مبعرفش اطبخ)

سلام عليكم و رحمة الله و بركاتة
اعظائي المشاهدين( الرجالة العزاب اللي مش لقين حد يطبخلهم) اعظاتي المشاهدات( الستات الغلابة اللي متجوزين و عندهم قرطة عيال)
أهلا بيكوا في مطبخكوا



مطبخنا المنعكش مع الشيف نعكوشة المنكوشة و بمساعدة خالها
بمناسبة إن انهاردة أول يوم من الثلاثة البيض بتوع شهر رجب
وبكرة الخميس برضو يعني ممكن تصوموا
المهم يعني اعملوا الاكلة عالفطار
بالمناسبة دية كل سنة و سعادتكو طيبين
و متنسوش تصوموا لإني نسيت اصوم انهاردة بس هصوم الباقي ان شاء الله

و بالمناصبة الخطيرة دية

هقدملكوا وجبة ( يخن عجـــــب) أنا اللي مخترعاها
او مش مخترعاها بس يعني أنا الي فنكشتها
بمساعدة السيد العظيم ( خالي ربنا يستره زي ما سترني)

الوجبة إن شاء لله

1- مش دسمة
2- اقتصادية
3- مفرحة للعيال لو عندك عيال سيدتي
4- سريعة التحضير

وبما إني أنا اللي منعكشة المقادير
فإسم الأطباق كالتالي

1- هربرجر
2- مسكعة ( بطريقة سهلة جداً)
3- الطبق الرئيسي ( مكروناتو شوفانكية)
ومتسألونيش يعني إية ( قولي لجوزك كدة هيقول بقة إن سيادتك مستوردة طبق إيطالي)

المهم

نخش بقة في المقادير

معاكي ورقة و قلم ( مش لازم خديها كوبي بيست) هيا دية التكنولوبيا

اهم حاجة ( إلبسي حاجة فوق راسك يا حاجة عشان ميبقاش فيه شعر ولا حاجات من دية وانت كمان البس أي حاجة فوق راسك )

لتحضير المسكعة
1- طماطم

2- شرائح بازنجان

3- بصلة متوسطة الحجم

4- لتر ماء (
مش شرط لتر يعني ممكن اكتر او اقل انتي ادري)
5-ملح و فلفل و بهارات


لتحضير الهربرجر (
بالمناسبة متقولوهاش هام برجر عشان هام = لحم خنزير يا تقولوها بيف برجر يا تقولوها هربرجر او أي حلبسة اهو أي شحاليل)



هربرجر جاهزة من فرجلوا ولا ثري شيفس

( ممكن تستغني عن الهربرجر علي فكرة لإنها طلع طعمها معوق معايا و كانت هربرجر حجرية و إنتي هتلاقي في الطبق الرئيسي المادة البروتينية لذا مش لازم الهربرجر سيدتي
وبعدين الهربر غالي اليومين دول
)
الله يخربيوتكوا :@ متقدروا الناس الغلابة ... مين الست دية
خلاص يا حجة انا اسفة
عالمة غريبة صحيح
انت بتصور يا عبعال :@ كتتتتتتتتتتتتتت
...........................................
عدنا لكم اعظائي المشاهدين (
ابتسامة من هنا لهنا ووش منشكح) بمكادير الطبق الرئيسي

مقادير الصلصة :
1-ثوم (
علي قد ما بتحبي)
2- بصل (
علي قد ما تحبي)
3- مشروم (
المادة البروتينية )
ممكن تستغني بيه عن اللحمة و بعدين سعر المشروم دلوقتي حلو العلبة ب 7 جنية و نص طبعا هتاخدي منها خمس ست واحدات يعني هتكفيكي و العيال يفرحوا انهم اول مرة في حياتهم كلو مشروم بقة
المهم
4- فسفوسة زبدة عشان الريحة بس – حتة صغيرة قوي- (
لو معندكيش ملهاش لازمة) اصلا دسم و حاجة مش لطيفة يعني
5- قليل من الزيت

6- دقيق
( حبة صغيرة معلقة ولا حاجة ومش كاملة يعني )
7- لبن
( لو مش من السراميك يبقي قشطة لو سيراميك خلاص اوك)
8- ملح و فلفل و بهارات
........................
مقادير الطبق:

1- نص كيلو مكرونة اسباكتي ( مش روجينا ) لو ريجينا تبقي حضرتك من الطبقات الراقية واحنا عالم اقتصادية
2- لتر ماء او اكتر( الله اعلم مفروض قد اية)
3- ملح و فلفل و بهارات
4- زيت

نترككم مع فاصل اعلاني

تان تان تان تان
تيرارارورووروروووووووو

لبان فسفسة حلوة و ملبسة طعمة و مفسفسة كلي مرة واحدة هتلقيها كويسة


سمنك في الاكل كتير .. لأ . طب قليل .. لأ استخدمي سمن الشجرتين جزك هيطلقك من أكلتين


امشي يا نموسة يا غلوسة متقرصنيش كيتو هيمسكك يفشفشك فشافيش
.... عندنا كيتو عندنا القرص عندنا كيتو مفيناش قرص

اجري بسرعة يا واد يا حسين هاتلنا ريري منو اتنين



تان تان تان تان
تيراراراروورورورووروووووو

عدنا لكم اعظائي المشاهدين و هقولكم عالسريع
ازاي تعملي المسكعة :
1- قطعي البصل
2- قطعي البتشنجان
3- شوحيهم شوية في زيت قليل جدا عالنار مع الطماطم
4- ضيفي ملحك و فلفلك
5- ضيفي ميتك(
الماية بتاعتك) شيلو الميتين من هنا لأ لأ
6- سيبي الخليط (
والله بتطلع مسقعة حلوة و مش دسمة )
ومش لازم تقلي البدنجان و تصفي البدنجان و تعملي هيصة
هيا دية المسقعة
للطبقات الراقية ممكن تبقي تحطي لحمة مفرومة
بس انا محطتش و كان طعمها حلو جداً
7 – اتركي الخليط حتي يكون متماسكاً

وبكدة خلصتي من المسكعة في 10 دقايق

...............................

اما عن الصلصة للطبق الرئيسي:
1- قطعي التوم صغنن صغنن
2- قطعي المشروم صغنن صغنن
3- قطعي البصل صغنن صغنن

4- شوحيهم كلهم مع بعض
5- حطي ملعقة دقيق متكتريش الديقيق عشان متعجنش

6- شوحيهم لحد ما اللون يبقي حلو كدة مصفر

7- حطي اللبن وانتي بتقلبي ( عشان ميعجنش )
8 - قلبي حتي يصبح الخليط متماسك شوية

9- اطفي النار و حطيها بعيداً
....................................

اسيبكوا مع فاصل ؟؟؟
يلاااااا فاصل


تان تان تان تان
تيرارارارايوويويوووووووووووو


بست . واااااااااااه ......... بحب اتنين سوا يا هنايا بحبهم ازوزا كولا و الهوا يا ميلة بختهم


رايحة فين يا سميرة ......رايحة اجيب شومو ...... جاية منين يا سميرة ....جبت شومو
لسواد غسيلك و نظافتة استخدمي شومو

اطلب زيرو 0900 و كمان 00000 هنديك جوايز فورية ... فيلا و شقة و عربية و هناخد منك قرشينيلا بسرعة الدقيقة بجنية ونص يا تلحق يا متلحقشالفائزين معنا في المسابقة الماضية عم شفطورة و عايدة الزايدة

ألووووووووووووو إيوة ابا الحج انا جبت لفلفون ...... هيع هيع هيع
ألووووووووووو الدجيجة بكام ... 15 قرش للثانية
لأ يا بلاش
الشبكة النعكوشية للأتصالات
شبكة واحدة
بتنهبنا كلنا


تان تان تان تان
تيراارارارارااوووووووووووووو

عدنا لكم اعزائي المشاهدين مع طريقة
تحضير المكرونة :

1- قومي سيدتي بفتح كيس المكرونة
2- ضعي حلة بها شوية ماء و حبة فلفل و شوية ملح (
فيه بيقولوا حطي الملح بعد ما الماية تغلي بس دية شوية كلام كدة كبري يا شيخة مفيش وقت جوزك هيرجع من الشغل)علي النار

3- اتركيها حتي تغلي

4- ضعي محتويات الكيس ( من غير ما تكسريهم في الحلة... العيال - وانا منهم- بنحبها لما بتبقي طويلة) ====>
5-اتركيها حتى يصبح لونها ابيض

6- اغسلي المكرونة( لأ مش بمسحوق الغسيل بس بالماية و تكوني حطاها في الماصفة - الحلة المخرمة من تحت-)

7- ضعيها في صينية ( يا ريت تيفال ) لو مفيش تيفال ( فلوس عالفاضي ) حطي زيت و افضلي قلبي اهم حاجة المكرونة متلزقش

..........................
سيدتي احب اقولك انك ممكن تكوني بتعمل المكرونة دية وانتي بتعملي الصلصة بتاعتها يعني كلهم علي بعضهم مش هياخدو ربع ساعة !!!!
و خدتي عشر دقايق في عمل المسقعة يعني كلها علي بعضها 25 دقيق
و تكوني عملتي اكلة شهية لجوزك و عيالك هيفرحوا انهم كالو
مكروناتو شوفانكية
و قوليها كدة بألاطة و عنجهية يعني منظر شغل شغل

المهم

التقديم :(احلي ما في الموضوع )
لو عملتي كل دة و قدمتيه بطريقة مؤرفة الراجل هيقرف منك و من منظرك
حطي المكرونة في الطبق
حطي علي وشها الصلصة
و حطي عليها حتة بقدونس او كرفس أي حاجة خضرا
و علي جمب الطبق ( لو انتو من العائلات اللي بيكل كل واحد في طبقوا)
او في طبق لوحدو ( من العائلات اللي بتعمل شير في الطبق)
المهم علي جمب الطبق او لوحدو حطي المسكعة
المهم جملية
بالشكل دة

ممكن تعملي سلطة طماطم بقة تبقي ست فله
ولو عندك بواقي تفاح ممكن تعمليها عصير
ولو عندك بواقي خوخ ممكن تعمليها كمبود
( قطعي الخوخ ترانشات ترانشات + شوية ماية + شوية كتيرة سكر ) اغلية عالنار و حطية ف يالتلاجة >>>> احلي من الكمبود المعلب
المهم اعملي الديزرت علي مزاج سيادتك
وبالهناء و الشفاء
همسة في ودنك سيدتي ( استمتعي وانتي بتغسلي المواعين هع هع هع <===ضحكة شريرة)
اوعي تكون صورت الحتة دية يا عبعال
لأ يا مزمازيل نعكشة كلو هيطلع في المونتاش
طيب

( وش منشكح وبق مفتوح من هنا لهنا) و بكدة سيدتي ( أو سيدي لو كنت من العزاب)وصلنا لنهاية حلقتنا من برنامجك الاقتصادي

مطبخنا المنعكش

دمتي سالمة
سلامٌ عليكم و رحمة الله و بركاتة
تتر النهاية
صور بكاميرا نعكشة
مقدم الحلقة نعكشة
فكرة الحلقة نعكشة برضو
طريقة عمل المسكعة عن طريق السلق مش القلي فكرة ( خالي ربنا يخليه )
خلاص خلاص البرنامج تبع شركة نعكشتكو للمصنوعات الغذائية
.........................................
حكوك الطبع و النشل محفوسة لمطبخنا المنعكش

42 قالوا رأيهم في العك اللي تحت ؟؟؟:

هههههههههههههههههههههههه

اولا مبسوطه انى اول تعليق
بصى ياستى عشان انا عجبنى البرنامج بتاعكو

واتمنى دوام تقديمه لانى هتابع باذن الله
فياريت يا مزموازيل نعكشه تعدى حلقات تانيه كمان وتقدميها

وخصوصا اننا داخلين على شهر رمضان والبرامج دى بتحلى اوى فى رمضان وكل سنه وحضراتكم طيبين

على فكره
انا طول عمرى بعمل المسقعه بطريقة السلق مش القلى

بس بيقولوا عليها بالقلى احلى
انا مجربتها بالقلى بس نفسى ادوقها

المهم

انا مش بحب المشروم

بس عجبنى بقى حكاية الطبقات الراقيه دى ههههههههههههههههه

ايوه انا هحط لحمه مفرومه احسن
مرسى يا جميل ع الحلقه

الصور تحفه على فكره :)
تعرفى انا مش بعرف احط اكتر من صوره فى البوست
ولو حاولت ينزلوا كلهم فوق فى اول البوست تحت بعض فى صف كدا
يعنى مش فى المكان اللى عايزاه !

يلا مش مشكله :D

 

ايه الطبخ الجامد ده
متهيالي حلقة واحدة كفااااية اوي

بس الاعلانات بقي جامدة جدا
انتي موهوبة في الاعلانات اكتر

ايه رايك بقي كل موضوع تصممي لينا اعلان جديد كدة علي زوقك

موضوع دمه خفيف
وجديد

تحياتي

 

ايه اليخن المنعكش ده....خلاص ما تزعليش هجرب واقلكم بس عارفة لو طلع وحش انتى حرة

 

هههههههههههه
جامد جدا البوست ده
مطبخ منعكش اخر حاجة
مستنية الباقى
ياريت ام على بتتعمل ازاى ههههههه تحياتى

 

ههههههههههههههههههههههههههه
هههههههههههههههههههههههههههههههه

انا روحى هتطلع بجد

عليكى تعبيرات مش ممكن

وبعدين انتى عاصرتى الاعلانات دى

ولا حد حكهالك هههههه حلوة حد حكالهك دى تخيلى خالك ماسكك وعمال يحكيلك اعلانات
هههههههههههه

بجد تحياتى لقلمك الساخر الرائع

احمد

 

أمال

ههههههههههههههههههههههه
طيب والله قشطة أنا اصلا مبحبش الطبيخ بس لو خدتها من الفكرة دية هقوم طبخالهم و طبعاً هما هيفتكروني طبخالهم بس انا طابخة عشان اعمل مواضييع
هوه في الحقيقة هبقي طبخالهم برضو
عامتاً انا بحب افتكس و ربنا يستر

ان شاء الله نحاول نعد منعدش لية يعني ورانا حاجة ماحنا ف يالاجازة و اهو كله بثوابه

يعني خالي مش مألف طريقة السلق دية :D
والله كنت فاكراة مألفها
بس هوه قالي انه مكنش يعرف ان حد بيسلقها و كنا لسة بنجربها اذا تشابة الاختراعات عادي يعني

مبتحبيش المشرومممممم

ممم
ممكن تحطي لحمة مفرومة و تشوحيها بنفس الطريقة
متغلبيش يا بنتي حطي أي حاجة

ههههههههههههههه

مرسيييييييخ :$ انا اللي مصوراها بقة :$

بصي هيا حكاية حط الصور دية متعبة جدا
بقعد احط فيها ساعتين ولا حاجة عشان احطها في مكانها

و اهو كلو بثوابه

بالنسبة للطبقت الراقية اصل المعظم دلوقتي بقة مش لاقي ياكل فبنحاول نقتصد
بدل ما نعمل ديك محشي و حاجات من الغريبة اللي طنط منى عامر بتظبطنا بيها
وورق لورة وورق بفرة و كدة


كوشيا

شغل بقة اومال إية مش فاضيين ف يالاجازة

واضح انه معجبكييييييييييييييييش
لوووووووووول

بس معظمها اعلانات قديمة يا كوشيا

جديد من انهو اتجاة يا كوشيا
مصر كلها بتطبخ دلوقتي :|

دمتي سالمة

............

عروسة ننوسة

جربية و هتحسي بالفرق

بصي انا جربتة و عجبني صراحة
ولوللا اختلاف الازواق لبارت السلع

مستنية رأيك لو كان كويس او وحش

نورتيني

دمتي سالمة

.............

الاميرة princess

مبسوطة انو عجبك
مش عارفة بس أنا بحاول معملش الحاجات التقليدية
او ممكن اعمل امو علي و احط عليها اضافاتي

ربنا يستر
و اشوف اية النظام

دمتي سالمة

............

أحمد الصباغ

روحك هتطلع من قبل ما تاكل؟؟؟؟؟؟؟؟؟؟؟

اومال لو كلت بقة :D

حلوة حد حكالك الاعلانات
هههههههههههههههههههه

بس ابقي جرب الطبق و قولي رأيك

دمت سالم

..........

سلامٌ عليكم

 

تسلم ايديكي ..
:)
قمر يا نعكشة .. :)
......
و الله عجبني المطبخ .
:)

 

ههههههههههههههههههههههههههههههههه
ههههههههههههههههههههههههههههههههههه
هههههههههههههههههههههههههههههههههه

والله يا نعكشة انتي ملكيش حل

بجد انا كنت خلاص هموت علي روحي من الضحك ...الاسلوب تحفة ولا الاعلانات يا خرابي تجنن

والصور كمان جميلة بجد

مجهود رائع يا نعكشة

وعلي فكرة الاكل طلع طعمه جميل جداااااااااااااااااااااااا

نفسك حلو يا بت يا نعكشو :)))

استمري استمري

حلقة كل اسبوع

يبقي هتظبطينا لحد رمضان

تحياتشي

:)

 

قهوة بالفانيليا شيماء علي

الله يسلمك يا جميلة

مرسيخ بوكوز :$

اتفضلية بس لازم تطبخي و تقولي عجبك ولا لأ

مستنياكي
دمتي سالمة

.........

سفروتة

:D

بالنسبة للأسلوب في بيتها :D
اما الاعلانات فمن الحياة المعاصرة



انتي عملتية من ورايا يا سفروتةةةةةةةةةةةةةة؟؟؟؟؟؟؟؟؟

تسلمي يا قمر

مع ان كلهم بيقولوا غير كدة بس هصدقك بقة يا سفروتة و امري لله ( بالنسبة للنفس يعني)


ان شاء الله ربنا يسهل و نشوف حكاية الطبخ تاني

فرحانة انه عجبك طبيخي

دمتي سالمة

..........

سلامٌ عليكما

 

بصي يا ستي

انتي عارفاني...لو حاجة وحشة هقول

بس بجد يا مريم البوست ده مفيد ولذيذ وكميل واخر حلاوة...وياريت حلقات تانية بجد

ولو انا اعرف ان المعكرونة حمرة... بس تقريبا الخلطة بتاعة المشروم دي شبه الى حد كبير جدا جدا جدا الباشيمل مش كده؟؟؟ فرحيني وقوليلي اه

تمنياتي بالمزيد العرق
قصدي بالمزيد من التفوق في الاكلات

تحياتي

ادم

 

نعكوشة
دى الوصفة سهلة
و هايلة
اولا أحييكى على الجده الفظيع فى إعداد الحلقة دى إنتى و السيد الخال اللى باين نفسو تمام فى الاكل
ثانياً أنا بصراحة اللى عجبنى اكتر من الاكل فقرة الأعلانات يخربيت خفة دمك بجد
ثالثاً التصوير كان مية مية و الواحد بصراحة عاوز يبعت للقناة إس إم إس يقولهم عاوزين حلقات جديدة من مطبخ نعكشة دا
الله ينور عليكى
و تحياتى لخالك العزيز

 

يخرب بيت شيطانك

 

السلام عليكم ورحمه الله وبركاته
صديقتى نعكشه
ماأجمل كلماتك التى قراتها لكِ
ولكن هنا لحظه فراق
صديقتى دمتى بكل حب وخير
فالنفترق
صديقتى انتِ مش المقصوده بالكلمه دى
انما الكون باكمله
والله الموفق
تركت بوست اخير
اتمنى ان تذهبى لمدونتى وتقرائيه

 

هههههههههههههههههههههه
عسلللللللللللللللللل
سكررررررررررررررررر
هعمل المكرونة حالا
دي صلصة بشاميل خفيفة يا اختي عادي يعني
المصقعة بقى علشان ما تجبش حموضة ممكن ما تتقليش وتتحط هي والصلصة والبصل والتوابل على النار لحد ما تغلي وتدخل الفرن وقبل ما تخرج على وشها معلقة زيت صغيرة كدة
بس عسل يا نعكوشة ربنا يبارك فيكي

 

لالالا
انا لازم أجيب أخويا يشوف الطبخه دي
أصله متعلمش الطبيخ إلا بعد الجواز !!!!

 
This comment has been removed by the author.
 

Loool

luved the pic with the instructions very helpful

nice blog :))

 

يا جدعاااااان محدش يصدقها الأنسه بتضحك عليكم.....ازاى يا دكتوره مسقعه من غير لحمه مفرومه؟؟؟؟!!!!! انا معنديش مشكله اكلها مقليه مسلوقه محمره مشويه على الفحم بمشروم (عيش الغراب) او بالعيش لوحده او الغراب لوحده بس المهم اللحمه.......فين اللحمه يا انسه؟ .....مش عارف عمو خالك هو اللى ضحك عليكى ولا انتى اللى كنتى مش مركزه معاه بس برضه فين اللحمه يا مدموزيل؟ .......انا الحقيقه انسحبت من الحلقه من أول فاصل اعلانى وانا عمال اكلم نفسى واقول....فين اللحمه؟ فين اللحمه؟

 

آدم الغامض

اتفضلوا يا فندم

انا لما قريت تعليق نونو قالت انه شبة البشاميل
بس الفكرة انو خفيف يعني سايب شوية البشاميل تخين و البشاميل كنت بشوف ماما بتحط عليه بيض دة معليهوش ولا بيض ولا بطيخ
بس عامتاً هوه زي ما نونو قالت فية كتير من البشاميل ( انا مكنتش اعرف :$)

ان شاء الله لو دخلت المطبخ تاني هبقي اخد الكاميرا معايا و اظبطكوا بأكلة تانية

دمت سالم

..............


فاتيما ( منورة بجد)

اولاً : مستنياكي تدوقيها و تقوليلي رأيك

ثانياً : الجهد المبذول في وضع الصور و الاشكال في البوست اكتر من الوقت بكتيير اللي عملتوا عشان اعمل الاكل

ثالثاً : الاعلانات معظمها من الواقع مش مألفاه

رابعاً : ان شاء الله لو طبختلهم تاني هبقي اجيلكوا

خالي كان صاحب مطعم فكنت كل شوية اسئلة ينفع احط دة ممكن تحط انت الملح ( عشان مبعرفش اظبط الملح)

تسلمي يا قمر
و نورتيني

دمتي سالمة

...............

راجي

هوه انت كلتها ولا إية ؟؟؟؟؟؟؟؟؟؟؟

دمت سالم

..................


انا والحب ننتظرك يا حبيبتي

:( لية :( :(

اتمنى إنك تعيد رأيك في الموضوع دة

دمت سالم

..............

نونو


ربنا يخليكي يا قمر

مكنتش اعرف انها بشاميل
بس دية خفيفة عن البشاميل كتير

و المصقعة مسلوقة ولا مشوية المهم من غير قليه

صراحة انا كنت باكلها مقلية بس لما خالي قال الطريقة دية عجبتني قوي
و سهلة
ومبتاخدش وقت

دمتي سالمة يا قمر

..............

لورانس العرب

بس اعملها انت الاول عشان لو طلعت ماسخة متجيلناش فضايح برة الوسط التدويني
ههههههههههههههههههه


دمت سالم

.................

الدكتورة الخفية dr. invisible

نورتي يا فندم
مبسوطة انها عجبتك
جربيها و قوليلنا رأيك بقة

دمتي سالمة

...............

محمد داوود

ايوة من غير لحمة
هوه فيه حد لاقي لحمة يا سد
اللحمة دية بيشوفوها عند الجزار و يعملو شربة ماية و يجيبو عيش و يوهموا نفسهم انهم كلوها
تقوم بقة تقولي
لحمة مفرومة
وعلي المسقعة كمان

ارجع يلا يا سيد اقرا باقي الطبق
و اعملوا و قولنا رأيك اية

:D

نورتنا يا فندم

دمت سالم

............

سلامٌ عليكم

 

هههههههههههههههههههه
بجد روعة
بس ياريت تبقي تعملي حاجة اسهل من كدا كمان للعالم اللي خبرتهم صفر في المطبخ والطبخ
لاني ببقى عايز اعمل حاجة ومش عارف..
يعني حاجة كدا من اول السطر خالص ..أ ب طبخ

مشكورررررررررة :)

 

هذا الموضوع للى بيعرف يطبخ بس

اسف جدا على الاقتحام

بس انا جعااااااااااااااااااااان
سلام
تحياتى

 

حلو البرنامج
بتقبلوا ولاد كأصدقاء للبرنامج؟؟

 

البرنامج ده بناتى مقاس 36
قصدى يعنى ان انا كولد كل اللى استفدته ان عصافير بطنى ابتدت تصرخ
وحاسس ان انا جعااااااااااااااااان

 

عوووووووووووووووووووووو
انا جيت اتخدتى
.........................
هههههههههههههههههههههه
ههههههههههههههههههه
ايييييييييييييييييييييييييييية يابنتى دة
مش ممكن بجد
......................
الاكل شكلوا حلو اووووووووووى
حراااااااااااااااام عليكى انا عاملة رجيم
...............................
الدبابات الى فى بطنى هيعملوا انقلاب علية
كفاااااااااااااااااااااااية
حررررررررررررررررررررام
.............................
لا بجد الفكرة حلوة موووووووووووووووووووت
تسلم الايدى انتى وخالو
عووووووووووووووووووووووووو

 

looool


انتي عسل

و دمك شربااات


و خاصة الفاصل الاعلاني

دنه فصلت على نفسي من الضحك

و تسلم الايادي

:))

 

طالما مقضينها اقتصاد * اقتصاد مالوة الفول و الطعمية و العيال هايزئططوا ..هم كانوا لاقين اكل اصلا :(
اعلاناتك كانت جااااامدة ..اتى حقك تعملى قناة نعكاشيش ..اشمعنا فتافيت يعنى هو انتى اقل منها و لا اقل منها :))

 

هههههههههههههههههه
ايه الاكل دة كله يابنتى
انا معدتى تعبت مافيش حاجة تهضم
الف شكر على الوجبه الجامدة دى

 

ما شاء الله
شكلك طباخة روعة
عارفة انا احلى حاجة بحبها وبحب اعملها المسقعة بمووووت فيها بصراحة جوعتينى

 

لا يا ماما
لا كده فى غلطه
المفروض فى الاخر
حقوق الطبخ محفوظة فى التلاجة
مش الطبع
ايه المطبخ الالفرانكه ده
دا انتى و لا اسامة بتاع دبى
اللى انا اصلا بطبخ احسن منه
هههههههههههههههههه
بوست شبه مفيد
اه مش عاوز اوعدك يعنى انما فى امل انك لو فتحت مطعم اما الصحة هى اللى حتقفله
او انا حاجى اولع فيه

بوست جميل يا نعكشة
تحياتى
اسلام

 

ههههههههههههه
جميل يا نعكشة
رغم ان طريقة الشرح لا تشجع أبدا علي التجربة .. بس عجبتني الفكرة .. والاعلانات اللي في النص كانت عسل قوي
والله دمك زي العسل يا نعكوشة .. كنتي بتقولي انك فاشلة في الكتابة .. ضيفي عليها بقي المطبخ كمان ههههههههه
تحياتي

 

ازيك يا نعكشة
انا مستنية بقية اعمالك فى المعرض بتاعك
عجبنى اسلوبك المتداخل فى الرسم اكتر من رسم الوجوة يعنى تقدرى تقولى اول تلات لوحات اكثرهم تميزا اما فى رسم الوجوة انتى عندك الموهبة بس محتاجة تدريب ودراسة اكتر
تقبلى مرورى ايتها المبدعة

 

هههههههههه اخص عليكى يا بنتى جوعتينا حرام عليكى....تحياتى ليكى بس اط شوفيها جايه منين
تحياتى ليكى سومه_87

 

هههههههههههه
جميل اوى يا نعكوشتى
اسلوبك رائع و الله
والاعلانات اللى فى النص دى حكاية

ياريت نشوف منهم حلقات تانى بقى
و اسفة على تأخرى فى الرد
انتى عارفة الظروف بقى

 

ميرو

يا سلام يا فندم انت تؤمر بس

إن شاء الله

ربنا يسهل

دمت سالم
.............


احمد ( انت و صاحبك)

انا بطبخ علي بسيط بس بحب اعك

ان شاء الله هعمل حاجات للمبتدئين

دمت سالم

................


الموجة الزرقاء

طبعاً يا فندم
ماحنا كاتبين اعظائي المشاهدين ( العزاب)

يعني مسموح باشتراك الجميع

.................
استراحة محمد

لووووووووووووووووووووول
والله اسمع ان فية شباب طباخين بريمو

يلا خير

دمت سالم

................

كيكيييييييييي

ياماماااااااا

متاخديش في بالك انتي
دة مش اكل اصلا
دية صور بس
ههههههههههههههههههه

دمتي سالمة
.................

داركنس darkness

يا رب دايماً اقدر ادخل السرور و الضحكة علي قلبك يا قمراية انتي
نورتيني بجد

دمتي سالمة

................


سوووو طايارة ورق

هجرب افنكش في الفول و الطعمية في مرة ان شاء الله مين عارف
هوه حد لاقي ياكل
عندك حق

ربنا يستر

دمتي سالمة

...............


رئيسة حزب الاحلام

خلاص اعملي صنف واحد بس يا فندم

دمتي سالمة

..................


بذرة أمل

انا فاشلة جداً في الطبيخ
و مش معترفة بالطبيخ التقليدي
ولازم ضيف اضافاتي لأي حاجة
بحيث تطلع فنكوش الفاشني

يلا خير

دمتي سالمة

..................


مواطن مصري نايم


والله حلوة حكاية محفوظ في التلاجة
نضيفها في البوستات القادمة

و بالنسبةللصحة
هما مش هيلحقوا يقفلوة
هما هيدوقوا من هنا
و يروحوا عالإنعاش

هههههههههه

دمت سالم

................


فارس بلا جواد


هههههههههههههه

لية متشجعش
مع إني حاولت ابسط المواضييع

بالنسبة للفشل في الطبخ
منا هعمل نفسي مش واخدة بالي
و اقول الاطباق دية مستوردة
فالكلام مش هيجي عليا
هيجي علي بلاد برة
هههههههههههههههههههه


لووووووووول

دمت سالم

...............

سارة علي

انا فرحانة بكلامك دة جداً

و ان شاء الله نشوف الموضوع دة

نورتيني والله


دمتي سالمة

............


سومة مجنونة في بلد عاقل



خلاص المرة الجاية مش هعملها بصور

ههههههههههههه

مفهمتش اخر جملة

دمتي سالمة

..................

ورود و اشواك


تسلميلي يا رب
ان شاء الله هنحاول

ولا يهمك يا بنتي

دمتي سالمة

............

سلامٌ عليكم

 

ههههههههههههههههههههههههههههههههههههههههههههههههههههه

من هنا للصبح

بجد تحفة

اسلوبك روعة جدا

ولا الاعلانات ياخرابى

بجد بجد بوست هايل جدا

تسلم ايدك بجد

تحياتى

ايمى

 

يخرب بيت عسلك يا شيخة والله تحفة وزى العسل مع انك نسيتينى اصلا ازاى البوتاجاز بيولع بس ماشى تحفة تحفة تحفة

 

افادكم الله فدتتينى والله
ربنا يخليكى للشعب الغلبان
بس بصراحة عشرة على عشرة ممكن لو سمحتى
تعمللنا تورتة بقى

 

ههههههههههه
سيبك انتى من الطبيخ أنا أصلا ماليش علاقه بالمطبخ الأيام دى بس بجد الاعلانات اختراااااااااع جامدة مووووووت
بس تسلم ايديكى
السلام عليكم

 

emmy Baby


ربنا يعزك يا رب
مبسوطة اني ادخلت السرور و الضحك علي قلبك

نورتيني
دمتي سالمة

....................


انجي

:D

ههههههههههههه

هوه كان برنامج فاشل للدرجادي :D
انا اصلا فاشلة في الطبيخ
متاخدوش علي كلامي
دية هلاوس بصرية


دمتي سالمة

.................

نونو

اللهم امين

خدتي عني فكرة وحشة يا نونو
انا مش كدة خالص
:D

مليش في الطبخ اصلا

بس لو عملت كيكة هقولك
انما تورتة
صعب

دمتي سالمة

...............

بنت مصرية

يا بختك يا بنت مصرية

الاعلانات مش من اختراعي والللله

انها من الواقع الذي نعيشة
تجميعة يعني

دمتي سالمة

........

سلامٌ عليكم

 

emmy Baby


ربنا يعزك يا رب
مبسوطة اني ادخلت السرور و الضحك علي قلبك

نورتيني
دمتي سالمة

....................


انجي

:D

ههههههههههههه

هوه كان برنامج فاشل للدرجادي :D
انا اصلا فاشلة في الطبيخ
متاخدوش علي كلامي
دية هلاوس بصرية


دمتي سالمة

.................

نونو

اللهم امين

خدتي عني فكرة وحشة يا نونو
انا مش كدة خالص
:D

مليش في الطبخ اصلا

بس لو عملت كيكة هقولك
انما تورتة
صعب

دمتي سالمة

...............

بنت مصرية

يا بختك يا بنت مصرية

الاعلانات مش من اختراعي والللله

انها من الواقع الذي نعيشة
تجميعة يعني

دمتي سالمة

........

سلامٌ عليكم

 

ههههههههه انتى فعلاً مالكيش حل..هههههههههههه انتى منعكسه بحق وحقيقى..
تعكشه اسم على مسمى..انا بضحك من ساعتها..ههههههههه ماما واختى بيقولوا عليا مجنونه..
متاخدينى معاكى لفه نعكشينى شويه وادينى كورس..


بس ليا تنويه صغنتوت صغنتوت..
انا تخصص علوم اغذيه..
انتى ازاااااااااااى يا ست نعكشه تعملى المسقعه مشلوقه ومن غير توم..هو فى مسقعه من غير توم؟
يالهوتاااااااااى نعكشتى المسقعه..

وعلى فكره معلومه أخرى ميهمكيش حطى الملح قبل ما الميه تغلى لان اساساً الملح بيساعد فى سرعه الغليان..علشان الايونات الموجبه اللى فى الملح لما بتتحد مع عنصر الماء..و......
لأ انا هعقد بلاش ندخل علمى خلينا كدا احسن..


مدونتك جميله ورائعه يا نعكوشه..
تقبلى تحياتى ومرورى..

 

ميادة رفعت


شكلك ليكي نظرة فيما تقرأيه عن الشخص الذي تقرأين له


راعي يا ميادة اني مبعرفش اطبخ

انا قولت اعملهم اكلة
و خالي اساساً هوه اللي عمل المسقعة بالطريقة دية احتمال يكون حطلها توم وانا مش واخدة بالي

انا عملت المكرونةو الصلصة :D

و بالنسبة للملح افادكم الله
مع ان المعلومات الخاطئة اللي كانت عندي كانت ان الملح بيبطأ الغليان

تسلمي ربنا يخليكي يا رب

دمتي سالمة

سلامٌ عليكي