نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

تعالوا نحلم سوا

سلام عليكم
هوه البتاعة اللي جاية دية مش كل أحلامي
دية مقتطفات بس
لو حد عندو حلم
يدخل و يحلم معايا
برضو ينقد البتاعة اللي تحت فنياً لو نفسو يعني
اتفضلوا في الصالون
>>>>>>>>>>>>>>>>>>
تعالو نحلم سوا

تعالوا نحلم سوا

بمية و بحر و هوا

و سفينه عايمة بعيد

جاية معاها الدوا

يلا معايا نطير

ونعيش زي العصافير

كلنا في سرب واحد

ونحب بعض بضمير


من حقي احلم بتعليم
متطور راشد و سليم
ينمي عقلي و قدراتي
بدل نظام التحجيم



هحلم بطالب فرحان
وهوه رايح مدرسته
وكمان هيدرس قرآن
ماهوه منهجه و شريعته

تعالوا نحلم سوا
بمية و بحر و هوا
و سفينة عايمة بعيد
جاية و معاها الدوا

هحلم بمستشفى كبيرة
فيها staff من الخيرة
الغني فيها زي الفقير
هحلم كمان بمصانع
عمارات عالية و مزارع
وبلدنا يزيد فيها الخير

ويعيش شبابنا مستور

وبناتنا متجوزين

ونتاجهم ذرية صالحة

واعي ، عاقل ، كريم و أمين



تعالوا نحلم سوا

بمية و بحر و هوا

و سفينة عايمة بعيد

جاية ومعاها الدوا


بحلم يروح الظلم

والقوي يحمي الضعيف

وأطفالنا يعيشوا في بيوتهم

بدل ما يناموا عالرصيف


بحلم بماية صافية

وكمان هوا نقي

ونعيش بصحة و عافية

ومع بعضنا نرتقي


بحلم وانا مالي

ماقولنا نحلم سوا

مش هرضى انا بحالي

و هسعي اجيب الدوا


تعالوا نحلم سوا

بمية و بحر و هوا

و سفينه عايمة بعيد

جاية و معاها الدوا

بحلم عشانك يا مصر

في ناسك يا مصر

أنا بموت

دة انتي امي يا مصر

وخيرك عليا

ملهوش حدود

تعالوا نحلم سوا

بمية و بحر و هوا

و سفينة عايمة بعيد

جاية ومعاها الدوا

.................................

حكوك الطبع و النشل محفوسة لنعكوشة

في هذه المناسبة

سلام عليكم
باديء ذي بدء
هوه انا ملاقتش صورة تبعبر عن المنظر اللي الست اللي في البتاعة اللي تحت دية قاعدة علية
فاهوصفلكوا المنظر قبل ما تدخلوا القصة
هيا قاعدة علي فراش وثير ( حلوة وثير دية) المهم يعني و قاعدة بألاطة ( إلا صحيح يعني إية بألاطة في اللغة العربية) في أوضة ضلمة بس فية نور جاي من بعيد ساندة ظهرها مش قوي علي السرير يعني نايمة مش نايمة وماسكة في إيدها كوباية القهوة الساخنة
علي فكرة القصيدة اللي في الآخر هيا بالظبط القطعة النثرية
أدخلوا بقة في البتاعة
آه صحيح ( يا ريت نقد للعمل الفني (حلوة عمل فني دية والله آل يعني شكسبير) المهم يعني انقدوا البتاعة من حيث الكلمات و اللغة و الفكرة و الموضوع و كل حاجة بلاش بليز حلوة و مع السلامة أو وحشة كتر خيرك كدة عايزة نقد يا شباب ( الشباب شباب القلب و الروح) .
اترككم معها




ارتشفت قدح القهوة الذي أعددته خصيصاً لهذه المناسبة.
حاولت أن استمتع بالقهوة قدر استطاعتي فأنا لست من محبيها إلا أنني تصنعت الأستمتاع حتي وصلت إلي درجة الأستمتاع.........
أطفئت أنوار غرفتي إلا من نور أصفر خافت ينبعث من خزانتي التي تركتها مفتوحة .....
رحت اتأمل في تلك المناسبة تاركه لعقلي عنان التفكير.
لم أعلم بم أفكر أولاً و لم أجد الموضوعات المناسبة لحالتي المزاجية .
إتخذت عيني طريقها إلي مصدر الضوء ثم قالت : لم لا ترتدين ملابس تليق بهذه اللحظات...... ابتسمت ابتسامة رضا عن هذا الرأي...
رحت أقلب بين تنانيري و فساتيني حتي عثرت علي فستاني المفضل .. إلا أنه كان قديما ... و هذا هو المطلوب .....
ارتديت ملابسي و انتعلت حذائي ذا الكعب العالي- برغم صعوبة أن امشي به - ثم عدت مرة أخرى إلي سريري في نفس الوضع الذي كنت عليه
مددت قدمي بحذر كي لا تتسخ الملآة ... فتسآئلت وماذا سيحدث إن اتسخت ........ سأغسلها ........
مددت ساقي عليها بكل اعتزاز و رحت أفكر .
.
هل أكتب عن كيفيه استمتاعي بالقهوة برغم كرهي لها ..
.
أم اكتب عن حبي للنور الخافت برغم خوفي من الظلام .....
.
بل سأكتب عن قطتي التي تركتني من أجل أن تكون مع صديقها القط....
بدأت اتذكرني وقد كانت قطتي توقظني صباح كل يوم كي أحضر لها اللبن و بعد أن أقبلها أفعل لها ما كانت تطلبه مني تماما .
.
لا .. سأكتب عن تلك الورود التي كانت في مزهريتي طوال خمس سنوات و تخلصت منهم فقط منذ أسبوع....
يآآه . أذكر هذة الورود و المزهرية في أول مرة ألتقيت بهما ومدى اندهاشي و اعجابي بجمالهما . عاهدت نفسي ألا أتخلص منهم إلا أن ...
.
لا لا سأكتب عن تلك السيارة التي كانت ترافقنا في طريق ذهابنا و عودتنا من و إلي الحفل السنوي السابع لكُتّاب الجيل.
كم كان سائقها مريب حتي أنني كدت أن اتصل بأحد أقاربي إلا انني عندما وصلنا إلي البيت نزل من سيارته الفارهة و أقترب مني ... ارتعدت و سرت قشعريرة في جسدي فباغتني بقوله : أنا من بعث بالورود .... صرخت بعقلي و رسم وجهي إحساسي : ياآآآه أنت ..
.
ارتسمت بسمة و دمعة في آن واحد . ثم تنهدت قليلاً و عدت أفكر عن ماذا أكتب في هذة المناسبة..
.
علمت أنه يجب أن اكتب عنه
انطلقت علامات الرفض من عقلي ... لا . لا تفتحي هذا الموضوع في هذه اللحظة الممتعة .
.
قلت : و لم لا ، فبرغم كرهي له أحبه
وبقدر بعدي عنه أحس أنه بداخلي
وحتي حين تخلصت من قطته ووروده
ومن وجوده معي
جعلته بذلك يتملكني و يسيطر علي عقلي و تفكيري .
.
كنت قد اعتدت القطه حتى صارت مملة و لكني الآن في كل صباح أذكرها و اتمني لو تعود لتداعبني كما كانت تفعل و أذكره ايضاً.
كنت قد اعتدت المزهرية و الورود و صارت لا تليق بالوضع الجديد بغرفة المعيشة و بعد أن ألقيت بها صرت أحلم بها أن تعود و أحلم به .
كنت قد اعتدت وجوده معي في كل عام في هذه اللحظة .... يوم زواجنا ..... و صرت الآن اشتاق إليه و أشعل ذاك النور الخافت الذي يذكرني به و يعود بي إلي رومانسيتي القديمة.
.
احبه فقد علمني كيف استمتع بما لا احبه حتى احبه.
احبه فقد علمني أن الحب لا يجب أن يكون متبادلاً كي نحس بلذته.
احبه فقد علمني أن التمس السعادة في كل احوالي.
احبه ........... ولكني لا أريده.
.
نعم ساكتب عنه و عن قطته وعن زهوره و اعتزازي به و تقديري له فمن دونه ما كنت لأصل لما أنا فيه من الشهرة الأدبية و سأكتب ايضاً عن تلك المرأة التي سأشكرها فلولاها لما علمت أنه ما كان إلا ليستمتع بوجوده معي ولا يحبني فصرت أمقته ..... ولكني أحبه ... ولا أريده .
.
انتهيت من قهوتي . و نظرت في فنجاني فوجدت وجهه محفورا
و بقلمه قد خط سطورا
أقرأها . فأحن إليهِ
فأبحر . في بحر لُجّيٍّ مسجور
و أقاوم , و اصارع
و أقوي قلبي المفطور
وما أن ارسي بمركبتي
أتذكر ماضييِّ المدحور
فأهيم بوجهي ... و أضل طريقي
فأعود لأقرأ كلماته
وترشدني بنورٍ مسحور
وأضل طريقي
وترشدني
وأهيم
وبحار العالم صارت تعرفني
علمني حبه أن أبحث
و بنيتُ من بحثي قصورا
.............................................
.
حكوك الطبع و النشل محفوسة لنعكوشة

مورجيحة

حياتنا دية مورجيحة
حبة فوق

وحبة تحت
وحبة كدة عالريحة
.
تيجي تلاعبها .....تغلبك
ولما تسيبها تجري وراك
تبقي فلحظة... قريبة
و اللي بعدها مش سامعاك
.
ودوام الحال من المحال
ودة بقة اللي عليها أتقال
تجيبها كدة...تجيبها كدة
هيا كدة فكل الأحوال
.
,,,,,,,
.
كان في واحد حب حبيبته
عصى ربه علشانها بخيبته
.
ودة يا ترى جراله إيه؟؟؟؟
.
الدنيا ضاقت حواليه
ملقاش حد يشكيلوا همه
غير ربه اللي كان بيعصيه
.
,,,,,,,,,,,
.
ودة زعل مامته وباباه
مامته إللي قعدت ترعاه
تفضل تسهر
تربي تكبر
وده يتكبر
مش راح ينسي الدمعة ديه
.
و دة يا ترى جراله إيه؟؟؟
.
أولادو انقلبوا عليه
فكر يطلب منها تسامحه
بس خلاص
راح أبويه
.
و حياتنا دية مورجيحة
حبة فوق
و حبة تحت
وحبة كدة عالريحة
حكوك الطبع و النشل محفوسة لنعكوشة

أنا بشر

البتاعة دية كتبتها عني ( صحيح هيا اسمها إية شعر لا مش ماشية علي بحور ومش خواطر لاني ماشية علي أوزان اومال اية؟؟؟)
يا ريت تنقدوا البتاعة اللي تحت
تقولوا مواطن الجمال ( كل واحد ليه وجهة نظر في اللي بيقراه)
ومواطن الضعف( هتلاقوا منها كتير)
كان مفروض توزينيها كدة
انتي كدة مش صح عدلي من نفسك في كذا
بلاش" حلوة و مع السلامة "
قشطة
اسمها أنا بشر

أنا بشر

مليانة عيوب

بخطيء و اتوب

و اروح لربي

علي قلبي ذنوب

و اسجد و اقول اغفرهالي

.

انا بشر

لو يوم عليت لحد السحاب

او يوم قدرت امسك شهاب

وبعيني شوفت وسط الضباب

ارجع و اقول

انا من ترااااااب

.

أنا بشر لما بغضب غضبي جامح

وبتتبدل كل الملامح

وعيني بتطلع شرار

بس في الآخر بسامح

(طب بعد اية)

.

أنا بشر

كتير قالولي: متكبرة

وإني كمان مبذرة

أصرخ و أقول لأ، مش أنا

مع إن جوايا متحيرة

.

أنا بشر

مجنونة آه لكن بفكر

عقلي صغير

شكلي مبعجر

والناس كلها حاساهم سكر

.

أنا بشرساعات كتير لوحدي ابكي

من غير مناسبة و افضل اشكي

يا شيخة روحي اتنيلي

آل كتبالي قصيدة عنكِ

أنـــــــا بــــــشـــــــــــر

.

حكوك الطبع و النشل محفوسة لنعكوشة

ساعدوني يساعدكم ربنا :(

سلام عليكم
خلاص تم حل المشكلة تسلموا علي جهودكم معانا ربنا يخليكوا يا رب و يفتح عليكو
ويكرمكوا
ويعزكوا
ويطعمكوا ما يحرمكوا
و يقويكوا علي مين يعاديكوا
آمين
تحديث هذة الصورة تعبر عن الموقف




عند استفسار؟؟

وانا رايحة انزل بتاعة جديدة عشان انهاردة خلصت امتحان لارمد بقة
حلو وحش مش مشكلة المهم هم و انزاح ( لسة شفوي و عملي يا فالحة)
المهم

وانا جاية انزل رسالة جديدة

لقيت البتاع بتاع الرسايل مفيهوش الالوان
ولا التكبير
ولا نوع الخط

ولما جيت انزل صورة
حولها لطريقة html <<< مش هيا صح كدة وبما إني ضليعة في لغة الكعبروتر فانا معرفتش انزل حاجة وقولت أسئل المسؤولين لذا اناشدكم يا اصحاب القلوب الرحيمة ان تقولولي كيف ارجع امكانية استخدام الالوان وعدم استخدام طريقة html ........... محلوظة روحت للتعليمات Why don't I see all the text formatting buttons? وقام قالي مشكلتين يا إما البراوزر بتاعك مبيظهرش البتاع دة ( ودة لأ لاني كنت بشوفوا قبل كدة و بستخدمو) يا إما ( انتي مش عاملة yes في الكومبوز ) If you are using a supported browser, make sure that you have the Compose Mode option set to "yes" on the Settings Basics tab. Then your posting form will show both Edit HTML and Compose tabs. The Compose tab contains all the formatting options.

و صراحة معرفتش البتاعة دية فين

لو حد عارف يقولي

ودمتم سالمين
جزاكم الله خيرا
نقلاً عن حالتي وانا عالجبهة قصدي وانا بزاقر - هيا كدة بالقاف مش هينفع غير كدة - إليكم بتاعة ألفتها
ولحنتها
ومكنش فية ألات موسيقية بس برضو عزفتها
و ف الاخر غنيتها
إنها من عمق الحدث
...........
هذه المخطوطة قبل اجتياز امتحان الكوميونتي( طب المجتمع) بعدة أيام >>>>




BE Away From Meeeee


when it start , i start
i separate a part
my mind goes so CRAZY
Stess is hurting me :(
Please don't come closer
or i'll Hurt you Too
<<<<<<

i GRIP my hair
i BITE my nail
i SHAKE my hands and legs
and i start Crying
.
Oh you don't DARE
be away from ME
and set me FREE
or you'll be DYING
,,,

if you want one to share your Love DON'T fitch me in this situation
i be cute and calm when am relaxed and there is VARIATION
BE
AwAy
From

Meeeeeeeeeeee