نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

ساكت و صابر يا خشب

كيف الحال؟
هوه أنا عايزاكوا تنقدوا - المضمون- قبل الوزن و القافية وا لحاجات دية لإنها أغنيه فمعتقدش و يمكن أعتقد إن ممكن
ولا أقولكوا
إنقدوا ال- مضمون - و طريقة العرض و الاسلوب
المهم انقدوا
اسمها خشب

خشب
كان نفسي أبقي زي الخشب
بعنين خشب
قلب خشب
قالولي أصلك محسودة .... مسكت الخشب
قالولي طريقك مسدودة .... قصفت الخشب
قالولي مالك مهدودة .... كسرت الخشب
قالولي حبالك مشدودة .... قمت و مزعت الوتد
ماهو خشب

فتحت عيني .. لاقيت أبويا بيقولي

الوردة دية .. من الشجر

و الشجر هوه الخشب

إداني الوردة و قالي ... الوردة دية للقمر

بصيت لفوق و رميتها

رجعتلي تاني قام قالي

القمر بعتها للقمر

.

واتبدل الورد بخشب

وكله كان و كان و كان و انكتب

و كله ذهب

لأ مش دهب بس ذهب

يا عيني لما نفتكر ساعة فراق و ساعة حنين

تيرا را راااااا

وتنزل دمعة من عنينا الحيرانين

دمعة ألم ....... دمعة أنين

علي سرير من خشب

و لما كنا بنتزحلق زمان زمان في بيتنا الكبير

علي السلم الخشب

و نتمرجح و نطير و نطيـــــــــــــر

علي مورجيحة من خشب

فين المورجيحة و السلم يا خشب

.

تعبينك معانا والله .. يا خشب

كتبنا بيك و بنبريك و مستحملنا يا خشب

عايش معانا يا خشب

شايف حياتنا يا خشب

ساكت و صابر يا خشب

كان نفسي ابقى في صبر الخشب

او قلبي يبقى ... لون قلب الخشب

و عيني تقسى ... زيك يا خشب

آآه يا خشب

..................................

حكوك الطبع والنشل محفوسة لنعكوشة

61 قالوا رأيهم في العك اللي تحت ؟؟؟:

اول تعليق
هييييييييييييه
كل ده للخشب

صراحه فكره جديده ومبتكره
والفاظك دقيقه جدا وواضحه
تحياتى

 

فارس بلا جواد

ما هو سر الفرحة إن حضرتك أول تعليق ؟؟؟؟

المهم

هيا مش جديدة قوي
أنا مرة قريت حاجة عن الأبواب
بس مكانتش اغنية

ممم

تسلم

دمت سالم

 

فعلا البوست عجبني اوي
اد ايه الخشب بيستحمل

انا اسفة جدا يا
نعكوشة انا عارفة
انك معرفتيش تقري الموضوع
الاخير في مدونتي كان في خطا
و صلحته اتمنى تشوفي

تحياتي

 

تيرا را راااااا

هههههههههههههههه

هو احنا فينا من كده


يعني ايه بقة ان الكلام ده كان اغنية؟؟

وبالنسبة لردك على : فارس بلا سكوتر
فالابواب.. ممكن يكون قصدك:الابواب المغلق لصلاح جاهين


بالنسبة للنقد فانا ماليش فالنقد...لاني بكتب زيك (او اقل منك) بس انا بيعجبني اللى انا بكتبه حتى لو مابيعجبش الناس

قولي رخامة
قولي غرور
قولي دبشة
قولي سلاام

 

نعكشة ازيييييييييييييييك
بلاش الخشب عشان
بيولعو فية و بيحرقو و بيقطعو


بس الكلام حلو

 

عاشقة الحب

قد إيه حاجات كتير بتستحمل و احنا مش واخدين بالنا منها
و قد إية في ناس بتستحمل وانا ولا حاسين بيها

هروح اشوفوا يا عاشقة
مفيش اسف بين الاخوات يا بنتي
تسلميلي يا جميلة

دمتي سالمة

..............

آدم الغامض

الكلام أغنيه يعني فيه كلام يليق مع طريقة القول و الاغنية
وتحس لما تيجي تقراة من غير ما يكون في اغنية إنه مجرد كلام بيتقال
بس الاغنية انا اللي مألفاها يعني

وفيها مقاطع كتير اللحن فيها مختلف الاخري
يعني المقطع في ( ياعيني لما نفتكر ساعة فرا) دية بطريقة كدة حزينة
و فتحت عيني لاقيت ابويا بيقولي و الحتة بتاعة الزحاليق دية بتتقال بفرحة

عشان كدة كنت عايزة اسمع نقد علي المضمون اكتر من الوزن و القافية و الحاجات الادبية دية

بالنسبة لردي علي فارس بلا جواد

قريب قبل كدة قصيدة لأمل دنقل ( طبعاً طبعاً طبعاً مع الفرق الشاسع بينا هوه شاعر ماشاء الله فظيع ولانا بطيخة يعني
المهم كان كاتبها عن الزهور

و قريت كلام مكتوب مش قصيدة ولا ي حاجة عن لاابوا و دة مقطع من الكلام


الابواب



(1)
(كُنّا أسياداً في الغابة.
قطعونا من جذورنا.
قيّدونا بالحديد. ثمّ أوقفونا خَدَماً على عتباتهم.
هذا هو حظّنا من التمدّن.)
ليس في الدُّنيا مَن يفهم حُرقةَ العبيد
مِثلُ الأبواب !
(2)
ليس ثرثاراً.
أبجديتهُ المؤلّفة من حرفين فقط
تكفيه تماماً
للتعبير عن وجعه:
( طَقْ ) ‍!
(3)
وَحْدَهُ يعرفُ جميعَ الأبواب
هذا الشحّاذ.
ربّما لأنـه مِثلُها
مقطوعٌ من شجرة !
(4)
يَكشِطُ النجّار جِلدَه ..
فيتألم بصبر.
يمسح وجهَهُ بالرَّمل ..
فلا يشكو.
يضغط مفاصِلَه..
فلا يُطلق حتى آهة.
يطعنُهُ بالمسامير ..
فلا يصرُخ.
مؤمنٌ جدّاً
لا يملكُ إلاّ التّسليمَ
بما يَصنعهُ
الخلاّق !
(5)
( إلعبوا أمامَ الباب )
يشعرُ بالزَّهو.
السيّدةُ
تأتمنُهُ على صغارها !
(6)
قبضَتُهُ الباردة
تُصافِحُ الزائرين
بحرارة !
(7)
صدرُهُ المقرور بالشّتاء
يحسُدُ ظهرَهُ الدّافىء.
صدرُهُ المُشتعِل بالصّيف
يحسدُ ظهرَهُ المُبترد.
ظهرُهُ، الغافِلُ عن مسرّات الدّاخل،
يحسُدُ صدرَهُ
فقط
لأنّهُ مقيمٌ في الخارِج !
(8)
يُزعجهم صريرُه.
لا يحترمونَ مُطلقاً..
أنينَ الشّيخوخة !
(9)

فيه باقي
لو حضرتك عايزة ابعته لحضرتك

انت يا سيد يا محترم

أنا بقول لحضرتك إية رأيك في المضمون
تقولي أنا بيعجبني إللي انا بكتبه

أنا مبتكلمش عن حضرتك دلوقتي

إيه رأيك في مضمون البتاعة اللي انا كاتباها

بسسسسس

دمت سالم



................

مواطن مصري

ماهو كل دة و مستحمل يا مصري

تسلم
ربنا يكرمك

دمت سالم

.............

سلامٌ عليكم

 

الخشب محظوظ
اشمعني الخشب يعني اللي اخترتيه ؟

هو علي العموم بيدل علي الزهد والصبر
وبوذا كان بيحبه

اه يا خشب
اه يا خشب

تحياتي

 

احب احيّ اثنين :

الاول : نعكشة بمناسبة النجاح .

الثاني : الخشب بمناسبة كتابة شعر فيه.
مش ده كان شعر برده ؟
طبعا بهزر هههههههههههههه

دمتي سالمه

 

حلو اوى البوست


و ذكرتى تفاصيل كتيرة عن الخشب ...


بس فكرة انى ابقى زى الخشب صعب لان الخشب

جامد لا يتحرك لا يتأثر بالمحيط ...


يعنى لما ابقى خشب ابقى متبلد الشعور ..

 

أولا أحييك على المدونة عجباني جدا وكمان عجبني أوي إن الناس المنعكشة ممكن تنجح بس بعد مجهود.

ثانيا، فكرة حلوة أوي وأنا بحب الحاجات غير التقليدية، كلامك جميل

تحياتي

 

ايه يا عم الكلام الجامد دا؟
بجد روعه

 

جميل اووي
يانعكشة

انا نفسي اعرف ايه علاقة الخشب بالحسد

لا بجد دا موضوع شغلني جداً

 

كوشيا

محظوظ ؟؟؟؟

مش عارفة اختارته ليه
بس هوه دة الي حسيت بيه

ساكت و صابر

آه يا خشب

دمتي سالمة

..........

أسلام ( انت وصاحبك)

الله يبارك فيك يا رب

شعر ولا دقن :D

دمت سالم

............


عمرو وجيه

اعتقد ان حضرتك عرفت مقصدي من البتاعة

دمت سالم

...............


الموج البنفسجي purple waves

تسلمي ..... فعلاً محتاجين مجهود اكبر
لإن في كل مرة تقريبا بيبدأوا من الأول
لإن اللي فات بيضيع منهم بسبب النعكشة و الأهمال

ثانياً تسلمي برضو
بس مقولتيش إية احساسك المنبعضث من الفكر المترائي في سماء المستقبل

بهرج
دمتي سالمة

................


الموجة الزرقاء

روعة من أنهو اتجاة؟؟؟؟

دمت سالم

............


سلامٌ عليكم

 

كاتشب

مش عارفة صراحة

يعني هوه إيه علاقة الحسد بالخرزة الزرقا وا لكف

أهي كلاها تقاليع و عادات
فقط لا غير


دمت سالم

 

مدونتك جميله جدا , واسلوبك حلو اوي بصراحه انا بحب البسطه و التلقائيه في الكلام

دي اول مره ادخل مدونتك يا ريت تفبليني ضيفه خفيفه و تشرفي مدونتي المتواضه بالزياره

 

نعكوشه الجميلة
الف مبروك النجاح عقبال البكارليوس
عجبتنى الفكرة جدا

عايش معانا يا خشب
شايف حياتنا يا خشب
ساكت و صابر يا خشب

حلوة قوى السطور دى انا الفكرة طبعا عجبتنى بس ماليش فى الاوزان والقافية والكلام ده
بس لازم تتقبلى النقد عن الحاجات دى لانك كده هتتحسنى وتوصلى الى مرحلة يبقى كله تمام وادينا كلنا بنتعلم
تحياتى يا نعكوشة

 

آلاء

تسلمي يا قمر ربنا يخليكي
و شرفتيني يا فندم
وتسلمي عالدعوة

دمتي سالمة

...........

جنة

الله يبارك فيكي يا رب

طيب جميل

لأ هوه مش فكرة انا مش متقبلة النقد
أنا بحب النقد جداً

بس الفكرة إني هيا اسلوبها أغنية
فمش هتحسي نغمتها إلا لما تتغنى
فاهماني؟؟

بس لو حد عايز ينقد طبعاً انا انا برحب بالنقد اصلا

دمتي سالمة

..........

سلامٌ عليكما

 

لا لا لا بجد انت طلعتى جامدة جدا يا بت يا نعكوشة انت ...........
حلوة اوى بجد اكتر حاجة عجبتنى انك شايفة الخشب من كل ناحية مش قاسى بس ومش قوى بس ومش صابر بس لا دة كل دة مع بعضه..........
جميلة بجد بجد

 

يا ريتنى كنت نجارة ... حبيت الخشب فجأة كدا
بجد بوست جميل و اسلوب رايق و راقى
تحياتى

 

بجد يعنى كلماتها حلوه قوى
وفكرتها جميله

واطمنى المضمون جااااااااااامد

تقبلى مرورى

 

عارفة الخشب بيعملوا منه حاجات كتير قوى بس عمرى ما حسيت بقيمتها غير لما قريت العك بتاعك ده

متزعليش من كلمة العك ما هى بتاعتك برضو

المهم

حلو الكلام دة يا قمر

تحياتى

 

كلام جميل يا نعكشة
و مضمونه واضح
و ياريتنا بجد كنا خشب عشان نقدر نتحمل الدنيا دى
بس انا شايفة ان الوزن بس عندك عايز يتزبط شوية
و القافية عايزة تبقى مسافاتها اوسع
يعنى مثلا تحاولى تفصلى بين السطور اللى بتحمل نفس القافية بسطور قافيتها مختلقة علشان تبقى اسهل على القارىء و تبقى ممتعة اكتر

بس كلام جميل و رقيق و برىء زيك بالظبط يا نعكوشة


و انا مش ناسية الواجب و الله بكرة حيكون على مكتبك او النهاردة لو قدرت لانى جاية ميته من برة


ميرسى يا نعكوشتى

 

حلوة وغريبة
يعنى فكرة جديدة ودا حلو انك تكون قادر على الابتكار ومفرداتك حلوة
بالتوفيق يارب

 

فكره جميله فكرة الخشب دى

بس أنا لما بنظر للخشب زى ما انتى نظرتى اليه بشوف أن الخشب ده بينضرب بيه أطفال فى عمر الزهور فى ورش النجاره وملهمش ذنب

بينضرب بيه أطفال من الجلادون فى المدارس الإبتدائيه

بصراحه الخشب موضوع كبير وعلى رأيك آه منك يا خشب

مصطفى

 

انجي

سعيدة إنها عجبتك

دمتي سالمة

.................


دينا

هههههههههه

تسلمي ياق مراية

نورتي يا جميلة

دمتي سالمة

...................

مواطن زهقان


طيب جميل الحمد لله

نورت يا فندم

دمت سالم

...............

التنين المحارب عرفة فاروق الاسيوطي

سعيدة غن فيه حد نظرته اختلفت للأشيءا نتيجة قراءة حاجة كتبتها

دمت سالم

................



ورود و أشواك

فيه ناس صبرهم و جلدهم احسن من الخشب بكتير
و برضو عندهم أحاسيس
الفكرة اني خلاص كرهت احاسيسي
يلا الحمد لله

بالنسبة للوزن و الحاجات دية

لما تيجي اونلاين هسمعهالك
دية اغنية
وتقوليلي ساعتها رأيك

دمتي سالمة

.................

نهر الحب

تسلمي يا جميلة

هيا ليست بفكرة جديدة
زي ما قلت قبل كدة و حضرتك لو قريتي التعليق التاني ليا هتلاقينا حاطة ناس كاتبة عن الابواب
و الشاعر أمل دنقل كان كتب عن الزهور من رؤية مختلفة

طبعاً انا لا أقارن بأي من الاتنين دول
بس يعني الواحد لسة معملش حاجة اصلا

بالمناسبة انا بنت مش ولد

دمتي سالمة

.............

فتى مصر egyboy

هوه الخشب قالهم خدوني أضربوا بيا
ماهو ساكت وص ابر برضو
بالرغم من اللي بيعملوه فيه

بس جميل إنك شايف الخشب من الاتجاة دة

ليك رؤية مختلفة
ودة كويس

دمت سالم

.............

سلامٌ عليكم

 

نعكشة
متخليها احسن طرقك مسدودة مش طريقك دي هتبئى مظبوطة اكتر

بس حلوة اوي الصورة بتاعة الوش دي ماشية كمان مع الكلام جامد
ولا ماقولكيش بئى لما تسمعي الاغنية دي وهى اللي بتغنيها ناسية اللحن زي العادة
عرفاها
نياهاهاهاهااااااااااا

 

ياااااااااه ده الخشب طلع مهم قوي وانا ماكنتش اعرف
بجد دمك زي العسل .. كفاية بس تيرارارارارااااااا
هههههههههههههه .. حلوة القصيدة دي الواحد يقولها لحبيبته ويصنفرلها وشها بعدها والدنيا تمطر عليهم نشارة خشب
هههههههههه باهزر
بس بجد عجبني المزج ما بين الشعر الجاد والكوميديا .. والشعر حلو بجد او علي رأيك البتاعة دي حلوة

 

يا بخت الخشب
اول مرة اشوف حد بيتغزل في الخشب كدة ..هههههه
بقى الوردة طلعت خشب..سبحان الله
على فكرة انتي تنفعي تكتبي اغاني مش شعر
وياريت بقى تشوفي حد يلحن اغنية الخشب دي علشان تنافس اغنية العنب واغنية الخضار..هههههههه

تحياتي
وسلامون عليكم

 

كتبنا بيك و بنبريك و مستحملنا يا خشب


رااائعة بجد يا نعكوشة
مكنتش اعرف انك شاعرة جامده كده

تحياتي ليكي يا قمر

 

حقيقي مش قادر أوصفلك فرحة المكتب والكرسي اللي أنا قاعد عليه أد إيه
دابيعيروني دلوقتي بأهميتهم
بس إنت موضحتش نوع الخشب اللي نفسك تكون زيه بس يا رب ميكونش أبلاكاش

هه ^_^ هه ^_^ هه

إسلوبك في توصيل المعلومة جميل وتنفع معلم وهتكون شاطر كمان

تمنياتي بمد عرق خشب زند ما بين المدونتين لدوام التواصل

سلامي وإحترامي

 

نورة الخشن

مظبوطة اكتر من حيث المعني ولا الوضع في الجملة؟؟؟

اتفضليها
all yours

هوه أنا خرفت في دية كمان :D

لووووووووول

دمتي سالمة

..................

فارس بلا جواد

ههههههههههههه حلوة يصنفرلها و تمطر نشارة خشب


برغم اعتراضي علي كلمة شعر بس تسلم

دمت سالم

...................


في حب مصر

مش عارفة مش حاسة اني تغزلت في الخشب
أنا شايفاة من منظور معين بس

هيا بالفعل اغنية
بس ممكن تقول إني انانية
ولا عايزة أنا اغتيها بنفسي و لا عايزة حد يغني الاغاني بتاعتي غيري
وبما اني مش هغنيها
فهتندثر


خير خير

دمت سالم
................


اسراء حامد

ولا شاعرة ولا بتاع
هيا شطحات كدة


دمتي سالمة

...............


الهواء البارد cold air


:D اي نوع اهو كلها شجر

ينهار ابيض
معلمة مرة واحدة
اعتقد اني آخر واحدة انفع معلمة و إني اوصل افكاري لحد


ان شاء الله
دمت سالم

سلامٌ عليك

 

بصى ياست نعكشة انا هصلحلك فيها حاجات صغننة خالص اوك اتفقنا

مسكت الخشب قالولي (طريقك )مسدودة
المفروض طرقك مسدودة مش طريقك مسدودة

ماشى وبرضه انتى حاطة عامية مع فصحى ده غلط اكيد زى ايه بقى
.... قصفت الخشب مزعت الوتد

عل العموم مش عايز وش خشب بقى

بس هى جميلة والله ودى ملاحظاتى بس

تحياتى ليكى

 

أولا : عجبتني نعكشتك يا نعكشة .. أنا اصلا بحب النعكشة والمنعكشين عشان مختلفين .
ثانيا : هقولك رأيي الشخصي المتواضع جدا الّذي يحتمل الصواب أو الخطأ طبعا ..
الكلام حلو وتمام .. بس خليه كده .. مش لازم يبقى أغنية ..
يعني المضمون جميل جدا .. الوزن فيه حجات واقعة لو هتبقى أغنية .. الموضوع مختلف .. يعني فيه ناس نفسها يبقى قلبها زي الحجر .. الخشب غير ...
بس على فكرة الخشب مش صحب يتكسر ..
الفكرة بقى فيه حجات وصلتني بسهولة وحجات لأ .. بس ديه حاجه بتختلف من واحد لتانى .. يعنى ممكن تكون وصلت لناس تانية ..
بس بشكل عام كلامك جميل ..
لك طبعا ان تتقبلى او ترفضي كلامي ..
مستنية جديدك .

 

محمد مدحت

حضرتك تقصد لغوياً؟؟؟

طيب هوه مش الحرف مذلاً ممكن اقول هذه الصاد و هذا الصاد

مش فاكرة خدتها في تالعربي ولا إية انهم بيؤنثوا و يذكروا عادي

لو ممكن تذكرني بالقاعدة لو تفتكرها بس ممكن نقول طرقك بس هتبقي صعبة في النطق علي الأغنية

بالنسبة للعامية و الفصحي

اعتقد ان مزعت انا ساعات بقول إيدي اتمزعت
او البتاعة اتمزعت مش عارفة بس اللفظ دة بستخدمه في الطبيعي بتاعي

و القلم اتقصف و تقصيف الخشب اعتقد ممكن يحتمل العامي و الفصحى

هوه مبيبقاش وش خشب عندي
بيبقي وش بلاستك
ههههههههههههههههههههههه

تسلم يا رب عالملاحظات و منتظرة الجديد من حضرتك

دمت سالم

..............

فانيليا vanilla

نورتيني يا فندم
أولاً : هوه انا مبحبش النعكشة برغم من سيطرتها عليا بس أنا مبحبش نفسي كدة ( سكيزوفرينيا) لوووووووووول

ثانياً: بصي هيا ماشية معاية اغنية يعني لو سمعتيها هتحسيها
بس عامتاً لو مش عاجباكي اغنية يا باشا متعمليهاش اغنية دة براحة سعادتك
بس أنا اصلا مألفاها أغنية :D

أنا نفسي قلبي يبقي لون قلب الخشب = أبيض

عيني تقسي زي الخشب

علي فكرة الخشب ساعات بيأن ( أنين الخشب)
بس صابر

يا ريت تقوليلي إية اللي مفهمتيهوش لو عايزاني اوضحهولك

نورتيني مرة أخري

منتظرة نقدك

دمتي سالمة

...........

سلامٌ عليكم

 

هو احلى حاجة فى الموضوع انه جديد وخاصة ان محدش اهتم بيه ولا افتكره قبل كده

 

نسيت اقول حاجة كمان
عاجبنى اوى تيرارارا اللى جت فى النص

 

ايه الكلام الزان ده....ااقصد الموزون ده
لا بجد بجد حلو اوى يا نعكشة

 

يا نهار خشب
يا نعكشة اية الخشب دة كلة
بس حلوة اوى جميلة اوى
بتمس القلب بشكل جامد جداا
دومتى مبدعة يا نعكشة

 

جميل مش وحش كلماتك حلوة ولو اهتميتى اكتر هتكتبى احلى ربنا يوفقك عندك الموهبة بس انت مستهونة بيها وياريت تنورينى وتشربى الشاى عندى فى كوباية خشب ههههههههههه مستنياكى

 

موناليزا

هههههه

هوه انا قلت قبل كدة إنه مش جديد ولا حاجة

و اتفضلي تيرارارا المرة الجاية

ههههههههههههههه

دمتي سالمة

.............

شفقة هانم و احسان بيك

تسلموا
دمتما سالمين

...........

نونو

اهو يوم الخشب بقة
نديله حقو شوية

بكرة هعمل عن الاسمنت و الحديد لوووووووووووووووووووووووووووووول

تسلميلي

دمتي انتي سالمة

............

توتة

تسلمي ربنا يخليكي
وان شاء الله نهتم
منهتمش لية احنا ورانا حاجة

ههههههههه

تسلمي عالدعوة

دمتي سالمة

.................

سلامٌ عليكم

 

هما زمان ما بين 650 - 700 ولا واتفر كان عندهم رصاص؟؟؟
يعني كانو متطورين للدرجادي في المدينة التائهة
اعتقد ان الرصاص و الحاجات دية كانت ما بعد 1800 و 1900 وانت طالع
ولا هيا المدينة التئهة دية مختلفة يعني
--------------------------------------
لا مش مختلفه ولا حاجه لو تفتكري في الفصل الاول انا قلت كان جده السادس يعني جد انتروفك السادس وقاهر صاحب الضيعه ابن انتروفك(وهذا سيظهر في الفصل الثالث)يعني حفيد المدلك السابع لو حسبنا حسبه بسيطه ان بين كل جيل والثاني حوالي 30سنه فيبقي 30*7=210سنه يعني الاحداث التي تدور في الضيعه تدور حوالي سنة 1860
------------------------------------
تعليق عشان كنت افهم الحوار اللي في الاول قعدت اصحصح و شدد في تلابيب عقلي ( معرفش اللي هيا إية)

لية متحطتش مثلاً
- امازلت تخشي قوانينهم
= عد إلي عملك

يعني حاجة تفرق إن اللي بيتكلم الاول هوه هوه اللي في السطر الرابع
وان فيه حد مثلاً دخل في الحوار معاهم
بدل ماهي سايحة كدة
-----------------------------------
ده تشظي ذات في ذات عباس تحول عباس لروحين روح متمرده وهي التي سيطرت وروح خانعه يعني الحوار كان داير بين اثنين
----------------------------------
عجبتني الحركة انه سابهم يقولوا طلباتهم بعد كدة موتهم
يعني سابهم يفضفضوا برضو اومال إية
ههه
------------------------------------
هيه دي الديمقراطيه
------------------------------------
سؤال بس

ليه الأخ سليم دة ضميره صحي فجأة كدة و الراجل اللي لسة عايش فضل شايلة عشان يعالجة
مصعبش عليه الباقيين اللي ماتو

يعني سليم دة تبع الحرس ( نافع و شركاة)
ولا تبع الناس اللي شغاليين في الحقل ( عباس - الله يرحمه- و شركاه)
-------------------------------------
هو مشالوش علشان يعالجه شاله علشان يرميه في البحر تحت جلد سياط نافع
اه تبعهم وهو هيكون له دور مهم في الروايه دور مهم جدا
------------------------------------
سؤال أخير
هيا دية المدينة التائهة؟؟؟
------------------------------------
اه هي المدينة التائهة
شكرا لرأيك واهتمامك
دومتي بخير
مودتي وتقديري

 

يعني ف يالفصل الاول كان حضرتك بتحكي عن الماضي السحيق للعائلة

استني طيب معايا معلش

دلوقتي
------------------------
اه
----------------------

اللي هوه جدة السابع كان زمان
و الاحداث اللي حدثت في القصة الاولانية
من قتل للأمراء دة كان في 1960 ولا كان 1850 ؟؟؟
انتروفيك واللي اتفقتلوا و الحاجات دية كانت زمان ولا دلوقتي
---------------------------------
كان حوالي 1660
انتروفك والد قاهر يعني قولي كده قبل احداث التمرد بـ30سنه
-------------------------------

انا محستش ان اختلاف السنين دة حدث في الفصل الاول
او حضرتك ماشرتش الية
او انا مفهمتوش
----------------------------------
اشرت اليه في السطر الاول حطت رحالهم هناك ما بين عامي 1650و1665 وده كان التاريخ اللي وصلت فيه عائلة المدلك لبلاد ما وراء الجبل ثم تمكنهم من الاستيلاء علي الحكم
وقلت كان جده السادس
واشرت في حديث زارونكي لـ(انتروفك) عندما كان يحدثه عن جده وكيفية استيلاءه علي العرش
----------------------------

يعني طلع ف يالاخر عباس بيكلم نفسة

يا حلاوة

طيب كويس
----------------------------
تصوري
----------------------------
وبالنسبه للقصيده او الاغنيه بتاعتك انا قرأتها اكثر من مره محستش انها تنفع اغنيه بالرغم من ان عندك امكانيات كتابة اغنيه بس اهتمي بالموسيقي اكثر كتابة الاغاني 50% منها صنعه حاولي تتمكني من الصنعه دي
وفقك الله وشكرا لأهتمامك واتمني ان الروايه تكون عجباكي
دومتي بخير

 

انتى مصدرة الوش الخشب لينا فى البوست ده كده ليه ؟
حاسس ان تيرارارااا دى وقت ما كتبتيها كانت كوباية شاى بتنزل قدامك ، فاندمجتى ورحتى مديانا حتة تيرارارااا
كوباية الشاى نزلت قدامى
هيلا هوبا النوبا كونبا
ههههههههه
تحياتى دائما

 

انا قصدي انك كويسة انك بتهتمي برأي الناس


بس انا كويس برضه عشان مابيهمنيش راي الناس... لاني ببساطة لما بكتب حاجة بعملها لنفسي (رياضة ذهنية) فمش عايز حد يقولي السجع زيادة شوية ...المعنى سطحي..مش بيفرق معايا الكلام ده طلاما انا مبسوط

Kun Min
هو ده شعاري..مع احترام الناس التانية

 

بلا قافية بلا وزن
انا مش بفهم غير ان كلامك كله احساس ووصل لحد قلبى وعجبنى جدا
بجد عجبنى
خاصة ان انا شغلى كله مع الخشب بأشكاله والوانه وانواعه
وانا بحب الخشب جدا
هايل يا دوك

 

محمد حلمي مخلوف

أنا اصلا مألفاها علي انها اغنية
مش كتبت الكلمات و بعدين لحننتها
فهي اغنية يعني اغنية

هههههههه

دمت سالم

.............


استراحة محمد

تصدق مبشربش شي وانا بألف

المرة الجاية هخلي الشاي ينزل
لووووووووووووول

دمت سالم

..............

آدم الغامض

يا سيدي طيب

انت اية رايك في البتاعة
مبتحبش كمان تقول اذا كانت جيدة لوا سيئة؟؟؟

دمت سالم

..................

سبهللة

بما انك بتشتغلي في الخشب
وبما انك بتحبي لخشب
وبم انك حسيتي بيها
فانا اهديها إليكي

دمتي سالمة

............

سلامٌ عليكم

 

عايزاقثولك يانعكشة
انسي اللي كان من الأسي
لسة الحياة رغم التاعب
مليانة حاجات كويسة

ومش عجبي

 

بونجورنو سينيوريتا
الا بصحيح الخشب اللى انتى اتكلمتى عنه ده
نوعه ايه بالظبط بلوط ولا ابلاكاش
بصى اهم حاجه المتانه والممنشار ما بيكدبش
حلو اوى البوست ده
بس ليه فى شويه حزن
خليكى كده فرحانه علطول يا خشب
منتظر تشريفك
خالص تحياتى
الباش مهندس بوحميد

 

المضمون حلو:)))

 

الله
الله

بجد .. تسلم إيدك يا دكتورة ..

 

لأ بجد ..

شكرا قوي لأني لقيت حاجة زي كدة هذا الصباح

 

نعكشة

تصدقي الخشب مستحملنا كتير ... فعلاً يا ريتنا كنا خشب كان زمانا على الاقل مستحملين الوضع الاسود اللي احنا فيه

ربنا يرحمنا ويرحم الخشب يا أنسة "خشب"

سلاموز بقي

 

فكرتيني بصفاء ابو السعود ...مع اني خشب في خشب في خشب انما استاهل تقلي خشب

 

*#@&%^
بشخبط بقا :P
اه يا خشب اه با خشب اه
بس حلوة

 

آه يا خشب
حلوة:p:

 

إيه يا نعكشة كل الخشب ده؟؟

جميلة اوى بس بقولك إيه .. خليكى أه زى الخشب قوية ومتحملة

بس بلاش تخلى قلبك بلون الخشب
أصلك مش هتقدرى تخلى قلب جميل زى قلبك بلون الخشب

ولا إيه؟؟

تييراااااررا

 

ههههههههه
انتي دمك زي العسل او زي مابقول دايما
عسلوووووووووووز
هههههههه
بجد جميلة وانا اصلا من عاشقي ذكريات الطفولة وبمناسبة الخشب والطفولة فكرتيني بحاجة كنا بنعملها زمان بالخشب زي السكوتر بتاع انهاردة كنت بحبها جدا وبلعب بيها كتييييييير
يللا بقي سلامون عليكي هههه
د. موني

 

سلام عليكم

..........

مصطفي ريان

صراحة أنا نساية درجة أولي بس الأسى دة بقة شيء مسيطة عليا و المشكلة نتيجة اني بنسي مش عارفة انا زعلانة من إية و علي إية

دمت سالم

..............

آدم الغامض


برضو مفهمتش قصدي

عامتاً تشكر

دمت سالم

...............

Mr. Egypt 7

لإن الحياة فيها الحلو و فيها الوحش

تسلم عالدعوة

دمت سالم

..................


راجي


طب كويس :D


دمت سالم

..............


محمد العدوي


اللي يبحث ياما يشوف

دمت سالم

..........


حمادة زيدان


إيـــــــــــه دنيا
ربنا يستر علينا
عليكم السلام و رحمة الله و بركاتة

دمت سالم

..........


كوكاوي

تصدقي مكنتش فاكرة الاغنية دية مع إني بحبها :D

تسلمي إنك فكرتيني بيها

دمتي سالمة

.................

funcky Doctor

انا عارفة متضايق من انك بتشخبط

بس دة يدل إن حضرتك مبقوق لوووووووووووول


عملت إية صحيح في الباطنة؟؟؟
يا رب يكون خير


دمت سالم

............

قلب أصلي original heart

تسلمي

دمتي سالمة

................


ميوشة

والله الواحد بيحاول

بس علي فكرة مش قلبي لون الخشب
قلبي لون قلب الخشب = أبيض

فأنا اصلا قلبي مش ابيض

انتي واخدة عني فكرة وحشة خالص :D

ولا طيبة ولا حاجة دية شوية مناظر

دمتي سالمة
وتسلمي علي رأيك ياقمراية

.................


د. موني

سانكيوززززززززز
يا عم الاختراعات

أنا بموت في الطفولة
ينهار الواحد كان بيلعب ولا همه حاجة
ولا بيتضايق من حد
المهم يلعب

يانيييييييي


دمتي سالمة

..................

سلامٌ عليكم

 

الخاتون iraqi lady

تسلمي يا رب
دمتي سالمة

سلامٌ عليكي