نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

حاسة برعب


محتاجة رياح
زعابيب برق و رعد يمكن ارتاح
ومطر يغسلني من جوايا ليل و صباح
وقلم فنان يصلح فيا عيوب و عيوب
......
منا مليانة ذنوب
الخير و الشر جوايا بينهم حروب
زلزال بيهز كياني بيترجاني عشان أتوب
وانا بصرخ فيه : مش قادرة مع إني بحاول من زمان
......
ودموعي بتنزل و تحسسني بالحرمان
أنا عندي كل حاجة - أحمد ربي- بس بقول أهو نقص حنان
أديني بحضن نفسي بإيدي يمكن أحس في حضني أمان
فيخف ألم جوايا....ألم من شئ عمره ما بيروح
......
ودة كله من غير جروح
أومال بقة لو مجروحة في قلبي أو في الروح
حاساني مش عارفة أقراني مع إني بقولي إني كتاب مفتوح
واتنهد .. حيرانة في وسط آهات و عذاب من غير أسباب
......
يمكن علشان أحلامي بقة بيني و بينها حجاب
وكل ما أقرب منها أحس إنها أوهام و سراب
خايفة أنسى حلم حلمته
خايفة أتقدم و خايفة أستنى
خايفة ميكونش هدفي الجنة
خايفة ذنوبي تملى القلب
ويحل الكره محل الحب
خايفة العجز يتملك مني
خايفة ما ألاقي ناس فاهميني
وخايفة أخاف
......
حاسة بحيرة
حاسة بعجز
حاسة برعب
......


حكوك التبع و النشل محفوسة لنعكوشة

26 قالوا رأيهم في العك اللي تحت ؟؟؟:

معلش بقي
ناخد الرابع كده !
اصلي مش مصدق

 

جمييييييييييييييييييييييييييييييييييييييل جدااااااااااااااااااااااااااااااااااااااااا
زلزال بيهز كياني بيترجاني عشان أتوب
وانا بصرخ فيه : مش قادرة مع إني بحاول من زمان
أديني بحضن نفسي بإيدي يمكن أحس في حضني أمانودة كله من غير جروح
أومال بقة لو مجروحة في قلبي أو في الروح
حاساني مش عارفة أقراني مع إني بقولي إني كتاب مفتوح
واتنهد .. حيرانة في وسط آهات و عذاب من غير أسباب

رائع بجد يا مريم

 

بجد قدرتي تجسدي الحالة بنسبة 120% و اكتر بشوية

خصوصا و اني بحس بيها و لو ان فيا جروح

 

ودة كله من غير جروح

أومال بقة لو مجروحة في قلبي أو في الروح

حاساني مش عارفة أقراني مع إني بقولي إني كتاب مفتوح

واتنهد .. حيرانة في وسط آهات و عذاب من غير أسباب


حلوة اوى وبقالى زمانالواحد بيكون حد مقريتش حاجة شعر حلوة كده
بجد وصفك حلو اوى وفعلا انى بقول كتاب مفتوح والى يجنن اكتر ان خايفة اقرانى مع انه مش فاهمه يبقى ازاى بيطلب الناس تفهمه حاجة غريبة فعلا بس بجد ابدعتى

 

وخايفة أخاف

مش عارفة اقولك ايه غير انك من احسن الناس اللي بيقدروا يعبروا مش بس عن نفسهم لا وعن احاسيس غيرهم كمان..

ربنا يسعدك يارب

 

حلوه اوى اوى اوى اوى يا نعكوشه :D
بجد تسلم ايدك

 

المعلم محمد صاحب المطعم - طعمية سخنة

قد تتشابة الاحاسيس النسانية رغم اختلاف الظروف و الملابسات

..........

ana keda

منا مستغربة برضو
انا نفسي مش عارفة اقراني .. الناس هتفهمني ازاي
بس احتمال برضو
كل شئ محتمل

.....


just smile

احتمال

.......

بطوط حبوب

الله يسلم حضرتك

......

سلام عليكم

 

نعكشه
هاقولك حاجه واحده
انتى هنا فى البوست دا قرتينى انا
تسلم ايديكى بجد

 

أنا عندي كل حاجة - أحمد ربي- بس بقول أهو نقص حنان

أديني بحضن نفسي بإيدي يمكن أحس في حضني أمان

فيخف ألم جوايا....ألم من شئ عمره ما بيروح

!!!!
................
................
.........

 

حلو اوي يا نعكوشة اللى انتى كاتباه ده
عارفة الحالة اللى انتى وصفتيها
متشابههة عند كثير الناس
بس مع اختلاف ظروف و شخصيات كل واحد
حلوة اوي بجد
انا عجبتنى

اول مرة مش اتفرس منك
تحياتي

 

سلام عليكي يا نعكشة
"

أنا عندي كل حاجة - أحمد ربي- بس بقول أهو نقص حنان
أديني بحضن نفسي بإيدي يمكن أحس في حضني أمان
فيخف ألم جوايا....ألم من شئ عمره ما بيروح"

..
تعرفي يا نعكشة
كتير بنتمني حاجات فكرين انها هي اللي هنفرحنا .. و ممكن لوقت ما تفرحنا فعا ب علي قد ما بتفرحنا ممكن تكسرنااوي
خلي بالك من اللي بتتمنيه
ساعات بيكون الحال احسن لما نكون لوحدنا .. بد ا يجي حد يكسرنا او حتي غصب عنه يدوس علينا
..
ساعتها هتتمني تكوني متمنتيش من كتر الالم جواكي
ربنا يسعدك و يهدي الخوف اللي جواكي بامان يا رب
سلام
مها

 

حاساني مش عارفة أقراني مع إني بقولي إني كتاب مفتوح


حلوة اوي يا مريم
بس ده ومفيش جروح يمكن مشكلتها انها مش عندها مشكله ؟

 

sookra

الغريب ني حاسة إني لسة فعلاً مش فاهمة اللي بقراه

......

كيكي عو

ربنا يحسسنا بنعمة الرضا و الطمئنينة
آمين

........

واحدة مفروسة

دة يعتبر انجاز :D

يا رب يقلل من فرساتك سيدتي

.......

maha

عليكِ السلام

انا بتمنى ربنا يرضيني باللي عندي
لإن فيه غيري كتير فعلاً معندهمش حاجات كتير
فيه غيري كتير غلابة و مرضى
بس انا فعلاً مش عرفة ليه مش حاسة بالرضا
ربنا يرضيني

آدينا لوحدنا
لعله خير

الحمد لله على كل حال

عليكِ السلام

.......

قوس قزح

جيد

.....
أميرة على كوكب مهجور

أنا قولت كدة برضو
المشكلة ان معندهاش مشكلة
اللي مستغرباله انها متضايقة و هيا معندهاش مشاكل
اومال لو عندها مشاكل هتعمل اية
ولا هيبقى حالها ازاي؟!! ـ
........

سلامٌ عليكن

 

كلام جميل... :) و شكرا أنك بتزوري الدونة تاعتي مع اني ولا مرة شفت منك تعليق و شكرا على متابعتك:)
شكرا جزيلا:)

 
This comment has been removed by the author.
 

نعكوشة ماتخليكى جدعه وادينى لينك التمبلات ال كل شوية تحطيها دى وتغيرى فيها
كيكى

 

نعكشة
الحقيقة مش هاتكلم عن البوست ده فقط لكن عن مجمل كتاباتك التي قرأتها كلها وتصفحتها بعد رؤيتي لبعض لوحاتك الرائعة والتي خزنتها لدي على الكمبيوتر
والحقيقة لوحاتك جميلة جداً فعلاً بكل أمانة خطوطك كلها صريحة جداً وواضحة في كل تعبيرات خطوطها إستقاماتها وإنحناءاتها وهي بالفعل ترسم الكثير من تفاصيل شخصيتك والتي تظهر جليه في كل تدويناتك والتعريف الخاص بالبروفايل ولاأود التكلم عن اللوحات كثيراً لأنني سوف أختزن هذا وأؤجله أن أنشرها وأكتب عنها في مدونتي المتواضعة ولا أعرف هل ترسمين عن دراسة أو بالفطرة والموهبة الحقيقة لوحات رائعة تذكرني بمزيج عجيب من لوحات بيكاسو وسلفادور دالي والمنمنات الفارسية القديمة
ولوحاتك تتجلى في كل كتابات تدويناتك وأخص بالذكر

رغي مالوشأي لازمة بالنسبة لحد غيري
كلام مالهوش لازمة
بحبك مش قادرة
لهذا أعشق الماء

نعكشة
داخلك فنانة جميلة وموهوبه
تحياتي
حسن ارابيسك

 

كيكي

btemplates.com

.......

حسن أرابيسك

صراحة مش عارفة بس انا منشكحة مع اني محبتش معظم الحاجات اللي شوفتها لبيكاسو
و رسوماتي لا ترقى لسلفادور دالى من اي اتجاة
دة غير اني مبعرفش ارسم بالألوان

انا مدرستش خالص بس نفسي ادرس فنون جداً

صراحة يسعدني جدا اسمع تحليل حضرتك عن الرسومات

الله يكرمك
......

سلامٌ عليكما
...

 

بجد بجد

الله عليكى


بتعبرى بكلمات بسيطة عن احاسيس رائعة


سلم قلمك واحساسك عزيزتى

 

Ms Venus

تسلمي ربنا يخليكي


سلامٌ عليكِ