نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

قلبي بيوجعني يا دكتور(1)


احم احم
هندخل على الهوا يا دوك جهزي نفسك
طالعة حلوة يا شلبي
زي القمر يا دوك
و السماعة ، مطلعها يا شلبي
واضحة يا دوك
النظارة مظبوطة على عنيا
تمام يا دوك
يلا
اكشششششششششششششششن

سلامو عليكم
مصاء الخير
اعظائي المشاهدين
هنبدأ اليوم أولى حلقات برنامجكم المدهش ( عيادتنا المنعكشة للدكتورة نعكشة)
و تتناول حلكات برنامجنا شوية معلومات تبية احم اقصد طبية على الماشي

و هنتناول الموضوع بطريقة معرفش عاملة ازاي بس انا هحاول اشرح على قد ما أقدر

هتكلم انهاردة عن


القلب

زي ما احنا عارفين القلب دة اهم عضو في الجسم بعد المخ
ليه بقة

عشان وظيفة القلب هي : الضخ .. أي ضخ الدم
بحيث يمشي جوة الجسم فيروح الدم اللي فيه اكسوجين و جلوكوز لخلايا الجسم و ياخد الدم اللي مليان ثاني اكسيد الكربون و المواد المتخلفة من أيض خلايا الجسم
يوديها الرئة : اللي بتقم بعمليه أكسدة الدم أي تخلي الدم فيه اكسجين و الكبد و الكلى بيعملوا عمليه تنظيف للدم
و الاكسجين هنا هو مصدر التنفس للخلايا و الجلوكوز هو مصدر غذاءها و الاتنين مع بعض مصدر طاقتها

لما القلب بينقبض قبضة مقدارها 120 مليمتر زئبق : بيتملي الشريان الأورطي بالدم و نتيجة اندفاع الدم الجامد بالضغط دة في الشريان الاورطي بيسري في الشريان دة و اللي بعديه من الشرايين اهتزازة بتنتقل من جدرانه للشرايين التانية
ومع انقباضات القلب المتكررة تسري الاهتزازات دية في الشرايين اللي بتخلينا نحس النبض في ايدينا و رجلينا و المناطق اللي بيبقى فيها الشريان محسوس

المهم يعني
لما بينقبض القلب : بيتملي الشريان الاورطي و تبعاً ليه باقي الشرايين و بيفضى القلب من الدم
ولما بينبسط القلب ( يعني لما بيبقى مريح ) : بيتملي القلب بالدم اللي جاي من الأوردة ( الدم الغير مؤكسد)

طيب
وبعدين ...
و بعدين دلوقتي كل الجسم معتمد على القلب في وصول الاكسجين ليه لإن الاكسجين دة بتعتمد عليه الخلايا في الحصول على طاقتها عشان تفضل تشتغل

جميل

عرفنا كدة وظيفة القلب

القلب دة طالع منه شريان كبير قوي اسمو الشريان الأورطي دة اكبر شريان موجود في الجسم .. و الاورطى دة هوه اللي بيطلع منه الشرايين التاجية ( اللي بتغذي القلب بالدم ) و باقي الشرايين اللي بتغذي باقي الجسم

و من هنا لازم نعرف إن فيه فرق بين الشريان و الوريد

الشريان artery أرتري:
عبارة عن وعاء دموي الجدار بتاعه سميك ... يحتوي على الدم المؤكسد .. كما أنه ينبض.. الشريان دة بيكون elastic أي على درجة عالية من المرونة
الوريد vein فين :
فهو وعاء دموي جداره رقيق شوية ... يحتوي على دم غير مؤكسد ... لا ينبض .. و دة هوه اللي بنشوفه منم تحت جلدنا

دة لإن الأوردة بتبقى سطحية و الشرايين بتبقى جوة شوية

.........................
pericardiumال بري كارديم:
غشاء بيحوط القلب عشان يحميه و يسهل حركته .. بري يعني محيط و كارديم يعني قلب أى الغشاء المحيط بالقلب

.........................

يتبادر إلى ذهني سؤال :

يعني ايه يا دكتورة مريض بالقلب ؟؟؟؟؟؟؟

فيه كذا نوع من الامراض اللي بتصيب القلب

و دة على حسب إيه بالظبط اللي اتأثر فيه

يعني مثلاًمن برة لجوة اللي ممكن يتأثر في القلب هوه:
1-الغشاء المحيط بيه
2-عضلة القلب نفسها
3-الصمامات اللي بين غرف القلب ( هنتكلم عليها بعدين)
4-العيوب الخلقية في القلب
................

الغشاء المحيط بالقلب :
1-pericarditis بيري كارديتس
دة التهاب الغشاء المحيط بالقلب
2- pericardial effusion بيريكارديال ايفيوجن
وجود سائل ( زيادة عن الطبيعي) بالغشاء المحيط بالقلب
3- hemopericardium هيمو بيري كارديم
وجود دم داخل الغشاء المحيط بالقلب ... هيمو = دم .. بري= محيط ... كارديم = القلب
4- constrictive pericarditis كونستركتف بري كارديتس
تليف الغشاء المحيط بالقلب .. يعني يتحول لألياف تحوط القلب و الاعضاء اللي جمبو .. كونستركتف يعني حاجة خانقة القلب

كل من ال إفيوجن و ال هيمو بيريكارديم و ال كونستركتف بيري كارديتس ( امراض الغشاء المحيط بالقلب) يسببوا إعاقة لحركة القلب
يعني هيعطلوا وظيفته
اللي هيا زي ما قولنا ضخ الدم لأجزاء الجسم

وهنا الخلايا بتاعة الانسان مش هتحصل على الغذاء الكافي ليها
يعني يحصل ان الدم اللي خارج من القلب يقل .. يعني يقل الدم الخارج من القلب اللي المفروض يوصل للخلايا عشان يغزيهاو هذا ما يسمي بال
Low cardiac output
و بالتالي الانسان يحس بدوخة مع المجهود
او مثلا عضلات رجله تقفش عليه
او مثلا زغلله
أو أي حاجة ناتجة عن نقص الدم لخلايا الجسم

.............................................

تاني حاجة ممكن تتأثر هي

عضلات القلب نفسها:
ودة عن طريق نقص الدم اللي رايحلها من الشرايين التاجية
و قولنا الشرايين التاجية دية بتطلع من الاورطى

الجديد بقة إننا فوق قلنا إن الشرايين كلها بتتملي بالدم ساعة ال ( سيستول) اللي هيا لحظة انقباض القلب ... systole
إلا الشرايين التاجية دية
الشرايين التاجية بتتملي بالدم لما القلب يكون في حالة ال ( الدياستول ) اللي هيا ساعة انبساط القلب أو لما بيبقى مريح
و بالتالي لو فيه حاجة أثرت على القلب و مخليتهوش يريح كويس هتأدي إن الشرايين التاجية متتمليش كويس بالدم و بالتالي القلب مش هيتغذى كويس و بالتالي يعني مثلا حاكة كابسة على نفسة زي الامراض بتاعة الغشاء المحيط بالقلب. Diastole

كمان لما الكوليستيرول يبقى عالى عند الناس دة بيؤدي لتصلب الشرايين و يؤدي إلى الجلطات في الشرايين التاجية مما يؤدي برضو إن الدم ميوصلش كويس لعضلة القلب فمتتغذاش كويس برضو

استني هنا بس يا دكتورة

يعني إيه الكوليستيرول عالي : الكوليستيرول دة نوع من انواع الدهون اللي بتبقى موجودة في الجسم نتيجة أكل الدهون عادتاً او نتيجة حاجة وراثية
لما بيزيد الكوليستيرول دة بيحصل إنه بطريقة ما بيدخل جوة جدار الشريان ... يا سلام .. ايوة بيدخل في جدار الشريان و يعمل حاجة اسمها تصلب الشرايين

زي ما قولنا قبل كدة إن الشريان بيكون مرن فلما بيدخل الكولستيرول أو الدهون في الجدار بيفقد مرونتة و بيحصل ما يسمى بتصلب الشرايين و تبقى عاملة زي الانبوبة الناشفة
loss of elasticity فقدان المرونة
طيب و بعدين لما يحصل تصلب شرايين دة يحصل إيه
يحصل إن الدم يتجلط في الشريان

يعني إيه الدم يتجلط في الشريان ..

يعني الدم يلزق في بعضة عن طريق ال صفائح الدموية ( لو قدرت اكلمكوا عليها بعدين) و يعمل جلطة أو حتة بتاعة كدة
بتعمل إية الجلطة دية
الجلطة دية بتسد الشريان
و لما تسد الشريان ميمشيش فيه الدم
و بالتالي الدم ميوصلش للمكان اللي المفروض يروحله
المكان دة يحصلة ايه؟؟؟ :
hypoxia و ischemia
هيبوكسيا و ايسكيما : نقص الغذاء و الاكسوجين الواصل للخلايا
ينقص الاوكسجين الواصل للخلايا دية
و لو طالت المدة اللي اتعرض فيها المكان ؟
يحصله necrosis نكروزس
اي موت الخلية
ولو حصلت الحركة دية في عضلة القلب تسمي
infarction انفاركشن
اي موت جزء من عضلة القلب

طيب ايه كمان
ال Spasm سبازم
وديه حاجة ممكن تحصل للشرايين التاجية و هي انقباضها .في مرض يسمي بال
prinzmetal angina برنزميتال أنجينا
يعني اية يا دكتورة؟؟
يعني الشريان نتيجة ظروف معينه بينقبض من نفسه( مش بينقبض و ينبسط زي ما بيحصل في النبضات .. لأ بينقبض و يفض منقبض) فبالتالي الشريان بيبقى ضيق و الدم اللي بيروح لعضلة القلب برضو يقل
و يحصل الكلام اللي قلناه قبل كدة

قشطة كدة

طيب نجمع اللت و العجن اللي فوق دة في ان

الشرايين التاجية هيا اللي بتغذي عضلة القلب اللي بتنقبض فيقوم القلب بوظيفته
لو حدث أي شيء للشرايين التاجية 1- معرفتش تملى كويس لإن القلب مريحش كويس
2- حصل فيها جلطة سدتها
3- انقبضت فضاق الشريان

بيحصل إن الدم الواصل لعضلة القلب بيقل
و زي اي خليه في الجسم
لما الدم بيقل منها بيحصلها اسكيميا اي نقص في الاكسوجين و لو المدة طالت و معرفناش نعمل حاجة ترجع الدم يوصل للخلايا اللي مش واصلها الدم في الوقت المناسب هيحصل نكروزس اي موت هذة الخلايا اوانفاركشن و هو موت جزء من العضو

طيب يعني يا دكتورة لو حصل الكلام دة الواحد يموت بقة لإن العضلة كلها هتموت؟؟
لأ طبعاً
لإن مش الشريان التاجي الكبير نفسه هوه اللي بيتسد او مبيملاش ( هبقئى إن شاء الله اكلمكوا عن الشرايين التاجية بعدين )
بيبقى الشرايين اللي طالعة منه
و طبعاً مبتبقاش كلها
و بالتالي
بيبقى فيه حتة بس صغيرة ميته في عضلة القلب
أكيد الحتة دية بتأثر على وظيفة القلب
و لو اتعرض الانسان لجلطة تانية ادت لموت منطقة تانية بيبقى حياتة بعدها على المحك

هبقى اشرح موضوع الشرايين لاتاجية ديه بعدين
بس خلينا نكمل باقي الامراض اللي بتصيب القلب

ثالت حاجة ممكن تتصاب هيا الصمامات
و رابع حاجة هيا الامراض الوراثية او القلب المولود بعيب خلقي

و دة اللي هتناوله في الحلقات اللي بعد كدة
لإني طولت قوي في الكلام
و المشاهد من كثره نام

و اختصاراً للحلقة
نعرف

1- وظيفة القلب هيا ضخ الدم المؤكسد لكل خلايا الجسم وقت الانقباض
و استقبال الدم غير المؤكسد من خلايا الجسم و قت ال الانبساط عشان يودية للرئة في وقت الانقباض

2- الشرايين هيا اوعية دمويه مرنة جداً نابضة تحتوي على الدم المؤكسد
الأوردة هيا اوعية دموية تحتوي على الدم غير المؤكسد ( عشان تودية للقلب اللي هيودية للرئة عشان يأكسدة)

3- الامراض التي قد تصيب القلب هيا امراض
أ - تصيب الغشاء المحيط بالقلب pericardium
ب - تصيب عضلة القلب myocardium ميو يعني عضلة و كارديم يعني قلب
ج- امراض تصيب الصمامات vavles
د- congenital heart disease كونجينيتال هارت ديزيز ..
كونجينيتال يعني ( من وهوه لسة مولود ) هارت ( قلب ) ديزيز ( مرض)

و بكدة حلقتنا الأولى من برنامج عيادتنا المنعكشة خلصت
عارفة انها كانت حلقة تقيلة
ادعولي اني اعمل الحلقات اللي بعد كدة لو حسيتوا انكو استفادتوا

Don't forget to Vote
متنسوش تصوتوا في البتاع اللي جمب الموضوع
هل كان كويس
او أي كلام

و ادعولي برضو لو مستفادتوش لإن نيتي إنكوا تستفيدوا

بعتذر إني انهاردة مجبتش صور توضح اللي بقوله
بس باذن الله في الحلقات القادمة هنعمل الحركة دية
عشان الرؤية تبقى واضحة

و على موعد آخر إن شاء الله في يوم من الايام لو عشت و كان ليا عمر

و السلام عليكم و رحمة الله

......................................
المصطلحات اللاتينيه
Aorta : الشريان الاورطي و هو اكبر شريان في جسم الانسان
Artert : شريان
vein : وريد
elastic : مرن
pericardium : الغشاء المحيط بالقلب و هو غشاء مكون من طبقتين بينهما نسبة ضئيلة جداً من السوائل تسمح للقلب بالانقباض في سهولة و يسر و تعمل على حمايته .. محلوظة : يمكن أن يعيش الانسان بدون هذا الغشاء.
pericarditis : التهاب الغشاء المحيط بالقلب
pericardial effiusion : وجود سوائل بين طبقتي هذا الغشاء مما يعيق حركة القلب
hemo pericardium : وجود دم بين طبقتي هذا الغشاء
constrective pericarditis : تحول هذا الغشاء لألياف تلتصق بالقلب و الاعضاء المحيطة به فتعيق حركته
low cardiac output : هوه أن يكون الدم الخارج من القلب قليل .. أقل من احتياج الجسم فيعاني الانسان من الاحساس بالتعب من اقل مجهود .
systole : لحظة انقباض القلب
diastole : لحظة انبساط القلب ( لما يريح)
ischema : نقص الغذاء للخلية
hypoxia : نقص الاكسوجين الواصل للخلية
necrosis : موت الخلايا
infarction : موت جزء ما من عضو ما و ليكن القلب
spasm : انقباض
prinzmetal angina : نوع من انواع الزبحات الصدرية .. هنناقشها بعيدن لو عشت و كان ليا عمر
valve : صمام
congenital heart disease : مرض وراثي بالقلب
................
محلوظة عميقة
نعكشة دية ولا دكتورة ولا يحزنون .. ديه حتة عيلة في الكلية لسة .. و انا بخلي مسؤليتي من اللي بتقولوا ..

كتب الحلكة : نعكشة

حكوك التبع و النشل محفوسة لنعكوشة

لما بغمض عيني


أتوق إلى غدٍ مختلف

رسمة و شوية تهييس


سلام عليكم رحمة الله

طيب بدءً من هذه الرسمة العظيمة ( دوسوا على الصورة علشان تكبر و تتضح معالمها) و التي تعد طفرة و تحول ملحوظ في الحياة الفنية هنفتتح جلستنا
دة مش فشخرة ولا تكبر ولا بطيخ
بس فعلاً تعتبر الرسمة اللي فوق دية في حياتي بعد الرسمة اللي فيها وشوش حصنة و الرسومات النفساوية بتاعتي
تحول في حياتي
ليه
لإني في الرسمة اللي فوق دية جمعت بين تلات اساليب في رسمي
و ضيفت عليهم اسلوب جديد اول مرة ارسم بيه
انا بتكلم اساليب في رسمي انا وليس مدارس ولا مذاهب فنيه ولا بطيخ لإني أصلا مبفهمش في الفن
انا بتذوقه فقط
المهم
لو مشينا بالترتيب الزمني لرسم الصورة هنبدأ باليمين
لو بصيتو علي يمين الرسمة زي ماهو واضح قدامكوا كرسي وراة ترابيزة عليها فازة وراها شباك كبير او بلكونة مفتوحة
الجديد في الموضوع إني أول مرة أرسم جماد او جزء من الواقع الجامد في حياتي إلا إني اكتشفت أنا ليه رسمت التجميعة اللي فوق دية مع بعض بعد ما خلصت الرسمة ... الفازة اللي في الرسمة بالمناسبة فازة خشب بتلمع

تاني حاجة رسمتها في الصورة المدهولة اللي فوق دية هيا الجزء اللي فيه الشبشب
الشبشب دة بالمناسبة برضو لونو لبني ... رسمت ليه الشبشب دة برغم ان كان فيه حاجات كتير في اوضتي ... مش عارفة.. بس أنا بحب الشبشب دة
يمكن عشان شبشب بصباع بيفكرني بالاغنية العظيمة للفنان العبقري ( يابتاع الشباشب عايز شبشب بصباع أو شبشب بفيونكة بدل حبيبي اللي ضاع) او يمكن عشان لونوا لبني وانا بحس اللون دة بيعبر عن الريلاكسيشن .. و يمكن عشان شبشب عالي وانا بما إني أوزعة بحب أحس إني طويلة... المهم يعني
لو بصيتوا كدة جمب الشبشب هتلاقوا حاجات غريبة قوي أنا عن نفسي مش عارفة بتعبر عن إيه بس هقولكوا ملابسات رسمها

تحت كدة هتلاقو بتاعة ملهاش ملامح و ليها سن مدبب شبة القلم بالفعل أنا كنت بحاول ارسم ظل ايدي و هيا ماسكة القلم بس قررت إني أخليه شيء آخر لا أعلم ما كنهة... جمبيه من اليمين حاجة كدة عندها عيب أنا تخيلت انه عصفور غريب ... و جمبيه على الشمال شيء ملزوق فيه كدة
بيفكرني بالصوابع اللي بتتعمل أكنها واحدة ماشية لما تضم صوابعك كدة على إيدك و تسيب السبابة و الوسطى و تتمشي بيهم تحس إنها بنت ماشية بتتأصع مش قاصدي مايصة لأ .. بتتسكع .. مش عارفة اجيب اللفظ .. بس لما تبقى ماشية كدة بروقان و نازلة منزل... متعرفش ازاي روقان و نازلة منزل المهم يعني دة احساسي .. من حق كل شخص يحس باللي حاسس بيه اللوحة عامة ههههههههههههه
والله العظيم مسخرة
يلا المهم
لو بصينا فوق بقة هتلاقوا شيء مؤرف كدة أحب اقولكوا إنها إيد شبه الايد بتاعت الناس الاشرار لما تبقى الايد متشنجة كدة ... معرفش اية البتاعة المشرشرة اللي جمبها دية بس أكيد بتعبر عن حاجة

تالت حاجة رسمتها كانت الجزء اللي تحت في الصورة
و هوه نظرة من على سريري إلى السرير المقابل ... تحت خالص هتلاقوا سرير بمخدة و عليه علامة كهربا
نفسي اعرف ليه سرير عليه علامة كهربا
هيكهربوا بيه العيال ولا اية متعرفش
عامتاً
المهم يعني فوق هتلاقي صورة لشيء يشبة الوردة و دية هدية من عمي يوم ما نجحت في الوثنية العامية ...... يااااااااااااااه من زمان الكلام دة .. والله لسة فاكرة اليوم ... و ايامي لما كنت في ثانوي
مش مصدقة إنه عدى خمس سنين
يلا بلا نيشة
المهم هتلاقوا جمبيها ورقة ملزوقة باللزق بالمناسبة الورقة دية اصفرت و اللزق لونه احمر و مكتوب على الورقة دعاء الاستغفار ... زمان وانا صغيرة مش فاكرة من قد إيه بس يعني تلات اربع سنين كدة مكنتش حافظة الدعاء دة قمت قررت اني الزقه على الحيطة و من ساعتها مشلتهوش متعرفش ليه... و المصيبة إني قبل ما أحفظوا كنت بقولوا قبل ما أنام على طول و من ساعة ما حفظته مبقتش أقولوا قبل ما أنام ... عته والله
يلا
المهم
الساعة دية ساعة بتاعت السيد الوالد من المكتب بتاعة ... قعد يقولي ساعة سايكو و مش سايكو .. قولتلوا يعني جايبلي ساعة رولكس ياخي .. المهم يعني .. إنها دايماً بتفكرني إني بقوم من النوم متأخر و شكلى هنتقم منها... المهم

آخر جزء رسمتوا في الرسمة دية
كان كوباية الشاي و براد الشاي
و الشجرة
و البنت اللي ساندة عليها

الرسمة دية كلها بتعبر عن إيه :
بتعبر عن الساعات اللي ببقى فيها مستكينه
مبسوطة
بتنفس بعمق
و بتعبر برضو عن الساعات اللي ببقى فيها قاعدة لوحدي
و بائسة
و محتاجة حنان بس لما حنان بتيجي بتطردها برة
المهم يعني

الكرسي اللي في الصالة دة
ياما بليل قلبت وجهته بحيث تقابل البلكونة و قعدت فيه على ضوء الشارع اتفرج على العربيات و الناس
و القمر و السما اللي مفيهاش نجوم

الشبشب دة بحبو معرفش ليه

الأوضة بتاعتي هيا الكهف بتاعي الصغنن اللي بنط فيه لما بكتئب عشان مكئبش اللي حواليا معايا

و الشجرة و كوباية الشاي بيعبروا عن العك اللي فوق

....................................

دة بالنسبة للرسمة

بالنوسبة بقة للتهييس
فانا عندي كلمتين كدة أحب اقولهم لنفسي و ليكوا و للمدونة

سؤال قريتوا من فترة في إحدى المدونات
و حاولت أجاوب عليه و معرفتش

بتمثل ليك إيه نسبة 10%
مش عارفة والله
حاولت اشوف الحياة بتاعتي بالنسب معرفتش
حاولت أحولها لحسابات مقدرتش

بس أنا ممكن أقول تمثل ليك إيه النسبة الصغيرة او ال minority
بتمثل ليا تقريبا معظم الحاجات الكويسة اللي بعملها
بتمثل ليا طاعتي لأمي مقارنة بعصياني
بتمثل ليا امتثالي لأوامر ربنا
بتمثل ليا الجزء اللي بعمله من السُنّة
بتمثل ليا الجزء اللي بظهره للناس
بتمثل ليا الجهد المبذول في العمل
بتمثل ليا لحظات الانتشاء بتاعتي ( و دية اللحظات اللي بحس فيها اني عاليه)
بتمثل ليا الطمئنينة
بتمثل ليا حاجات كتير قوي معملتهاش مقارنة باللي اقدر اعمله

المهم يعني أكتشفت إني فعلاً محتاجة أتغير

..............

في مدونة أخرى من المدونات قريت حد كاتب هل البنات بتحب تبقى مخدوعة او تحس انها مظلومة ولا هيا بتحب الحزن
فيما معناه يعني

اكتشفت اكتشاف عظيم جداً
إني بحب قوي احساس إني مظلومة
مش من قبل الناس ( لإن مبتفرقش معايا الناس كتير قوي)
بس من قبل نفسي
بحب احس إنها شخص آخر مسيطر عليا برغم انها مش كدة
آل يعني لما هحس كدة مش هتحاسب على اني عارفة انا بعمل اية
كهن بنات ميخلش معانا
المهم يعني

بس انا عادتاً بميل للحزن
و نظراً لأني مسمعتش الاغنين اللي اتكلم عليهم في مدونته فأنا مقدرش أقارن اذا كنت بحبهم اكثر ولا باقي شريط جناين


...............

حاجات بحبها

الشيبسي و الكاراتيه و الحاجات الحلوة بتاعت العيال دية

بحب قوي اشتري مصاصة و اكلها بكل عظمة وانا بتمشى

بحب الكركدية السخن و خصوصا من شركة إس إس اللي هيا ايزيس

بحب الايس كريم شيكولاتة بيضا و الايس كريم ليمون و ايس كريم فستق و ايش كريم بندق ( بموت في الايس كريم أصلا)

بحب اقعد أكتب على الكيبورد وا سمع صوت ضرب صوابعي على زرايرة

بحب أتسنكح في الشوارع بلا هدف ولا هوية ولا أي شيء

بحب امشي بليل أكتر من الصبح

بحب البحر قوي

بحب الهوا الساقع اللي يدخل عليا وانا لسة صاحية من النوم و متدفيه ( بحس إني مكسوفة منه قوي)

بحب السبيط المقلي
بحب اللبس الشنط و الجزم و الهدوم
بحب مرايتي
بحب كراسة رسمي
بحب قلمي الرصاص
بحب اجندتي
بحب اقعد جوة الدولاب
بحب العب مع العيال قوييييييييييييييييييييييي ( برغم اني ساعات بعمل أكني بنت كبيرة و مبعرفش العب معاهم بيبقى مسألة مود )
بحب القطط
بحب الكلاب
بحب العصافير و خصوصا اليمام
بحب الدنيا بعد ما تخلص المطرة
بحب الدنيا و هيا بتمطر و امشي براحة و الهدوم بتاعتي تتبل ولا هاممني و أبص على الناس و هيا بتجري و خايفة من المطر
بحب المواصلات و خصوصا بليل لما أركب اتوبيس فاضي من اللي بيلفوا حوالين نفسهم عقبال ما يوصلوا للهدف دول
بحب الانطلاق
بحب اعمل اللي يجي في بالي
بحب اضحك بصوت عالي
بحب انفخ اللبانة و اطرقعها
بحب البرفيومز جداً بس مبحبش أرش على نفسي كتير عشان ريحتي متبقاش ظاهرة .. برش بطريقة تخلى صحباتي اللي بسلم عليهم بس يشموني ولو بعدوا حاجة بسيطة عني ميشموش
بحب ماما قوي
بحب بابتي
بحب عيلتي برغم اني ساعات كتير بقول عايزة اعيش من غير أهل بس برجع اقول لنفسي .. إذا كان كدة و عندي أهل اومال لو معنديش أهل هيبقى حالتي إيه .. اكيد هبقى في حالة يرثى لها..

بحب الشريطة البيضا اللى كانت مغلفة العلبة

يااااااااه بحب حاجات كتير و لسة تاني

...............
مصالحة

عارفة يا نعكوشة ( بدلع مدونتي)
في الاول كان اسمك ( كرهت نفسي)
فاكرة مين اللي قالي غيري الاسم دة عشان متكتئبيش؟؟؟
انا عادةً بمل من أي حاجة بسرعة بس أنا مملتش منك يا نعكوشتي لحد دلوقتي

برغم إنه مر تقريبا سنه على بداية انشائي ليكي

ساعات كتير بتخيل
لو حد مسكك غربلك
هيشوفني انا

هتطلعي كلام كتير بائس

و شوية قصص و اغاني و افكار هطلة

و لحظة او لحظتين سعادة

و برغم كدة مستحملاني
و مستنياني اكتب فيكي لحظات السعادة

عارفة

لما ببقى مبسوطة قوي
مببقاش عارفة أعمل إيه ولا إيه

غلطانة إني مبشارككيش فيها
بس هشاركك بعد كدة
اوعي تزعلي يا نعكوشة

لو انتي زعلتي
هصالحك
و هتسامحيني

و ان شاء الله لما ابقى مبسوطة
هبقى اكتبلك

اضحكي بقةةةةةةةةة

:)

سلام عليكِ

Iam not Bipolar


friends of me said " you are bipolar." but i think am not
i can say yes easily
and i like this answer
when i am in the high mood
i feel life is perfect
and wow
but i never be manic
you can say i be hypo manic

i like to spend all the money I've
i like to make everybody happy
i see everybody beautiful
i walk
i Run
i scream
i laugh
i may dance

when i be in my depressive mood ( which is almost most of the time)
i don't be in severe depression
up to suicide
although i think a lot about suicide
what makes me not to attempt it??
because i am a Muslim
i believe in what Allah (3z w jal) said
so i don't want to suffer in life & after life ( by dying as a disbeliever )
ok

this may make me bipolar
but am not having bipolar disorder
because my life is continuing
and my studies isn't affected

my social life is affected

yes I've many friends that i cannot remember all their names
but i don't have one close friend
or intimate

why that??
i don't trust people
i just to be frank with myself don't feel comfortable when i become close to someone

that doesn't ever mean that i think people are bad
i always see the good part in them
and
even if anybody missed with me , hundreds of excuses are made for that one ( by me) saying ( et7'z le27'eek sab3een 3ozran).i don't remember the bad things made against me
and even if i remember that doesn't affect my relation with that one , because i think that whatever they do , i will not be affected ( in my thoughts not life) , they who will lose and they who will win .( about self respect i talk)


ok
i am not bipolar

i am also not borderline

although
i can't have friends
as i said I've hundreds of them but they are not friends
so that makes me not borderline disorder

i also hurt myself
yes
i scratch her
i hit her
i punish her
i bite her
i take off her hair

but not up to seeing blood
some times i prick her and i see a drop of blood or something

but i am not disfiguring her

i luv her to be pretty

yes
every time my personality changes
and they say ( my family) am not stable

but i am not borderline personality disorder

i maybe cyclothymic
but i am not

i am not paranoid
although
am being sensitive , but i try not to show this
i think am having pride , but i try not to be because i knew ( mn kan fe qalbehe zartan mn kebr fa hoa fe alnar ) so i try not to be , although ( my family ) says i am .

i am not schizoid
although i love to be alone in many occasions

i am not oppressive compulsive
although i have thoughts and orders to hurt people , hurt myself , do somethings
i sometimes obey and many not
but i am not
because my room isn't tidy
and my life is messy
and am called messy Girl

i don't know what am i.

i don't know

i need help
i need psychiatrist
but when a friend of me said : shall we go?
i became frightened
and i said no,i can handle it
although i cannot

i love the idea that i am ill
and i have disorder
it takes off all the blame and guilt directed toward me

but actually , i am not ill and am not having disorder
i am guilty
i deserve it
i deserve all the consequences
cause i walked toward it

i love pain
although i hate it

i love people
i don't love people

i love myself
i hate myself

i love life
i don't love life

i want to die
am afraid of death

i love mother
i don't obey her

i love to be a good girl
i do bad stuff

i dunno what i want
i dunno what i need

i have no freaking idea about what's going inside me

they said to me " fix yourself , before asking people to treat you good >"
i say " i don't know how to fix her"
they said " be good girl , ehtedy "
i said " i swear , i pray everyday " ya rab ehdeny"
i don't change
i cry when i read a verse
or hear a verse
or listen to a story of ( alsalf alsale7)
or when the Emam prays

i shiver
i say i will change
but i don't

i don't change
i say " i will do this and that , and stop doing this and that"
and after i start , i stop
i dunno why i stop
and how i stop

when i take one step forward
myself - which is me- takes twice backwards

i change in the look
how i wear
how i treat foreigners
how i deal with old age
how i treat youngsters

but my home
my family
i guess
they hate me
not because they hate me( they are good people and everybody loves them , even me ) it's my deeds

they hate my deeds
they don't love it
because i treat them badly

the prophet ( peace be upon him ) said : khayrokom , khayrokom le2ahleh , wa 2ana khyrokom le 2hly .

i am not treating them good

i try
but i cannot handle it

i am not patient

when i sit in my room while they are chitchatting in other room , laugh , cwarel or whatever
i feel i wanna join them
but i don't
and because i don't join them

when i decide to do it
they disgrace me
they say : why you're out of your snail

i turn worse
i treat them worse
i feel more guilt
i feel more pain
i deserve more pain

sick me

i need a deep breath then i need to die

i wish can die in peace
but peace is not for those who have sins like mountains

yes i know ,
لو تبت تتبدل السيئات حسنات
بس انا مبتوبش توبة نصوحة
وكل ما اقول هتوب توبة نصوحة مبكملهاش
وبرجع تاني للغلط

يارب
انت قلت
قل يا عبادي ومقولتش قل يا ايها المؤمنون
قلت الذين اسرفوا على انفسهم و مقولتش الذين يفعلون الخير دائماً
قلت لا تقنطوا من رحمة الله و مقولتش مفيش أمل

يا رب
انت العالم بحالي
وانت العالم ان كلماتي مبتعرفش توصفني
و العالم بذنوبي
يا رب
اهديني
انا محتاجة اهتدي يا رب
يا رب انت القادر انك تجعلني احسن
انا هحاول يا رب
وانت العالم
ساعدني يا رب
انا فعلاً محتاجاك

when i think that this life is nothing
and worthless
and
i will just live few years in comparison with the eternity - in heaven or hell- in the other life
i say
what da hell am i doing?
but
few days go
and i turn my back to what i said before
and i become dipped in life

offffffffffffff

sick

EW

i need to go
i know when i publish this
i will remove the cover from myself
but i will try to face the world with the real me ( starting with my blog ,may turn into the real world , as some of the people that i know , knows about this blog and visit it sometimes )

this is not me completely


frustrated؟؟
nope

i just felt

peace

and i wanted to discuss my state

i am quiet good ( not perfect) a7med Rby
i will become better insha2 Allah
some day
as long as i keep trying

i will fail
i will succeed
i will do
insha2 Allah

just pray for me

salam

محدش يتسائل أنا لية بكتب بالزنجليعي
لإني مش عارفة لحد دلوقتي
انا مصرية
لغتي الام العربية
فاشلة في االنجليزي
و في العربي كمان
و مبستخدمش الانجليزي أصلا
حتى في امتحانات الشفوي لما دكتور بيقولي اتكلمي انجليزي مبقولش جملة على بعضها بالانجليزي
ليه بقة بفكر بالانجليزي ساعات
معرفش



بلا عنوان

تحديث:

عندي حالة من الانشكاح (السعادة) بسبب كذا بتاع على عدة أصعدة
1- الصعيد الروحاني( حاجة حصلتلي و إن شاء الله هستمر عليها-الله المستعان-)
2- الصعيد الدراسي( كان عندي انهاردة امتحان جلدية و كان حلو و عرفت نتيجة النفسية و العصبية - الحمد لله -)
3- الصعيد النفساوي( دية بتبقى وقتية - عدة ساعات- بس مع وجود 1 و 2 ان شاء الله تستمر شوية - اصلها وحشتني قوي- )
حاسة اني مِقَلَقَة شوية بس مش وحش
الحمد لله على كدة ( وش واحدة مبتسم في سلام)
( مش عارفة أصغر الخط بتاع التحديث :( شكلوا صغير في الكمبوز و مش صغير في المدوننة -
يلا المهم النيه-)

.....................................................................................
بلا عنوان
السؤال الذي يعتريني الآن هو لماذا أ.......ـ

حلمي هو أن أكون مثل هؤلاء الذين يعيشون في الدنيا من أجل الآخرة ولكني لست كذلك.. و ما يثبتُ ذلك هو أفعالي التي.....ـ

إن أكثر من يقلقني هو .......ـ

حدثتني أمي عن كيفية أختيارها لإسمي.. قالت لي : لقد فتحت المصحف فوجدته مكتوب أمامي.. ترى هل...................ـ

دخلت إلى هذا العالم الافتراضي منذ سنوات عديدة.. علمت منه................ـ
....................

؟؟؟؟؟؟؟؟؟؟؟؟؟

أصبحت أفقد مذاق الكلمات
هناك خطأ ما
أعلم أني أحتاج أن أقومني لكني أنتظر شيئاً لا أعلم ما هيته...ـ
يؤرقني دائماً عدم قدرتي على كتابة ما يعبر عما بداخلي...ـ
شعور جلي بالحسرة و الألم حينما أنظر إلى كلماتي ولا أجدها تحويني..ـ
ليتني أستطيع أن أعلم كيف هي نظرتي و أنا شاردة
أمسك بالقلم كي أحاول أن أكتب ما بداخلي و لكني أجدني أكتب كلمات بلا معنى
ظننت في يوم من الأيام أني امرأة قوية
ظننت أني أصل دائماً إلى مرادي
ظننت أني ذات ذكاء فوق المتوسط
ظننتُ أنني لن أُحرج من أي شيء أفعله
ظننت أني طيبة القلب
ظننت أني قد سلكت طريقاً أقرب للصحيح
كثرت ظنوني
لكنها تحطمت جميعاً أمام واقعي المقيت المشبع بالذكريات العفنة و الحاضر المؤذي و مستقبل لا أعلم إن كنت حقاً أسعى إليه..فلم تفلح محاولاتي للتحسن من أجله
أنا امرأة بلا هدف
بلا عزيمة
إذا مِتُ سأكون في طي النسيان

لا أريد أن ألوث صفة المرأة بنعتي بها
أخشى أني لا أستحقها... و كيف أستحقها و قد رفضتها منذ بلوغي و إدراكي للفرق بينها و بين الرجل..

إن حرية المرأة من وجهة نظري تقودها للتلوث من وجهة نظرهم هم
لكني اكتشفت أنهم محقون و أنا المخطئة كالعادة

لا أجد للبكاء مكان.. ولا قيمة
ماذا سيحدثُ إن بكيت؟!
فعلتها مراراً و لم يتغير شيء

لماذا حدث كل ما حدث... لم يحدث فجأة فقد سعيت إليه و ها أنا ذا فيه
لم أكن أتخيله بهذة البشاعة
حان الوقت لأتخيله إذاً
لا داعي للتخيل فأنا أراه بأم عيني
أراه ولا أستطيع البكاء الذي حسبتُ قديماً أنه كان ليطهرني

أنا امرأة بلا هوية بلاعنوان
أنا امرأة أغراها الشيطان
أنا امرأة سقطت وبعد سقوطها لطخت وجهها بالطين و الذل و الهوان
سبحت في نهر بلا شطئان

أنا صمتي و حرماني
أنا حزني و ألحاني
أنا كذبي و إيماني
أنا أمي و أوطاني
أنا لست امرأة
أنا انسان

أنا امرأة ككسرة خبز استكبرت قائلة: أنا صلدة
و ازداد غرورها حتى أفاقت لتجد نفسها مشبعة بالماء
هينة
مفتتة
بلا طعم
تمضي عارية الأقدام على أشواكٍ صنعتها بنفسها و لم تكن تعلم أنها صنعتها لها..
تود لو تبكي ولا تستطيع .. لا لم تصبح متبلدة المشاعر ولكن ...لا أعلم
تود لو تصرخ ولا تحاول
تود أن تقاوم ولكنها ترضخ بلا كرامة
تفتح بيدها أقفال قلعتها واحداً تلو الآخر و هي لاتعلم حتى لمَ تفعل ذلك
تحلم و تحلم و تحلم ولا تحقق أمانيها

أنا صخرة جامدة تغلى من تحتها البراكين كاذبة
أنا لست صخرة .. أنا شوكة سهلة التكسر ... و بقصد أو دون قصد تأذي من حولها
أنا لوحة بلا ألوان... ولا حتى لونها الأبيض
أنا لا شيء .. أنا أسود ... أنا بنيّ .. أنا رماديّ ... أنا شاحبة اللون ...أنا لا أعلم كيف أنا
ليتني أستطيع أن اتابعني من بعيد

لا تقولوا عني أني رفيعة الأخلاق فهذا يمزقني
لا تنعتوني بصفة الطيبة فهذا يزيد احساسي البائس بالكذب


أريد أن أرحل بعيداً .. إلى عالم لا أعلم أحداً فيه.. ولا أحاول التظاهر فيه
لا أبذل قصارى جهدي كي أواري أخطائي
و أستخدم طاقتي في تقويمي لا تهويمي

أنا لست كما ترونني
أنا لست أنا التي أظهرها لكم
أنا فاسدة
أنا منتهية الصلاحية

لماذا علي دائماً التخفي... لم أكن كذلك قبل أعوام.. نعم كانوا يقولون عني أنني غامضة و لكني كنت أخفي ما لا أستحيي أن أظهره
الآن
أنا أخاف من كل شيء أفعله

أنا ظل بلا ملمح
أنا عبد بلا مطمح
أنا غرفة بلا أركان

أنا امرأة
بلا هوية ولا عنوان
أنا لست امرأة
أنا انسان


................
حكوك الطبع و النشل محفوسة لنعكوشة

لا أعلم


هل لي أن أسئلك سؤالاً يحيرني حقاً؟
أن أستفهم لماذا ؟
هل حقاً تريدين ذلك؟
هل ستتحملين ؟
هل ستواجهين ما اختبئتِ منه طوال تلك الفترة؟
هل ؟
لا تعلمين
أعلم أنكِ لا تعلمين
ما الذي يدفعكِ لتفعلي هذا؟
كلما حاولت التصلب وجدتي أفعل عكس ذلك تماماً
هذا لا يفسر أي شيء
لا يفسر بكائك عند سماع القصة
لا يفسر اصرارك أن تنهي الموضوع اثناء الدعاء
لا يفسر عزمك على فعل ما قررتي فعله ثم تخاذلك بعد أن فعلتيه
لا بل يفسره تماما..ولكنك لا ترين
أخافُ عليكِ
أخاف أن تسقطي سقطة لا تستطيعي أن ترفعي نفسكِ بعدها
أخاف أن تتهاوني لأنك متخيلة انك تستطيعين الصمود بعد ذلك ثم تفاجئي بأنك قد استنزفتِ كل طاقتك في محاولة التهاون تلك.
ولكن ماذا يمكنني أن أفعل
كوني حازمة
حاولت ولم استطع
لأنكِ لا تحاولي الصمود في ذلك
وهل صمدتِ أنتِ؟
؟؟؟؟؟؟؟؟
أجيبيني.. لماذا أنا من تلقي عليها باللوم.. أنا لست المخطئة الوحيدة.. أنتِ كذلك
ولكن أنا و أنت لسنا إلا شخص واحد
قولي لنفسك هذا
قد قلته فأنتِ نفسي
أنا لا أعلم إن كان العيب منكِ أم مني أم من كلتينا
لماذا كلما حاولنا ..
لأننا قد سقطنا تلك السقطة التي تكلمتي عنها
لا
نعم
لا
بل نعم و سأثبت لكِ ذلك
كيف؟
تذكري معي...
كيف كانت وقفتك
كيف كانت جلستك
كيف كان كلامك
كيف كانت نظرتك
كيف كان جلدك
كيف كانت شرايينك و أوردتك
كيف كنت تتنفسين
كيف كنت تشربين
وكيف كنت تأكلين
وكيف سرتِ
وكيف و كيف
لقد فقدنا ما حسبنا أننا نملكه
لقد تفوهنا بما لم نعتقد أننا في أي يوم من الأيام قد نتفوه به
لقد هوينا
هوينا نعم
ولانزال نهوي
لم نلتمس للبئر آخر
يبتعد منا النور
نتابعه بأعين دامعه
لا نصرخ فلا فائدة من الصراخ
نحرك أطرافنا في الهواء بلا هدف
يحاول العقل التماسك او التمسك بأي شيء
ولكن لا فائدة
ولكن
ماذا؟
لا يمكن الا يكون هناك حل
بالطبع هناك حلول ولكن عقلنا لم يتوصل إليها
أتعلمين لماذا
لأنه منشغل بتلك السقطة التي لازلنا فيها
ربما نساعده
لا ، إذا ما حاولتِ ستثقلي عليه فهو يحاول حتى الآن و اذا اثقلتِ عليه ربما يتفجر
وماذا سنفعل؟
سننتظر
إلى متى
إلى أن نصل إلى آخر البئر
ولكن هكذا سيكون ماحولنا حالك السواد
وهنا سيكون للعقل متسع من الوقت للتفكير
وماذا سنفعل نحن في هذه الأثناء
نفكر
ثم؟
نفكر
ثم؟
نفكر
ثم ماذا؟؟؟؟؟؟
لا شيء سوى التفكير و محاولة الحفاظ على النفس إلى أن يتيسر للعقل فرصة لعمل شيء آخر سوي التشتت من السقوط
فإذا فكرنا في هذه الفترة قلل ذلك من الوقت اللازم للمكوث في ظلام البئر الأسود
نظرية
لا بل سنجعلها عملية
نحتاج فقط للهدوء
لا أعلم
ولا أنا
ولكن ليس هناك من شيء آخر نفعله سوى التفكير
فساعديني عليه
وحاولي و انا ايضا التماسك في هذه الفترة
سأحاول
لا تقوليها هكذا
وكيف أقولها
سنحاول
....
؟؟؟
أجل سنحاول
جيد

......................
بالمناسبة أنا اللي راسمة البتاعة اللي فوق
يمكن الضغط عليها للتكبير

أنا و البحر

بيني و بين البحر لغة لا أفهمها حرفياً. لا أعلم كنهها ولكن.. أجل و لكن.. لا أعلم ولكن ماذا ولكني لا أعلم حقاً إن كنت لا أفهمها.. ولكني أحبها.
أعشقه حينما يخاطبني بها.. أو مثلما أقول عنه يدللني بها..
له وسائله الخاصة التي تصل مباشرةً إلى قلبي دون المرور بأي عوائق عقلية..
متيقنة أنا من حنكته في صياغة كلمات لغتنا لتلائمني تماماً فهو يتعامل معي بخبرة أحسب أنه أكتسبها عبر ملايين بل مليارات السنين، فقد تعددت عليه النسوة أشكالاً و ألوانا و أختلافاً في الطبائع و الأفكار و العادات ولكنه أثبت لهن جميعاً قدرته على غمرهن بفيضه الذي يتشوقن إليه.. فكيف له ألا يحسن فهم اللغة فيما بيننا...
أنا لا أغار عليه و لا أعلم لمَ رغم كثرة ما حوله من جميلات تفقنني في كل شيء... ربما لأنني أعلم أنه لن تقدر واحدة منهن على تغيير ما قد ترسخ بيننا.. و أنني أعلم أن مكاني بقلبه لن تأخذه إلا أنا حتى بعد رحيلي.. لأنني لم أعهد عليه تغيراً ضخماً في تعاملاته معي إذا ما كنت وحدي أو إذا ما كانت هناك أخريات في الجوار.. أنا أراه بعيني دائماً ولا أرى أي منهن.. هو يراني... و هل يراهن؟ لا أعلم ولا أهتم فما يقدمه لي يقنعني أنه يراني أنا فقط .. و يعشقني أنا فقط .. كاذبٌ هو إذا قال لي ذلك ولكنه أبداً لا يقول ولكنه يثبت ذلك...
يعلم تماماً كيف يستقبلني.. يناديني من بعيد بصوته الذي أبداً لا أخطئه.. أبتسم و أتجه صوبه.. إذا ما اقتربت قدم لي موجة إغراءً منه فأتقدم خطوة.. فيسحبها و يسحب شيئاً ما بداخلي.. فأبتعد في لهو .. فيقدم لي واحدةً أقوى تكاد تلامس أقدامي الحافية.. تنفرج أساريري فأقدم عليه .. فيسحبها .. أتلهف عليه أكثر .. فأركض ورائها و ما أن اقترب منها حتى يباغتني بموجه تغمر ساقاي.. أنتشي ولكني لا أخبره فأركله و أتقدم رويداً رويداً.. و يغمرني هو الآخر ببطء محنك.. برودة جزيئاته تقشعرني.. تجعلني أفكر في التراجع و لكن موجاته المتغيرة في قوتها و اتجاهاتها تغريني بالبقاء.. فأمكث حتى يعتاد جسدي تلك البرودة فأسعى للتقدم أكثر.. أحياناً ينتظرني حتى أعتاد برودته تلك على مهلٍ و أحياناً أخرى يباغتني بموجة عالية تغطيني تماماً فتخبرني أنه لا وقت بيننا لهذا التلكؤ.. تتغير مشاعري و تتصارع غضباً منه و حباً له .. كيف لا ينتظر حتى أعتاده أنا و كيف أنه لم يطق صبرا كي يضمني إليه.. فلا أعلم هل هذا ما أريده أم انه أرغمني على شيء لا أحبه .. هل أَضحك ملياً من صدمتي المثلجة تلك أم أركله وأتركه لأعود أدراجي..
أحياناً حينما يكون غاضباً مني يسلط عليّ موجة تقلبني .. تكاد تحطم عظامي .. أقطب عن جبيني و أقول له في حنق : هكذا إذاً؟! .. أقف أمامه في أقصى محاولة للتماسك .. لا أتزحزح رغم قوة موجاته و إذا ما أسقطتني إحداهن سارعت بالوقوف و أحكمت قبضتي و ضربته بعزم ما في من قوة الغضب.. أصرخ عالياً فلا يتغير و يفاجئني بموجة أخرى .. إنه لا يسمع صراخي فاللغة التي بيننا لا تحتوي على الكلمات ولا الصرخات و ربما لكماتي له تزيده عنفاً و لكنني لا أملك نفسي حينها.. ثم أبدأ في استخدام حيلي.. لا لن تجعلني أكرهك أيها البحر.. لا لن يغير غضبك ما بداخلي من مشاعر تجاهك.. سأظل أعشقك .. ستظل حبيبي.. أخوض فيه أكثر .. أبتعد عن موجاته البيضاء المتحذلقة و أدخل في عمقه..لن تنجح في اغضابي.. أترقب تلك الموجات الضخمة المتجهة إليّ .. أتأهب... إنها تقترب الآن ... أضم ذراعاي .. تقترب ... أكتم أنفاسي... الآن .. أقفز بداخلها... أخترقها ... ذلك الشعور بالجذب و النفر يحررني من طاقة الغضب تلك .. شعور مميز حينما تشعر أن جسدك حائر بين اتجاهين و لكن أحدهما يفوق الآخر قوة فتسري باتجاهه.. أظل أضحك بعد تجربتي الأولى في اختراقها .. و أتأهب لأفعلها مرة أخرى .. ألم أخبرك أيها البحر أني سأتحايل على غضبك كي يزيد ما بي حباً تجاهك.. أتفنن في اختراقاتي لموجاتك... أقفز معها أحياناً .. ترفعني و أشعر بالعلو معك ... أنت فقط القادر على حملى دون عناء منك.. تشعرني دائماً أنني وريقة صغيرة يحملها الهواء... ترفعني كما لم يرفعني أحد حتى في غضبك .. حتى في غضبك يا حبيبي أعشقك.. و لن تفلح في هدم ما بيننا...
حينما تسحبني إليك.. آه منه هذا الأحساس.. الخوف من اللارجوع و الرغبة في الاستمرار... صراع يحدث بداخلي في بداية شعوري بالسحب هذا.. لا اتركني لايمكنك أن تستكمل هذا و اجذبني تجاهك أكثر فأنا لا أريد أحداً إلا أنت ... لا بد أن نتوقف الآن فهناك الكثير لأفعله في الدنيا و خذني إليك حبيبي فلم يبق لي أحدٌ سواك... فلتكن آخر ساعاتي بين يديك...
أتذكر منذ سنوات عديدة حينما كنا أنا و صديقاتي - الجدد- نلعب سوياً بداخلك قبيل الشروق بلحظات .. لم أكن أعطيك اهتماماً بل كنت مهتمة بهن ... حينها عضبت و كشرت عن أنيابك - إن جاز القول - و سحبتنا جميعاً كي تعنفني أو تعنفنا لا يهم ...أتذكر ماذا فعلت أنا؟؟ قلت لك بثقة - لا أعلم من أين أتيت بها- لقد صليت الفجر و لا أريد أي شيء من هذه الدنيا.. فخذني إليك.. للحظات معدودة أحسست أنني أريد ذلك و بقوة ... أغمضت عيني و تشاهدت و تركت نفسي لك... و لكن الله أراد أن يستبقيني ... لن أسمح لك أن تمن علي باستبقائك لي... أعلم أن هذا يضايقك و أنا أحبني وأنا أنبش هذا الجزء بك... دفعت بتلك الفتاة إلي لتقول لي بخوف : لا أريد الموت .. لم أقو على قول ما كان بداخلي حينها : وأنا لا أريد الحياة ... لكنها تعلقت برقبتي .. و دفعتنا أنت سوياً بعد أن بذلت أنا أقصى ما بوسعي الذي - لولا إرادة الله -لما استطاع أن ينقد قطة صغيرة و ليس فتاتان على وشك الغرق.. أردتني أن أعلم أنها لم تكن إلا تتخذني سلماً كي تصل إلى النجاة .. فلم تفكر ولو للحظة في أن تجذبني معها حينما وجدت طريقها و فضلت أن تركض وحدها ما أن وجدت قدمها ملمس رمالك... أردتني أن أعلم أنه مادمت أنت موجود فلا يُسمح لي بأن أهتم بسواك - حتى و إن أبديت اهتماماً طفيفاً بمن معي- فلم يهتم بي أحدٌ سواك.. فلابد لي أن أهتم بك أنت ولا أقارنهم بك.
حينما أنظر للموقف بنظرة أخرى فأنت دفعت بي للنجاة من بين يديك - التي أعشقها - حتى تزيد ما بداخلي من الشوق تجاهك..
أذكر مراراً أخذك و سحبك لي كلما ذهبت إليك.. احساسي بالشوق يزداد كلما دفعتني عنك باتجاه شاطئك .. لا أنا لا أريد الرحيل .. بل أريد التوغل أكثر .. كأنك تخبرني أنني لازلت صغيرة على أن تجذبني إليك أكثر.. أحاول كثيراً أن أثبت لك عكس ذلك فأندفع إليك مجدداً ..
أتعلم.. لن أندم إذا ما أخذتني في مرة و لم أرجع بعدها ..
أخيراً و ليس آخراً - كما يقولون- تذكر دائماً أنني أنتظرهم إلى أن يخرجوا منك حتى أنفرد بك وحدي... أحرك أطرافي مداعبة لك .. تحملني تارة و اتقلب بك تارة أخرى... أرى شروق الشمس منك و مغيبها فيك.. أرى معاملتك للآخرين ولا أغار أتعلم لماذا؟ لأني لا أرى سواك كما قلت و حبك هذا تجاهي يكفيني و يفيض ... يغمرني ولا يجعلني أريد شيئاً آخر .. سواك .. أنت ...
مشتاقةٌ أنا إليك..
وما أن أفارقك حتى أنتظر رحلتي القادمة إلي الساحل كي ألتقي بك..
لأرى زرقة عينيك و عذوبة صوتك و حنان ملمسك..
سأظل هكذا على شوقي حتى ألتقي بك مرة أخرى
فإلى اللقاء ..

تعذيب النفس (1)

مشهد ليلي لعمائر كثيرة امامها طريق رئيسي تمضي فيه سيارات قليلة مسرعة.
تقترب الكاميرا من أحد الشبابيك المفتوحة
غرفة مظلمة إلا من بصيص من النور يأتي من باب نصف مغلق
فتاه متكومة تحت غطائها في انتظار النوم
صوت دقات الساعة بدا لها عالٍ جداً ... تتقلب يمناً و يسراً في تأرّقٍ بادٍ عليها.
رغم أنها اعتادت على هدير السيارات العابرة إلا أنه الآن بات يزعجها جداً..
تتراقص جزيئات الهواء من حولها مخرجة لسانها و هي تقول باستفزاز : تنفسي و بعمق ولكنك لن تشعري براحة التنفس.
تشعر باختناق .. اختناق روحي غير هذا الذي نشعر به عند نقص الهواء( له نفس الصفات باختلاف طفيف)
تقترب الكاميرا من وجهها .. ملامحه باهته ولكن تظهر عيناها متورمة و الوسادة من تحت رأسها مبلله..
تخبرها عينها بوقاحة : أنتِ تستحقين ذلك .. ربما أكثر منه قليلاً .. لن تنعمي أبداً بالراحة..
أمسكت برأسها بشدة .. فتحت فمها محاولة أن تصرخ ... راحت تحرك رأسها بسرعة يميناً و يساراً .. كانت تحاول اخراج تلك الاصوات جميعاً من رأسها...
نفضت عنها غطائها في عصبية.. ارتدت خفها و مضت باتجاة الباب...
أغلقت على نفسها الحمام... شرعت في غسل وجهها...
تنظر بحدة إلى المرآة... عيناها شديدة الاحمرار... تكاد تتمزق فيهما العروق من شدة احتقانها...
لفت انتباهها شفرة حلاقة كانت موضوعة على الرف...
الكاميرا تلحظ نظرة عينيها و تجمع بينها و بين صورة الشفرة ..
التقطتها فجأة بعد أن حدقت بها....
قبضت يدها عليها ... قربتها من وريدها ..
تتسارع انفاسها كلما اقتربت من يدها اليسرى ...
كثير من الألم...
صوت داخلي .. افعليها. . ( صوت دقات الساعة بدا عالياً)
افعليها.. ( يعلو تدريجياً)
افعليها..(صوت مزعج)
زادت من شدة قبضتها على الشفرة و قربتها أكثر من يدها
لامستها
ألقت بها بفزع تجاه الحائط...

تتبع الكاميرا صوت الشفرة وتعظمه...
سالت دموعها كشلال لا يتوقف.. ولكن بلا صوت...
ضربت بقبضة يدها على الحوض مرة...
آلمها ذلك...
ضربت مرة أخرى ولكن أكثر قوة...
شخصت بعينيها و قضبت فمها و بدأت تضرب ضربات متسارعة اكثر قوة...
أحست أن صوت ضرباتها بات عالياً...
خافت أن يلحظ الصوت أحداً من أهلها... نظرت إلى يديها المحتقنة بالدماء ...
اقتربت منها الكاميرا
في نظرتها لمحة من التشفي
تظهر بقعة حمراء مائلة للبنفسجي على يدها..
خرجت من الحمام ببطء و كأنها تجر شيئاً ثقيلاً من خلفها...
مضت بإتجاة الصالة.
خلعت خفها و وقفت بقدميها الدافئتين على الأرض شديدة البرودة...
شعرت بقشعريرة سرت في جسدها...
بدأ تأثيرها يزول تدريجياً...
ضغطت على أضراسها بتشنج.. و أكملت طريقها حافية القدمين ناحية البلكونة...
اقتربت منها
وقفت أمامها ثم أمسكت بضلفتيها فاتحة إياهما سوياً...عن آخرهما..

اغمضت عينيها و استقبلت الهواء البارد بصدرها المغطى برداء للنوم قطني خفيف...
تمتمت : أنا أشعر بألم البرد .. إذاً فما يعتصر روحي ليس ألماً عظيماً..
فتحت عينيها و هي ترتجف..
اطالت النظر إلي الطريق... تابعت السيارات بلا متابعة و حركة الأشجار بلا انتباه...
حركت رأسها ببطء لأعلى...
ظللت تتمتم بأدعيه إلى الله..
على ضوء القمر ظهرت دموعها الجارية بسرعة لتسقط على ثوبها..
و ظهرت يديها المنقبضة على اللاشيء...
بعد أن أنهت دعائها.. أخرجت من صدرها ارتجافة البكاء ..
كاد صوت بكائها يعلو.. فجزت على اضراسها و اشاحت برأسها سريعاً...
أغلقت الشرفة... عادت أدراجها ...
رفعت أحد حاجبيها ... التفتت بشدة ناحية الشرفة..
لم أكن أشعر بالبرد
واجهت تلك الجملة في رأسها بكثير من الدهشة التي بدأت تتلاشى تدريجياً و هي تبحث عن ثوب الصلاة..
صلت...
ارتاحت قليلاً..
اتجهت إلى غرفة نومها...
بصيص النور المخترق للغرفة و هي مغلقة عينيها يؤرقها ثانية...
دقات الساعة
هدير السيارات
بدأت عضلات وجنتها اليسرى تنقبض و تنبسط بسرعة...
أنا أستحق الألم
أستحق المزيد من الألم
أتمنى من الله أن يأخذ من ألم من آلمته و يزيد ما بي من ألم
أتمنى أن يهون على من آلمته و يقحمني به أكثر...
أحتاج أن أتألم..
لابد من أن أتألم
راحت تردد تلك الكلمات بهمس غير مفهوم...
تابعتها الكاميرا حتى راحت في النوم..
عادت من حيث أتت..
حيث العمائر الطويلة..
هدير السيارات..
ضوء القمر..
ارتفع فجأة صوت دقات الساعة...
شاشة سوداء..
صوت دقات الساعة..

...........................
( للقصة بقية)
حكوك الطبع و النشل محفوسة لنعكوشة
( بالمناسبة أنا اللي راسمة البتاعة اللي فوق دية فهي برضو تبع حكوك الطبع و النشل)

رسائل لم تُرسل بعد .



قد نقوم بكتابة رسائل للمجهول.
أو لشخص ما.
ولكننا لا نبعث بها إليه.
ربما لأنها تبدو سخيفة.
و ربما لأنها لا تليق.
و ربما لأننا لا نريد أن نفقده.
أو لأنه لا تربطنا به علاقة بالأصل.
ولكننا نكتبها.
ونتركها.
رسائل قد تجد احداها في أدراجك ، في صندوقك الخفي ، تحت طيات ملابسك ، بين أوراق روزمانتك أو ربما لم تقو حتى على أن تخط بكلماتها على الورق..
رسائل كلماتها مختلفة.
بعضها يذهب بك بعيداً إلى عالم من الأحلام حيث تنتمي و تتمني. حيث ترغب و كل رغباتك مجابة .. عالم تود لو تذهب إليه لكنك في معظم الأوقات لا تجازف لتبعث بكلماته إلى المرسل إليه...
.
بعضها يطرحك على أرض الواقع ... يخبرك بحقيقة شعورك و موقفك و واقعك الذي تتغاضى عنه و يجلبه لك دافعاً وجهك تجاهه بعنف .. يمسك برأسك بشدة قائلاً بقسوة: أنظر إليه جيداً ... تفحصه ... هل تريد حقاً أن تبعث به إليه؟!
.
بعضها مؤلم.. تشعر كلما قرأته أنك تريد البكاء و ربما تحس بسخونة دموعك الهاربة من عينيك رغم أن الموقف قد انتهى ، لم يحدث من قبل أو لن يحدث أبداً ، لكنك تعيد قرائتها و تسترجعه مرات و مرات حتى تسقط فريسة لها .. تستعطفها أن ترحمك . لكنها تضغط على جرحك بِغِل و تخبرك بحده في صيغة سؤال تعلم أن ليس له إلا إجابة واحدة ... هل ستبعث بي إليه؟
.
بعضها مبهج .. حتى و إن كنت في إحدى حالات إحباطك ، ما أن تقرأها ترتسم البسمة على تفاصيل وجهك و ربما تضحك عالياً و تتخيل الكلمة كثيراً و تفكر هل أبعث بها إليه؟ لكنها تخبرك ضاحكة : وماذا ستفعل إن لم يبتسم هو الآخر ؟! فتصاب بالوجوم فجأة بعد ضحكاتك الهستيرية و تدور بك الدنيا كحمام ذبحته ضحكاته و تغمض عينيك كأنك لن تراها.
.
وبعضها له وقع البلسم عليك ... أن تسقط على وسائد من ريش النعام مغطاه بالحرير ... تترك نفسك للهواء... تسقط ببطء و نعومة .. تغمض عينيك.. تخبر نفسك : هذه تستحق أن أبعث بها إليه. فتوشوشك الكلمات هامسة : بل هذه هي مناطقك الخاصة جداًَ التي لا يمكن لأحد أن يشاركك فيها أو يقترب منها.
كلمات و كلمات و كلمات
نكتبها أو لا تكتبها ، لكننا نخشن أن نبعثها .
نخشى أن يُساء فهمها و نخشى أيضاً أن تُفهم جيداً فينفض أمرنا..
نود أن نتركها في الظلام و نتمنى أن نرفعها إلى النور.
نفضل الإختباء إذا ما وصلت بين يدي من أرسلناها له و نحترق شوقاً أن نرى وقع كلماتنا عليه.
رسائل تمنحنا حياة أخرى على الورق نحياها و نحس بها.. بكل ما نُخفيه من مشاعر و تعابير نبتدعها نحن ... نفصّل أحداثها ثم ننكرها.
نتطلع إليها خلسة بعد التأكد من غلق الأبواب و الشرفات.
نستبدل النورالساطع بآخر خفيض نقرأها عليه. فهي قد كتبت في الظلام و ستظل فيه حتى نتحلى بشجاعة مواجها أحلامنا وواقعنا .. إبتهاجنا و حزننا .. ألمنا و راحتنا .. حياتنا المخفية وراء الظاهرة .. شخصيتنا الكاملة بتمام استدارتها ..
رسائل تدعونا لنغفو أمامها كي نحلم بها.
و لكننا نجاهد أمامها سهارى حتى نتم قرائتها..
وتبقى في النهاية.
مجرد رسائل.
لا تحمل إلا ما أرادت أن تكتبه أنفسنا .
.............................

حكوك الطبع و النشل محفوسة لنعكوشة