مصاء الخير او سباح الخير
على حسب انتو بليل ولا في الشتا
ولا اقولكوا سلام عليكم
جبتلكوا رسمة 50* 23
عجب صراحة
عجب صراحة
بدأت ارسمها من الساعة 2 او 3 بليل مخلصتهاش غير 1 الظهر
على فترات متكتعة
كنت بسمع ساعتها انور ابراهيم مش بتاع ماليزيا لأ بتاع تونس
لو حد عندة تفسير للرسمة يفتينا
لو محدش عنده ميسألنيش لإني مش عارفة
بث
وزي ما عودناكم في البرنامج ( دوسوا على الصورة عشان تكبرو تتضح معالمها ) ـ
اترككم معها
.............
هروح اتفرج علي كارتون
Up
بقة وانام بعدها
سلامٌ عليكم
حكوك التبع و النشل محفوسة لنعكوشة
.jfif)
.jpg)
44 قالوا رأيهم في العك اللي تحت ؟؟؟:
لف وراجع تانى
هى حلوة بس بلاش انا
هاجى افهم بس سهليها شوية
ربنا يخليك ولادك :)
أكذب عليك لو قلت فهمت حاجة او قلت لك اني أقدر اقول الكلام الكبير اللي بيقولوه اللي بيحللوا اللوحات عن أبعاد اللوحة والمضامين البعيدة والرموز والكلام المجعلص ده بس انا الرسمة عجباني لانها مجنونة وايضا لانني أعشق رسمات قلم الرصاص أحسها أكثر
سأستغل المناسبة واتمنى لك سنة سعيدة تحقيقين فيها كل امالك ان شاء الله
اكدب عليكى لو قلتلك انى اقدر احلل اللوحه
بس اقدر اقولك انى اعتقد انها روح تهفو للحريه بعيدا عن بروده الماء وقيود المجتمع
it's kinda weird but I like it
=)
ممممممممممممممم
بصي يا ست نعكوشة
انتى لازم تروحي لطبيب نفساوى
حاجة من الاتنين
يا حيعالجك
يا حيكمل على جنانك و يبقى رسميييييي
الرسمة تحفة ..و ده العادى
اما بقا ايه اللى فهمته
فيا ستى انا فهمت انها كلها ايدين عاوزة تمسك البنوتة البلبوصة ديه
اللى زمانها بردانة يا حبة عيني
كل سنة و انتى طيبة و فارساني يا نعكوشة
السلام عليكم و رحمة الله و بركاته
الرسمه جميله قوى و عاجبانى جدا بس مش عارفه اقول هى ايه
هى بتحسسنى بالحريه المكبله (ماتسألنيش يعنى ايه) و بحس انه زى ما اكون بحاول اتحرر من خوف جوايا او انى عاوزه اكون زى السمكه كده
احاسيس كتيره قوى حسيتها ف الرسمه
يا رب اشوف لك معرض فنى كبيره بس ساعتها مش هقدر اشترى لوحه الا بقى لو كنت اشتغلت و ساعتها ابقى اعملى خصم خاص ليا
هي حلوه
بس ايه وجهة النظر في ان اليد طالعه من الدماغ؟
انا مش بفهم في الحاجات دي الحقيقه
السلام عليكم
اولا انا مش عارفة انتي كنتي تقصدي ايه بس انا هقول اللي جيه ف بالي للوهلة الاولى..
حسيت ان البنوتة ديه عندها حلم والحلم ده السمكة اللي جوا الحوض وهيا اختارت الطريقة الصعبه ف الحصول عليها انها تكسر الحوض من تحت برغم انها كان ممكن تمد ايدها من فوق..
ثانيا ارتباط الايد بعقلها ديه يمكن الحلم ده موصلتلوش لسه بس بتسعى ليه وشاغلها في دماغها..
حلوة اوي الأشكال اللي شبه عرايس البحر ديه..اقصد البنوتات
والضفيرة ربطت العناصر بشكل لطيف
بس نقدي الوحيد اللي مش عجبني ف الصورة هيا ملامح البنوتة اللي هيا العنصر الاساسي اظنها كانت هتبقى احلى لو كانت مغمضة وملامح وشها اكثر غموضا ..
بالمناسبة احييكي على رسمة الايد (اصلي عندي عقدة مع رسم الايدين) ^_^
ده اللي حسيته بس ف المجمل حلوة اوي الرسماية:)
سلامات
امممممممممممم
بصى ياستى
البنت ام ضفيرة دى
بنت فى ثانويه عامه
ولسه مخلصه امتحانات
وقررت فجاة انها تروح الكوافير ( المزين يعنى )
علشان مراحتش هناك من لما كانت فى ابتدائى
البنوتات الصغيرين دول كانوا بيتخانقوا على حوض السمك اللى فى الصورة دة
والايد الكبيرة دى مش ايد
دى رجل بابا الحاج
بابا البنوتات دول
لما زهق من دوشه البنات
قام شايط الحوض برجله
حادفه من البلكونه
قام نازل علطول فوق نافوخ البنوته اللى رايحه الكوافير لانها كانت معديه فى الشارع تحتهم ساعتها
اما السمك التانى دة فدى ارواح السمكه الفقيدة لما الحوض اندش على دماغ البنت ولقت السمكه نفسها على الاسفلت وماتت مخنوقه
اما الايد اللى داخله الحوض من تحت دى
فدى مجرد رمز
عن رغبه مكبوته جت للبنت ام ضفيرة
وهى فى عنبر تسعه حالات خطرة بالقصر العينى
بعد لما خدت ميه وتلاتين غرزة فى دماغها مطرح خبطه الحوض
وكانت الفكرة الرمز دى
بتقول فى صيرورتها الداخليه
ياريتنى كنت اخدت بالى وصديت الحوض عن راسى
كان زمانى بصيف فى مارينا دلوقت
بدل ما اقضى الاجازة فى المستفشى
ها
صح كدة؟؟
نعكوشتى
ازيك الاول
رسمة عجب فكرتنى بعادل امام و طبخة عجب ف أحلام الفتى الطاير
اقولك الصراحة
و مش هتزعلى منى أنا عارفة
انا إنزعجت من الصورة قوى
فكرة الإيد اللى خارجة دى من راس البنت حسستنى بالضيق
و كأن حد بيتعمد يطلع اللى ف دماغى غصب عنى و كمان هيحبسه ف حاجة زى القمقم
يا ريته كان خرج و إنتشر زى شعاع نور ..و دا محصلش
معرفش ليه حسيت بالخنقة
و القليل من الحرية زى ما حد قال حاجة مشابهة ف التعليقات
اللى عاجبنى فعلاً
باقى التفاصيل الضفيرة و الإجسام اللى و كأنها مستخبية ف التفاصيل ..كدا
تسلم إيدك يا فنانة
و لا أقولك زى ما بتقوليلبى
سلمت اناملك يا نعكوشتى
السلام عليكم
انا متابعه مدونتك من زمان بس دى اول مره اعلق عندك
بصراحه الرسمه حلوه بس بجد مش قادره احللها
سلمت يداكى
وكل سنه وانتى طيبه
تحياتى
رسمة فوضاوية لها العجب بس عجبتني أوي فكرتها ماشاء الله عليك
أنا أول مرة أعملك كومنت مع إني عرفت البلوج بتاعتك بالصدفة من أكتر من شهر
بيعجبني رسمك وبيعجبني أوي أوي كلامك
بالنسبة للرسمة دي ف أنا أول ما بصيت عليها افتكرت الإيد ال كان بيهرب منها رفعت اسماعيل
مش عارفة تعرفيها ولا لأ
بس أنا هنا حاساها كأن حد بيغرق وعاوز حد ينقذه
بس التعابين ال على جنب معجبتنيش
بصراحة خليتني أخاف
أجمل حاجة الضفيرة حاساها بطلة الصورة وإنها محاوطة بالحاجات دي كلها جوا دماغك
بحييكي على إن عندك القدرة ترسمي حاجات كدة
سارب تكونى قاكرانى اصلا
وحشتنى مدونتك ورسوماتك
واقدر اقوللك بمنتهى الصراحة انى لانى بقالى حوالى سنة متغيبة عنك فانا فعلا ملاحظة ان فنك بيتطور بشكل رهيب
بجد بجد
تسلم ايديك يا نعكوشة وابقى زورينى علشان احس انى رجعت
امممممممممممم
ازيك
انا شايف 3 حوريات بحر علي ما اعتقد
و سمكتين بزوايد و هو ما يفسر انهم جمبري او استاكوزا
و بنت طالع من دماغها ايد عاوزة تمسك السمكة ! يعني مثلا بتفكر تبقي زي السمكة كده حوض صغن ايجار جديد و مفيش بقي لا سمك كبير يبلعها ولا صياد غلبان يصطادها و مفضية دماغها ع الاخر و حرة نفسها
في انتظار جايزة احسن تفسير و لو مفزتش بالذوق كده هشيلك من المشروع ههههههههه
اولا بسم الله ما شاء الله موهبة رائعة..
اما بالنسبة لانطباعي عن الرسمة..
وكأن تلك الفتاة تريد ان تقبض على شيئ ما.. تسيطر عليها.. ربما تصطادها( السمكة) وحين لم تستطع ان تفعل ذلك.. بدأ العقل في الفعل وتخيل ان له يد.. اي وكأنها رسمت ما يدور في العقل من تخيل...
هذا انطباع...
دمت بكل ود
لا مؤاخذه يا نعكوشة اصل انا مليش في الفن خالص بس سؤالي ايه الايد الي طالعه من مخ البنية دي وطالعة ليه في حوض سمك بالذات !!!!!!!!!!!!!!
انا شايفة الزملا المدونين بيقولوا كلام كبير وبيفسروا اللوحة واكذب عليك لو كنت فاهمه بيقولوا ايه بس انا عاجبني انك عمله زي الرسامين الي بيقولوا عليهم بترسمي حاجات مش مع بعض ويقولوا فن تشكيلي باين ولا ايه مش عارفة بصراحة لو حد عارف يقولي يافنانة
السلام عليكم
احب اني اقول ان اللوحة دة تعبر عن ما يحتوية مخ هذة الفتاة من احلام و واقع ان تحققهما فالاحلام ما تعبر عنة الفتايات المودات في اللوحة و الواقع هو اليد و السمكة التي تحاول تللك اليد ان تخنقها و تموتها في حين ان تللك السمكة هي واقع جميل
اما بقة الطرطشة الي جنب الحوض فا دية طرطشة المية لما الحوض هيتكسر و الفيرة الطويلة دية بتعبر عن حاجتين الأولي انها بنت ليسة طفلة و التانية انها هتكسر بيها الحوض كمان مع اليد و السمك دة بقة مستني السمكة دية تقع
عشان يكلوها
خلاص كدة كفاية
صراع بين الضمير ممثل فى اليد المعقوفة والرغبة ممثلة فى السمكة التى تحاول الخروج من الماء مع ان ذلك يعنى هلاكها فى العالم الخارجى الجميل من الظاهر
والضفيرة تمثل السوط الذى يجلد الذات احتجاجا على الصراع المشتعل على الدوام
ويمكن اعتبار هذا تعبير عن حلم للعقل الباطن وتفسير الاحلام حسب فرويد
يمكن تلخيصه فى
العبارة الاتية
In order to live in a civilized society, we have a tendency to hold back our urges and repress our impulses. However, these urges and impulses must be released in some way; they have a way of coming to the surface in disguised forms.
السلام عليكم
نعكشة
اول رسمة ليكي انا شفتها كان من شهور تقريبا، كان فيها اشياءك المفضلة، على ما اتذكر كنتِ راسمة فيها "شبشب" و "مزهرية" و حاجات اخرى.
اما رسماتك الاخيرة الاخيرة مذهلة بصراحة :)
نجي للرسمة هاذي،
على ما فهمتها طبعا :)
السمكة هي الاحلام او الطموحات اللي الفتاة حابة تمسك و تصل اليها،
بالعقل و التفكير و التدبير و لهذا الايد كانت طالعة من الدماغ موش من القلب مثلا..
و هالاحلام و الطموحات هاذي مقيدة و محصورة في اطار ضيق و هو "الوعاء" و تتوق انها تتحرر من هالاطار الضيق و تخرج لاطار ارحب و هو الفضاء الغير محدود (السمكة المتجهة لفوق و الحورية) السمكة كانها تحب تنمو و تتطور لتصبح حورية..
الوعاء اللي فيه السمكة مسنود ب2 كائنات بحرية (مافهمتهتش انا الصراحة) كانهم كفتي ميزان يعني.. ميزان دقيق يجب التحكم جيدا في الجهتين
لانه لو تغلبت كفة على اخرى، الوعاء يا اما يميل و يندلق او يوقع و ينكسر..
كفيتي ميزان، ممكن نفسرهم بـ:ما نريده نحن و ما يريده منا الاخر.. بين ما "نحب" و "ما يجب"
بين ارداتنا و رغبتنا و بين ما يفرض علينا من المجتمع من الدين من العقل ..
ممكن بين العقل و العاطفة
ممكن بين جزئينا الملائكي و جزئنا الشيطاني
ممكن بين النفس، و النفس الامارة بالسوء..
الضفاير ايضا ما فهمتهاش،
لكن انا فسرت التفافها بالتفاف العقل البشري..
رسمة جيدة للغاية
تحياتي لكِ
طيب انا مش هرد عليكى بقى دلوقتى
وده ليه بقى لأنى جاتلى صدمة مش من الرسمة لا سمح الله لا ابدا ولكن لانى فى وقت ما يسمحش ليا بأى تحليلات مطلقا أطلاقا واحدة ما نامتش ومطبقة والساعة داخلة على 8 الصبح مش معقول هحلل حاليا
هاجى بكرة أحلل بس يارب يكون المعمل فاتح
:))))))))))
سلام عليكي يا نعكشة
مع اننا دلوقتي الصبح بس انا عايزة ااقولك .. مصاء النور
السريالية دي عجباني اوي
فضلن اتفرج علي تفاصيل الرسمة و افكر في كل حاجة فيها
اكتر حاجة شدتني الجزء اللي فيه البنت ماده اديها لفوق عايزة تطول حاجة
شدني الجزء ده وحسيته اوي
بس بشكل عام الرسمة حلوة اوي :)
سلام
مها
صباح الخير عليكي
انا هاسمح لنفسي اعلق على رسمك
انا شايفة انك متمكنة من الخطوط يعني فيه موهبة
اما عن الرسمة نفسها فزحمة قوي فيها عناصر كتيرة جدا
يمكن لخبطة وجود يمكن لسه مش لاقيه الطريق والراحة
بس هايلة الخطوط
استمري في الرسم الؤسم جميل بجد بس ركزي على شعور او فكرة وكثفيها
اعتقد مع تمكنك هتبقى اللوحات اوقع
ويا ريت بقى بالالوان
كل سنة وانت اسعد
تقبلي مروري
انا يمكن ما بفهمش اوي في الرسم ...
بس انا هقولك اللي انا حسيته ...
قيود كتير ... مقيداكي ....
وحاسة انك غرقانه في وسط القيود دي ... وبتدوري على الهواء والنجاه ...
من وسط القيود الكتير اللي كلها منك ومن دماغك ...
ورسمتي رمز للنجاه والهروب من تلك القيود ...
يعني ...
اهو دا اللي وصلني ...
بس دا كتحليل بسيط للرسمه ...
انما كرسمة جميلة جدا ....
وتستحق الوقوف امامها كثيرا ....
حلوة بجد
tooooooooooooo7fa msa bgd wahmeya malahash tefsiir 3'er 2n da 2li gowakii baftii ana 3arfa :D
ممم
اولا مسائك سعيد يا نعكوشة
شوفى اللى انا حسيته من الصورة
ان السمكة دى حلم جوانا اللى حاسين انه بعيد عننا
وهى عاوزة تخرج من الماية ده تعبير عن صعوبة تحقيقنا للحلم واحساسنا انه صعب وبيبعد
اما بقى الايد اللى خارجة من الرأس هى محاولاتنا فى إننا نوصل لحلمنا وتفكيرنا الدائم فيه
معرفش ده اللى انا حسيته منها
وردة لعيونك يا جميلة
سلام
:)
انا بصراحة قضيت شوية دقايق كدة بحاول افهم الرسمة يمكن اعرف اكتب لك اي تعليق او تحليل او اي حاجة من الحاجات دي يعني
هي حلوة
بس انا مافهمتهاش
:)
المهم
كل سنة و انتي طيبة يا نعكشة
niceeeee
نعكووووووووووووشة
إنتى غطسانة فيييين؟؟!!
انا كرفت عليكى و لا إيه؟
و لا اللوكااااء الحريمى
كان دمه تقيل
انتى وحشتينى قوى
و وحشنى تعليقاتك
و تصدقى كمان
وحشنى منظرك
و إنتى بتشاورى ف الهوا
عشان تلقطى الكلمة اللى هتعبر
عن اللى عاوزة تقوليه
و وحشنى حضرتك
و سلمت أناملك
و زعلت جداااا
لما نزلتى من التاكسى
و ملحقتش احضنك جامد
و بذمة زى ما كنت ناوية
وحشتسنى با بت إنتى قوى
و اللقاء الجاى
لن أتنازل عن مجييك
أرجعى بقى لو سمحتى
و لو تطمنينا
و تغرقى تانى ف المذاكرة
بوسة و حضونااااااااااات كتير قوى
إيه دا ؟!!
كمان عاملة أشراف ؟!!!
لأ ..دا الموضوع كبير قوى
ربنا يطمنا عليكى يا رب
1- جزاكم الله خيراً على التعليقات ... ربنا يكرمكوا يعني
بجد استمتعت بيها وانا بقراها ورجعت قعدت احلل في الرسمة تاني
تسلموا
....
فاتيما
لا والله بس عشان دخلت الكلية
مش لاقية وقت اعمل اي حاجة اصلاً
برجع جعانة جداً و اكل و اتدلق على السرير
ولا حتى عارفة افتح حاجة من الحاجات اللي خدتها
لسة متأقلمتش على الكلية
وش مكثوف :$
:Dألله يكرمك
ان شاء الله
والله انا في كل مرة اصلاً تتقابلوا
بفضل احاول آجي حتى آخر لحظة وبعدين لم يقدر غير اني احضر اللقاء دة
بس بجد استمتعت جداً اصلاً
ادعيلي انتي بس عشان اعرف اظبط الحاجات مع بعض
واعرف اعمل اي حاجة تانية غير النوم والكلية
تسلميلييي
.بالنوسبة للأشراف
انا بعمله عشان لو حد رد في اي من الموضوعات القديمة أعرف
عشان ارد عليه يعني
مش اشراف عشان حاجة
دة اشراف لما بيفوت على الموضوع 5 ايام او اسبوع باين
اللهم امين
ربنا يباركلك ويخليكي عالسؤال
تسلمي يا رب
سلامٌ عليكِ
الرسمه دي عجبتني جداااا
بس انا مش ليا في التحليل اوي
والله على الرغم مش عارف مدلولها إيه
فكرتينى حضرتك بموهبتى بتاعت زمان قبل ما ادخل كلية الطب
الا ان الرسمة دى إبداع وعبقرية والله من غير مجاملة
الحمدلله
إتطمنت عليكى
وحشتينى قووووى
يا نعكوشتى
ربنا يوفقك يا حبيبتى
إن شاء الله
بوسة كبيرة ع الوش المكثوف
و حضونااااااااااااااااات
كتيرة متخرجيش منها
sorry ,
the anonymous comment , was accidentally rejected
sorry for the deletion
i also couldn't read it
sorry
anonymous
and i would be delighted if u rewrote ur comment plz
salam
الرسمة عبقرية وحلوة وان كان لو شلتى السمك اللى على الجنب يبقى احلى
بصى يا ست نعكشة
انا حاسة ان السمكة ديه فكرة
و الايد ديه بتمثل انها مدوخاكى وراها
و انك مش عارفة تمسكيها
و هى بتحخرب منك فى عالم مفتوح و واسع
زى البحر
انا فاهم بس مش حقول..
مممممممممم
واضح ان الرسمة رمزية هههههه
وبتنتمي للمدرسة التعبيرية...
جبتها هاه هههههه
تحياتي
اولا الصورة حلوة و متقنة
و عاجبني في التداخل و العناصر الكتيرة
ثانيا ليه وقفتي فجاة كدة
من البوست ده
متتاخريش
تحياتي
عك ايه بي ؟
ما شاء الله .. ايه الأسلوب الراقي ده .. نمسك الخشب .. بجد تحفففففففه
اتمنى أتشرف بزيارة حضرتك في مدونتي الجديده و أشوف تعليقك على إحدى صفحاتها
رابط المدونه
http://ra7alaat.blogspot.com/
شكرا لوقتك
وحشتينى ى ى ى
و الله بين العقل و الجنون شعرة في الزمن ده لأن معادش في حاجة تقليدية و اصبح الكل يتجه للجنون المتفرد...بالتالي اصبح الشئ التقليدي في حد ذاته عملة نادرة
ما انا لو فاهم حاجه كنت قولت على طول بس الرسمه جميله وعاجبانى
Post a Comment