إني بنوتة مطيعة لأمها
و إني بسمع كلامها
و بريحها و تحس إنها فعلاً خلفت بنت صالحة
إني مش انسانة كئيبة
محتاجة اتخيل إني هطلع القمر
و إني هسافر الجزائر
و إني هلف العالم و ارجع تاني مصر
وهخلص الكلية اللي انا فيها وانا لسة بصحتي و متجننتش
و إني هيبقى عندي عزيمة غني أعمل المعادلة و الزمالة
و إني هبقى دكتورة شاطرة و على وشي بسمة تطمن المريض و اسمع من المرضى و اهلهم دعاوي حلوة
و إني هفضل ورا حلمي لحد ما احققه عشان اعمل مستشفى كبيرة الغني فيها بيتعامل زي الفقير
محتاجة اتخيل إني عايشة في حياة ناصعة البياض زي اعلان تكييف شارب
و اني ممكن في اي وقت أقدر آخد وقت مستقطع من الحياة و اروح لوحدي على البحر و اقعدلي كام يوم
واني مبسوطة قوي من جوايا
محتاجة اتخيل إن فيه حد فاهمني و عاوز يفهمني و نفسه يفهمني
وإني واضحة قوي
و إني عندي واحدة صاحبة انتيم و تحبني واحبها تحبلي الخير واحبلها تتقبلني باخطائي و اتقبلها نتناقش ونتشارك و نحاول نصلح بعض براحة
محتاجة اتخيل إني لابسة نقاب ومش هاممني اي حاجة في الدنيا
واني بصلي كل يوم بليل القيام و اقعد ابكي بين ايدين ربنا
واني لما بصلي ركعتين بحس بالخشوع و إني قدام الخالق عز و جل
وإني راضية من جوايا
محتاجة اتخيل إني حلوة
وإني رشيقة
و إني عندي لياقة
وإني انسانة رياضية
محتاجة اتخيل إن عندي حصان في العزبة
و قطة صغنتوتة تتمحك فيا
و كلب العب معاه و يصاحبني
و ذئب قطبي اللي لونهم ابيض دول احضنة جامد لما احس إني محتاجة حضن دافي
و عصفورة من غير قفص تقف كل يوم الصبح على الشباك تزقزق و تصحيني
و سحلية اسميها إليزابيث من اللي بيتلونوا على حسب المكان اللى هما فيه
وصقر و غزالة و معزة صغنتوتة
محتاجة اتخيل إني مش بكرة الجواز و مش بكرة الرجالة و متجوزة ومخلفة بنوتة اسميها مارية
و إن اللى هتجوزه دة يكون حاسس إني أنا و هوه شخص واحد ميتحرجش انه يعتذر لو غلط حتى لو كان مبيعتذرش لأي حد و ميتضايقش لما ازعله و ميفتكرش إني لما بعمل كدة ابقى اتغيرت لإني انا اصلا متغيره بس الثابت الاكيد إني أنا بكمله و بنرسم احنا الاتنين شخص واحد مكون من انا و هوه
و اتخيل إني ممكن اعمله كل اللي يتمناه من غير ما يطلبه و إني ابقى مطيعة ليه
و اتخيل إني مشهبقى من السيدات اللي يكفرن العشير و إني مش لما يغلط فيا مرة انساله كل حاجة عملها عشاني
محتاجة اتخيل إني بتنفس هوا نضيف
و اشرب ماية نضيفة
و لما احتاج هدوء ألاقي هدوء
محتاجة اتخيل إني بعرف اعوم
وبعرف اركب حصان عربي و اجري بيه
و بعرف اجري سريع
و بعرف العب كونغفو و اعرف ادافع عن نفسي
محتاجةاتخيل إني بفهم في الكمبيوتر
و إني بعرف استخدم الفوتوشوب و الثري دي ماكس
و إني بفهم في الهاكنج عشان اعرف احمي نفسي
محتاجة اتخيل إني هقدر ارد للي يضربني قلم (مجاز ) الصاع صاعيين وبرغم دة اعفو و ماعملوش حاجة و اسامح
محتاجة اتخيل إني اعرف اسكت لما يبقى الموقف محتاج اني اسكت ومزعقش و متنرفزش
محتاجة اتخيل إني مبغضبش غير للدين و لله مش بغضب لنفسي
محتاجة اتخيل إني هادئة الطباع
محتاجة اتخيل إني ملاك على وشة ملامح البراءة
محتاجة اتخيل حاجات كتير قوي
قوي
قوي
أصل تعبت من حالة الاكتئاب اللي أنا فيها
فقولت اتخيل شوية
سلام
واحدة راسمة على وشها ابتسامة سلام
..................................
على جمب : الكلام بتاع البوست رايح يمين قوي على حد قول كيكي
مش عارفة ألاقي الحتة بتاعت الحركة دية في
ال html
بتاع التيمبلت
وكمان مش عارفة أكبر حجم الخط بتاع ال بوست نفسة اللي هوه نورمال في ال اتش تي ام ال
أعمل اية؟
...............................
.jfif)
.jpg)
19 قالوا رأيهم في العك اللي تحت ؟؟؟:
السلام عليكم و رحمة الله و بركاته
محتاجه تتخيلى تخيلى براحتك و احلمى و اعملى اللى انتى عاوزاه بس حاولى تحققى تخيلاتك و أحلامك
بس نصيحه بلاش تغوصى فى التخيل قوى لدرجه كبيره أصل ممكن تبقى زيى و متعرفيش تفرقى بين الخيال و الواقع
و حاولى أنك ما تتخيلش حاجات من اللى بيقولوا عنها مستحيله حاولى تتخيلى حاجات ممكن تتحقق بالرغم من اللى انا بقوله الا انى بحلم و بتخيل المستحيل
سلام
واحده لا تفرق بين العالم و الاحلام
قولى يااااااااااااارب حققلى اللى فيه الخير ليا وارضينى بيه
وقولى لا حول ولا قوة الا بالله العلى العظيم كتييييييييييير عشان الاكتئاب يروح
توكلى على الله واهى الايام بتعدى واكيد ربنا هيفرجها
روح بلا فرح
عليكِ السلام و رحمة الله و بركتة
لأ متخافيش انا مش كتير بتخيل يعني
ربنا يهدينا جميعا لسبل الرشاد
..........
أم بقلظ باشا
يااااااااااااا رب حققلي الخير و ارضيني بيه
حاضر
تسلمي
........
سلام عليكما
لذيذ اختيارتك فى النيو لوك الجديد بس فى مشكلة اول كلمة من كل جملة مش واضحة جايه يمين اووووى!!!!
ماعلينا******
كلنا يانعكوشة بنتخيل الحاجات دى مش انتى بس مين مش بيتمنى انه يكون شبه انسان كامل فى صفات الخير غالبه ع شر النفس البشرية!!!
مين مش بيتمنى السكون والراحه النفسية وانه (علاقاته) بكل الى حواليه مليانه مودة ورحمه!!
انتى لسة مش عندك صاحبة انتيم!!
اقولك زر انا مش بحب كلمة حد انتيم يعنى كل اصحابى مثلا ع فكرة مش كتير اوى زى مانتى فاكرة بس بحسهم كلهم بيكملوا صاحبة انتيم!!ممممممممم فاهة اقصد ايه! يعنى انتى عندك ومش حاسه...مش عارفة ليه اكتر حاجة استغربتها انك ترتدى نقاااااااااااااب!!!! حسيت انها مش راكبه عليكى!!! مش قصدى حاجة ع فكرة بس انتى لو حاولتى تحسى كلامى هتفهمينى والله!!!ممممممممممم
عارفة اقولك زر تانى مش عارفة لية دايما اتخيل الى هقابله هيشوفنى متميزة فى حاجة هيشوفنى غريبة ع الكل هيشوف فيا حاجة حلوة اوى اى نعم مش عارفة ايه هى اصلا بس مممممممممممم
حطة دى مع تخيلاتك!!
****هو انا مش هشوفك فى يوم من الايام؟؟ عادى يعنى مجرد سؤال
خدى بقى الحضن دة
نتباقنابقبرثقب54478798
كيكي
مش عارفة اتصرف معاه صراحة
انا حاولت بشتى الطرق
اصلاً البتاع كان بالمعكوس
و الكلام كان شكله مختلف
بس صراحة اتصرف في حركة اليمين قوي دية
هجرب تاني كدة
.............
انا نادراً ما بعمل حركة التخيل دية بس يعني التجربة مش وحشة
وكويس ان فيه غيري بيعملها
.............
لأ لسة مش عندي
بس انا مبحكيش لحد من صحابي حاجة عشان يكملوا بعض
يعني معظم علاقاتي بالناس سطحية
ومبحبش اقول اسراري لحد
آه انا بحب صحابي
وبحب اخدمهم و اقعد معاهم
بس
مبقولهمش سراري
فكان نفسي يبقى ليا واحدة كدة
اينعم انا مبسمحش لواحدة انها تتدخل لدرجة اني اقولها كل اسراري
بس عادي يعني
التخيل مش وحش
بالنوسبة للنقاب انا شيفاه وسيلة للزهد من الحياة
انا اصلا قرفانة منها
عارفة اني ضايعة و بحب اللبس و الشنط و الهدوم و البرفانو و الفضة
بس عادي يعني
كان نفسي ازهد فيها
ان شاء الله تلقية يا كيكي يابنت امو كيكي
و يسعدك و تسعديه دنيا و آخره
أما أخرج من الصومعة اللي انا فيها
بإذن الله تشوفيني
متشوفينيش ليه يعني
تسلم يا باشا
سلام عليكِ
شيلت الاكل وجيت اصلا وانا بشيل الاكل عمالة افكر ومضايقة من موضوع صاحبتك الانتيم ققلت طب وانا بكلم نفسى ليه ما اسبلها كومنت!!!
المهم بقى انتى ممكن يكون حوليكى ناس بيحبوكى وانتى مش حاسه بيهم تعاملى مع الناس يعنى
غير كدة بقى عمرك تصدقى عمتا ان فى ناس من منطقة مختلفة تمام يكون شبه بعض فى حاجااااااااااااات كتير اوى لدرجة انك تتخيلى انهم عفاريت!!!
اى والنعمة ابسط مثال البت انجى شوفى انا فى القاهرة وهى فى اسكندرية وكمان غير انوج !!! تصدقى كمان ان احنا شبه بعض بس هى ع ارفع بنت اللذينه عااااااااااااااااا
هو انا ليه بقول كل دة هرجع واقولك لو حسيتى كلامى هتفهمينى بختصار يعنى انجى بتجئ فى السنة مرتان يعنى لو تحبى تخرجى معانا لمة تيجئ تعالى مش انتى فى القاهرة برضه؟؟!!
مممممممممممممممممممم
انا عارفة ان الكومنت دة ملوش لازمة ولا انتى هتيجى اصلا!!!!
بس مش عارفة كتبتوا ليه؟؟
والله انتي سكر
ضحكتيني
هههههههههههههههه
ياكيكي منا عارفة ان فيه ناس بيحبوني
وانا بحب صحابي
وبحب كل الناس
فكرة الحب شئ
و الصاحبة الانتيخ شئ آخر
أما تبقوا تخرجوا ابقوا قولولي و إن شاء الله ادرس الموضوع من حيثيات أخرى
مش عشان مش عاوزة اشوف حد
لأ عشان حاجات تانية
عادي يعني
انا مش متقوقعة قوي كدة
بخرج برضو
وربنا يخليكي يا كيكي
كنتوا بتاكلوا اية؟؟؟
سلام عليكِ
حلوة اوي تخيلاتك دي كلها والاحلي انها مش تبقي تخيلات وتبقي انتي فعلا
انتي هتبقي احسن دكتورة وهتبقي حد كويس اوي علشان انتي عايزة كده وعلشان ربنا معانا ومش بيضيع تعابنا ابدا
وبعدين تعالي هنا يا بنت انتي مش بتزوريني ليه ولا لازم ادفع كشف :)
تخيلاتك حلوة اوى اوى اوى
بتدل على روح طيبة
غمضى عينيكى وانتى نايمة على سريرك بليل واتخيلى واخرجى من اللى انتى فيه
اى حلم فى الدنيا سهل تحقيقه طول ما فى عزيمة وإرادة وطاعه لربنا وحب
كل حاجة سهله
بس انتى توكلى على الله
وتقبلى الواقع مهما كان مع الحلم بتغييره ومحاولة تغييره دايما
تحياتى
شاب فقرى
أميرة على كوكب مهجور
ربنا قدر على كل شئ
ان شء الله في يوم اروح اعلق عالحاجات اللى عجبتني هناك
...........
شاب فقري
نحاول
ربنا ييسر يا رب
حاضر اجرب
بحاول والله اتقبله على قد ما اقدر
وبدعي ربنا يخليني اتقبله
تسلم
.........
سلام عليكما
آه يا نعكوشتى
خدينى معاكى انا كمان
احاول أتخيل
يلا يا فطمطم :D
تصدقى بقه
ان اكمان تخيلت معاكى
وفكرت انا كمان نفسى اتخيل ايه
جميل ان نتخيل لكن الاجمل ان نحاول تحقيق ما نتخيله
الغوص في عالم الخيال يجعلنا ننسى واقعنا وعند عودتنا اليه يصدمنا
ماهما كان الخيال جميل واقعنا أحلى لو فهمناه
men tany mafish 3rby 3ala 2l pc dah
fa 7akteb bel franco arab ......7elw 2l look bet3 2l blog bass bardo lessa bas2al ....what about el ektera7 bet3 enek tersmy 2l head pic's bet3t 2l post's bet3tk ....saneyan betgely 2l ta7'yolat dih bass sa3at ba7welha le wake3 bass fe dem3'i mara ...ya3ni maslan wana mesafer cairo bab2a mabsot law rakeb 2l train maslan we yekon belel at7'yel nafsy rakeb 2l train dah fe tunis maslan we eny ba2a lama baro7 abat fe 7elwan ana ba2a maslan fe 7eta sa7ra bara masr we raye7 beyt tany .........7agat men dih bass dih mesh betawel ....enama 2l 2ayam dih talba ma3aya eny aro7 Nassa we a7'od training zay ely bey7'doh beto3 2l fada2 we afokeny men 2l gravity we agrab eny ater we adlo2 maya fe 2l hawa we mato23sh maslan ......anyway talet 7aga ana kan 3ndi kalb kan husky we kan lonha gray fe abyad kan esmaha brandi we kan 3ndy falcon we mara we ana fe 2l nady la2et 7erbaya we rabetha 4 months ...we kan 3ndi 4 kelab ba3d keda 3ala fatarat mo7'talfa we rabet samak ....le7ad now ma wesllt en 3ndy cats now 3ashan mesh 3ref araby 7agat tanya fa 2l cats now 3ndy ba2o bet3 6 .....beys3bo 3alaya ....anyway keep dreaming.... fe 7aga 7ases enaha sa7 to ma 2l wa7ed beyfakar fe 2l 7aga we bey7lam beha bet7sal and if you will wish....Careful what you wish
Careful what you say
Careful what you wish
You may regret it
Careful what you wish
You just might get it
we 7ata law ma7slsh 7aga adena kona ben7lam 7ad 7'asran 7aga
we salam
ازيك يا نعكشة
تخيلاتك جميلة بجد
بيتهيألى كل الناس عندها الاحلام دى
ربنا يكرمك يا رب و تنولى كل اللى بتتمنيه
لو حطيتى على اللى كتبتيه بيت على البحر حواليه فراااااااااااااااغ
تبقى دى أمنيتى انا كمان
غالبا ده مش هيحصل غير لو طيارة وقعت بيا فى المحيط (بعد الشر عنى)و رحت على جزيره مهجورةزى الافلام
اكيد مش هعرف اشترى بيت زى ده بمرتبى الحالى
(:
كفاية بقى علشان انا ابتديت اخرف
دمتى بخير
السلام عليكم
البنت المشمشية
يا رب يحققلك كل تخيلاتك الحلوة
............
خوطر شابة
الفكرة إني أصلاً كنت في حالة ملهاشعلاقة بلتخيل لحلو خالص
عامة تسلمي عالمعلومة
.........
blind sniper
مافي مشاكل يا فندم
الاقتراح مش نافع في الفترة الحالية
1- عشان الموبايل اللي كنت بصور بيه جاله استبحس و معنديش اسكانر
2- من ساعة ما خدت الاجازة وانا مش قادرة ارسم
ثانياً :D و خصوصاً الحتة بتاعت ناسا دية
منا عارفة انها حاجات مبتطولش
انا بس قولت افرفش نفسي شوية
لحسن البلوج بقة عبارة عن اكتئاب * اكتئاب
هههههههههه
ثالثاً : افعلاً نفسي في تربية الحاجات دية بس ماما معارضة
والحرباية بعد الاربع شهور راحت فين؟؟؟؟؟؟
هقولك حاجة معوقة : مرة واحنا في المصيف
لاقينا برص ههههههه آه والله خدناه و حطيناه في علبة الدوا ( علبة شفافة) و عملنالة فتحات
و سميناه اليزابث
بس مات
نا فعلاً نفسي في سحلية ولا حرباية عامة كائن عثول :D
واحنا في الأقصر و اسوان كان فيه تمساح صغنتوت العيال كانت بتلعب بيه بس قبل ما أخدة من الولد اللي قبلي وقع منه و طبعاً قعد يجري فالناس المسؤلين عن التمساح مرضيوش حد تاني يمسكة ( كنت نفسي اتصور معاه :( )
ماما معارضة حكاية القطط بتقولي هوه انتي عارفة تراعي نفسك اما هتراعي قطة !!!! لا تعليق
والكلب محتاج بيت ليه ساحة خارجية عشان مينجسش البيت
بس انا بحب الكلاب :D
عندك حق
الواحد يحاول يحقق اللي يقدر عليه بقة
و آدينا بنحلم
ورانا إيه :D
عليك السلام
............
شهد الملكات
بخير احمد ربي
انتي شحالك؟
اللهم آميييييييييييييين
وانتي كمان
كان فيه بوست من البوستات القديمة
كان فيه بحر و شاطئ و كل اللى قلبك يحبه
استني اجيبهولك ( لو بصيتي هنا تاني يعني)
http://hagat-keda.blogspot.com/2009/03/blog-post.html
لو حسيتي ان الخط صغير
اعملي zoom من الاكسبلورر عشان مش عارفة اصلح حكاية الخط دية دلوقتي
نورتي يا فندم
عليكِ السلام
............
سلام عليكم
http://samocon.la2host.ru/41-gerosio.html connecticut bankruptcy http://netpnichen.la2host.ru/11-2008.htm bankruptcy discharge not applicable http://densrecan.la2host.ru/krediti-predprinimatelyam.htm colorado springs colorado bankruptcy cases http://dropenpa.la2host.ru/lindi_24-11-2008.htm bankruptcy discharge not applicable http://bezzcentlin.la2host.ru/lindi_24-02-2009.html bankruptcy filings http://densrecan.la2host.ru/krediti-bez-zaloga-poruchiteley.htm bankruptcy credit cards texas http://corfidow.la2host.ru/12-gerosio.htm rebuilding credit after bankruptcy http://dropenpa.la2host.ru/34-gerosio.html san antonio bankruptcy help http://crysredto.la2host.ru/8-gerosio.htm nortel bankruptcy
http://lauknowhet.la2host.ru/lindi_24-03-2009.htm brundage bone bankruptcy http://infritac.la2host.ru/lindi_09-04-2009.htm companies filing for bankruptcy http://infritac.la2host.ru/lindi_10-03-2009.htm perry weitz bankruptcy
صراحه بحب افلام الرعب لكن تؤثر فيني فمستحييييييييييييل .ونتى شكلك متأثرة بيها جدا وعيشه الرعببببببب !!
Post a Comment