نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

أنا قولت نعم

عشان مش عاوزة مصر تفضل ف حالة فوضى
عاوزين نبني بقة

8 قالوا رأيهم في العك اللي تحت ؟؟؟:

نعم للتعديلات؟؟

 

إنتي حرة

أنا أصلا مش من حقي التصويت
اهئ اهئ اهئ
:(

 

اجمل احساس النهاردة ان الواحد حس انو بيعيش صفحة من صفحات التاريخ
لكن الشىء اللى زعلنى ان الناس اتحزبت احزاب حزب مسلم ومسيحى وحزب علمانى ومتدين واللى بيقولو نعم هما اللى بيحبو الاسلام واللى بيقول لا بيحب العلمانية وحاجة كمان بيقولولك ان علماء الامة بالاجماع قالو انو واجب عليك انك تقول نعم شفت لالالالالالالالالالالالالا انا بصراحة لو البداية كدة انا هخاف على الايام الجاية اوى
وياريت تشرفنى فالمدونة بتاعتى اهل الحب
http://lovecity2000.blogspot.com/

 

إيثار

لسة الأيام جاية كتير إن شاء الله


فيلسوف زمانة

صراحة أنا مبفهمش قوي ف السياسة
اللي أعرفة إن الثورة تجب ما قبلها
والرئيس القادم مطالب بعقد برلمان لتغيير الدستور و الشعب هيُستفتى فيه بيان بيان
و إن الرئيس الجاي مش هيقعد كتير فمش هيلحق يفسد
ولو أفسد من حقننا ننتخب غيرة ف انتخابات نزيهه
دة غير إن اي حد هيرشح نفسه هيقدم برنامج انتخابي لو عجبني هنتخبه معجبنيش منتخبوش
حزب بقة مش حزب مليش فيه
ومقولتش لأ عشان علمانين ولا نعم عشان اسلاميين

أنا قولت نعم عشان كفاية فوضى بقة كدةة هنتأخر كتير

اما عن الخوف
فتفائلوا بالخير تجدوه
احنا بنحاول نعمل حاجة وربنا عليه الباقي


نبذه صغيرة
انا مش عاوزة البلد علمانية صراحة و مش هقبل يمسكها رئيس مسيحي او إنهم يغيروا المادة التانية من الدستور إن الدين الاسلامي المصدر الاول للتشريع

وربنا معانا

حاضر إن شاء الله

سلام عليكما

 

الموضوع خلص

بس ازاى لا على دستور فقد شرعيته

مين قالك ان نعم هتجيب استقرار ؟


ده ب نعم هيتعمل 8 انتخابات


ده غير حاجات تانية كتيرة مثيرة للشكوك

على العموم احترامى لرأيك

واصلا هى خلصت

 

أنا قلت نعم
والدستور سوف يتغير بكامله في المستقبل

 

نعكشة وحشتيني وكتير كنتي بتوحشيني وللأسف مكنتش بقول

أنا قرأت تعليق ليكي عندي في مدونتي من سنتين والتعليق ده فرحني جدا تاني وفكرني بيكي وحبيت أقولك انك بجد انسانة جميلة اوي وطيوبة والتعريف اللي كتباه عن نفسك في مدونتك قاسي أوي

سلام عليكً

ملحوظة التعليق ده ليكي مش للنشر