نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

موعد الرحيل




تظهر بالمرآه صورة مشوشة لامرأة ارتسمت ملامحها الأولية منذ قرابة الثلاثة عقود
عبثت انامل الحياة في وجهها لتكسبه لحناً صاخباً - هو تقليد رديء لموسيقى  مبهجة - فلا تدري من منظرها هل هي سعيدة أم بائسة
إذا ما نظرت إلى جبهتها تجد بوادر التجاعييد التي  ستكسو وجهها بعد حقبة من الزمن إذا ما طال بها العمر 
 ترى سطحاً مهيئاً تماماً لتلقي مزيداً من الألم
قديماً كان يمكنك أن ترى لمعة عينيها الضاحكة تبرق على استحياء من وراء جفونها المحروسة برموشها الكثيفة السوداء 
الآن لا ترى سوى عيناً ذابلة تكاد تشك في بياضها محاطة بالهلات السوداء 
أما أنفها  فقد فعلت به الدنيا أفاعيلها .. هوغاضبٌ منها لا محاله فتراه موجها  إلى اليسار فتقتنع كلما نَظَرَتْ إليه أنها من أهل الشِمال 
تعبث به في محاول لتعديلة وهي تقول : لماذا لا يمكنه أن يكون معتدلاً
رغم عمرها فإنك تجد الحبوب تغزو وجهها خاصة فوق شفتيها و قرب صدغيها وكأنه نمل متكوم على فتات الخبز 
فمها .. ذلك الشئ الذي لا تكاد تراه في وجهها لشحوبه و صغره ولكن فائدته الوحيدة هو أنه يغطى تلك الاسنان الصفراء- لشراهتها في شرب السجائر- و يحبس تلك الرائحة الكريهة التى تنطلق من فمها إذا ما قامت بفتحه
لا شئ أكثر بؤساً من وصف ملامحها
لا شئ سوى وعاء غبي يحمل بداخله روحاً لفتاة تغزل بورقة بيضاء كفنها 
و تغسل بدموعها ما قد خلفته الأحبار السوداء على تلك الورقة
تعزف على رسغها بمشرطٍ حاد فتنساب منها ألحاناً تُكتَب بدمائها على آخر نوته موسيقيه لها
تبتسم ابتسامة صفراء و هي تتممتم آخر أهازيجها
ثم تثبت عينها لأعلى معلنةً أنه موعد الرحيل
....................
حكوك التبع و النشل محفوسة لنعكوشة

13 قالوا رأيهم في العك اللي تحت ؟؟؟:

واضح يا مريم انك قريتى كتب كافكا
:)))))

 

في الواقع دورت عالكتب بتاعتة كتير في سوق الازبكية و ملاقتش
و الوحيد اللي قالي عندة القلعة حتى مش اللي حضرتك قولت عليهم
لما دور عليها ملقاهاش


لسة مقريتهاش :(

ان شاء الله لما انزل تاني و اسئل الاقيهم

سلامٌ عليك

 

http://www.4shared.com
ده رابط لموقع ممكن تعملى داون لوود لاى كتاب انتى محتاجاه ولا الحوجة للازبكية
وعليكى السلام

 

انا فعلاً نزلت من عليه كذا حاجة قبل كدة

كنت بحطهم عالموبايل و اقراهم
بس لما جربت الكتب عجبني اني امسك كتاب و اقرا

بس .. كويس إن حضرتك ذكرتني بيه

جيدون جيدون
سأقوم بهذا العمل ان شاء الله

تسلم
ربنا يخليك ياااااا رب

دمت سالم :D

 

ازيك يا نعكوشه ياقمر يارب تكوني بخير
ايه ده كله يابنتي اسلوبك حلو اوي حسيت اني شوفت الشخصيه دي بجد بس هو في حد كده فعلا في الدنيا كله حاجة غامقه كده حد البسمه:(

 

أحتمال وجوده
بس الأغلب إن البنية تغلب عليها النظرة السوداوية .. واحدة راحة تنتحر ألبسها بمبى يعني:D

طب تصدقي ممكن
المرة الجاية بقة
ههههه

 

مرحبا..
وصف معبر ومؤثر..
بس مش لزمن يعني تبص للمراية..ههههه
تحياتي وتمنياتي

 

حالة انتحار محتاجه واحد رخم يطلع على جمب القصة ويصرخ بصوت عالى يفزع اللى بينتحر نفسه ويقول

دكتور ياعالم دكتووووووور دكتورررررررررر

قصة رائعة

لكى منى اطيب تحية

فقرى

 

بقالى ساعة بدور على التعليقات ومش لاقياها معلش غباء بقى...دة غير ان النت فى بيتنا فاصل وانا دلوقتى اصلا فى الكورس وشوية حاجات كدة هبقى افسرهم بعدين يعنى

المهم انى خفت لما قريت القصة دى

على فكرة اسلوبك يتطور عزيزتى اولجا...بجد بيتطور يعنى

خاية ابقى زى الست اللى فى البوست..معرفش

متضايقة اوى..والنت فاصل..والموبايل غير متاح

 

IRMSA

عادي عشان تبتئس اكتر
من حقها تبتئس بقة

نورت/تي
......

شاب فقري

ههههههه لما حد بيبقى عاوز ينتحر بجد مش بيهوش
بيحاول يكون بمعزل عن اي وسيلة للمساعدة

تسلم

..........

Enjy

هههه ولا يهمك

الله يوفقك
حقاً يا لويزا؟؟ هذا نبأٌ سار
سار إلى بيته هههه

وانا كمان

متضايقة من اية ؟؟

و احرقي الراجل بتاع النت دة

و هوه مقفول
هوه انا ينفع اتصل بيكي وانتي في الكورس !!!!!!!

نورت يا باشا

.......

سلام عليكم 

 

حسيتك عزفتى بمقطوعه موسيقية شديدة الغضب والانفعال والحزن والامل بعيد المنال!!!!
براااافو

 

حلو البوست وانا خلاص اختارت اسم رحيل اعلق عليه بوستاتك
هي رحيل ليه انتحرت

على فكرة علقت على البوست اللي فات واللي قبله والله في البوست اللي قبله
بس مش عارفة فين راحت كومنتاتي
تحياتي

 

كيكي

مممم

اوك.. شكراً

.....

فكرة من الزمن دة

أوك
ليه؟ .....مش عارفة
راحو فين ؟ ...... مش عارفة

.....

سلامٌ عليكما