نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

لهذا أعشق الماء




أود أن أكون كالماء
شفافة: في مشاعري.. يكاد الذي يراني يرى من خلالي 
لكني أملكُ من الغموض ما يجعله يحتاج إلى الكثير من العمليات الكيميائية و الجهد الكهربي كي يعلم تكويني


واضحة : يظهر على وجهي إذا ما تعكر صفوي
لكني قد ارسب الطين في اعماقي كي لا يتكدر به من حولي


أملكُ الكثير : تماماً كالبحر.. غير أني أخفي الآليئ في أعماقي لا يحصلُ عليها إلا من يستحق


متكيفة : أملكُ كالماء خاصية الميوعة فيسهل علي التكيف على قدر الاناء و على شكله 
لكني قد أكون جامدة كالثلج إذا مااحتجت إلى ذلك
و قد أغلي لأحرق من يقترب مني في حالة غضبي
و إذا ما حزنت أتمكن من التبخر و الانتشار لأرحل عن الجميع


مُعِينَة : كالماء أحمل من يطلب معونتي لتسير مراكبه على سطحي
لكني قادرة تماماً على إغراقة إذا  شئت أن أفعلها


غير متكلفة : كالماء أبدو في  مظهري .. أبسط من أن يلتفت إلي من لا يفهم في الذوق و أصعب من أن يتمكن الكثيرون في تقليدي
لا يهيم بي عشقاً إلا من يفهم كيف يعشق بساطة الماء 


متقلبة : كالبحر تتدرج ألواني  ليلاً و نهار و تختلف حالاتي و تموجاتي
بين الهدوء و العاصفة
أحتاج من يعشق الجنون في حالات جنوني
لكني سهلة بسيطة  أحمل لصغار ليسبحوا بي في حالات روقاني  و هدوئي


ذات مذاق  فريد : أن أكون كالماء بلا مذاق  محدد .. بل بمذاق  لا يقدرُ أحداً على افتعاله


لكل الأغراض : أروي العطشى و انبت الزروع
أرطب الأجواء في القيظ
أدفئ في البرد
أزيح الآلام
أنا للهو كما أنه لا يمكن الاستغناء عني في ساعات الجد
و هناك بالطبع المزيد


ولهذا أعشق لماء
وأتمنى أن أكونه

....................
حكوك التبع و النشل محفوسة لنعكوشة
photo is painted by: dark-zephyr

14 قالوا رأيهم في العك اللي تحت ؟؟؟:

نعكوشة
مكتئبة
جيت هنا قلت ارغي معاكي
اقرا حاجة تزود الاكتئاب
لقيت بوستات كتير لسة مقرتهاش
قلت اسلم عليكي
واقولك كمان اني قلت لك في البوست اللي قلتي فيه انك مش عارفة تحبي نفسك علشان كده مشبتحبي حد
ان كفاية اننا بنحبك ومن غير هدف واجمل ما فيكي صدقك وصراحتك ووضوحك واكيد انت فيكي من الماء وضوحه
اروح اكمل قراية

 

أواجهه فجأةً بضربةٍ على صدره : لماذا تركته؟ـ



مفهمتش السؤال هي بتقول له ليه تركته ولا بتقول لنفسها ليه تركته
لو كده ليه بتضربه
معلش مافهمت

 

صحيح عرفتي تنسيني

تحفة جمييييييييييييييييييييييلة


بس ابقى قولي إزاي أول ما اشوفك
ميرتجفش جسمي
ولا دمعي يجري عليك
ولا تثبت عيني في عينك
ولا احس إني مشتاقة ليك
ولا يهرب كلامي مني
اول ما تقول وحشتيني
وتسألني والبسمة على وشك
صحيح... عرفتي تنسيني؟ـ

وبدايتها كمان التدرج في الخطوات المتبعة للنسيان اومحاولة النسيان
بداية من قفل الموبايل للتفكير في شيء ينسي حلوة جدااا

 

لم افكر في الماء قبلا
لعلنا سنتنافس بعد تلك الرائعة في حب الماء
:)

احب كثيرا
كلامك الجميل
البسيط
الهادئ
والحالم :)

حروفك تأسرنا داخل قلعتك
وتحت سلطان أسرك
نحن نستمتع بالحرية

×)

عزيزتي
عذبة انتي
وكلماتك

:)

 

نسيت اقولك
إن كان على أحدكما ان يكون عذبا
أعني أنتي او كلماتك

فالرابح هو "انتي"

مودتي

 

الله عليكى يا نعكوشتى
جميله بجد
انتى كده خلتينى اغير من الميه
نفسى اكون زيها
بس هو فى حد يقدر يستغنى عن الميه
الميه شريان الحياه
يا رب يا نعكوشتى تكونى دايما بخير ومتفائله وتكتبيلنا احلى واحلى

تحياتى

 

جميل جدا والله,
فلسفة ودماغ عاليه,
وانا كمان اتمنى اكون ميه (:

 

معرفش ليه النهاردة..والنهاردة بالذات

مستر احمد كان قاعد بيشرح وناتع قلبه وانا فاتحة جوجل وقاعدة بدور عل صور للماء

والله دة حصل

 

نعكشه
لفتى نظرى للماء بس بجد بوست رائع
بس تعرفى فيه كتير ناس كدا
تحياتى

 

فكرة من الزمن دة

ههههههه.. واضح إن صيتي في الاكتئاب زايع
الله يسلمك.. ليش مكتئبة؟؟؟؟؟؟
ربنا يهون عليكي يااااا رب

مش دايماً صورة الانسان الحقيقية هيا اللي ظاهرة للناس يا فكرة يا عزيزتي

كملي

هيا بتكلم زوربا و بالمناسبة موسيقى زوربا(وهو موسيقي يوناني ) بيُرقص عليها في حالات البؤس
هيا بتضرب على صدر زوربا و بتقول لنفسها أنا ليه سيبته

صحيح عرفتي تنسيني

تسلمي

ومقولتيش مكتئبة ليه برضو
........


وحبي لك لن يموت

بالنسبة للمنافسة
قشدة :D
سأنتظرها
الله يكرمك والله

بالنسبة للرابح .. ربما .. بس برضو أعتقد انها الكلمات لإنك مشوفتينيش سخشياً

.......
rony

انا مش بس بحبها عشان مقدرش استغنى عنها
عشان كدة كتبت البتاعة اللي حضرتك قريتيها

.......

salma mohammed

فلفسة .... مممممم
الواحد بيعوز حاجات كتير
بس الفكرة هيعمل اية عشان يحصل عاللي عاوزة
(دة عشان قولتي فلفسة بس ههه)
.......

ُEnjy

توارد افكار يا انجي :D

......

Sookara

أي خدمة

نفسي بقة انا كمان اكون كدة
بصي هوه لسة في كتير و كتير
لو فكرت في ليه انا بحب الماية
وليه نفسي اكونها
بس تقولي اية في الكسل

........

سلامٌ عليكن

 

السلام عليكم

وهو انا بقى علشان كده بحب الميا؟

تامل جميل فى المياه
بجد احسنتى الوصف

 

انتى عرفتينى حاجات مكنتش واخد بالى منها كالعادة

بليز مش تقفلى التعليقات عشان نعرف نقول رأينا فى أى كلام بيتكتب :$

أيون كونى هادئة كالماء وتقبلى طلباتنا فى رضا :)

خالص تحياتى وإحترامى

شاب فقرى :)

 

حلوة بس بحس ان الىكاتبها هو الى يفهمها ...تحكم جيد فى الكلمات

 

عابرة سبيل

عليكِ السلام
مش عارفة!! احتمال

تسلمي

.....

شاب فقري

انا بقفل التعليقات بس عالحاجات بتاعة الاختلاجات ..مجرد مشاعر بكتبها و خلاص

بس نحاول ان شاء الله

......

Blind sniper

احتمال

تفكرني فيلم واحدة بواحدة لما عادل أمام بيقول لاسمها إية
نجوي .. لا آه
ميرفت امين
تحكم عجيب في العضلات

عامة

خير خير

تسلم
......

سلام عليكم