نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

طلب و رجاء

سلام عليكم
معلش طلب يعني دة بعد إذنكم يعني


لما ببقى كاتبة 
حكوك التبع و النشل محفوسة لنعكوشة
وأما ببقى مش كتبة تحت في الحاجات المتعلقة بالموضوع  ( كلام عني )  رجااااء
محدش يعتبر الموضوع عني
عشان بتشل 
دية
مجرد
حالة
بتقمصها
وبكتبها
حتى و إن كنت عشتها فعلاً فأنا لما بكتبها بكتب اكنها واحدة تانية و مجرد مقطوعة أدبية 


معلش يعني الطلب  : اعصروا على نفسكوا لمونة و انتوا متضررين طبعاً علقوا على البتاعة كمجرد موضوع 
مش كأنا
انا مبتكسفش أقول إني مشوشة
ولا أقول إني مكتئبة
ولا أقول إني مبسوطة 
ولا  بتكسف أقول إن دية حالة عشتها بجد
و عادي يعني بتقبل اي حد ينصحني 


بس دييييييييييييييية ( حكوك التبع و النشل ) ـ
مجرد
مقطوعة
أدبية
وشكراً
جزيلاً
أعزائي القارئين
ولا أقولكوا.. عيشوا عيشوا .. اللي عايز يعتبر أي حاجة يعتبرها ..كل شئ مقبول
خدوا راحتكوا


سلامٌ عليكم أيها القوم


17 قالوا رأيهم في العك اللي تحت ؟؟؟:

انتى يا حجه انتى
انا مبقتش اعرف اقرء بوستاتك!!!
***انا بقيت استنتج بوستاتك والله**
!!!!!!!!
بقيت بحاول احس او اتخيل الكلام بقلبى وبعدي عنك بيجيلى عمى فى قلبى كتير من كتر دعا ماما عليه!!!!
ارجعى للاصل غير التمبل ده!!
التمبل دة باااااااااااااااااااطل
باااااااااااااااااااااااااااطل
باااااااااااااااااااااااااااطل
!!!!!!!
بينى وبينك انا زمان لمة كنت بكتب خواطر كنت بضاااااايق اوى لمة حد ياخد الكلام عليا انا ساعات لمة بسمع او بشوف موقف بتقمصه بطريقة بقعد اعيط واعصر فى نفسى كدة والله!!1 وبكرة حد ياخد الكلام عليه ولمة اكتب ع نفسى محدش يفهم ككككككككككككع كع كع كع!!!
باااااااااااااااطل
اجرى يا نعكوشة عشان فى دلوقتى عود كبريت جاى فى اتجاهك
***انوج النت عندها فاصل**
ممممممممممممممممممممم
هقول ايه تانى
اة انا جابه من برة وعينى وجعانى وضهرى ولسة هقوم اعمل لنفسى اكل هضرب تونة وبيبسى
مممممممممممممممممم
انا هيست
غيرى التمبل احسنلك
بااااااااااااااطل
الغازية لازم تنزل
عووووووووووووووووووو
اقول ولا عرفتى يا اخشتى!!!

 

كيكي

الفسلامة عليكي يا قمر

جاري البحث عن تيملبيت جديد يا فندم
هدفنا راحة الزبون

آه والله يا اوختشي واناكما
بسقوبت خلاص بقة
انوه عن اني بتضايق
وبعدها اللي عاوزين يقولوه يقولوه

اوك ... انصحها تحرق الراجل اللي بيمدهم بالنت و تاخد السايبربتاعة عنوة
ولو كانت بتاخد من الشركة
تغيرها

التغيير مش وحش

لا عادي عيشي
بالهنا و الشفا يا كوكي

سلام عليكِ

 

ههههههه^_^
والله بندخل نضحك وبتهوي عنها الجو شوية
توشكري .. والحمد لله الذي جعلنا في حالنا لا نفلس غيرنا بالحركات (الكرعة)اللي مل(ح)اش لا(س)مة
سلام ايها القوم

 

اختلف مع كيكى
انا عاجبنى الشكل الجديد
بس ده مايمنعش انك تدورى على احسن واحسن
...التغيير حلو
انا لما اكتب حاجه والاقى حد واخدها على انها حاله انا عايشها مش بتضايق اوى احيانا بضحك او ابتسم
اصل الواحد بيكتب مواقف كتير متضاده فى نفس الاسبوع يعنى صعب يكون بيكتب عن نفسه
والا ابقى مجنون

عموما المهم عندى ان المدام مقدره كلامى وفاهماه صح والا.....

تحيه لاسعه
متابعك دائما قليلا ما اعلق بناءا على رغبتك

 

دكتور لذيذ

مع اني مفهمتش حاجة
بس العفو

عليك السلام

........

لاسع أفندي

أنهو واحد بالظبط الاصفر ولا اللبني
وبعدين كيكي معترضة بس عشان التيمبلت اللبني كان الكلام فيه بتاع البوست مش بيظهر عندها

لهذا غيرته

التغيير حلو ( صح)

فكرة ان حضرتك متضايقش .. فماشاء الله دية سعة صدر من حضرتك
ممكن اجرب احاول اتقبل ان الواحد يعتبرها عنه

ربنا يخليها لحضرتك و يباركلكوا في بعض ياااااااااااا رب

مش فاكرة اني طلبت من حضرتك ما تعلقش
بس عامة
متابعة حضرتك تسعدني
سواء بتعليق او من غير :D

تحية منعكشة
..........

سلامٌ عليكما

 

تصدقي
ان شاء الله هتصدقي
اني لما قريت عنوان البوست عرفت والله انت عايزة تقولي ايه
لاني وانا باكتب الرد البوست اللي فات
جيه في بالي انه ممكن تكون مجرد خواطر مش بتعبر عنك
لكن قلت
بما ان الكاتب لم يموه ولم ينوه
يبقى نقول اللي احنا عايزينه
ونعتبر اللي نعتبره
الي ان يثبت العكس
وبما انه ثبت العكس
يبقى رجواتك اوامر يانعكوش

وهاجيب شخصية اعتبارية اعلق عليها البوستات بتاعتك وهسميها ايه ... ايه.... ايه,,,ابقى افكر في الاسم على راحتي
سلام ياقمر

 

ياااه يانعكوشه,
الناس اليومين دوا هي اللي دماغها منعكشه.

 

حاضر يا ستى من عنيا الاتنين

 

ياريت تضيفي اسمي معاكي ف الموضوع ده

لأني برضه التعليق عندي بقا اعتبار ما يكتب شخصي

المهم اللي ف الدماغ ايه

وانا عارف الدماغ اخر نعكشة

ودي احسن حاجة

تحياتي

 

البوست ده مينفعش :D
لازم تكتبيه قبل و بعد كل محتوي تدوينة في نفس التدوينة

يعني تبدايها بالتنبيه ده و تنهيها بالتنبيه ده

و برضه هتلاقي ناس تقولك انا عارف يا حامد ان انت حامد

 

الفقيرة إلى الله أم البنات

احمد ربي إنتي كيفك
يا رب تكوني بخير

...........

فكرة من الزمن دة

سبحان الله

اوك

.........

salma mohamed

كلو مقضيها نعكشة بقة
هههههههههه

........

عابرة سبيل

تكرم عينك

..........

Yusuf

ونحب ننوه إن الاخ يوسف برضو بيكتب مقاطع أدبية فقط لا غير :D

ماشي يا سيدي الفاضل
....

المعلم محمد صاحب مطعم طعمية سخنة

ههههههههه

أنا قولت أنوه من نفسي برضو
عشان نفسيتي برضو
أهو يمكن
:D

.....

سلامٌ عليكم

 

حاضر مش فاهمين حاجة عليكى

 

صباح منعكش

ليكي عندي تاج

يا تقبليه

يا تقبليه

الاختيار ليكي

 

العيسوي الصغير

تسلم

.....

YusUf

تمت الاجابة عنه بالفعل

تشكر
.....

سلام عليكما

 

لو سمحتي هاوضحلك السؤال
بالنسبة لعلو الصوت وارتفاعه وانخفاضه في الخطبة او المواعظ
ده بيه بعض فنيات الخطابة وعلي حسب حاجة الموقف والكلام الذي يقال
ولشد الانتباه
وله استخدامات اخري كثيرة في الخطابة
من حقك تسالي ومن حقنا نجاوب
مدونة جميلة
صلي علي النبي

 

عاشق الجنة

عليه افضل الصلاةو السلام

اعلم تماماً انه يجب التنويع في حدة و نوع الصوت على حسب المقطع
و يجب الا يكون الخطي
monotonous
او احادي النبرة

فدة بيخليه رتيب
انا بتكلم على الشيوخ اللي بيزعقوا طول الحلقة

وشكراً عللى التوضيح

سلامٌ عليك