نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

زهقت

عاوزة أروح مستشفى يحيى الرخاوي
(طب النفسي)
فى اقرب فرصة بإذن ربي

محدش عاوز يجي؟
.....................

محلوظةجانبية
معلش مش هرد على حد
مليش نفس اعمل اى حاجة
واحتمال انزل بوست بعد شوية اصلا
واحتمال احرق المدونة(لا مش امسحها .. اولع فيها بس)
كتر خيركوا

10 قالوا رأيهم في العك اللي تحت ؟؟؟:

ليه كده طيب؟؟

تعرفى انتى مشكلتك انك لما بتتدايقى بتقفليها خالص

شغل ايه اللى عاوزة تسيبى الكلية وتشتغليه

ومستشفى نفسية ايه اللى هتروحيها

صدقينى الدنيا بين وبين

يعنى ممكن تبقى مدايقة اى نعم

ادايقى براحتك
:)

بس مش تقفلى الدنيا بالشكل دا

لسه فيه جوانب فيها اشراق

وممكن بعد شويه تحصل حاجة تخلى الدنيا تبقى جميلة تانى

انا مبعرفش اكلم فى المواقف دى

كلامى بيبان تقليدىلا ورخم

بس بقوله برده

بقولك ايه

روقى كده
:)

 

بسم الله

على حسب معلوماتى فطب بشرى الاجازة بتاعتهم بعد شهر الامتحانات اللى هوا شهر تسعة

يعنى انتى هتشتغلى فى الاجازة

وطبعا هتستمرى فى الكلية بعد الاجازة

ربنا يوفقك ويعينك ويارب تكتسبى خبرة كويسة جدا تساعدك فى الحياة وتخليكى تحبيها أكتر

بس ليه سؤال بسيط

هوا المستشفى دى فين والكشف فيها ايه نظامه

لانى بدور على طبيب نفساوى يعالج العبد لله

ومتنسيش إن مهما كانت الأزمة أو المشكلة فمسيرها تمر على خير

مفيش حاجة فى الدنيا إلا وليها نهاية

ربنا معاكى يارب

تحياتى

شاب فقرى لاسع

 

تصدقى و تآمنى بلله احسن حاجة تعمليها
اهو منه علاج و خلية يشغلك بالمرة معاه
ده انتى يخطفك خطف
كفاية اللى حيدخل عنده حيتجنن منك
ده الفلوس حتجري فى ايدية والناس مش حيلحق عليها
روحي روحي ربنا معاكي

 

ياااه بجد نفسي اروح
اه فعلا
والله ما انا بهزر
حاسة اني محتاجة لطبيب نفسي للي فيه انا
ربنا يعينا جميعا

بصي يا ستي
اولا قولي استغفر الله من كل \نب عظيم
و بعدين قومي اتوضي و صلي ليكي ركعتين مع تطويل السجود و ادعي ربنا جااامد و اقري قران على قد ما تقدري
و بعدين روحي اعملي اي حاجة حلوة
مثلا روحي ساعدي مامتك او \اكري لاختك ده لو يعني عندك اخت صغيرة او اخ او ممكن تطلعي كام دقيقة برا غيري جو
و بعدين ابقي ارجعي و اقري التدوينة من ثاني اللي انت كتباها و مش ضروري تردي على المعلقين المهم تقري

بس

ربنا يوفقك يا قمري يارب

 

الحق اعلق ع النعكوشاية دى قبل ما تتنعكش زيادة
و تتحط نعكشة جديدة
بت يا نعكوشتى
يا مجنونة رسمى
انتى
يا بنتى انتى مش محتاجة
تروحى الموش تشفى
منتى عايشة فى اجن حياة
ممكن تلاقيها
طب عاوزة تتعالجى
و متصورة هتلاقى الحل هناك ؟؟!!!
كان غيرك أشطر يا جميل
و يا مثبت العقل و الدين
و البلد دى اعقل من غيرها
و المدونة دى لو اتقفلت
او اتحرقت
انا اللى هحجز ساعتها اوضة جنبك
و امسك فى خناقك كل ما تجيلى الحالة
روقى يا حبيبتى
و نعكوشتى
روقى

 

لا
انا جنبي مصحة النيل في المعادي
لما احتاجها هاعدي عليها أقرب لي

 

عارفه لو متهدتيش شويه و سكتى حابعتلك بلاص كبيييييييييييير لا مش حابعته انا حاحدفك بيه
اعقلى شويه يا بنتى
و بعدين الرخاوى مش ناقص ضاربين هو شبعان منه
و بعدين هو لو شافك حيشغلك عنده عارفه ايه ؟؟؟؟؟؟؟؟؟؟؟؟
حيخليكى نموذج يقارن بيه الحالات التانيه و هل حالتهم اتحسنوا و قلوا عنك و لا زادت و ووصلوا ليكى
هههههههههههههههههه
ربنا يهديكى يا بنتى و يهدك
انا عندى اقتراح تانى
انتى تتجوزى واحد يصبحك بعلقه و يمسيكى بعلقه عشان الاسياد اللى عندك تطلع
بااااااااااااى قبل ما تضربينى

 

دمك خفيف يا نعكشة
أنت لو صحيح بالصدق اللي قولتيه في اهتماماتك والتعريف بنفسك تبقي شخص خارق
على الأقل بالنسبة لي
تحياتي
التواتي

 

انا كان نفسى حد من صحابى يكون دكتور نفسانى عشان يبقى فاعم و يقولى كلام علمى عن الى انا فية ...مش الناس الى بتقول انت متضايق حبة و خلاص ...يقولى دة اسة كذا و بتعمل كذا عشان كذا ...انا عايز اروح لدكتور نفسانى بشدة ....نصيحى دورى عن معلومات عن الوسواس القهرى الفكرى بتاع الدماغ مش الحركات .....هو بيبتدى من 18 سنة تقريبا و الناس مش بتحس انة عندها غبر لما يبقى عندها 30 سنة هو عند كل الناس اصلا الطبيعية بس بيبقى غلط لما منتحكمش فية انا عندى وسواس فكرى زيادة شوية بس دلوقتى بحاول مركزش معاة ...دورى و قوليلى لقيتى أية....كمان الصور الى كنتى رسماها فى ا لبوست الى فات حلوة و بسيطة انا رأى تعمليها صور البوستات بتاعتك و كمان ممكن تعملى كوميكس بيهم بنفس طريقة الرسم دية ....معلش على التعليق المقتضب
سلام

 

بس يا بنتى
بطلى

هو ايه اللى تولعى ..
انتى مش واخدة بالك انى بحط كومنتات هنا
مافيش احترام ليا خالص؟

:)

ربنا يهديكي