نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

مجرد كلام



عندما أكون وحدي لا أتعمد أن أبتهج ولا أتعمد البكاء
أنا أترك نفسي لنفسي كي تتحرر كما تشاء
إن أرادت .. فلتبكي
و إن أرادت فلترقص
فمن غيري ليثق بها معطياً إياها الحرية الكاملة لفعل ما تشاء
.......
ربما أنا في فترة صلح مع نفسي و ربما لستُ كذلك
لا أعلم حقاً
ما أعلمه .. أنني لست حزينة لدرجة التفكير فى الانتحار
و لستُ سعيدة لدرجة الضحك عالياً بلا مبررات
..........
حينما أنظر إلى من أخاطبهم أشعر و كأني لن أحتمل مرارة الفراق إذا ما افترقنا
ربما أبكي
ولكن ما أن يرحلوا حتى أستغرب حالي وكأني لم أكن أعرفهم

( هذه قاعدة و بالطبع و التأكيد و القطع لها شواذ )
.....................
لم يكن مقيداً لها أى تاريخ فى الاجندة

15 قالوا رأيهم في العك اللي تحت ؟؟؟:

فلنحتوي بقلوبنا أنفسنا وليستع صدرنا لفكرنا .. فنستنشق نسيم الفجر ونحن نضحك ونراقب روعة الغروب ونحن نبتسم ونحاسب أنفسنا علي كل شمس غربت لم نقم فيها بواجبنا .. ولا نحزن فلم الحزن فالدنيا قصيرة ..
اشكرك

 

كلام جميل اوى علي فكرة

 

مش مهم تبقى مبسوطه قوى او زعلانه جدا المهم تبقى راضيه عن نفسك و متصالحه معاها و ده اللى بيخلينا متمسكين بالحياه
احلى ما بيعجبنى فيكى يا نعكوشتى دماغك الرايقه

 

دائما ما تحسنى التعبير لانة صادق جداا, ارجو ان تشرفينى بزيارتك لمدونتى

 

الاشياء الجميلة هذة فى ساقية الصاوى او القلعة مع بعض حفلات الموسيقى الجميلة

 

القلعة ياسيدتى بتاعة محمد على وصلاد الدين فى هناك نشاطات كثيرة ثقافية وفنية فى مسرح هنااك

 

ربما أنا في فترة صلح مع نفسي و ربما لستُ كذلك
لا أعلم حقاً
ما أعلمه .. أنني لست حزينة لدرجة التفكير فى الانتحار
و لستُ سعيدة لدرجة الضحك عالياً بلا مبررات
..........
ربما انا فى حاله توهان او اسير فى طريق ملئ بالضباب او ربما لا اسير واتوهم هذا!!!

 

ساعات كتير بحس بكل اللي حكيته دا

بس مش بتعمد اعيش نفسي فيهمـ عشان ما اتعبش

دائما بقول لنفسي لعل الله يحدث بعد ذلك امرا يمكن اللي جاي احلي يمكن تمر علينا لحظات فرح حقيقيه تنسينا كل اللي مر علينا

يمكن ..

 

طيب تصدقى و تآمنى بلله
انا اول لما بدخل عندك و صوت زقزقة العصافير ده، و بحس كأني فى جنينة او مزرعة
بحس انى اختلفت بجد والفرسة هديت البوست جميل
بس انا لما بقعد مع نفسي مش بيبقى فيه تصالح خاااالص
دايما بعاتبنى و أأنب فيا مش عارفه ليه ببقى قاصية اوي عليا كده
بس سيبككويس انك فى مود حلو

 

نعكوشة بالنسبة لبوستك الجديد
حلو
ا أعلمه .. أنني لست حزينة لدرجة التفكير فى الانتحار
و لستُ سعيدة لدرجة الضحك عالياً بلا مبررات


ودي الخلاصة






اما البوست اللي كتبتيه عندي
فهو فعلا روعة



خسارة انه مش منشور ولا اتنشر وانا مش عارفة
لكن حقيقي

مش هاعلق عليه

لكن انا بس هاكتب الجمل الاجمل فيه
لانه كله حلو


أنتَ حتى لا تمنحني حق التماسُك


محسوسة اوي


هل كنت تعلم و أنت تمسك بعودي - هامساً إليّ : عودي

جميل اوي اللعب بالالفاظ هنا وتشكيله احييكي



أم أنكَ قد وجدتني سهلة المنال أميل عليك في دلال تحسب أني أتعمده


حلوة


تهمس هناك
قُرب عنقي
فتتساقط حصوني


اشارة جميلة
لنقط الضعف الانثوية الحسية




جميلة لكن المعنى فيها يختلف قليلا
ان لعبة اليويو هنا جذب وشد بين البطلة والبطلة
لكن في بوست فكرة
اللعبة من طرف واحد والطرف الاخر مستسلم

ياريت تنشريها لو كانت درافت
ولو معندك مانع انشرها عندي باسمك
ويبقى اتنين يويو في الراس توجع

ههههههههه
ايه الرغي ده كله
يالا ما انتي فاضية بقى واجازة
تحياتي

 

اعتقد ان الصلح مع النفس بيجى من الرضا عن النفس



تحيه لاسعه

 

يبقى لكى ان تجلسى فى خلوة مع نفسك
لتعريفيها وتفهميها جيدا
ثم تعقدى معها جلسة صلح واكيد
سوف تتصالحين معها وترين نفسك بعين من الرضا والحب والتفاؤل للحياه
تحياتى نعكوشتى

 

كتييييييييير كنت بادخل عندك,
لاقرا كلامك الغريب احيانا الحزين احيانا والمضحك احيانا اخرى,
من الآخر أجد دائما متعة في متابعة كتاباتك,
لاني فعلا بحس فيها بصدق,بشفافية,
أو بالاحرى بطبيعية وعدم تكلف ,
كنتي زمان مش بتسيبي مكان للتعليقات وبتقفليها وكان بيبقى نفسي اعلق, ومن مده فتحتيها وبقيت افضل المتابعه بس,
بيتهيألي الممنوع مرغوب أو أني غريبة الأطوار (:

 

مش شرط مبسوط اوي او زعلان اوي
الأهم الرضا عن النفس
كلامك جميل جدا بجد
وزقزقة العصافير دي بحب اسمعها
:)

 

دكتور لذيذ

مش عارفة والله لم الحزن
بس بحس انه فعل لا ارادي

العفو

............

سعودي توب

طيب

......

صيدلانية طالعة نازلة

رايقة آه
راضية مممممممم

ربنا يرزقنا الاتنين دول

.............

karim

دائماً ؟؟؟؟؟؟؟؟

..........

كيكي عو

وانا كمان

..........


ghorbety

يا رب اللى جاي يبقى حلو
نفسي

.........

واحدة مفروسة

لا إله إلا الله

طيب كويس ان فيه حاجة عدلة بعملها
بالنسبة للتصالح .. هيا لحظة تقريبا
و اول ما أعلنت عنها راحت بالتلاتة
العتاب و تانيب الضمير
بيوصل معايا لدرجة التعذيب

...............
فكرة من الزمن دة

لأ انا مش عاوزة انشره أصلاً - دلوقتي -
دة انا بوريه لحضرتك بس

تسلمي

...........


لاسع أفندي

احتمال
مع انى معمريش حسيت انى راضية عن نفسي
بس وجهة نظر برضو

.........

rony

ربما أفعل ذلك متى استطيع

............


salma mohamed

الله يكرمك
اتفق مع مبدأ الممنوع مرغوب
حضرتك مرحب بيكي فى كل وقت يا فندم
سواء علقتي او معلقتيش
مجرد قراءتك تسعدني

..........

شريكة فى المطعم

عندك حق
الرضا عن النفس
ودة نجيبه منين
اذا كنت برغم انى كل شوية اقول لنفسي الحمد لله
ارضي بقة
ومفيش خالص
ربنا يهدي بقة

ربنا يسعد ايامك يا رب كلها

..........


سلام عليكم