نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

الرجم دون الموت


و كأن القمر يسبني و الشمس تلعنني
وكأن قطرات الماء تسقط عليّ لتصهرني
و تلف جزيئات الهواء خيوطها حولي لتخنقني
وكأن أعين كل الخلق تتفجر بالدماء
تسخط علي
كلهم عينك .. كل ما حولي أنت
اجتمعت عرائسي تشكل هيئة القضاء لتحاكمني
أصبح مكتبي ساحةً للقضاء
الحكم علني
الرجم دون الموت
كل ما في الكون سيقذفني بالسخط
الكل أنت
أنتظر تنفيذ العقوبة - أن أسقط من نظرك - و كأني أرتجف
وكأنني أحوطني بنفسي
وكأن شعيرات جسدي منتصبه و جلدي كالأوزة
و كأن العين محكمة الغلق خشية أن ترى ما يدور من حولها
أذني هي حاستي الآن
لم تفصح عما بداخلك
وقع الحكم عليّ و تشددت العقوبة
لن أطالب بالتخفيف أو الاستئناف
سأفضل الرجم و أنا أجز على أضراسي
بيدك أن تمنعهم من تنفيذ العقوبة
بيدك كل شئ
فلك حق الفيتو على كل أحداثي
فقط إلى أن تنتهي مدة العقوبة
لن أطالبك أن ترق لحالي.. لن أفعلها
و لن أقبل بشفاعاتك إن كانت لمجرد الشفقة
إن لم يكن حباً و حنيناً و شوقاً و غفراناً
فأفضل الرجم علّني أبرأ من خطيئتي

..........................................


حكوك التبع و النشل محفوسة لنعكوشة


يمكن محدش شايف نكبر الخط : هذه مجرد مقطوعة أدبية
مجرد تخيل..
مجرد بتاعة تقمصتها ..
عشان محدش يعلق وكأنها أنا
لو حد هيعلق
دة لو حد فكر يعني
يا يقول حس بإيه
يا يقول إيه الوحش اللى فيها أو إيه الحلو
معلش.. بتتفقع مرارتي من كلمة تحفة
و واو
و رائعة
لإني مجرد هاوية.. و فاشلة في اللغة أصلاً
..................
للتسجيل لنفسي :
13 اكتوبر ـــ 1:02 م
متوقعتش كدة صراحة
تقريبا انا كويسة فى الكلينكال باثولوجي
حسيت ان كل المعلومات تمحورت و تشعررت و راحت فى اتجاهات عجيبة
أول مرة اشوف حاله ثلاثيميا مينور أصلاً .. و حسيت بالبلاهة قدام حالة اللفر
يلا المهم الامحتان عدى و خلاص
ناقص بكرة
ربنا يستر بقة
هانت أهيه
شدى حيلك يا بنتي
شوف قلة الأدب.. نسيت اقول الحمد لله
الحمد لله
...........................


11 قالوا رأيهم في العك اللي تحت ؟؟؟:

سلام عليكم ورحمة الله وبركاته

هوني علي نفسك
و الشىء الوحيد اللى يداوي اي خطيئة او ذنب
هو الاستغفار و التوبة النصوح و النية بعد الرجوع


لكن ايه فايدة الندم دون توبة من اي ذنب
و لا شىء غير قنوت من رحمة الله
و سوء ظن بان الله لن يغفر

مش عارفة اقولك ايه بجد مازلت مصممة تتعبي روحك


طلب و رجاء يا نعكشة يا صحبتي

الصورة ممكن تكون سيئة جارية
لانها فعلا خضتني انا شخصيا
و لا بقه قلت دي صورة تشكيلية وبتاع
انا بصراحة حسيتك حطاها بطيب نية
لكن الناس سيئين
و بعدين يا ست انتي انا اموت و اشوفك علي الماسنجر
عوزة اعورك معرفش ليه

امشي كده

 

اخيرا فتحتي التعليق ياااااااااااااااااااه

اولا مبروك علي الرجوع يا نعكشه والله فرحت جدا

ثانيا جمييييييييييييييييييييييييييييييلة قوي التدوينه دي

 

maha zein

عليكِ السلام و رحمة الله و بركاتة

الحمد لله عارفة دة

البتاعة مجرد مقطوعة أدبيه
إشحال إن ما كنتش كاتبه تحت إنها - مجرد تقمص-

يابنتي ولا تاعبة روحي ولا بتاع
الحمد لله انا كويسة الحين

انا كانت حاطاها لإنها مجرد رسمة
عاد يعني
بس مادام ممكن حد يعتبرها شئ اخر فعادي غيرتها

تسلمي على هذه النقطة

مش هتلاقيني بقعد على المسنجر لإن عندي امتحانات

مش عارفة بحس إنى لما برد على تعليق أى حد هنا مبيوصلوش لإنه مبيجيش تاني اصلا يشوف أنا علقت قولت غيه
بس عامة

البتاعة
مجرد
مقطوعة
أدبية
من
وحي
التقمص
و التخيل
بس

تسلمي
نورتِ
.............

dr Dead

أولاً شكرا
ثانياً شكراً

نورت
............
سلام عليكما

 

الصوره الاولى كانت معبره اكتر



تحيه لاسعه

 

واو
تحفة
روعة
ممتازة
محصلتش
جميلة
رائعة
تجنن
تهبل
تهوس



نياهاهاهاهاهااااااااااااااااا
بس عجبتني .. عجبني فيها احساس ياتعملها من نفسك يا مش هتحايل على اللي جبوك
بس الصورة مرعبة
مرعبة
مررررررررررعبة
والله اتخضيت
وعجبتني المقدمة رغم انها حسستني ان الطبيعة كلها ضدك

سلامووووووز

 

لاسع أفندي

أتفق مع رأي حضرتك

ولكني خشيت أن تثير فى النفوس ريبة
انا بالنسبالي كنت حاطاها لغنى لاقيتها اكثر ملائمة مع النص

بس مش عاوزة اكون سبب إن حد يبصلها كدة ولا كدة

بس كدهوه
................

آه و كفى

والله انتى رخمة ( بس معسلة)


طب أنا اعمل إيه فى الصورة
اجيبلكوا صور منين تانى
طيب نغيرها عشان متتخضيش
مش جايين نروع الناس هنا
و ابقى عدي الجمايل
ههههههههههههههههه

عارفة .. تعبيرك صح من وجهة نظر اخري
لما تبقى محتاجا حد قوي و مش هتقوليله
ومش عاوزاه يجيلك عشان انتى يا حرام غلبانه
عاوزاه يسامحك عشان انتى هوه
عشان انتى ندمانة قوي إنك غلطي فى حقه و فى حق نفسك اللى جواه

يل خير
نورتي
..........
سلام عليكما

 

عزيزتى احسنتى التعبير بالرغم من قسوتة ولكنة معبر جدااا لحالات نعيشها, تحياتى

 

alak fashla f 2l lo3'a aslan bgd 7aram 3alekii msh asdi af2a3 marartek bas 2nti 3amatan kol ketabatek liiha ta3m mo5talef w motara a2olek 2no gamiil

w 2l post da 3'ariib awii bas shamel kol 2l ma3anii f kalemat msh ketiir faymes 2l alb asra3


ta7eyatii

 

karim

تسلم

.........

iam the crazy one

teslmy
mmm ,ok

tnx

..........

سلام عليكما

 

بصى

بالنسبة لللغة تمام
وبالنسبة للمعنى حلو

بس انا بتكلم فى المنطق من نقطة معينة

ازاى هوا ساخط كدا وليه
وفى نفس الوقت عندك رغبة منه فى الحب والحنان والطيبة والحب ومش شفقة فكما قلتى تفضلى الرجم عن الشفقة لانك اكرم من كدا

مش فاهم المنطقية فى السخط وانه هيغفر حبا فيكى كدا

بس اولا واخيرا وقبل اى شىء انها لا حلوة ولا تحفة ولا روعة ولا واو
ولكن كملى على هذا
وانتى فى حاجة لصقل الموهبة كمان وكمان وهتبقى ما شاء الله

تحياتى

شاب فقرى

 

هوه انا من وجهة نظري

يعني لو كنت البطلة

فهيا لسة متعرفش اذا كان ساخط ولا لأ

هيا غلطت فى حقة غلطة كبيرة و قبل ما يعرف بدأت تحاكم نفسها

و الحككم هيظهر أول ما تسقط من نظره

دة لو مشينا بترتيب الاحداث يعني

وبعدين

قالتله تقريبا
وهوه متكلمش
ولا قال حاجة
..............

هيا عاوزاة يسامحها عشان هيا نفسه
عشان انا لما بغلط فى نفسى برجع احاول اصفح عشان نعرف انا و نفسي نستمر

مبسامحش نفسي اشفاقا عليها
ولكن حباً فيها
و انى عرفت انها ندمانة انها عملت الغلط دة

................

الفكرة تكمن انها حاسة انه لو هوه غضب عليها الكون كله هيغضب عليها

و انها مش عاوزاة لما يشوفها فى حالتها دية من الندم و البكا و الالم يشفق عليها فيقولها سامحتك و خلاص

انما عاوزاهم يرجعوا لبعض زي الاول

و إلا تسيب نفسها تتألم و تتندم
لحد ما تبرأ من الخطيئة اللى عملتها فى حقة

دة من وجهة نظر البطلة


الحاجات اللى مكتوبة باللون الرصاصي
تعبر عن البطل
و افعاله

............

عارفة انى محتاجة اقرا اكتر

انا تقريبا مبقراش
بس ناوية يعني

سلام عليك