نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

كفارة ... اشتريت كتب

( انا هرغي كتير ... كلام اهبل ملوش لازمة بالنسبة لأي حد .. بس انا عاوزة اسجل اللحظة ... يعني مفيش اى حد مجبر يكمل قراية بعد السطر دة ) شكراً أعزائي المواطنين
.................
يلا يا سيلين
اذاعة سيلين ديون الحية ..... كوباية نسكافية من غير كريمر عشان خلص ... الجو تحفة ساقعة و رجلي متلجة
اناااااااااااااااااااااااااااااااااااااااااااااااااا خلصت

حد مصدق؟؟؟؟؟؟؟؟
انا مش مصدقة
انا خلصت سنة خمسة
خامسة ( عارفة انه لسة قدامي سنة 6 كمان بس السنة دي كانت احداثها كبيسة قوي .. يلا عقبال اما نخلص خالص)
يعني دخلت 1-9-2008 خلصت 22-10-2009
يعني سنة و شهرين
يعني كل راوند انيل من اللى بعدين
يعني قمة الزهق
يعني حتى لو مش قادر تزاكر
ومش بتذاكر
مش قادر ترسم على وشك ضحكة

يعني تدخل امتحان متعرفش هوه امتحان اية و تسألهم
انتو متأكدين ان دة امتحان طلبة طب مش دكاترة واخدين دكتوراة ؟؟
طب متأكدين إن دة امتحان باطنة أصلا
ولا الاطفال
يا عيني عالأطفال

لأ يعني تطلع من الامتحان تقول يا رب اللى بعدة يعوض
و يطلع اكثر ابداعاً و تطوراً و عجباً
ومفيش
شششششششششششششششششششششششششششششششششششش

بلااااااااااااااااااا هوسة

انا خلصت

خلصت يعني بح
يعني بحححححححححححححححححححححححححححححححححححححححححححححححححححححححححححح
اية الحلاوة دية
وش واحدة متأنزحة

.......................
because you loved me

lنبدأ اليومن الاول .. يوم 22- 10 - 2009 .. اللى هوه يوم الخميس
دة امتحان رسم القلب
كان الساعة واحدة و نص
فيه حد يعمل امتحان احدة و نص
متعرفش
مش مشكلة

انا اصلاً كنت برغي مع صحبتي امبارح لحد الساعة اتناشر بليل و بعدها نمت
يعني صراحة انا كنت واخدة الاجازة
بس اوفيشيالي الاجازة هيا انهاردة

المهم
قعدت اوزع جلوكوز ( هولز او منتوس ) على العيال اللى بيمتحنوا ..

قعدنا نتصور شوية
الموبايل بتاعي جيت افتح الكاميرا .. باظت
الموبايل دة حد بصلوا والله سخطوا
هههههههههههه
يلا مش مشكلة

المهم
مهم اية
اة
الامتحان كان إلى حد ما كويس
نحمد الله .. بس عامة درجاتة قليلة قوي 20 درجة مقارنة بامتحان الباطنة ابو 210 او امتحان الاطفال ابو 120 درجة او امتحان العملي ابو 80
و كلهم كانوا اقرف من بعض
سيبكككككككككككك

المهم المهم .. خلصناااااااا
اول ما خلصنا العيال قعدوا يرشواعلى بعضهم فوم
ايوة الرغاوي البيضا دية
و نزلنا تحت قدام الكلية
و عملنا حاجة شبة التهييس كدة
كانوا جايبين صوارييخ شبة اللى بيفرقعوها فى انتصارات اكتوبر و بعد ما نكسب فى الماتشات
قعدوا يفرقعوا صوارييخ
وريحةا لكلية بقت محروقة
ههههههههههه احسن

المهم

طبعاً البنات كانت بتتصور
انا اصلاً كنت بروح اتصور مع اى واحدة بتتصور
اعرفها او معرفهاش
و يبصولي كدة و يقولوا تعالي
آه صحيح البنت ( غ ) الأولى على الدفعة لاسنة اللى فاتت اتحجبت ماشاء الله .. أنا أصلاً معرفهاش .. بس روحت وق ولتلها ألف مبروووووك و ربنا يثبتك يا رب)
كان فيه بنتوتة بتوزع بلالين عشان ننفخها
روحت و خدت من عندها بلونتين واحدة سودا وواحدة ببيضا
صحبتي ادتها البيضا
و انا جيت بنفخ السودا طلعت بنفسجى

The Power of love

كان شكلها تحفة اصلا
كل ما حد يقولي هتيها اقولوا لأ
و اللى يشدها من ايدي
وي وي
المهم
اتصورنا
و قعدت سلمت عالعيال
وبتاع

و بعدين العصر اذن
(هـ) قالت : دة أول آذان نسمعه يا ولاد بعد ما خدنا الاجازة ... اسمعوه بشكل مختلف
عامة .. اذان مسجد النور مريح للقلب
المهم
روحنا نصلي العصر
لقيت فى المسجد بنوتة عثولة خالص بتصلي جمب مامو بتاعتها ... قمت اديتها البلونة
صلينا
و قعدنا نحكي
ماهو احنا بنات بقة
هههههههههههههه
المهم
(م2) فاكرينها .. اللي جبنالها القماش تعمله عباية ... ايوة هيا دية ... قعدت تقولنا ازاى نعمل المدفون
لأ
المكمون
لأ
اسمو اية
ممممممممممممم ايوة
المندي
وانا كل شوية اقرفها فى عيشتها و اقاطعها ............ صراحة ... كنت بضحك ولا كأني فى مسجد ... و العيال تحط ايدها على بقى
اهدي بقة
المهم
المندي للعلم بالشئ يعني
دة رز بسمتي علية بهارات
و فوقه شوية فراح
بيقعد فى الفرن ساعة تقريبا و بعدين بيتحط فيه فحمة
هيا بتقول طعمة حلو
عامة
.............

خلصنا صلاة ... مفروض العيال كانت هتروح تجيب هدايا
عشان عيد ميلاد ( م ش ) و ( م م )

لحظة اشرب نسكافية
طعمة مش محفز .. من غير كريمر
بس ولا يهمني

المهم
كانوا هيروحوا يجيبوا هدايا و ياكلوا و خلاص
وانا صراحة مكنتش عاوزة اروح اجيب هدايا
ولا آكل

العيال التانين
صحابي اللى في الشقة اللى جمبي
قالولي تعالي معانا هنخرج خروجة حلوة
سلمت على صحابي الاولانين اللى كنا بنرغي فى المسجد
و
و اية
اة روحت بقة مع العيال
قعدنا كتير قوي فى الكلية
لحد قبل المغرب بشوية صخنتوتة
المهم
جيت بسألهم بقة ها هنروح فين

A New Day Has come
قوم إييييييييييييه .. يقولولي رايجي بري جو
prego
انا عارفة اسمو اية
المهم
نعممممممممممممممممممممممم
دة محل اكل بالمناسبة موجود جمب الكلية لزق

يعني انا سايبة صحابي يا ولود اللذينة بعد ما خدت كلمتين فى جمبي
عشان تقولولي بري جو

ماشي
روحنا بري جو
طبعا مكلتش حاجة
و قعدت انا و البنت داو داو نتودود على الكراسي الطويلة دية العالية
و هما قاعدين عالترابيزات
روحنا نشتري شراب من المحل اللى جمبنا
و بعدين قعدت انا و البنت ( لي ) نتصور مع اللعب
اة صحيح البنت دى كل ما تشوفني
تقولي يا يسرا
مع انى احلى من يسرا بكتير .. ايوة طبعاً .. إلا انى بحب اسمي .. مبتفرقش معايا اصلا ... عادي يعني .. مش بتضايق لو حد نناسي اسمي .. هوه انتى قولتي اية مفيد؟؟؟

المهم

صلينا المغرب
و رجعنا تاني
صراحة
انا زهقت
انا مش جاية عشان اكل
فقمنا خرجنا انا و البنتين صحابي اللي جمبي فى الشقة اللى جمبنا
هما راحوا لصحابهما وانا روحت العتبة

..............

كنت انا روحت العتبة .. او بمعني اصح كنت رايحة شارع عبد العزيز
هههههههههههههههههههه
انا ليا قريب
اسمة انكل محمد عبد العزيز
قشطة ؟؟؟
فانا بقول لبابتي .. هوه انا لو عايزة اروح شارع محمد عبد العزيز دة اروحة ازاي
قالي قصدك شارع عبد العزيز
قولتله ايوة هوه دة
المهم قعدنا نهرج
بلا بلا بلا
دية فقرة مستقطعة

كنت انا روحت شارع عبد العزيز قبل كدة عشان ادور على بطارية اوريجينال ( اصلي ) للموبايل بتاعي
ملاقتش
روحت بعدها شارع جامعة الدول
بالمناسبة الشارع دة حلو .. لو حد بيتمشى فيه مزاج
و مشيتوا من اوله عشان ادور على توكيل سامسونج
وبعد ما روحت هناك وانا خلصانة
قالي : اسفين ياف ندم .. معندناش بطاريات .. لأ ظريف
فى اليوم دة اصلا انا نمت فى الميني باص .. انا معمريش نمت فى مواصلات قبل كدة و خصوصا لو كانت مواصلات عادية
بس مقدرتش
كنت منهكة منهكة
المهم
..............
روحت بقة العتبة انا
او بمعنى اصح سوق الازبكية
قعدت امشى
و اتفرج عالكتب
وانا مش فاهمة بيشتروا ازاي فيها
قمت عملت زي ما الراجل بيعمل
و قعدتا افر فى الكتب
كتاب كتاب
وكل ما الراجل يخلص صف
اروح افر الصف اللى خلصه
حسيت بالبلاهة صراحة
قمت ماشية و سايبة المكتبة
قعدت بقة الف
و ابص
وانا مش عارفة مفروض اشتري اية
استني لحظة اكتب الكتب اللى اشتريتها

استنييييييييييييييييييي

انا اصلا اشتريت قصة قبل ما اروح
قصة اسمها نبيذ احمر
معرفش انا حاسة اني سمعت عن اسم القصة مع انى معرفهوش ولا اعرف الكاتبة بتاعتها
آل يعني انا اعرف اى حد
لحظة اجيب الكتب

It's all coming back to me now

( إن سر الاحساس بالتعاسة .. هو ان يكون لديك الوقت لتتسائل هل أنت سعيد أم لا )
أنا آسفة يا استاذ برنارد شو .. بس أنا لا اتفق
المفروض انى كنت مزنوقة زنقة المش عارف اية فى طابور العيش
و مكنتش بقدر أواصل
وكنت متعوسة على أمري
لا اتفق مع سيادتكم
هي قدرة على التحمل مش اكتر
سوري مستر برنارد

نبيذ احمر ( امينة زيدان)
حكايات مجنونة (عفريت الشقة .مطرب الاحذية ) (مجدي صابر)
ثنائية السجن و الغربة (د فتحي عبد الفتاح)
فضفضة ( اقبال بركة )
الامم المتحدة فى حياتنا اليومية ... هههههههههه لاقيت فيه كيس ورق بتاع الصور .. و فية اسم واحد و نمرة موبايل . هههههههه .. مش كان يسيب صورة بقة بما انه كيس الصور
ديوان المتنبي
قواعد الغة العربية ( وزارة التربية الوطنية فى لبنان )
citadel ( A. J . cronin) i
Oliver Twist ( charles Dickens) i
لآلئ من الحكمة ( عصام حسين)
و أخيراً
عابر سبيل ( أحلام مستغانمي)
الكتاب دة جديد تقريبا
مكتوب عليه السعر بتاعة كام
45 جنية
انا جبتة بكام
هع هع هع .. عشرة
اة والله

روحت للراجل
انا اصلا مبعرفش افاصل
فبقولة بككام دة و كتاب تاني اللى هوه النحو و قواعد اللغة دة
قالي دة 15 و التاني ب 10
قولتوا والله انا مش بعرف اعمل الللى بيعملوه دة شعان السعر ينزل
خليك كويس بقة اكرمني
قعد يحكي كتييييييييييييييييييييييييييير
وبعدين قولتلوا خد بقة عشرين و خليك كويس
مش فاكرة اصلا اية اللى حصل بس كان حديث طويل قوي
استهلكني اكتر منا مستهلكة

آه والله رغم انى كنت لابسة الكوتشي
رجلي
لحد دلوقتي
ضوافري بتونجع :( عععععععع
المهم

جبت الكتاب
و مشيت بقة
وانا ماشية
لاقيت الأمريكين
دخلت و طلبت ايس كريم كومبو
منصحش حد يجيبوا صراحة
كبير قوي
انا خللت عقبال ما خلصتوا
المهم قريت حبة فى قصة عابر سبيل
و خرجت من عندو كانت الساعة 10 و تلت تقريبا
مشييييييييييييييييت لحد رمسيس
سألت هناك على مكتبة بتبيع اقلام و كراريس
قالي طب ما تروحي الفجالة
ماشى
نروح الفجال
سألت عالفجالة
وبالمناسبة هيا شارع متفرع من رمسيس اسا
انا كنت فاكراها بعيدة قوي يعني

المهم روحت
لاقيت المحلات كلها قافلة
ببيقفلوا كام يا عم
قالي 5
طيب شكرا
المهم لاقيت محلين مفتوحين
واحد جبت منه كشكول سلك عشان اجنداتي كلها خلصت
وجبت كراسة كانسون من المحل التاني
محتاجة اخرج عشان اشتري اقلام رصاص بقة

هييييييييه

الكيس بتاع الكتب كان تقيل قوي
آه صحيح
كلت درة
كان طعمة حلو
او انا اللى كنت حاساه حلو
لإنى لما جيت كلت الباقى بتاعة لما خلصت من الحالة اللى كنت فيها لاقيت طعمة مايعلم بيه إلا ربنا
عامة انا كنت مبسوطة وانا باكلة
رغم انى كان سخن قوي و الراجل مدانيش حاجة امسكة فيها وانا مبحبش اكل الدرة
غير يكون لسة طالع من الفحمة

المهم ...
ايدي باظت اصلا
و صوابعيني باظت
ركبت ميني باص و روحت البيت

جمب البيت كدة روحت أبلاينس اللى اشتريت منه شاحن الموبايل
دخلت المحل
فبقول للراجل
لوسمحت . كنت انا طلبت حاجة وق الي هتيجي انهاردة( قصدي الشاحن يعني بس مكنتش عارفة اقول الاسم )
الراجل قالي : حاجة اية
قولتلوا
اصبر
ممممممممممم
وقت كتير قوي
آه

Lady - kenny rogers

شاحن للموبايل
قالي نوعة اية
قولتلوا هوه كان هيجي انهاردة
فقالي ايوة نوعة اية ( انا اصلا نسيت موبايلي نوعه إيه و مش قادرة افكر )
فالراجل حس بالبلاهة
فقالي طب وريني الموبايل
طلعت الموبايل من جيبي
فقالي ايوة الشاحن جة
مش فاكرة كان فيه حوار طويل عريض عن البطارية
و ان الموبايل بيفضى بسرعة
وي وي وي
انتهى بإنه هيسألي على بطارية اوريجينال .. طب منا قولت من الاول يا عالم قولتولي معندناش
المهم
الحتة دية مسخرة
وانا بدفع الحساب بقة
فبدي للراجل ال 100 جنية فبيقولي ما تخلي حضرتك
قمت رجعت ايدي شوية
قولتلوا
والله ... بس كدة مينفعش حضرتك
الراجل حس بالبلاهة
انا اصلا كنت فاكراه بيتكلم جد
منا مش قادرة افكر
انا صاحية من الساعة 5 الفجر
و قاعدة بمشى
ومكلتش غير ايس كريم
اة صحيح متضايقة انى مكلتش فول من عند جاد
اما ابقى اخرج تاني هبقى اكل فولين
واحد عشان امبارح ووحد عشان الخروجة

المهم
فبقول للراجل بتاع المحل .. إيه دة
هوه حضرتك بتهزر يعني
الراجل انفجر فى الضحك أصلاً
و قالي .. روحي يا فندم نامي .. حضرتك فاصلة أصلاً من اول ما جيتي و مفهمناش حاجة
المهم بقة خدت البتوع
و اشتريت شيبس
و اشتريت شويبس تفاح
و روحت بيتوا حبيبوا

fly fly little wing

طبعاً مقدرتش اعمل حاجة غير اني اتلدق على السرير بعد ما غسلت نفسي
.........

طيب شوية حاجات بقة
1- انا لسة مش مصدقة انى خلصت
2- سبحان الله البلونة مرضيتش اديها لكل صحابي اللى قعدوا يشدوها و البنوتة الصغننة خدتها من غير اصلا ما تطلبها
3- انا مبسوطة قوي إني هقرا
4- مبسوطة ان الدرة رجع تاني ليه طعم فى بقي
5- مشيت كتير و قعدت ابص على البيوت فى رمسيس .. ولا العتبة .. تصميمها القديم حلو قوي
6- بحب انا لما انا بتعمل لنفسي سلف اندلجمنت اور سبويل
يعني اية اندلجمنت بالعربي
اة
بحبني لما أنا بدلعني
نفس عمييييييييييييييييييييييييييييييييييييييييييييييييييييييييييييييييق
وش مبتسم
انا خدت اجازة

آه صحيح
احتمال اروح مع العيال اصحابي استنجرية و ارجع بدري
مش عارفة لسة
دة يعتمد
هل انهاردة هخلص اللى عليا ولا لأ
لو خلصت يبقى هروح باذن ربي
يلا خير

بس
سلام عليكِ أيتها المنعكشة

..............................
the red words in the center are songs for celine dion
الصورة اللى فوق دية ال بنجي جمبنج
bungee jumping
دية لعبة بيطلعوا فيها على حاجة عالية
و يربطوا رجلهم و ينطوا فى الهوا
نفسي جداً ألعبها
وعاوزة اعرف هيا فين فى مصر
يلا خير
7:59 am
الدنيا ساقعة وانا مبسوط
الحمد لله

14 قالوا رأيهم في العك اللي تحت ؟؟؟:

هههههههههههههههههه


ايه دا كله

ايه دا كله


مبروووووووووووووووك انك خلصتى


ويارب تفضلى سعيدة كدة , وماتعمليش زينا , اول تلت شهور تمام وبعد كده نبدأ نكتئب

 

زي الهوا

تسلمي

بس انا لسة مخلصتش خالص
والاجازة بتاعتنا شهرين بس
ونرجع تاني للدراسة
يا رب
انا وانتى و كل المسلمين

نورتيني

سلام عليكِ

 

اجازة سعيدة وعقبال فرحة النتيجة ان شاء الله ونغني لك الناجح يرفع ايده ويغني في عيدنا وعيده ويقول ونقول ناجحين على طول دائما على طول دائما على طول دائما دائما دائما

 

مبررررررررررروك يا نعكشه

يارب عقبال التخرج

ربنا يوفقك دوما وابدا

والله فكرتني بالمندي اصلي بحبه جدددا الله يرجع ايام السعوديه علي خير ..

وفتحتي نفسي اني اروح سوق الازبكيه

مبروك عليك الكتب ان شاء اله تستمتعي بقراتهمـ


:) اني احبك في الله

 

مبروك الاجازة يانعكوشة

يابنتي انا تعبت
لاني طبعا قريت البوست كله لاخره
لفيت واكلت وشربت والدرة دخلت في سناني
وشاتريت كتب وبجد نفسي اقرا
ثنائية السجن و الغربة
وياريت لما تقريها

تقوليلنا الخلاصة

ده لوو لحقتي تخلصيها في الاجازة بتاعتك

اما في النقاش فلو تحبي في الشات بوكس في فكرة
او في البوست نفسه معنديش مانع

 

وش مبتسم مبتسم مبتسممممممممم

بجد وش مبتسم...بغض النظر عن حالة صاحب الوش بس هو مبتسم دلوقتى حالا

حمد الله عالسلامة ياجاى م المعتقل...مبرووووووووووووك عقبال ما تخلصى سنة 6 يارب يارب يااااااااارب

اولا انا مبسوطة ان الدرة كان طعمه حلو...بجد مبسوطة

ثانيا الى حد ما بحقد عليكى عشان الكتب هع هع هع

ثالثا هو انتى اشتريتى كتاب بيتكلم عن قواعد اللغة؟؟لا والله بجد؟؟ دة انتى دماغ

انا نفسى استمتع مع نفسى زى ما انتى بتعملى كدة..والله نفسى بجد يعنى هحاول اعمل كدة بجد..

حلوة اغنية سيلين بتاعة because u loved me

بحبها بس لما اكون رايقة

يللا استمتعى

سلام عليك

 

مش فاكر يا نعكشه
هاتى الدستور بتاع يوم الاربع
وهتلاقى اسم الرسام
بس غالبا
كانت فى مقالات كساب الحاجات دى

 

السلام عليكم

لفت نظري اسلوبك للكتابة .. وهو مقتبس من احمد خالد توفيق

ماتمثليش .. هو احمد خالد توفيق
بتاع رفعت اسماعيل

اقصد الاسلوب بتاع تكتبى اسم الاغنية اللى بتسمعيها وانتى بتكتبى

وده شئ جميل جدا .. انتى مادخلتيش ادبى ليه بس
كان زمانك بتقدمى فن هادف في زمن الناس مابقتش تقرا فيه

المهم انا ماقرتش كل الكلام ..
بس جو الامتحنات بالنسبالى بيكون تهييييسسس خالص
والفيديوهات اللى بتتصور بنقعد نضحك عليها لما نفوق
بتكون مسخرة بما تحمل الكلمة من معنى
ممكن ناس بترقص وناس بتشحت وناس بتضحك بهبل
ربنا يشفينا من جو الاكزامس ده

بس الف مبروك ..
النتيجة امتى بقى؟

 

ملحوظة بسيطة يمكن تجاهلها:
انا شيافك حاطة رموز لاسامى البنات غ .. اللى هيا غادة
و م م . منى محمد و هكذا و هكذا

المهم هل انتى شايفة ان اسماء البنات عيب حد يعرفها؟

اصل انا اعرف صحابي بيتكسفوا يقولوا اسماء اخوتهم مثلا ..
ولا انتى ايه رايك يا مريم؟
:)

 

خواطر شابه

تسلمي ربنا يخليكي

.........

Ghorbety


طب والله كويس ان الناس تعرفه .. اصله طويل قوي فى عمايلة
يا رب بس النتيجة تيجي على خير
تسلمي ربنا يخليكي ويكرمك و يعزك

..........

فكرة من الزمن دة

انا كتبتلك البتاعة هناك

...........

enjy


حمد الله على السلامة
اولا: تسلمي
ثانياُ: يا فندم كل الكتب تحت امرك انتي تؤمري بس
ثالثاً : آه عشانا نا فاشلة فيها
عليكِ السلام

..........

راجي

ربنا يخليك

تسلم

.........


The illusionist

اوك هدور عليهم إن شاء ربي

جزاك الله خيراً

.............

Vague

عليك السلام
اقول اية طيب؟؟؟

مقريتش لأحمد خالد توفيق خالص
غير قصتين مترجمتين
واحمدة اسمها عبودية الانسان
و التانية رحيق المكات

مبقرأش ليه خالص اصلاً

وبعدين انا متعمدتش الاغاني اللى احطها وسط الكلام

الاغنية اللى كنت بشغلها بكتب اسمها
بس

ندخلتش ادبي عشان بكره الحفظ
بس اكتشفت ان طب هيا قمة الحفظ هع هع يع :(

النتيجة : والدي سألني السؤال دة وانا عارف اجابته قولتله يا سيدي سيبك
قاموا العيال صحابي زي الشطار قالوا لمامتي على ميعادها
يا سلااااام
المهم هيا فى خلال الاسبوع الجاي ان شاء ربي

ربنا يستر بجد
بجد بجد نفسي اجيب امتياز
لو مجبتهوش آه هتضايق و آه احتمال كبير جداً اعيط و آه احتمال الاجازة تبقى غم
بس قدر الله و ما يشاء يفعل
و اللى عاوزه ربنا هيكون
ومحدش هيغير ارادة ربنا
فالحمد لله على كل حال
الحلو و الوحش

رداص على المحلوظة :: انا مريم عبد الكريم

عادي يعني
انا فضيحة أصلاً
إنما انا محبش اقول اسم واحدة يمكن احتمال تضايق اني قولته
وبعدين عندنا فى الدفعة ال م دول بالهبل يعني
فأنا بحط اختصار بس للتذكير لنفسي
اكيد مش عشان حد تاني يشغل نفسه يعرف هما مين

اسماء البنات

على اساس إني مش بنت؟؟ منا مريم يعني
اصل انا مرة حطيت صور العيال صحابي عالفيس بوك
و انا اصلا اللى عندي عالفيس بوك كلهم بنات
إلا قرايبي و قرايبي دول فى اقاصي الارض والغربة و اصلا مبيعبروش الاكاونت بتاعي
عامة يعني
لما عملت كدة
ليا صحاب اتضايقوا

فانا محبش اعمل حاجة حد يتضايق انى عملتها
بس و كنت عاوزة افتكر مين عملت اية
لإن زاكرتي منيلة بستين نيلة
بس

نورت يا فندم

.............

عليكم السلام

 

كفاااااارة يا نوشة
سنة خامسة دى فعلا عذاب
و ايام الامتحانات كنت حاسة انى مش لحق افوق برجع من امتحان على درس انا اصحى الاقى ليلة الامتحان جت
الحمد لله ان الايام دى عدت

سنتنا برضه الامتحانات كانت جاية وحشة جدا
و كنت بدخل اكتب احلى تأليف
و سبحان الله لقتنى بعد كده جايبة درجات عالية خصوصا فى الباطنة
ده تصديقا للمقولة اللى سمعتها فى أول سنة فى الكلية
أكتر 3 حاجات ملهمش علاقة ببعض هما المذاكرة و الامتحانات و النتيجة
ابقى طمنينا على النتيجة
و استمتعى بالأجااااازة
و نامى كويس قبل ما تخرجى و تكلمى البياعين يا فاضحانا (:

مبرووك
دمتى سالمة
السلام عليكم

 

بخصوص طريقة الكتابة دى..
انا كنت أبلف حاجة وانا لتفرج على ماتش الكاميرون 4-1 بتاع مصر

http://vagueadam.blogspot.com/2008/01/blog-post.html

i hope that u leave ur comment there

 

أشكرك يا " نعكشة".. لأن كتابي :" لألئ من الحكمة " كان احد مشترياتك في إحدي رحلات التسكع الثقافي ..
عصام حسين