نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

رسومات على طريقتي

اوك
يلا سلام عليكم

ديه رسومات كانت في كتاب الاندو كراين
endocrine
هرمونات
احد كتب الباطنة يعني

هتلاقوا الكلام ظاهر تحت الرسومات
دة لإن كراسات الرسم بتاعتي خلصت
ودة يذكرني إنى لابد ان اشتري كراسة رسم كانسون جديدة و شوية اقلام رصاص
اول ما اخلص امتحانات
باذن ربي
معظم الرسومات دية اترسمت ايام المراجعات
أصلاً معظم رسوماتى برسمها وانا فى الزنقة و فى عز المعمعة و الكبت و القرف
ابتدعت طريقة جديدة فى الرسم بعبر بيها بس عن حالة
متهمنيش الملامح المهم التعبير
معرفش حد رسم بالطريقة دى قبل كدة ولا لا
بس اللى اعرفه انى رسمت بيها من غير ما اقلد حد

المهم

اة صحيح
الموبايل بتاعي هوه اللى كنت بصور بيه رسوماتي
ياعيني الموبايل دة فجأة كدة كولابسد
البطارية باظت
والشاحن باظ
و السوفت وير باظ
سبحان الله يعني
للتذكرة ( دوسوا على لارسمة عشان تكبر لو مش شايفين معالمها) آه صحيح بالمناسبة
اسامي الصور مش تحتها
بس كل صورة متسمية باسمها
محلوظة معوقة عارفة
بس قولت اقول يعني للعلمب الشئ
ولا اقولكوا
هكتب سااميهم تحتيهم

thinking
well , mmm
spirit
دية رسعتها وانا بسمع
long long time ago (pan's labyinth soundtract) m

Oh, God
دية أول واحدة رسمتها تقريبا

imprisoned
دية آخر واحدة رسمتها

a little family
إن شاء ربي لو ربنا رزقنى ببنوتة هسميها ماريه ( على اسم زوجة الرسول عليه افضل الصلاة و السلام)

help

free

disagreement
عيشوا بقة

لو حد نفسة يعلق على أى واحدة براحته
حتى لو قال مؤرفة و ملهاش اى لازمة
انا بتقبل النقد بأقزع درجاته
عادي يعني
براحة راحة راحة راحتكوا

......................
حكوك التبع و النشل محفوسة لنعكوشة

على جمب : ينهار بتاع ... هيا الطعمياية
الطعمياية الواحدة؟
بقت ب ربع جنية !!!!
والله العظيم .. يا حوالة
مظمظ بتقولي خدي يابنتي هاتيلنا بجنية و نص طعمية
بقولها ليه ياماما كل دة حرام .. و فى الاخر يتركن و محدش ياكلة
كفاية بجنية
قالتلي : بجنية يعني اربعة بس
قولتلها مش الطعمياية الكبيرة ب بريزة و الصغيرة بشلن
بصتلي كدهو
و اختي قالتلي بتفكريني بمحمد صبحي فى المسرحية
اديتها قرش ساغ تدفع الايجار و تجيب كيلو لحة .. خدت الباقي و طفشت
تقريبا انا بقالي كتير عايشة فى قوقعتي
لا حول ولا قوة إلا بالله
يلا خير
...............

38 قالوا رأيهم في العك اللي تحت ؟؟؟:

دى شىء جميل جدااا يارتنى كنت اعرف ارسم زيك كدة علشان اطلع اللى جوايا, رائعة بجد

 

شوفي بقى
والله بجد رسوماتك جديدة هي فكرتني بالرسومات اللي كنا بنرسمها واحنا صغيرين الدماغ دايرة والايد والرجل خط واحد وكانت بتبقى معبرة
لكن دي خطوطها اكتر

 

شوفي حقيقي
اول ماشوفت الرسمة اللي بتدعي فيها
من قبل ما اقرا حسيت بجد خطوطها مريحة فيها راحة واسترخاء
فلما قريت تحت استغربت انها بتدعي
والصورة اللي فيها خناقة على مايبدو زوجية الخطوط فيها بروفشنال اوي لدرجة اني حسيت انك كنتي بتذاكري تشريح ساعتها
مش بروفشنال لا مش عارفة اوصلهالك ازاي
لكن زي مايكونخطوط زي ما نزلت متشنجة بس صحيحة

اما الصورة اللي غريبة السجن طبيعي الناس بترسم السجن خلف سور حديد
انتي حكمتي ان السجنان الانسان تبقى ايديه هي اللي مسجونة لان هي النافذة اللي بتوصله لاي حد كتابة رسم رسايل على الموبايل اشارة
فحسيت انك من الناس اللي بتحب تكتب ومش بتحب تتكلم وتتناقش كتير مع اللي حواليكي

الخلاصة اني كل الحجات اللي حسيتها من الرسمات تتلخص في انها معبرة اوي
تحياتي

 

هههههههه
حلوة حكاية الفلافلاية ام بريزة انتي دخلتي صومعتك اخر مرة امتى

 

السلام عليكم ايتها المجتهدة الدحيحة اللى عمالة توهمينا انك بتتخنقى من الاكزامس
انا مش مركز مع الرسومات.. ولكن الدح اللى ورا الرسومات
كل دى شخبطة عالكتاب..
انا عندى الكتب كما اخذتها كما اورثتها لمن بعدى
عشان يزاكروا على نضافة
:)
بس انتى بجد فنانة
مش على الرسومات دى اكيد..
بس رسوماتك اللى قبل كدا. والشعر .. والقصص .. و .. بس كدا
اصل انا عندى عقدة فالرسم.. نفسى كنت اطلع بعرف ارسم
:)
بس خير ..

اس ال ايه ام

 

نعكوشة للتوضيح
مش انا اللي صورت الصور هي وصلت ليا جاهزة متصورة

 

karim

مجرد الشخبطة .. مش لازم رسم منمق يعني
بتخرج الهموم

نورت

.......

فكرة من الزمن دة

تسلمي
مبحبش الجدال فعلا
وعندي مشكلة فى الكلام
مبعرفش اتكلم خالص

الجمل عندي فى الضياع
تحسي انى عندي بلاهة
ههههههه
الله يكرمك
دخلت القوقعة من زمان قوي يا بنتي
بس تقدري تقولي سنة او سنتين اقصى درجات الانعزال عن العالم
ولسة


بالنسبة للطاووس
مممم اوك .. عامة تسلمي برضو عالتعبير
نورتي
.....

vague

عليك السلام

ينهار اسوح !!!! لا تعليق بجد
انا عندي صحاب ماشاء الله عليهم بيجيبوا امتيازات عالية و كتبهم فلة ولا كأن حد فتحها
انا لازم اشخبط عشان احس انى مسكت الكتاب قبل كدة
مش دح يعني

الله يعزك
محدش بيبدأ يرسم حلو من اول ما بيبدأ
لو عايز حاجة اعملها
ارسم
انا بقالي برسم من وانا 10 سنين تقريبا
من وانا فى ابتدائي
وكان رسمى معوق عادي يعني
ارسم كتير
هتلاقي ايدك اتعودت على الخطوط

مش لازم تقلد رسمة معينة
ارسم من دماغك
ارسم اى حاجة و كلة هيجي

كلة خير

عليك ال إس إل إيه إم

.........

سلام عليكم

 

طب انا هتقمص دور الناقد الفنى
هاحط بايب فى بوقى
.....
و اقدر اقولك يا بنتى
إن خطوطك كلها واضحة
و فيها ثقة
و سن قلمك قوى و مبيخفشى يجرى على الورق
و عندك فكرة مسيطرة عليكى و بتفرض وجودها
و لولا دخولك مجال الطب لكان لكى مستقبل كبير قوى لو كنتى احترفتى الفن التشكيكى
على راى يوسف
و عاوزة كوباية قهوة دوبل بقى
لحسن صدعت و مش عارفة طلعت الكام كلمة دول منين
بس برافو عليكى يا نعكوشتى
كنت هقول اسامى الرسمات اللى عجبتنى
لقيتنى هقولهم كلهم

 

رسومات جميلة

كل واحد لما يكون رايق المواهب بتظهر

ربنا يوفقك

مع خالص تحياتى

 

الرسومات جميله ورائعه والاحساس باين فيها

انا بزعل كل م اشوف رسومات عشان نفسي ارجع ارسم زي زمان لكن مبقتش عارف :(


بالنسبه لموضوع الطعميه انا لسه عارفه منك انا كمان دلوقت والله :O

 

OH MY GOD

نعكشة تتجلى و بقوة ... ياللهول

الرسومات حلوة اوي .... :) رغم ان اول تلاتة مش راضيين يفتحوا عندي
عجبتني اوي ليتل فاميلي و سبيريت ... :)

.......................

الا حكاية الطعمياية ام ربع جنيه دي بجد !!!!!

اذا فلست وحدك التي تعيشين في قوقعة
و انا اللي كنت فاكرة ان قوقعتي فيها شباك !!! :( ... واحسرتاه

have a nice time
سلام عليكي ... ;)

 

فاتيما

ايوة و ماتنسيش الكاب

ربنا يخليكي يا فاتيما
والله نفسى اتعلم الفن التشكيكي دة بجد
نفسى اتعلم ارسم بالالوان
لحسن انا حاسة انها ابيض و اسود بس
ههههههههه

وعندك واحد قهوة دوبل لفاتيما هانم و صلحووو

............

tamir nabil

تسلم

هوه الامتحانات بقت روقان اليومين دول !!!

.........

dr Dead

مفيش حاجة اسمها مبقتش عارف يا فندم
انا مثلا لما بسيب الرسم فترة و برجع ارسم بحس ان القلم تقيل و مبعرفش ارسم بالظبط اللى عاوزاة
بس اما بقعد شوية برجع تاني عادي يعني

حضرتك بس ارجع تاني و بعد فترة قول لو مارجعتش احسن من لااول كمان

بجد جرب ارجع للقلم او الريشة على حسب
المهم ماتيأسش منهم

انا منتظرة حضرتك ترجع ترسم تاني
:]

و بالنسبة للطعمية

شئ طبيعي إن حضرتك متبقاش عارف هذه المعلومة
ولا عزاء للدكاترة
هههههههههههههه

خلينا فى القواقع احسن نبرد

نورت

.................

optimistic

مروة هانم
اية النور السامي دة

حلوة تتجلي دية بتفكريني بالحلل لما بنجليها
ههههههههههههههه

اى خدمة يا باشا
جربي تعالى مرة اخري هتلاقيهم فتحوا
ولو مفتحوش فى المرة الاخري
مش عارفة هعمل اية بس ساعتها نفكر

ماشاء الله يا مروة

القواقع كتير اليومين دول
ههههههه
يلا خير

حلو هبقى افتح شباك من قوقعتي على قوقعتك
و نوصل حبل الوصال

و نقعد ننشر فى الغسيل و ننم على خلق ربنا

هههههه

سيبك انتي

شدي حيلك فى ECG

الله معنا

نورتي يا باشا

...........

سلام عليكم

 

حلوين اوى يا مريم...

بجد حلوين ماشاء الله كان نفسى اكون بعرف ارسم...

ماى ليتست نيوز عشان لو مقلتش الكلام هيقف فى زورى واموت..

الدنيا ماشية...حطيت الملف فى الدرج وقفلت عليه لحد ماييجى شهر ديسمبر بقى..

خفيت الحمد لله بس دماغى الجزمة مرضتش تكمل المضاد الحيوى..معرفش ليه والله بس مرضتش اكمل باقى الحقن..اهو عند بقى

غير كدة عادى بقى اى نعم بتبهدل فى المواصلات بس الحمد لله لسة عايشة

 

اه نسيت اقولك ان الطعمية عندنا اسمها فلافل

وانى عارفة الاسعار كويس مش عارفة اشمعنى دى بس مثلا معرفش كيلو الرز او المكرونة بكام

يللا خير

سلام عليك

 

السلام عليكم

الرسم صعب ولكن ممكن .. انما انا كان نفسي يكون صوتى حلو كمان

يااه .. ده انا كنت ابقى لقطة
:)

 

enjy

ارسمي و خلاص حتى لو انتى شايفة انك مبتعرفيش
ماهو انا بالمقارنة بناس تانية كتيــــــــر مبعرفش و فاشلة فى الرسم
عادي يعني

شخبطي يا كوكي

مممم

هوه انا ممكن اسأل سؤال غلس
هوه انتى مش حاسة اني بقيت حشرية و رخمة و حاطة مناخيري؟؟؟
بجد لو حاسة انى overload قولي مش هتضايق
عامة
يا رب دايماً تبقى كويسة

....
بالنوسبة للفلافل ... مفهمتش حاجة
هههههههه
اة والله
يعني اية عارفة الاسعار كويس
اشمعنى دية
معرفش كيلو الرز و المكرونة بكام

والله قريت الجملة كذا مرة بس محصلش نصيب
انتى عارفة الذكاء البشري بقة

عامة
نورت يا جميل

عليكِ السلام

 

vague

عليك السلام

شوف يا سيدي الفاضل
مادام قولت ممكن يبقى قشدة

حتى الغنا

على فكرة بقة
هوه اينعم اينعم اينعم الغنا و الصوت الحلو دة نعمة و هبة
ولكن الغنا يعتمد على الاحساس كمان


يعني ماهو فية ناس اصواتهم عجيبة و ليهم جمهور

زي جورج وسوف
اكيد اكيد يعني صوتك موصلش لهذه الدرجة من الحشرجة
والله لا اقصد التريقة ولا اى شئ
بس الفكرة انه حاسس بالحاجة
و بيطلعها
و فية ناس وصلهم احساسة دة فبيحبوه

الغنا احساس
و الرسم تدريب ثم احساس
و الكتابة لغة و افكار ثم احساس

سيدي الفاضل

اترك لحسك الفني العنان
و ستري

بس بقى عشان انا رغاية

سلام عليك

 

نعكشة هانم ...منا عارفة انه مينفعش اطنش المضاد الحيوى بس انا حسيت برغبة شريرة تدفعنى لهذا الفعل...معرفش ليه..يمكن حسيت انى متغاظة من المبلغ الفادح اللى ماما اشترت بيه الدوا فقلت انتقم ومخدهوش...ويمكن كسل

معاقة ذهنيا انا عارفة والله..بس طبعا كدة مينفعش اكمل الدوا صح؟؟ انا وقفته من اربع ايام تقريبا..يللا خير

انا سألت الدكتور على فكرة..بصى مهو عشان كدة انا شاكة فى الموضوع وحاسة انه مش هيخلص على خير لان دكتور مجدى المشرف الاكاديمى قالى روحى الشئون قوليلهم عايزة اؤجل..اول ما الست سمعت راحت مطلعالى ملفى..قلقانة انا ولذلك تقريبا هروح يوم السبت كى يطمئن قلبى..

حضرتك انا كنت هطلب منك نفس ذات الطلب بس كنت فاكرة انك لا ترحبى بالفكرة فقلت بلاش اصدم البونية وخليها على راحتها..هع هع هع

dr_enjy2015@yahoo.com

بالنسبة للفلافل فانا كان قصدى اقول انى عارفة اسعار الاكل الجاهز كله تقريبا لكن لو سألتينى الرز بكام او المكرونة او الطماطم..بلهاء واقفة قدامك..

جدو...ربنا يخفف عنه سكرات الموت..ادعى له وادعى لاولاده عشان انا متاكدة انهم هيتعبوا اوى..ربنا يستر

سلام عليك

 

قشدة

انا مكنش قصدي الغنا الهابط بتاع عسوف ده

بتكلم عن حاجة ارقى ,,

المهم رغيك يسعدنى

 

صحيح .. انا مش بتكلم على ان الرسومات دى حلوة
ابسلوتلى

بس قصدى على الرسومات اللى فاتت .. انتى قدراتك اعلى من كدا .. الظلال والحركات

..

 

اخيرا احمدك يارب الواحد هيقدر يعلق عندك :D
فى الاول استغربت خطوط الرسمه
بس مع كل صوره كنت بتأقلم مع شكلها واحبه
عجبتنى a little family اوووووى
و free حسيتها بترقص باليه مش عارفه ليه
بس فعلا شكلهم حلو اوى

 

enjy

مش عارفة .. بس كدة مش صح خالص
استشيري طبيبك عزيزتي

طيب ابقى طمنيني يوم السبت .. يا رب خير

توارد افكار

ربنا يهون عليه يا رب
آمين
ويهون على اولادة كلهم

......

vague

انا بضبربه فقط كمثال مليش دعوة هابط ولا صاعد

واخد عني فكرة مش صح بس اوك ماشى

.......

Bent men el zaman da

علقى براحتك يا كوكي
البتاعة فعلا انا بشعر ان الباليه بيحرر الانسان شوية
احساسك مش غلط

تسلمي
.......

سلام عليكم

 

السلام عليكم ورحمة الله وبركاته

جميله اوي الصور يا نونو

الزنقات دي بتطلع بلاوي مدوفونه جوا الواحد هههههههههههه

ربنا يفك زنقتك بقي وتنجحي وتخلصي الكليه اللي مش عاوزه تخلص دي

انتو الطعميه عندكو غاليه كده ليه:))

عندنا المخصوص هي اللي بربع جنيه وتلاقيها كبيره كده وعليها سمسم ومتظبطه احلي تظبيطه

اما العاديه الكبيره فا الاتنين بربع والصغيره المنمنمه ب 10 قروش فقط لاغير ههههههههه، تعالي خدي من عندنا


سلام

 

نعكووووووووووشة
ايه العفرتة ديه؟ ماشاء الله عليكي
انتى بترسمي حلو اوي....و الله بجد من غير مجاملة رسمك حلو...و جديد
بس اللى بقا اهم من الرسمانى عرفت اسمك
اسمك جميل و انا بحب الاسم ده اوي
هههههههههههه
و لو قلتيلي اللى تحت الصورة ده مش تسمك يبقى الرسم مش بتاعك هههههههه وش مطلع لسانه
بس بجد انتى موهوبه يا ماما
اومال ايه الكلام المنيل اللى بتروجيه عن نفسك انتى بتطفشي العرسان كده
هههههههه
تحياتي ليكي يا قمرة

 

خمسة فضفضة

منور يا دكتر

اة والله بس اهو عشان يبقى ليها لازمة برضو

مش عارفة

بس برضو اغلى من زمان يعني زمان كانت الكبيرة ببريزة و الصغنونة بشلن

المخصوصة ب نص جنية

يلا خير هبقى اجي عندكوا

انتو فين بس

...........

واحدة مفروسة

الله يكرمك
بس هوه مكانش مخفي
ولو حضرتك كنتي سالتي عليه كنت هقولة عادي يعني

الله يكرمك
ماهو لو اعترفناانى موهوبة
طب وبعدين؟؟؟

هل انا مستريحة
لا
هل انا حاسة انى كويسة
لا

مش تبتر على النعم
ومش طالبة زيادة
انا بحمد ربنا
بس انا فعلا مش حاسة بالانشراح و الانبساط و الطمئنينة المصاحبة للقناعة

مش عارفة اقولهالك ازاي
بس فيه فرق بين ان الواحد موهوب وانه مليان عيوب

نورتيني

.............

سلام عليكما

 

جميلة اوى

وعجبنى اكتر الفكرة اساسا ان الواحد يرسم فى وسط الهم والمشاكل والامتحانات ويظبط الرسم ويبقى سعيد كمان

على فكرة اكتر رسمه عجبتنى بتاعت العيلة والاسرة الصغيرة

عجبتنى اووووووووووووى


تحياتى

شاب فقرى

 

نعكوشة
انا قريت تعليقك عندي على بوست تحفة اليويو
دلوقتي بس
وجيت اقولك انا مش زعلانة بالعكس والله
فرحانة بيه جدا
ووعد مش هاتضربي بالعكس هاناقشك فيه لكن مش دلوقتي
وعجبتني حتة كشريانا مش شريان

 

رسوماتك جميلة جدا
فيها تعبير كده، حاسة انها حاجة جديدة
خصوصا الي رسمتيهم اول واحدة واخر واحدة
ودايما كده ميطلعش الابداع غير في الزنقة
ههههههههههههههههههه
ياريتني كنت اعرف ارسم حلو كده..
D:
بس على فكرة بقى ..الكلام الي عن الطعمية الي في اخر البوست ده..هيضر بسمعة مطعمنا جامد..مع انها عندنا مش غالية ..
اول زيارة ..وهزورك على طول ان شاء الله ..مدونتك جميلة وبسيطة ..فيها هدوء جميل
:)

 

نعكوشة
مستنية البتاع اللي كتبتيها بنفس اسم البوست اللي عندي عايز اقراها لو سمحتي

اما على حكاية كشريانا او شريان بالكسر
انا صدقتك بس سالت قالولي لا الكاف مش حرف جر
ايه يابنتي بجد انتي نبعتيني لمصيبة
يعني انا تعليمي مش اجنبي ولا حاج تعليم عربي حكومي والنجوي عندي مضروب بالنار طيب ليه كده امال سيبنا ايه للتعليم الاجنبي والله لو النحو مش ممل كنت ذاكرته من اول وجديد وتعالي بقى علشان نتناقش في الكلام اللي قلتيه

 

انا اول مرة اشوف رسومات بالطريقة دى
الاستيل بتاعها جديد جدااا
مفيش واحدة معجبتنيش!!

 

اولا السلام عليكم ورحمه الله وبركاته
وثانيا اموووووووت بقا واشوف الرسمات دى لان التعليق عليها شدنى انى اشوفها بس كل ما اعمل تحديث للصفحه ما بتظهرشى؟؟
لييييييييييييييييه؟؟؟؟؟؟

 

مال الناس في الرسم عندهم ريجيم قاتل كده ليه؟



حلو ولله

 

انا كنت معدى
صدفه
قولت اسيب عندك تعليق
يعنى
من باب صله الرحم
فقولت اقول مساء الخير
والرسومات مش مقرفه

كويسه
مش محتاجه نقد يعنى على رسومات بتعبر عن نفسيتك
ومبروك الموبايل
وبالنسبه للطب
اللهم اجعل كلامنا خفيف عليه
ربنا يعينك عليه
انا مش برد زياره على فكره
انا حبيت بس امسى
الرسومات بتاعتك على فكره
شبه بعض رسومات فى الدستور

 

شاب فقري

هيا مش فكرة بيبقى سعيد
بس الضغط بيخلى الواحد يحاول يخرج منه بأي وسيلة

تسلم

..........

فكرة من الزمن دة

حروف الجر هي
من إلى عن على في اللام الباء الكاف التشبيه واو القسم باء القسم تاء القسم

و ان شاء الله اجيب لحضرتك البتاعة اللى كتبتها

نورتي

.........

كيكي عو

تسلمي

..........

بنت قلبي

دية لينكات الصور

http://3.bp.blogspot.com/_aAEhEf3ha7w/St1UssCV3XI/AAAAAAAAA9Y/shoAIYvEQSM/s1600-h/thinking.jpg

http://4.bp.blogspot.com/_aAEhEf3ha7w/St1UsMBgdeI/AAAAAAAAA9Q/_G9d_BZOwco/s1600-h/well,+mmm+!!!.jpg


لو دول نفعوا مع حضرتك احط لحضرتك باقي اللينكات
خديهم كوبي بيست

لو منفعوش
مش عارفة بقة

نورتي

.........

لورانس العرب

عقدة نقص باين !!! هههه

مش عارفة .. انا لاقيتني برسم كدة

نورت

..........

THE illusionist

مساء البومبون ( مع اننا الصبح .. بس اوك )

مبروك للموبايل .. إنه باظ يعني؟؟ :D الله يبارك فيك

طيب معلش سؤال
مين اللى بيرسم الرسومات دي فى الدستور
عشان لما ابحث عن هذه الطريقة فى الرسم
لو حضرتك تعرف يا ريت تفيدني لو سمحت


نورت

............

سلام عليكم

 

فكرة من الزمن دة

معلش هوه انا مفروض اجي فين شان اناقش موضوع حضرتك

وحضرتك مردتيش على الرد اللى هناك

هناقشه ازاى؟؟؟

سلام عليكِ

 

امممممممممممممممممممم
انا ليا تعليق..تقريبا مخدتيش بالك منه
:)

 

شريكة فى المطعم

ههههههههههههههههههههههههههههههههههههههههههههههههههههههههههههههههههه

سوري

والله سقط سهواً

معلش العتب عالنظر

أول واحدة و آخر واحدة
ممممممممممممممممم

شكلك بتحبي الحاجات الكئيبة
ههههههههههههه

شخبطي
ساعات الشخبطة بتبقى حلوة

والله يا باشا ما كان قصدي حاجة
ولا قصدى اشوه سمعة المطعم
هوه اينعم انا فتحت عربية فول جمب مطعمكوا
بس منقصدش حاجة يا باشا
خلاص اعملوا عرض باسعار جديدة للطعمية


ربنا يكرمك
تسلميلي

ومعلش بجد انى مشوفتش التعليق

تقريبا نوع من انواع الاعاقة

نورتيني يا باشا

و تسعدني زيارتك

سلام عليكِ ايتها الشريكة

 

مممممممم
أموت أنا فى التجديد
عجبتنى جدا الرسومات
بتاعة
well,mmmmm
disagreement
ربنا يديم عليكى موهبتك

دمتى سالمة
السلام عليكم