نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

نبع السعادة

دعني أعانق السعادة
أنهل منها حتى أرتوي
أضمها بين أذرعي بقوة حتى تتخلل مسامي و تلحقني بالسعداء
دعني أصادق الفراشات و العصافير
أهفو معهم كنسمة ريح تنثر السعادة على قلوب المحزونين
دع روحي تحلق لأعلى
تطلب من السحب و الرياح أن تُسقِط المطر على العطشى و المحرومين
دعها تشاغل القمر و النجوم
كي يخفت نورهم فيزداد الليل سواداً ليهيم به العاشقين
دعها .. فما عاد جسدي يكفيها
وما عادت عيني تعبر عنها
ولا حتى كلماتي
دعني بين ذراعيك كي اشعر بأقصى المعاني
وربما أكثر
أتوق أن أفعلها
فلا تحرمني لذة دفئك
ولا تحرم روحي من انطلاقتها

................................
الطائر اللى فوق دة اسمه الأطيش أو
faus de bassan in french
or gannet in english

والبتاعة المكتوبة مجرد مقطوعة أدبية لحالة تقمصتها
ليس إلا
حكوك التبع و النشل محفوسة لنعكوشة

10 قالوا رأيهم في العك اللي تحت ؟؟؟:

جميل اوي يانهكوشة
وحلوة فكرة المعلومة اللي في ديل البوست عن كل صورة
تحياتي

 

دعنى أنسى من أكون
أنسى ذات
أذوب بين يديك
أشتاق لماضى لم يكون
وأكتب بأصابعك عمرا مقبلا
زمنا سعيدا لا يعرف الأحزان
ولا يعرف الشوق والحرمان
دعنى ولا تتركنى
فأنا منك ولا اطيق البعد عنك

كلماتك ملهمة أوى بالنسبة لى
:)
شكرا على كنية السعادة الرهيبة دى :)

تحياتى

شاب فقرى

 

جميلة اوى اوى يا نعكوشتى والاجمل الصورة
شفقة

 

دعني بين ذراعيك كي اشعر بأقصى المعاني
وربما أكثر
أتوق أن أفعلها
فلا تحرمني لذة دفئك
ولا تحرم روحي من انطلاقتها


الجزء ده بجد مالوش حل
عجبنى جدااااااااااااا
تحياتى ليكى يا نعكوشتى
يا قمرررررررررررررر

 

دعني بين ذراعيك كي اشعر بأقصى المعاني
وربما أكثر
أتوق أن أفعلها
فلا تحرمني لذة دفئك
ولا تحرم روحي من انطلاقتها

ولا تعليق غير التحيه اللاسعه

 

فكرة من الزمن

تسلمي

.............

شاب فقري

العفو

..............

شفقة و احسان

تسلمي

...........

rony

اتفضليه

.............

لاسع افندي

عليك التحية
............

سلام عليكم

 

نعكوشة ..حلو اوى البوست تحسى انك هتطيرى و انتى بتقريه ..

i like it :)

ادام فيه سعادة و كدة يبقى انتى شكلك اخدتى الأجازة..مبروك يا ستى انطلقى بقى و طيرى ..حقك بردو

منسبة للتسجيل الجانبى ..انا عارفة الأحساس ده بتاع انك تتخانقى مع باباكى ..انا افتكر مرة اتخنقت مع ابويا معرفتش انام من الحزن و الله ..اصل ابويا ده زى البست فريند بتاعى كدة.. بحس اننا اصحاب و لما يزعل بقى الدنيا بتتحول الى السواد الحالك ..فأنصحك انك تروحى تصالحيه سواء انتى غلطتى او لأ ..روحى صلحيه هتلاقى نفسيتك هتتصلح و تتحول 180 درجة..ربنا يصلح الحال..

انشاء الله تجيبى امتياز عشان تفرحيهم و عشانك بردو اكيد..

اما الذنوب بقى فالحمدلله باب التوبة مازال مفتوح..مرحتش على حد ..و ستغفرى ربنا بس و توكلى على الله ..

go to this link:
http://www.shbab1.com/2minutes.htm

سلام

 

mariam

طب كويس

......

لأ مخدتش اجازة لسة ناقص امتحان

انا البوستات اللى بحطها مش لازم كلها تعبر عني
انا بنقى من الحاجات اللى كتبتها
ليس إلا

.........

وجهة نظر برضو
لما يرجع هحاول اصالحة


شكراً على اللينك
.....

سلام عليكِ

 

السلام عليكم
..
هو ده بلوج نعكشة؟
البنت بتاعة الرسومات اللى فى طب دى!
اصل على غير العادة وجدتك سعيدة .. لعله خيرا

 

vague

عليك السلام

اة هوه
متغيرش على فكرة
ولا البنت اتغيرت

السعادة : ههه .. انها خُدعة

يعني مش لازم اكئب الناس معايا كل مرة

.......

سلام عليك