نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

اصفحي.. يا من أنا أنتِ

لو أنني قنديلاً لكنتِ أنتِ زيتي و هوائي
لو أنني قلماً لكنتِ أنتِ فكرتي و أوراقي
لو أنني ملكاً لكنتِ أنتِ سطوتي و كبريائي
لو أنني التاريخ لكنتِ أنتِ قدري و أفعالي
ارفعي هامتك ياامرأتي فلو لم تكوني أنت لما كنتُ أنا
قومي و ارقصي طرباً فالقلب لم يعشق سواكِ
دعيني أقبلُ أناملكِ طلباً للصفحِ عن بُعدي
قد كُنتُ مُـغَـيَّـبـاً فعافيني
قومي من صمتكِ مليكتي .. فالصمت يشطرني و يدميني
إن شئتِ.. ـ
تركتُ النورَ و الأحبارَ و العرشَ و الأحداثَ لأجلكِ إن كانَ يرضيكي
وكيف لا أفعل و أنتِ نبعُ إلهامي .. بالله عليكِ لا تجافيني
قومي .. و اعتلي هامتي .. قد جئتُ معتذراً .. فلا تُقصِيني
فإن لم تقبلي الأعذار فلن أبقى .. فلم تعد الحياة - من دونكِ - تستهويني
قد ظننتُ أني شيء من دونك فاعذريني
قد كنتُ مغروراً فاحتوي خطئي و سامحيني
كنتُ تائهاً و بُعدكِ أرشدني .. فاستقبيلني تائباً و ارحميني
فأنا أنتِ يا عمري وما جئتُ إلا لنعود كما كنا
فما عاد الإلهام يزورني و ما عادت الأحلام تأتيني
فأنتِ إلهامي و أحلامي و روحي .. فاصفحي
اصفحي يا سر تكويني

..........................
حكوك التبع و النشل محفوسة لنعكوشة
للتسجيل لنفسى فقط: 8 اكتوبر 11:55 ص.. خايفة قوي و مبسوطة قوي .. نفسي اتغير
وش مستكين و بيبص شمال و يمين
11:04 م راجعة منرفزة من التعب و متضايقة مش عارفة ليه مع انى كنت مش متضايقة
مش طايقة حد يفضل يلح عليا فى الاطمئنان على حالى
ومش طايقةة حد يحبطنى
عادى يعنى لية مبيتكلموش معايا عادي او يراعوا انى مش قصدى اتنرفز
هيبقى يوم السبت باذن ربي عندى باطنة لونج
وبعدها امتحانات متواصلة كل يوم
ربنا ييسر
نفسي الامتحانات تخلص على خير
مش تخلص و خلاص
ماهى كدة كدة هتخلص يعني( إن شاء ربي)
شئت ام ابيت
عاوزه افرحني
أيوة افرحني .. ليا حق افرح برضو لو حاجة حلوة حصلتلي
يارب
و افرح والدي ووالدتي
و احس انى استحق الاجازة
خير خير
.......
10 اكتوبر 12:24 م
اول القصيدة كفر
زهقت من فكرة انى عارفة المعلومة و مش قادرة اقولها
زهقت كمان من انى ابقى قاعدةة خمس ساعات فى السرير عشان انام و منامش وانا اصلا مش متوترة
عارفة انه قدر.. الحمد لله .. والله مش متضايقة من النتيجة ..بس متضايقة انى كدة
محتاجة اتغير.. اما نشوف باقى الاسبوع .. هحاول انام انهاردة كويس.الحمد لله
اة صحيح .. زعقت مع مظ مظ تانى .. زهقت من نفسى
امتى هبقى بنت مطيعة لوالديها بقة
ربنا يهديني
.......
11 اكتوبر 7:25 م
افضل من امبارح الحمد لله
بس حسيت انى كان ممكن اكون افضل نظراً لإنى مديتش لنفسى فرصة افكر فى اللجنة الأولى و كانت بتسأل فى حاجات انا عارفاها
الدكتورة التانية (د/ عزة : قالتلى عندك circumscribed nominal amnesia
عندى مشكلة فعلاً فى الاسماء.. يلا خير
بس الحمد لله
..........

12 اكتوبر 10:31 ص
لولولوولولولوولي .. اول امتحان اخرج منه مبسوطة من ساعة ما دخلت دوامة الامتحانات دية
يلهوي .. دنا كنت تقريبا نسيت إنى بعرف اجاوب
الحمد لله رب العالمين
يا رب تمم باقى الامتحانات على خير .. اما نشوف بكرة كيف راح بيصير
وش مبتسم و مبسوط
احمد ربي
آ صحيح كنت هنسى
الدكتورة كانت كوكي قوي
بتقولنا .. بصو يا جماعة اهوه
the lesion is here , what's ur diagnosis
لأ الراديولوجى دول ناس عسل
اول مرة اشوف حد بيطبطب علينا منس اعة ما دخلت سنة 5
احمد الله
......
11:40 ص
حاسة بصخرة على قلبي و غصة فى حلقى
ليه أنا كدة يا ربي
محتاجة احس إني راضية بجد
وإنى هادية و قنوعة
زعلت امى تانى
لية بتفضل تضغط عليا لحد ما انفجر
و اما انفجر
تضايقا
و انا اتضايق من فنسى إنى ضايقتها
ياااااااااااااااااا رب .. نفسى ابقى انسانة هادية و مش عصبية و خصوصا مع امي
ارضى عنى يا رب
.............

19 قالوا رأيهم في العك اللي تحت ؟؟؟:

ما شاء الله

بجد بجد بجد بجد

رائع وعجبنى المكتوب

والحمد لله انى اول تعليق

لو كان ينفع كنت هاخده انزله فى المدونة واكتب عليه حقوق نعكوشة

لكن مينفعش

ان شاء الله ربنا يلهمنا بحاجات حلوة زى دى كدا :)

اعجبت بالمدونة والافكار

لما توصلى فى الاخر السعادة هتخليكى طايرة من الفرح

لما تشوفى فرح والدك ووالدتك بنجاحك مش هتصدقى ان التمن كان سهل اوى كدا عشان يفرحوا وانتى اتاخرتى او الظروف اخرتك

ربنا معاكى

دعواتنا وياكى

تحياتى

شاب فقرى

 

شاب فقري

تسلم

ربنا ييسر يا رب
و يفرحهم
اللهم امين
............
سلام عليك

 

وعليكم السلام

مسير الامتحانات تخلص وبالنجاح والتفوق ان شاء الله :)

يارب يوفقك

شاب فقرى

 

ياناااااااااادلة ياللي رجعتي تكتبي تاني من ورايا وكمان كاتبالي قنبلة يالهووووووووووي دانتي هتاكلي ضررررررررب

كده يانعكشة داحنا كاتبين ناشرين معلقين مكتئبين مع بعضينا
خيااااااااانااااااااااة

بس وحشتيني اوي ووحشني اللعب في مدونتك

وحلوة اوي اللي انتي كتباها دي تحسي انها رامية على نزار شوية

بحبك يانعكوشة

 

oooooooh 2da too7fa awiiiiiiiiiiii

lala msh ma32ol keda kol post a7la men 2l tany f nas keda hatet3a2ad

too7fa ya amar

 

لو هشخبط يبقا هقول احله الكلام
لانك احسنتى فى كتابة هذة الابيات
اعجبنى كثيرا ما كتبته اناملك
فسريعا دخل القلب ولم ينتظر شئ للدخول احسنتى فى هذة الكلامات
تحياتى توتة

 

خايفة اقول عجبني جدا
تفتكريها مجاملة
بس بجد تحفة
و البوست اللي فات كمان حلو اوي
بس مقدرتش اعلق عليه
استمري
دايما

 

لو أنني كوسة، لكنت أنت خلطة الرز
لو أنني شوربة، لكنت أنت مرقتي
لو أنني برنامج، لكنت أنت الكراك
لو أنني مدونة، لكنت أنت البلوجر نفسه
ههههههههههههههههههههه
بحب أهيس أوي وأضحك لإن ده بيخليني أركز في هوايتي

 

حلوة قوى يا نعكوشتى
قوى
و علها تصفح ...يا ريت

 

شاب فقرى

اللهم امين
..............
آه و كفى

معلش انها الظروف
تسلمي
انا مبقرأش لنزار كتير
او تقريباً مقريتلوش قراية غير واحدة اسمها انى خيرتك
والتانية مش فاكرة اسمها اصلا
ومبسمعش كاظم الساهر
بس عامة
خير خير
العبى براحتك : عيشى يعنى
.............

iam' the crazy one

tnx

..................

توتة الشقية

تسلمي

.............

عاشقة الحب

هدفنا راحة الزبون
( وش مبتسم )

..........

islam el deeb

مفهمتش حاجة
بس خد راحتك عالاخر يعنى
عادى

............

فاتيما

تسلمي
آه .. عندك حق
ماهو ممكن يكون شلها و جابلها السل و جميع امراض المجتمع
وبعدين راجع يقولها سامحينى بعد فوات الاوان
بس عامة
اهو من حقى اتخيل ان فيه حد هيعامل امرأته على انها حته منه
ميتكسف انه يعترف بغلطه قدامها
و يبقى محتاجها تسامحة لإنها نفسه بس فى جسد آخر
التخيل مش وحش يا فطمطم

نورتي

..........
سلام عليكم

 

قصيده بكلمات قوية جدا ومفراتدات رائعة لكن حسيت انها فاضية من الموسيقى
او انك الزمتي نفسك بمفردات قوية غدا تخض فضاع الحساس بين الكلام
متزعليش مني بس انا بحب اقرالك واقول راي بصراحة

 

نعكوشتى
قريت تعليقك عند انجى
وانك جاوبتى حلو
و مبثوتة
يا رب تنبثتى كدا علطول
انا فرحانلك يا حبيبتى
و عقبال كل الامتحانات كلها تبقى إنبثات فى إنبثات
ف لبانة ..يلا

 

فكرة من ا لزمن

هوه انا مش فاهمة حتة فاضية من الموسيقى دية
فارجو التوضيح
قصدك الوزن و القافية؟؟

هوه انا مبتعمدش اختار الفاظ معينه اكتب بيها

انا بلاقيني فجأة كدة بكتب

مش عارف
مزعلش اية يا بنتى
دا انتى تقريبا الوحيدة اللى حسستينى انك قريتى البتاعة بتمعن
بصي انا بحب انقد قوى
وخصوصا و كان نقد للحاجات الوحشة
عشان اصلحها

لأ بجد تسلمي يعني
بس انا فعلا مش فاهمة وجهةا لنظر بتاعة الموسيقى
بس لو حضرتك قصدك وزن وقافية
فانا كاتبه انها مجرد خواطر
مش اغنية
ولا شعر

و الكلمات متعمدتش استخدم الفاظ معينة
انا لاقيتها طلعت كدة
تقريبا انا بعيد اللى قولته
عامة نورتي يا قمر

...........

فاتيما

وش منشكح
الله يخليكي و يعزك
ربنا يكرمك يا رب

اسعدنى تعليقك حقاً

...........

سلام عليكما

 

الله...مبروك

لولولوليييييييييييييييييييي

انا عارفة انى معلقتش عالموضوع الاصلى بس انا والله اخرج من حاجة ادخل حاجة تانية انقح..

عقبال يارب باقى الامتحانات يارب آمين..انا مبسوطة جدا والله..ممكن دى تكون دعوتى؟؟ تفتكرى ربنا قبل منى دعوتى ليكى؟؟ هع هع هع المهم انك مبسوطة

هو يعنى ايه الراديكولوجى دى؟؟ دى حاجة تبع الاشعة وكدة وللا ايه؟؟

 

enjy

تقريبا
ادعي بقى بكرة و بعدة و يوم 19 و يوم 22
ههههههههههههههههههههههههههههه
شكلك الست مبروكة
:D

الراديولوجي دة اشعة ايوة
radiology

ربنا يعزك يا انجي
و يقويكي
شدى حيلك جامد يا بنتى
يا رب يفتح عليكِ بفتح من عنده
ذراعك ؛ كيف حاله دلوقتي؟؟
ربنا يشفيكي يا رب و يديكي الصحة

يلا خير

سلام عليكِ

 

كلمات رقيقة
عجبني اكتر فضفضتك المرسلة العفوية الصادقة اللي بعدها
انا عايز اقوللك حاجة
ان متفكريش كتير في انك متتغيريش
هيبقى عبء عليكي نفسيا ومش هيحصل
التغيير هيحصللك تلقائيا في الحياة مع تطورها

:))))

 

مُزمُز

وانا بنزل بالماوس بحب اتوكع مثلا منكن مين يكون علق
بس تقريبا متخيلتش خالص انه حضرتك
لأ قشطة
سيبك من الحتة الاولي دية
امو هند

ان متفكريش كتير في انك متتغيريش
هيبقى عبء عليكي نفسيا ومش هيحصل
التغيير هيحصللك تلقائيا في الحياة مع تطورها

منا مش عاوزة الحياة هيا اللى تبلورني على مزاجها

أنا عاوزة أتغير من أجلى
لا من اجل الظروف

تسلم

نورت
..............
سلام عليك

 

مش هعلق على القصيدة الادبية
لانى متأكد انها جميلة
ولكن
انا مش بستمتع بالنوع ده من الشعر
ازواق بقى

----
انما ايه حكاية الامتحنات دى؟
هو فى حد فى طب بيقلق والكلام ده؟
انا اعرف ان كله امتيازات

 

متأكد منين اذا كانت مش عاجباك
هههه

عامة

....

we are human beings

مش كله امتيازات يا باشا
وبعدين سنة خامسة دية صراحة حسيت فيها باقصى درجات الاحباط و الغباء و التخلف
لو جبت امتياز
يا رب اجيب امتياز
نفسى والله

يلا
ليس كل ما يتمناه المرء يدركه

بس الله قادر على كل شئ

........

سلام عليك
..........