نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

أنا حرة


Maryam 2009

سيأتي يوماً و تنصرنى الأحداث في عينيك

سترى فيها انتصاراتي
ستتخلل جنبات عقلك الجامدة
ستحطم ما أمامها من عقبات
لتصل إلى بؤرة تفكيرك المحدود المنغلق
أنا حرة أيها الرجل .. حتى و إن قيدتنى أغلالك
لست عبدةً لأحد
سلاسلك التي كبلتنى ستصهرها حرارة جسدى المؤجج بالغضب
سأنسل منها إلى عالمي .. لأخوض معاركي كجان دارك عربية
سأخطَ تاريخي بقلمى أيها المعتوه فلا تفرح بتحجيمي.. لا تحسب أني سأتركه لكَ ترسمه كيف تشاء
سترعاني قواً من حيث لا أعلم
سأحيطُ صدري بصديرية حديدية لتحميه من سيوف الحاقدين
سأثبتُ لكً أني أخرى .. غير تلك الواهنة التي تراها
و ستبكي دماً طالباً رحمتي و لن تحظى بإشفاقي
سأعود إليك
راكبةً فرسي
شاهرةً سيفي
رافعةً رأسي
وربما حينها لا أعود
فلن يسعني الوقت ولا التفكير كي أتذكرك
يوماً ما سأفعلها .. سأتحرر من قيودك التي طوقتني بها و ألصقتنى بالأرض
يوماً ما
سأسعى كي يكون قريب
........................
.بالمناسبة أنا اللى راسمة الرسمة اللى فوق

حكوك التبع و النشل محفوسة لنعكوشة
..........................................
للتسجيل لنفسي : انهاردة روحت متأخرة ..
متضايقة انى مكونتش متضايقة إنى عملت كدة
بس انا عملت استخارة
...........
اشعر قليلاً بالطمئنينة رغم أنى اشعر أن غداً قلبي سيرتجف
أدعو الله أن يثبتنى و يجعلنى احسن التوكل عليه
..........
امتحان الاطفال بكرة ...
يا رب لو دة ابتلاء خلاص أنا هصبر
بس قوينى انى اعرف اذاكر يا رب
و خلينى اعمل اقصى ما بوسعي ..
و خليني اتذكر الحاجات اللي اتعلمتها على مدار السنة
يا رب حتى لو ماعرفتش اصبر ..
بقدرتك صبرني
................
بين الاذان و الاقامة.
4:48ص
4 اكتوبر
........


15 قالوا رأيهم في العك اللي تحت ؟؟؟:

انا عاجبنى الكتابه قوى والاسلوب رائع
بس مش مقتنعه قوى بالفكرة
هذا الرجل اندثر
هو فى فى رجاله بيقهروا الستات؟
الحقيقه
الرجال (كثير منهم) رضوا ان يكونوا مع الخوالف ..والستات هى اللى تقوم بكل شئ
خلينى اقرأ ما كتبتى على اساس الرجل الندل المستحل كل ما يخص السيدة ليكون هو سلطان المكوث فى المنزل
أما من كان رجل ويقهر المرأة ويذلها
اصل الكائن ده اندثر... إلا فيما ندر

وبخصوص ما ندر فأنت كتبتى بشكل رائع
مميزة انت

كان نفسى اعلق على البوست السابق بس كل ما افتح مدونتك المرحوم بيهنج
اصلى شغاله بكومبيوتر على جهاز التنفس الصناعى يادكتور

 

الفقيرة إلى الله أم البنات

هههههههه

آدينى بتخيل يعنى هيحصل إيه ...

تقريبا جهازى على فراش المرض برضه يعانى من نفس اعراض جهاز حضرتك

المهم النية

 

عجبنى او التعبير دة

سلاسلك التي كبلتنى ستصهرها حرارة جسدى المؤجج بالغضب

عجبتنى اوى الصورة دى
===============
ثم ايه حكاية الاجهزة المريضة دى
الظاهر انه دور وماشى فى البلد

اصل انا جهازى ما كنش راضى يعلق فى اى مدونة حتى مدونتى

 

سبهللة

اشعر بالامتنان

مش عشان تعليق حضرتك على هذا الموضوع
بس عامة حبيت اقولك دة عشان مين عارف يمكن ميجيش وقت تانى و اقوله

جزاكِ الله خيراً
.........

الاجهزة

تقريبا دي شوطة
ههههههههههههه

سلامٌ عليكِ

 
This comment has been removed by the author.
 

نعكوشة
مميزة فعلا انت
رسمتك من اول وهلة اعطتني ايحاء انها عكس العنوان
واعطتني ايضا ايحاء بان القيد يحلولكي حتى وان اظهرتي تأففك منه فبداخلك شيء يتمنى عدم زوال هذا القيد
وفي اعتقادي انك تظهري هذه العدوانية تجاه الرجل
لمجرد التمرد لانك تاخافي من شبح مستقبلي في خيالك قد يكون حقيقي وقد لا يكون
تحياتي

 

ربنا يوفقك يارب

بس انا لاحظت انك كاتبه بتاريخ اربعه اكتوبر ...

عملتى ايه بقى ؟؟؟؟

ايه دة

دة النهاردة اربعه اكتوبر

طب اقولك على حاجه كويسه

اعملى cut للسؤال اللى فوق دة

وبعدين اعمليله paste فى تعليق جديد وانشريه بعد يومين
وبعدين ردى عليه

D:

على فكرة
شخبط....قصدى رسمك حلو

اصلى رسمى سىء جدا وخطى اسوأ
وطول عمرى كنت بسقط فى امتحان الرسم
علشان كدة عندى عقدة كراهيه متأصله للى بيعرفوا يرسموا كويس

خلى بالك من نفسك بقى
ولو كنتى ماشيه فى ليله مقمرة من ليالى الشتاء فى شارع جانبى مظلم وفاضى
ولقيتى واحد ماشى وراكى علطول ولابس اسود فى اسود وماسك فى ايدة حاجه بتلمع ( قلم رصاص يعنى )

دة يبقى انا

لا تترددى انك تصوتى وتلمى عليا الناس
او تطلعى تجرى


بالتوفيق يانعكشه

 

الرجل ليس بهذا السوء
كما اننا لسنا في حرب سينتصر طرف على آخر

واسجل اعتراضي على أم البنات حين قالت أن الرجال رضوا بأن يكونوا مع الخوالف
الرجال مع الظروف الصعبه أصبحوا مقهورين ولا يوجد من يرحمهم حتى في بيوتهم
فمهما فعل الرجل للمرأه فسيكون في نظرها مقصر

هذا نعلمه جميعا ولا يوجد حل لهذه المشكله!

 

انتى اللى كاتبةالكلام دا يا نعكوشتى ؟
بتهزرى ؟
يعنى مش حد من الأسامى اللى تخض ف الشعر اللى احنا عارفينها دى
طب و الله براوة عليكى
انا عاجبنى قوى الحالة
عشتها فى زمن فات
و حاسة بكل كلمة فيها
و بكرة صاحبة الكلمات دى هتضحك من قلبها و تستغرب قوووووى إزاى كانت مستضعفة كدا
ربنا يوفقك فى الامتحاان و يثبتك بأذن الله يا حبيبتى
الرسمة حلوة قوى
إنتى فنانة و شاعرة و طبيبة
و أنسانة جميلة جدا
ردك على سبهللة قلقنى من فكرة غيابك و قفل المدونة هتجيبلى فوبيا كدا يا نعكوشة
حراااااااام عليكى يا بنتى
بوسة و حضونة قد كداااااااااااااااا

 

اجمل حاجة عملتيها انك فتحتى التعليقات

كان نفسى من زمان اقولك

انك جميلة قوى رغم كل النعكشة

:))))))

تحياتى

 

بجد حلو اوي و عجبني جدا
و الرسمة الفوق تحفة بس انا مش فاهماها اوي :):)
اول مرة اجي بلوجك و ان شاء الله ابئا اجي تاني
;)

 

فكرة من الزمن دة

مش عارفة .. أنا ولا متضايقة من الرجل ولا حاجة .. انا بتقمس الشخصية وانا بكتب و خلاص

دايماً كنت بقول إن البتاعة اللى بتتكتب بتتحس على حسب اللى بيقراها .. بيشوف حتت معينه دون الأخرى .. subconsciously

بس عادي يعني

نورتي
..............

احمد سعيد

الحمد لله على كل حال ( بالنسبة للأمتحان)

أنا خطي رديء رديء فعلاً يعنى تقريب نكش فراخ ... عادي يعني .. بس لو مصمم تتعقد .. براحة حضرتك

فيه اقتراح آخر بالنسبة لليلة المقمرة .. إني أصحى من الحلم

نورت
............

لورانس العرب

كما اننا لسنا في حرب سينتصر طرف على آخر

اتفق مع حضرتك
بس انا مبتكلمش عن حالة عامة في البتاعة اللي انا كاتباها
انا بتكلم عن واحدة زوجها او ابوها او اخوها او الوصي عليها او اي حد مقيدها و مانعها من تحقيق احلامها
طبعا مش كل الرجالة كدة

ومش كل الرجالة مع الخوالف
مع إن الطبيعي ان الظروف تبقى صعبة و الراجل يشيل برضو
بس عادي

لا والله فيه ستات راضيين بالحال
وفية رجالة ولا كل الرجال
وفية ستات مبيعجبهمش العجب
وفيه رجالة رضوا لنفسهم ان زوجاتهم صترف عليهم

كل حاجة موجودة

نورت

.............

فاتيما

وش منشكح
الله يخليكي عملتيلي عملية انشراح
بالنسبة لكلام سبهللة
لا مجاش فى دماغى اطلاقا ساعتها اني اقفل المدونة

انا بقول الاعمار بيد الله يعنى
وانا من طبيعتى انى بتكسف اقول لحد شكرا او انى ممتنة
فقررت اقولها دلوقتي احسن من بعدين

تسلميلي والله بجد

منورة

..........

الست فرويد

ربنا يكرمك

نورتِ
............

funky girl
شكرا

..........

سلام عليكم

 

حلوووووووووووو أوي يا نعكشة أنا هتابعك أن شاء الله ونفسي الحق أول تعليق عندكأن شاء الله في البوست جديد


تحياتي ليكي مبتسمة دائما

 

المشكلة ان الناس بتفهم الطيبة انها ضعف ودى كارثة

فبيقيدوا الشخص بقيود كتير ويظلموه

ربنا يصبرك

ويقويكى عالامتحان ويارب تكونى نجحتى فيه

هقرا بقيت المدونة وارد

تحياتى

شاب فقرى

 

ranim

تسلمي

نورتِ

..........

شاب فقري

تصدق وجهة نظر مخدتش بالى منها رغم انى عارفاها

لأ اقصد نظرة مختلفة للبتاعة
تسلم عليها

اللهم امين
........

سلام عليكما