نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

حينما نجتمع

محلوظة:
مش انا اللي راسمة الرسمة ( انا مبعرفش ارسم بالأوان) ومعرفش مين الفنان اللي رسمها .
حينما نجتمع....
كلمات كثيرة تعبر دهاليز عقلي المظلم .
تمضي خلال ممراتي العصبية سعيا للهرب ، لكنها تقف هناك ..
عند طرف لساني.
تحبسها أسناني في ذلك القفص الموحش المليء بالألم والمرارة.
أقف هكذا ... بلا حراك...
في عيني نظرة أحسها .. لكني لا أعلم إن كانت مفهومة من قبل الآخرين..
تكاد دموعي أن تتكون لكن يأب عقلي أن تسقط أمامهم... فلا يعطيها الأذن بذلك..
أحس بتدفق الدماء برأسي... جريان الدم بأوردتي و شراييني.. وعيي بكل ضربة من ضربات قلبي... احسها قوية مدوية تصم أذني...
ترتعش شفتاي.. اشعر باحتقانهما ...
تبدأ انفي بالاتساع و تتسارع أنفاسي رويداً رويداً ...
أما عن حلقي فلا أعلم كنهه الشيء الذي يؤلمني بداخله ... لا أقو حتى علي ابتلاع لعابي...
هنا فقط ... أمضي...
اترك لهم جسدي يعنفونه ...
أرحل بفكري بعيداً..
فما ستفعله كلماتي سوى إثارتهم و زيادة ما بي من ألم....
و يا ليتهم بعدها تركوني بسلام....

36 قالوا رأيهم في العك اللي تحت ؟؟؟:

,نعكوشتى
البوست اللى فات والبوست دا
بحييكى عليهم جداااااااا
وانا بحب اوى كتاباتك
حتى لو كاتبه سطرين
اما البوست دا
فجى على الجرح
كل ما اقرا جمله اقول( يخربتك يا نعكوشه
عجبنى اوى بقى يا ستى
((تمضي خلال ممراتي العصبية سعيا للهرب ، لكنها تقف هناك ..
عند طرف لساني.))

((في عيني نظرة أحسها .. لكني لا أعلم إن كانت مفهومة من قبل الآخرين..))
تكاد دموعي أن تتكون لكن يأب عقلي أن تسقط أمامهم... فلا يعطيها الأذن بذلك..))
((اترك لهم جسدي يعنفونه ...
أرحل بفكري بعيداً))
((و يا ليتهم بعدها تركوني بسلام....
............... بجد البوست غايه فى الجمال
انا قوللتك ومن زمان
سيبك من الطب
ما سمعتيش الكلام
هههههههه
وفقك الله لما يحبه ويرضاه
دمتى سالمه
يا احلى دكتوره واديبه
حنين

 

كان زمان فى اديب اسمو نجيب محفوظ

يقولون انه حصل على نوبل فى الادب

يبدوا انك دكتوره فى هذه الفتره لم يكتب لك ان تظهرى على وجه البسيطه

لانهم لو علموا بوجودك لاقصوا هذا الكاتب

رحماك بكتابنا من نعطشتنا يا رب

سلاموز
وحشتنى اصلها

 

كلمات قوية .. جميلة فعلا
هقراها تاني وتالت ..



آسف بجد على التقصير في التعليقات :( :(

دمتي بخير.. دمتي مؤمنة

 

خير الحلول .. أحيانا هو الهروب
أو التقوقع .. لأنهم سيلومونك حضرتى أم غبتى

فالارحم ان نغيب .. لنحمى سلامنا النفسى من الانهيار

كلنا يفعل ذلك .. كالبيات الشتوى

جميل تعبيرك .. وعميق .. وصادق

 

الكلام الجامد ده انا مش عارف انتم بتكتبوه ازاي

 

ولماذا يا انستى العزيزة طالما تمتلكين القدرة على حبس الدموع وهى قدرة لو تعلمين عظيمة، لماذا لا تصرحى باما يجول فى صدرك وفى عقلك ؟ مما تخافين؟ من الناس ؟ الم تسمعى بالحكمة التى تقول ان من كسب الناس جميعا وخسر نفسه فقد خسر خسرانا مبينا؟

 

يمتلك الانسان مشاعر كثيره فى نفسه مشاعر غضب ومشاعر حب
فففى تلك الاوقات كى لاتنفع مشاعر الغضب لانها قد تلهب الامر اكثر
ولكن فى هذا الموقف دى مشاعر الحب هى التى تتكلم وسوف تغير شكل المكان وتجعله سعيدا

 

جميل يا نعكشة
زي العادة

 

اسلوب البوست بيذكرنى باسلوب اللاستعارات البوست معبر جدااااااا وميزة البوست انه قصير

 

نعكوشة
اولا بحييكي علي الاسلوب هنا
حاسة فيه بحد كاتب كل كلمة وعارف هو قصده منها ايه رغم انها ممكن تتفهم بالف طريقة وانتي تركتي دا لخيال القراء

خيالي انا قال
ما اجمله الشعور بالتحليق بروحك فوق جميع الاجساد هربا كان أو ضعفا

 

السلام عليكم
ايه الاسلوب ده

 

السلام عليكم
طيب

 

السلام عليكم
دلوقتى انا حطيت تعليقين .. ممكن تقوليلى فهمتى ايه منهم ؟؟؟
اول واحد ليه معنيين .. ممكن يبقى
ايه الاسلوب الرائع ده
او
ايه الاسلوب الوضيع ده
يا ترى انتى فهمتى ايه
ويا ترى هل ينفع انى اسيبها كده .. ولو انتى فهميتيها غلط اقول دى مشكلتك ..انتى اللى فهمتى غلط ..والومك بعد كده ..

بالنسبه لاول تعليق انا على الاقل اتكلمت سواء وضحت او ما وضحتش..
لكن بالنسبه لتانى تعليق .. انا ما قولتش حاجه .. انا مجرد قريت البوست .. وحضرتك مطالبه انك تفهمى اللى وصلنى ... وتفهمى تعليقى على البوست كمان !!!!
ولو ما فهمتيش ..يبقى مشكلتك.. وانا بقى هارحل بعقلى وهاسيبلك الكى بورد تعنفيها زى ما انتى عاوزه ..وهاجى بعد كده اخد منك تمنها ...

اللى انا عاوز اوصله .. اننا ممكن يبقى لينا الحق ..اننا نعاتب حد على اى حاجه ..بس بعد ما نفهمه ايه المشكله .. لكن احنا ما فهمناهوش .. ولا كلمناه ..احنا سكتنا .. وهنا هو قدامه حلين ..يا يفهم غلط يا يفهم صح .. وبالتأكيد هايفهم غلط ..او على الاقل هايعتبره سؤ تقدير
مافيش حد ما بيعرفش يقول اللى جواه ..ممكن ما بيعرفش يقوله بشكل منمق .. لكن فى حد بيقرر انه ما يقولش اللى جواه وممكن ما يبقاش عارف هو ليه خد القرار ده..او يخاف انه يقول اللى جواه .. او يعتقد انه حتى لو قاله هايبقى بلا جدوى ...او يبقى عاوز يخبى حاجه ..وهنا المشكله بتحصل
الا وهى عدم التواصل ..لانه بيفتح كل الاحتمالات للى معاه

بوست قوى كالعاده .. عجبنى اوى الاسم على فكره
فى انتظار المذيد
سلام

 

السلام عليكم
فى حاجه نسيت اقولها
ممكن الهروب يبقى حل .. لكن عواقبه دايما بتبقى وحشه

طبعا انا كده خدت مكان ناس كتير .. بس يا رب يكون مفهومى وصل
اسف على الازعاج
سلام

 

ساعات الواحد بيبقي مش طايق كلام من اللى حواليه وتقريبا انتى عبرتى عن الكلمتين دول باسلوب ادبي جميل هنا

وانا قولتهم بالبلدي D:

كنت متوقعة اشوف مدونة منعكشة بقي والصور مش فى مكانها والبوستات فوق بعضها ...بس طلعت لذيذة يابنتى D:

ربنا يوفقك يارب :)

 

hello na3kasha
تقريبا نفس اللى بيعبر عن كلامى مع كل التيارات اللى موجودة فى الجامعة غير منتمى لاى تيار ومعادى لكل تيار دا ف نظرهم بس طبع
اه نسيت اقوللك ان انا او انت عارفة ان انا دخلت كلية ال تف وهى فعلا تف
بس اتجهت للنشاط والصراحة لحد دلوقت ما فتحتش او حضرت محاضرات للبايو والهستو انما مشيت شوية فى الفسيولوجى والاناتومى
المهم
تعبر الخاطرة عن احساس بانعدام التواصل بين النفس والخارج الاحساس الذى يشعره معظمنا انه لا احد يفهم حقا ما نشعر به والاقسى ان نشعر انه لا احد يحاول ان يفهم او يهتم وهى للاسف حقيقة
قد يلى هذا شعور بالدونية وهو الاسوأ
وربما شعور بالتفوق -نادرا- وهو الافضل لانه غالبا حقيقى او على الاقل لا يؤدى للاكتئاب
والنصيحة
لا تفكرى كى تعيشى
ما تركزش عشان ما تهيسش
سلاموووووووز

 

شكرا جدا علي التهنئه و عقبالكم جميعا و اعذروني للانقطاع الطويل عن الزياره
تحياتي

 

كلام حلو اوي ويمس الواحد اوووووووي

أرحل بفكري بعيداً..
فما ستفعله كلماتي سوى إثارتهم و زيادة ما بي من ألم....
و يا ليتهم بعدها تركوني بسلام....

جامدة جدا بجد

 

عملوا فيكى ايه تانى يا نعكشه
دا انتى خلصتى خلاص يا ماما

ليه حاله الاحتضار دى يا بنتى
دا انتى اسمك نعكشه
يعنى يوحى بالبهجه والفرح
ليه الحزن ده
احييكى يا قمر واتمنى تنورينى

 

جميلة الصورة المرسومة دي
كل التفاصيل واضحة والاجمل
هو أن كل شخص يرى نفسه في النص

فهي خرج من الحالة الشخصية إلى العامية ليشمل عموم الناس .. وأعتقد أن هذا هو النجاح


تحياتي
وليد

 

واضح فعلا انك دكتورة الطب مسيطر عليكى جامد.............لا بس بجد حلوة الكلمات والمعنى واصل كويس جدا بس سؤال رفيع هى الرسمة دى بتاعتك؟؟

 

من زمان ما جتش عندك هنا يا نعكوشتي

بجد وحشني كلامك ده

كملي كملي اهوه كده

تسلم ايدك وصوابعك ومخك مممممممممواااااه

مها ميهوووو

 

مش عارفة ليه يا نعكشة بحس إن ده أسلوبك فعلا

أنا قصدى إنك بتتألقى وإنتى بتكتبى بالإسلوب ده

بتعرفى تعبرى عن اللى جواكى جدا بالطريقة دى

بجد بسم الله ما شاء الله عليكى . وعلى إسلوبك الراااااااااااااائع

 

أولا تحياتى
ثانيا أنا اسمى لبنى باحثة فى مجال الإعلام أقوم بعمل دراسة عن المدونات المصريات من أجل الحصول على درجة الماجستير. و يسعدنى أن تكون مدونتك من ضمن المدونات التى يشملها البحث. . لذا أرجو أن ترسلى لى بريدك الالكترونى حتى اتمكن من إرسال الاستبان و طبيعة الدراسة إليك
رجاءا حارا مدة المشاركة مفتوحة حتى 8 نوفمبر
شكرا لتعاونك
lobnabona@yahoo.com

 

سلام عليكم

حنين

ربنا يخليكي يا قمراية
طيب لو سبتنا من الطب نسترزق من إية :D

اللهم امين

نورتيني
............

احمد بدر الدين

لا استحق هذا الكلام

نورت

............

ميرو

تسلم

الله معك

نورت

.............

sherif

اعتقد ان هذا الحل يتوافق معي كثيرا

نورت

............

لورانس العرب

كدهو

نورت

.................


راجي

وماذا يفيد الجدال؟؟؟؟؟؟؟؟؟؟؟؟؟؟؟؟؟!

نورت

..........


romansy

انا افضل الحلول السهلة و الهرب اسهل

نورت

.............


kochia

مش دة اللي انا عايزاة في تعليقك ابداً

نورتيني

...............


geo amr


لأني بمل بسرعة

نورت

...............


سنو وايت

لا اعتقد اني ادقق كثيراً فيما اكتب
اترك ل يدي العنان

اتفق تماما مع آخر جملة لكي

نورتي

...............

2ragooz ( رداً علي التعليقات كلها مع بعض)

من حقة ان يفهم كما يشاء

ومن حقي ان اتركه لظنونه

العواقب الحشة دية بتيجي بعدين يعني بعد شوية يعني هتديني فرصة شوية استمتع بهروبي

نورت

....................


كفاية طيبة

خير الكلام ما قل و دل فعلاً ممكن ابقى اكتب عنوان البوست واحدة مش طايقة حد يكلمها :D

نورتي

.................


واد غلبان

ألف مبروك ربنا يجعلك طبيب نافع للبشرية
و يجعل تعبك و مجهودك في مزاكرة الطب في ميزان حسناتك

لو حضرتك عايز اي مساعدة
اينعم انا مش فاكرة حاجة بس اطلب و ان شاء الله اقدر اساعدك

انعدام التواصل دة شيء اساسي عندي
دايما لما بتكلم بتفهم غلط لإني مبعرفش اعبر بالكلمات المناسبة عما في داخلي
اقول جملة اعني بيها حاجة و تتفهم من الطرف الاخر شيء آخر
فالسكات احسن

تسلم عالنصيحة

عليكم السلام

نورت

.............


ذو النون المصري

العفو

نورت

.................


سمراء النيل

تسلمي

نورتي

...............


بنت مصرية

معملوش حاجة انا كدة مع نفسي

تسلميلي

ان شاء الله حاضر

نورتيني

...........


عارفة مش عارف لية

وجهة نظر
ساعات بحب اتعمق في الصور

بالمناسبة :مش انا اللي راسماها


نورت

...............

انجي

تسلمي

لأ مش انا اللي راسماها

نورتي

.............

احسن تستاهل

نورتيني تاني

تسلمي

نورتي

...............

maiosha

ربنا يعزك يا رب يا قمراية
ولا بتألق ولا بطيخ
بس انتي شكلك اللي لسة ملمعة النظارة

تسلمي

نورتيني

...........
لبني

ok
...............


سلام عليكم

 

رغم اني مفهمتش اوي ايه مغزي البوست
الا ان الاسلوب و الكلمات كلها بجد اكتر من رااااائعة
يعني عجبني جدااا قوة كلماتك و كنت فاهمة و الله لحد اخر سطرين حسيت اني اتلخبطت
:S

متألقة كعادتك :)

 

شكراً لاهتمامك
ولكن قصدي كان
الصورة المرسومة في النص
وليست اللوحة

تحياتي مرة ثانية
وليد

 

و يا ليتهم بعدها تركوني بسلام....


و الله بتمنى ذلك انا كمان


تحياتى يا افندم

 

ويا ليتهم يتركوك :(
الموسيقى والبوست رائعين
برافو

 

ندعوكم للانضمام لجروب
لا للعنف ضد اطفالنا بالمدارس
وهذا هو لنك الجروب على الفيس بوك
http://www.facebook.com/group.php?gid=43106767017

 

ازيك يا نعكوشة
و حشتيني
معلش انا مقصرة معاكي

بس ايه الكتابات الجامده ديه؟؟
و مين دول اللى انتى سايباهم يعملو فيكي اللى همه عاوزينه
يا بنتى خليكي على البوست اللى قبله
خليكي دايما مبسوطة
لانه فعلا شعور بيمد الواحد بالقوة
تحياتي

 

جميل قوي يا نعكشه ماهبك كتيره وجميله وافكارك و اسلوبك ممتع بس الكلام ده اشعرني بغصه في حلقي كأنك تتحدثين عن اشياء تحدث معي او بالاحري معنا جميعا
بس يا رتنا بنقدرنشكي
وازمتنا بنقدر نحكي
عاللي تعبنا واللي المنا
واللي مخلي عنينا بتسهر
معلش دي حته كده الفتها علي الهوا من وحي كلامك
عايزك تكوني معايا في المدونه المشتركه ردي علي
زوريني

 

esraa Hamed

مع اني مفهمتش ازاي مفهمتيش و ازاي حسيتي انها رائعة
بس مش كل حاجة في الحياة بنقدر نفهم مغزاها

اهو كلنا بنحاول


تسلمي ربنا يخليكي
............

عارفة مش عارف لية

:D نظرة بلهاء
اهاااااااا

ممممم

اوك
تسلم عالتوضيح


نورت

.........

kafrawy

نقول يا رب

نورت

..........

funky doctor

تسلم ربنا يخليك

نورت

............


غمض عنيك

شكراً

نورت

.........

اعلان هام

:|

نورت

...........

واحدة مفروسة

بخير احمد ربي

ربنا يخليكي ميوحشكيش وحش

ولا مقصرة ولا حاجة
عادي متركزييش في الحاجات دية

الحياة مش كلها انبساط :|
للأفس


نورتيني

.........

واحد مش فاهم حاجة


تسلم

سبحان الله

عشان كلنا بشر :D

ماشاء الله علي حضرتك

إن شاء الله

نورتني

.........

سلام عليكم

 

بصي بقي بالنسبه للمدونه المشتركه انا بقول عندي افكار كتيره جداا جايزمش هقدر اصيغها علي شكل مدونه لوحدي
واكيد كلكم عندكم افكار جميله نقدر مع بعض نعمل مدونه جميله و بعدين من الافكار دي نقدر نعمل الاسس اللي انتي قولتي عليها وانا علي الاراء وانتي عليك بقي الاعضاء لاني تقريبا معرفش حد ومع بعض هنقدر نكمل المسيره

اول حاجه عايز اقولها ان فكرة مدونه مشتركه دي في حد ذاتها اساس نقدر نبني عليه المدونه
والمدونه لازم تكون مكونه من 4 او 5 اعضاء جادين تكون افكارهم متقاربه يعني دماغهم واحده من الاخر
ثانيا
المدونه لازم تكون مجنونه يعني طاقه وفيها افكار مختلفه ومواضيع جديده ومختلفه وعلشان كده انا اخترتك معايا
بعد كده
متخيل ان البوست يكون بيتكون من كذا موضوع او نقدر نسميه " ركن" او ويندو او اي حاجه تانيه
بس المهم ان اي واحد ممكن يكتب في اي ركن حسب الموضوع اللي مجهزه وبعد ما يكمل البوست يتنشر

ودي شوية افكار عن الاركان اللي ممكن يتكون منها البوست ودا رأي ومستني رأيك
ركن فضفضه
ودا ركن او بارت كل واحد عايز يفضفض او يحكي اي موضوع يكتبه

ركن المصطبه
ودا بقي ركن الحكاوي ايا كان نوع الحكايه او القصص القصيره وانا عني حبة قصص من حكاوي جدي نفسي احكيهم

ركن shots او ضرب نار

ودا عباره عن طلقات من جمل صغيره لها معني زي اللي بيكتبها انيس منصور بس طبعا علي قدنا
انا ساعات بكتب حاجات من دي
وممكن كمان يكون نقد لازع لاي وضع مش عاجبنا وبرضه في جمل قصيره
ركن البلد دي

ودا طبعا ركن كل ما يخص بمصر هنتكلم فيه عن بلدنا واحوالها وجمالها وحبنا ليها وكرهنا للي بيحصل فيها و بالنسبه ليه انا دلوقت بعيد عنها وعندي كلام كتير قوي نفيس اقولهلها وبالنسه للركن دا انا عندي بوست جامد جدااا و هو عباره عن رد علي اغنيه ما شربتش من نيلها ودي حته منها علشان اديكي فكره

ما شربتش من نيلها 00000 لا دا انا شارب من كيعاني
جربت تغنيلها 00000دانا بيغني علي زماني
جربت في عز ما تحزن تمشي في شوارعها وتحكيلها
جربت لكني لقيتها بصرمه قديمه وجات رزعاني

ما مشتش في ضواحيها 0000 م المشي انا ورموا كعبابي
مكبرتش فيها 00000 دانا عجزت في عز شبابي
كده يعني
وطبعا الموضوع دا مش هيبقي مجرد تسليه لا لازم يكون لينا رأي في اللي بيحصل حوالينا

وطبعا لازم يكون عندنا الركن الخاص بميوشه ودا الركن اللي دمه خفيف ودا طبعا مش لازم يعطلها عن مدونتها بس ممكن تكتب في مواضيع مختلفه

ركن موهوب افني او عبده مواهب

ودا بقي علشان اي حد عنده اي موهبه
او اي خواطر او اي رسمه ممكن يقدمها حتي لوكانت بسيطه
ودا لاننا بنكتب حاجات ممكن ما نكونش حاسين انها حلوه مع انها بتكون جميله جدااا

اكتب كلام علي الورق
مايهمنيش
لو يتقري
ما يتقريش
بس المهم ان الكلام يكون من القلب
له معني
يكون صادق
يكون مش بس لقمة عيش
ليه اسجن كلمتي فيا واسيبها تموت
بلاش اكتمها
ما اكتبها
واسيبها تعيش

وبعدين عندي فكره جميله
بما ان البوست بالشكله دا ممكن يكون طويل حبتين
ممكن نعمل فزوره دمها خفيف والحل يكون في اخر البوست
زي " ليه السمك بيخاف في الجنيه "
" لانه فيه 100 قرش "
وكدة يعني

واسف اني طولت عليكي
وعايزك تقولي رأيك وتضيفي طبعا ونبدأ في التنفيذ وانتي خبره في التدوين وهتبدأي
سلام