نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

امرأة في الميناء

كاميرا تستكشف المكان
مكان هادئ
نور اصفر
تمضي ببطيء
صدى صوت لأقدام تعدو مسرعة علي أرض من البلاط
صوت نهيج يهفو من بعيد في ضعف
تقترب الكاميرا
تتكشف الهيئة فإذا هي امرأة
تقترب أكثر
تتضح معالمها شيئاً فشيئاً لتظهر ملامح امرأة في نهاية العقد الثالث من العمر
صوت النهيج يغمر المكان معطياً موجة عارمة من عدم الراحة
راحت تلوح بأحد ذراعيها ضاغطة بالأخرى علي صدرها اثناء ركضها .......
تعثرت في شيء ما
سقطت
اقتربت الكاميرا أكثر
لا تزال يدها ممتدة في الهواء كأنها تستجدي شخصاً ما لكنه لم يكن موجوداً في الكادر
كان وجهها قد غُطي تماماً بطريق من الدموع التي سقطت ولا تزال ....
تبتعد الكاميراً قليلاً عن وجهها في حركة دائرية بطيئة ( ربما لم يرد المصور لن يسترسل في رؤية نحيبها ودموعها الممزوجة بالنهيج أو ربما أراد أن يمنحها بعض الوقت كي تستجمع قواها ليستكمل التصوير)


تظهر في حركته الدائرية أسوار حديدية ثم تتضح أصوات ألأمواج المتلاطمة و المزيج من أصوات الناس المودعة لأهلها علي الميناء و العائدين في طريقهم مارين بتلك الفتاة دون أن يلتفتوا إليها....
بدأت تستند نفسها بعد وقت ليس بقليل.
مضت بخطاً ثقيلة مترنحة تجاه بوابة الميناء وما أن اقتربت منها حتى اتخذتها عكازاً لتكمل به طريقها.
مضت حتى وصلت لطرف المرفأ..
أسرعت الكاميرا ناحيتها لترى ظهرها و ذراعيها الممتدين في الهواء لأعلى...
صرخت......
دوى صوت صراخها عالياً في أرجاء الميناء فالتفت إليها كل من بها من القلة القليلة المتبقية من المودعين و بعض الشيالين
أنا آسفة .... لم أكن أعلم أني سأضيعك من بين يدي.........
ارتخت اطرافها
سقطت واضعةَ وجهها بين كفيها
كنت أظن أنني سأفوز بقضية الحضانة لنظل معاً إلي الأبد.
أسقطت رأسها للخلف
أغمضت عينيها بشدة
تقلصت عضلات فكيها
أرادت أن تحبس دمعة من سيل الدموع
انتحبت
تركتها تهطل
نظرت للأسفل على أرض إسفلتية
ضربت بيدها بشدة علي الأرض
اشاحت بوجهها في ألم
الله يسامحك يا أمي.. أنتِ السبب في أخذه و سفره بعيداً مني
تراجعت الكاميرا ببطء علي صوت موسيقي حزينة
خلفية متلاطمة من أمواج البحر
ضوء اصفر باهت في مكان مظلم
نحيب امرأة فقدت فلذة كبدها
بكاء .... المصور
..................................


حكوك الطبع و النشل محفوسة لنعكوشة

32 قالوا رأيهم في العك اللي تحت ؟؟؟:

_______)__&)__+|^%$##_________


ايه باشخبط..

جاى تانى ...

 

لحظات الوداع دايما صعبه وانا مش بحبها
بس كونى على امل ان الغايب لازم يعود
وازاى اصلا يغيب وهو فى قلبك

 

تصدقى ينفع فيلم جامد
تقبلى تحياتى بمدونة حضرتك

 

روائيه انت اذن......
فليكن ..............
وكذا كل من يكتب روايه انه الفراق لب الموضوع .......
لا اجد للفراق بد انه قدر كتب علينا من مفارقه الحبيب الى مفارقه طبق المحشى وهو ينزع من امامى بعد الاكل.....
تحياتى

 

بجد سرحت مع كلماتك

وفعلا لحظة الوداع بتبقى صعبه اوى

وزى ماقال رومانسى الكلمه اللى عجبتنى اوى

على امل ان الغايب لازم يعود
وازاى اصلا يغيب وهو فى قلبك


سلمت اناملك

 

السلام عليكم
كل يوم بنكتشف فيكى حاجه جديده يا نعكشه والله ..
الاول الكتابه ..وبعدين الرسم .. ودلوقتى الاخراج كمان .. بسم الله ماشاء الله .. ربنا يزيد ويبارك .. اللهم ما لا حسد
عجبتنى اوى حكاية حركة الكاميرا دى خلتنى اشوف الموضوع فعلا كانه فيلم .. بس هو ناقص التتر ينزل فى الاخر وبس ...
اكتر حاجه وجعت قلبى او حسيت بيها اوى فى البوست ده :
( أنا آسفة .... لم أكن أعلم أني سأضيعك من بين يدي.........
ارتخت اطرافها
سقطت واضعةَ وجهها بين كفيها
كنت أظن أنني سأفوز بقضية الحضانة لنظل معاً إلي الأبد.
أسقطت رأسها للخلف )
بس انا ليه تعليق صغير
مين ماماتها اللى ظهرت فى اخر الفيلم بسرعه وجريت .. يعنى ايه علاقتها بالموضوع ..
ولا هى عشان مامتها فطلعت فى القصه غصب عننا يعنى ..
اللى اقصده انها عملت فصله فى الاخر .. والفصله غير مبرره على فكره ...
كفايه كده بقه المره دى .. بس هى جامده وعاجبانى جدا ...
استمرى ..وان شاء الله نسمع عنك سمع خير

 

السلام عليكم
ماعلش انا عارف دوشتكوا ..
بس نسيت حاجه مهمه جدا ....
كل ما اجى اقرا البوست ده .. الاقى المصور مبهدل الدنيا ..حد يجيبله كلينكس يا جماعه .. ما تسيبوش الراجل كده .. مش جزاؤه يعنى ..
وشكرا

 

كنت حاسس انك هتقولي وسط الكلام
كلاكيت رابع مرة ... أكشن
البوست جميل بجد وطريقتك في عرضه هي اللي خليته يبقي كده .. الموقف بسيط لكن في معاني حلوة وبيصور قصة من القصص المأسوية اللي بنشوفها .. يمكن فراق الأحباء بيكون أسهل بكتير من فراق الأم لأبنها
دمتي بكل الود

 

لحظة صعبة قوى نعكشة
أجدت فى وصفها

 

مساء الخير

وحشاااااني موووت موووت موووت


اشلونج شخبارج شالدنيا فيج؟


و كل عام و انتي بخير و تقبل الله طاعتج و عانج على الطاعه يا رب




و الحياة تحمل الكثير من المشاعر و الاحاسيس

و منها الم الفراق


الله يبعده عنج

:)

 

ما أصعب الوداع .... بجميع أنواعه و اصنافه
انه الوداع بكل ما فيه من انهيار و سلب للروح و قتل للوجدان
انه الوداع ....
كلمة أقسى من نصل السيف المسنون

بارعة فى وصف المشهد و استحضار الصورة فى ذهن القارىء

لى بعض التعليقات اتمنى ان تتقبليها بصدر رحب يا نعكوشتى
( مع انى زعلانة منك بس يلا مش مشكلة بقى ... بس عارفة لو كنتى نزلتى اسكندرية تانى حيبقى فى زعل كبييييييييييير )
........
تزال ماده يدها في الهواء

مادة .... كلمة عامية مش فصحى فمش ماشيى مع سيقا باقى كلماتك
ممكن تستعوضى عنها بتعبيرات اخرى لانى معتقدش فى قاموسى انا فى كلمة محددة ليها نفس المعنى ...
بس ممكمن مثلا تقولى : مازالت يديها تتهاوى بين ذرات الهواء أو ما زال النداء يصرخ من بين أصابع يديها الملوحة ... حاجة كدة يعنى ..

.......
الله يسامحك يا أمي.. أنتِ السبب في أخذه و سفره بعيداً مني


بعيداً منى ... المفروض تبقى بعيدا عنى


*********
ده رأيى الشخصى بس معرفش بصراحة الصخ بالظبط ايه
بس اسلوبك فى السرد جميل و رقيق و مؤثر لابعد حد

طمنينى عليكى بقى ان شا الله تكونى بخير يا نعكوشتى


طنط عازفة الأوتار :P

 

اصعب شىء هوا فقدان الام لاولادها

جو القصة رائع ووصف لجظات حزنها من اروع ما قرات :))

 

دايما لحظات الفراق صعبة اوى فما بالك بام فقدت فلذة كبدها

والله احساس غاية فى البؤس لا يمكن تصوره ولا وصفه

اسلوبك القصصى بيعجبنى جدا

بتعرفى تشدى القارى كويس جدا

ابعتى حقا

تحياتى

ايمى

 

فيلم هندى ده يا مرسى؟
:)))

 

2ragooz

كل دة شايله
:|
طيب لنا عودة تحت

نورت

.........

romansy

محدش بيحبها :( بس للأسف هذة هي الحياة
اصعب حاجة كمان لما تكون عارف ان الغايب دة عايش يعني لسة فية امل انك تشوفة
مش هتحاول ساعتها تنساة
هتفضل طول عمرك تفكر فية
و دية اصعب من فراق الموت

ربنا ما يحكم علينا لا الفراق دة ولا دة

نورتني

...........

mohamed ghalia

لما نعمل الفيلم هبقى اكتب رأي حضرتك دة عالأفيش

:D

نورتني :D

.........

أحمد بدر الدين

واخد عني فكرة وحشة ولا روائية ولا بتاع هيا خبطات كدة بتضرب في دماغي بكتبها

صعبة حكاية الفراق دية بجد :S
و خصوصاُ بتاعت المحشي انا بموت فية و ياسلام لو محشي كوسة ولا ورق عنب

نورتني :]

............

مواطن زهقان

:(
صح
هنعمل إية بقة
ادينا عايشين علي امل

الله يسلمك

نورتني

.........

2ragooz

عليكم السلام و رحمة الله و بركاتة

"حن نختلف عن الاخرون"علي رأي كريم عبد العزيز ف يالفيلم

هيا طلعت الحتة دية اخراج وانا مش عارفة :|

انا بكتشف معاك اهوه والله هما بيجو كدة معرفش ازاي

اللهم امين
قروا بقة :D

متأكد انك كنت شايف الموضوع ؟؟؟؟
طيب كانت الست لابسة اية :D

هههههههههههههه

بص اي حاجة بتتكتب مثلا بتبقى شايف كشخص بيكتبها القصة حصلت
مكامتها دية عشان تخحليك انت بعقلك تنسج الحكاية و تتخيل إية لااحداث اللي حصلت طوال القصة

انا شايفاها اة بتقطع ولا بتفصل علي حد قولك بس انا حاطاها عشان الواحد يفكر اية اللي كان في بداية لااحداث
بالظبط لما الواحد بيتفرج علي الحلقة الاخيرة من المسلسل يعرف منها اية اللي حسل طول ال 30 حلقة

بس

تسلم ربنا يخليك

عليكم السلام و رحمة الله ( تاني)
متخافش رمينا المصور في المينا عشان يغسل وشة :D

نورت

.........


فارس بلا جواد


ههههههههههههههههه

الله يكرمك
آه علي بنشوفها دية :(
أكيد لإنها عمرها ما هتنساة ولا هتحاول تنساة
هتفضل تفكر فية علي طول

ربنا يصبرنا جميعا

نورتني

..........

زهرة الياسمين

فعلاً
تسلمي

نورتيني

...........

darkness

ياااااااااااااااااااااااااة وحشاني
انا منيحة يشرج الحال
انتي شلونج ؟
عساج تكوني بخير


كل عام وانتي بخير و بصحة و بسلامة يا رب دايما

منورة بجد بجد


عندك حق
ربنا يبعدة عنا جميعا

نورتيني

.........


عازفة الاوتار


مش عارفة لية يا ورود بحس ان كلامك احلى من النص نفسة
بجد بجد بحبه قوي

وانا مش بارعة ولا حاجة انتي اللي مرهفة الحس


ماده يدها ( نغيرها يا حُبي منغيرهاش لية)


بعيداً مني اعتقد انها تنفع مني او عني

بس انا اخترت مني لإن الولد منها
انما عنها يعني كان قريب و بعد
انما هوه منها و انفصل منها


تسلمي ربنا يخليكي

والله انا بحب الناس لما تقولي اعملي كذا
خدي بالك من كذا

بفرح قوي
و يا سلام لو انتي بقة اللي بتقوليلي
بفرح قوي قوي قوي

نورتيني بجد

..........


dr. invisible


عندك حق

ربنا يخليكي ... ( وش مكسوف ) و مش متخيلة ان الكلام دة ليا صراحة
البتة يعني

نورتيني
.........



emmy baby



آه يا بنتي :(
ربنا يعافينا


ربنا يخليكي

نورتيني

........

راجي

دة يدل إن مفيش تعليق علي الاخطاء اللغوية :D

عرفت منين حكاية الفيلم الهندي دية
دة مقطع من فيلم هيكوشوكو لما البطلة هيراياما سابت المهراجا
:D

نورتني :D



........

سلام عليكم

 

حقيقى صوره جميله اووووووووووى وانا كنت متخيله الحكايه بشكل تانى بس لما كملت للاخر فهمت

 

تحفة........انت صورتى حلو جدا.. احلى حاجة فى الاخر لما قلتى دموع المصور...بجد حلو جدا

 

بحييك عي موهبتك في التعبير وتوصيل الفكرة
ورغم ان الموضوع يبدو وكانه مهني وليس قصة فقط لكن القصة حلوة والمناظر كمان حلوة

تحياتي

 

تحياتي

- اشكرك كل الشكر علي مواساتك الكريمة ...لا اراكم الله مكروها في عزيز لديكم.

- هو مشهد مؤثر...تم وصفه بدقة و كأننا نعيشه ...

- اسوء ما في الوجود ان تحرم ام من ابنتها او ابنها و كذلك الاب..ان يحرم من فلذة كبده.....

نسأل الله ان يهدينا سبل السلام..و ان ينير عقولنا وقلوبنا .

تحياتي و تقديري

 

no promises

طيب الحمد لله انها وصلتلك

نورتيني

.............

انجي

تسلمي

نورتي

.................

kochia

معلش مش فاهمة يعني اية مهني دية ؟؟؟؟

تسلمي

نورتيني

............


الربان

ربنا يكرمنا جميعا

تسلم

فعلاً عندك حق طبعا

ربنا ما يورينا

اللهم امين

نورتني

......


سلام عليكم

 

مدونتك جميلة جدا

كنت متوقعة انها هتبقي منعكشة
بس انت

مرتباها صح

تصدقي انا بحب الشغبطة جدا


احلي حاجة الكاميرا

اللي بتجيب حاجات وساعات لا

زي الدنيا
مش بنشوف فيها كل حاجة
ومش في كل وقت

سلام

 

هو فيه اصعب من كدة في الدنيا؟؟؟؟؟
قصة مؤثرة يا نعكوشة
كل عام وانتم الى الرحمن اقرب

 

ازيك يا جميلة بوست رائع

اسلوبك جميل

واضح انك سبع صنايع

 

ماشاء الله
اسلوبك جميل اوى يا نعكوشة
على فكرة د\ىاول زيارة ليكى
احنا مكتبناش حاجة بس قريب عشان بس عندنا ظروف
سلام
:)

 

شهد الكلمات


شكراً

نورتي

........


my hopes

ربنا يخليكي
ولا مرتباها صح ولا بتاع
هيا جت كدة

(احلي حاجة الكاميرا

اللي بتجيب حاجات وساعات لا)

مخدتش بالي من الحتة دية غير لما قولتي

تسلميلي

نورتي

........


عاشقة النقاب نونو

منورة يا قمراية

اييية هيا دية الدونيا

ربنا يقوينا عليها

وانتي طيبة يا جميل

نورتيني

..............


shasha

بخير احمد ربي

تسلمي

تفتكري :D ?????

نورتيني

.............

نيرة و منة الله


تسلموا يا رب

نورتوني
مستنين موضوعاتكوا بقة


نورتوا

........


سلام عليكم

 

لحظات الفراق ديما صعبه
وانتى طلعتيها بشكل جميل ومختلف عن المعتاد
تنفعى مخرجه

تحياتى ليكى
كان معكى شباب من اسكندريه

JOKER

 

نعكشة

ابقوا افيدينا رأيك
فى البوست الجديد
من فنون التغيير

بعنوان
نسيج جديد

ودمتى بخير

 

سيناريو مشوق للغاية
:)

خالص تحياتي

 

شباب أونلاين

عندك حق

تسلم

نورت / نورتوني

..........


say No

Ok

نورت

.............

ياسر حسين

شهادة اعتز بيها جدا :D

نورت

.........

سلام عليكم

 

هايله يا نعكوشه
هههههههههههه أسمك صعب بحس انى بقول شيء مش مظبوط لما بدعلك بنعكوشه

صورتيلنا فيلم هندى بس مليان بأحاسيس رائعه
خوف وفراق وألم وحسره وندم وسيل من المشاعر المتلاطمه يتدفق من السطور الى النهايه
تخلينا نتمنى لو كانت قصه كبيره وبنقراها بأستفاضه
بس انتى اختذلتيها وصورتيها في لحظه واحده هايله ب3 جمل دا اكتر شيء عجبنى

 

nour shahen

هذة هي الحياة
مش كل حاجة سهلة يا بنتي :]

حلوة حكاية فيلم هندي دية :D

مبعرفش اكتب قصص طويلة للأسف

بس مبسوطة انك حسيتي بيها


نورتيني

سلام عليكي

 

نعكشة
هييييييه مش عارفة بس هوه مالة إذا كان تم اغتصاب امه بأيديهم
ولا تزر وازرة وزر اخرى
لية بنحاسب الناس على شيء معملوهوش
الغريب إن كل الناس اللي حوالية كدة
يعني مفيش حد كويس؟؟؟
انا بس عندي سؤال بيحيرني هوه فيه في فلسطين كبرى فوق نهر ولا الاحداث لا تدور اصلا في فلسطين؟؟؟
-----------------------------
الناس مش بتفكر بالشكل ده دايما بيحاسبوا بعض علي حاجات معملوهاش
مش لازم يكون في فلسطين كل بلادنا العربيه محتلة سواء عسكريا او اقتصاديا او ثقافيا
-----------------------------
بالنسبة للموضوع التاني انه مخدش معاه حد اخر جمله قالها في القصه توضح انه غير رأيه وقرر انه يقاوم
شكرا لرأيك دومتي بخير
--------------------------------
كان لي تعليق علي قصتك
هي قصة جميله واسلوبها كويس
بس ايه لازمة الكاميرا في الموضوع
اعتقد انها عنصر دخيل علي القصه
شكرا لك تقبلي مروري ونقدي
بس علي فكره البوست اللي بعد كده اجمل بكثير من ناحية الاسلوب والفكره والاحساس