نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

اختلف العيد


ممكن الموضوع ميهمش حد بس هوه حاجة مختلفة بالنسبالي
العيد السنة دي مُختلف

معرفش للأفضل ولا للأسوء
* امبارح و لأول مرة من سنييييييييييييين طويلة آخد عيدية من حد غير والدي ( يااة فاكرة لما كنا بنلف علي اخوالي عشان يدونا عيدية .. عملت الحركة دية تاني زي زمان كنت مبسوطة قوي)
*امبارح انا نمت في الفترة اللي قبل الفجر مع إن كنت طول عمري بفضل صاحية لحد الفجر و الشروق و استنى العيد بقة
*لبست لبس جديد نسبياً وانا رايحة اصلي مع اني كنت متعودة اني اروح اصلي بلبس نظيف( مش جديد) بيتلبس بسرعة و لما ارجع البس لبسي الجديد دة لو فيه اصلا لإني من اعدادي تقريباً نسيت ان في العيد بنجيب لبس جديد ( فبضطر ااقبل شراب او توكة و ملاية سرير جديدة و خلاص)
* انهاردة مقابلتش اي حد من صحابي
* انهاردة رحت لجدتي اللي كان بقالي كتيييييييييير مروحتلهاش و كنت مبسوطة اني روحتلها
* انهاردة اكتشفت اني ماستمرتش في محاولاتي لتقويم نفسي بس مش هضعف باذن الله و هحاول تاني لان دليل قبول العمل الاستمرار فيه
* انهاردة مسافرتش البلد كالعادة عشان جدتي توفت من كام شهر قبل رمضان ( سبحان الله مكنتش عارفة اني بحبها قوي كدة) ربنا يرحمك يا تيتة
* انهاردة اوضتي مكانتش متروقة و ممسوحة ومتظبطة تظبيطة العيد
* انهاردة أنا كنت حاسة اني سعيدة مع إني مفرقعتش بمب ولا لعبت بالبلاليين ولا اتمشيت مع صحابي ولا سلمت علي الناس اللي بحبهم ولا اي حاجة بس حاسة اني سعيدة مش عارفة لية
* انهاردة انا اول مرة اكتب بوست عني في العيد
كل سنة وانتو طيبيييييييييييين
D:

28 قالوا رأيهم في العك اللي تحت ؟؟؟:

مبروووك عليكى الاحساس الجديد و لسة مع مرور السنين الدنيا هاتختلف.تحياتى

 

اولا حمدا لله علي السلامة من الغياب
ثانيا انا شايف ان بعض الاختلافات اللي ذكرتيها طفيفة ولا تغير شعورنا نحو العيد
ثالثا البقاء لله وربنا يرحم جدتك
رابعا المدونة نورت برجوعك ومستني بوستاتك الجميلة
كل سنه وانتي طيبه

 

karim

الله يبارك في حضرتك
عندك حق محدش عارف بكرةهيحصل اية

نورت

........

فارس بلا جواد

اولا: الله يسلم حضرتك
ثانياً : هيا بالنسبالي مش طفيفة :D انا عَيّلةبقة
ثالثاً : الدوام لله وحده . و يرحم اموات المسلمين اجمعين
آمين
رابعا: دة نور اللمبة بتاعت الجهاز الجديدة :D
تسلم ربنا يكرمك

كل سنة و حضرتك طيب

نورت

........

سلام عليكما

 

كل سنة وانتي بكل خير
انتي فين من زمان يا بنتي .. بجد كنت مفتقداكي

ومفتقدة تعليقاتك وكلامك عندي وعند الاخرين كمان

ارجو انه يكون شهر مثمر ليكي ان شاء الله وربنا يتقبل منك الاعمال الصالحة

عود احمد

تحياتي

 

كوشياا


وانتي بالصحة و السلامة يا قمر

عيد سعييييييييد

انا كنت بحاول مع نفسي ........ و مازلت!!!

وانا كمان برجو

عود قصب
تسلكميلي يا قمراية
منوراني دايماً

.......

سلام عليكي

 

حمد الله على سلامتك

كل سنة وانتى طيبة

وربنا يرحم جدتك ويدخلها فسيح جناته

اما بقى احساسيك فهى شبه احساسى فرحانة معرفش ليه بالرغم ان العيد واحنا كبار غير واحنا صغيرين خالص

تحياتى

ايمى

 

جميل الانسان انه يقيم يوم من ايامه

وجميل انه يكون واقعي في تقييمه

كل سنه وانتي محققه كل احلامك

عيد سعيد

 

السلام عليكم ورحمة الله وبركاته
كل سنة وانتى بالف خير واكمل حال
والبقاء لله فى مصابكم ولكنها سنة الحال
التغير هى سنة الحياة وسنة الانسان كمان
وسبحان من يغيرولايتغير سبحان الله العظيم
مرة تانية كل سنه وانتى بالف خير.

 

كل سنة ومع تقدم العمر الاحساس بالعيد بيختلف تماما
بس للاسف بيختلف للاسوأ
زمان كان فيه لمة وفرحة بالعيد...انما دلوقتي خلااااااااااااااااص معدش الكلام دة
عموما
كل سنة وانتي طيبة

 

كل عيد وانتى بخير

 

السلام عليكم ورحمـ الله ــه وبركاته

الاول كل سنه وانتى طيبه وعيد مبارك عليكى

اكيد فى تغيرات بتحصل مع الوقت بس المهم مش تاثر علينا
البقاء لله
ادعى لجدتك بالرحمه والمغفره
ان رمضان متقبلش منك دى ممكن وممكن وان شاء الله تكون احسن بعد فى عبادتك وعلاقتك مع ربنا
بس فى حديث بيقول كل امتى معافى الا المجاهرين
يعنى لو انتى فعلا حسيتى ان رمضان مش تقبل مش تقولى لان الصيام بينك بس وبين ربنا لو ققصرتى فلازم تعوضى التقصير دا قدام ربنا بس مش غير الناس ما تشهد
سلام ويارب مش اكون طولت عليكى

 

emmy baby

وانتي بالصحة و السلامة يا قمراية
اللهم آمين

:D خير خير
عشان احنا في العيد بقة

نورتي

........


ليكوريكا

حقاً
اتفق مع هذا الرأي
اللهم امين
انا و كل المسلمين يا رب

كل سنة و حضرتك طيب

نورت
.........


norhanty

عليكم السلام و رحمة الله وب ركاتة

وانتي بالصحة و السلامة يا قمر

صح " كل من عليها فان"

كل سنة و انتي بخير يا جميلة

نورتي

..........


a.samir


آة والله
وللأسف عيلتي الكبيرة من اكثر العائلات تفرقاً
ربنا يجمعنا مع بعض يا رب تاني
آمين

كل سنة و حضرتك بالف صحة و سلامة

نورت

............


no promise

كل سنة و حضرتك طيبة

نورتي

.........


هــــايدي

عليكم السلام و رحمة الله و بركاتة

وانتي بالصحة و السلامة

مش عارفة بس انا بحس إن اي تغير في اللي بيحصل لازم يأثر عليا مش كشخصية بس كتفاعل مع اللي بيحصل و إلا هكون جماد بلا احاسيس

ونعم بالله الدوام لله وحده

ربنا يرحمها و يرحم كل اموات المسلمين

هوه أنا لم اجاهر بذنب
يعني مثولتش إنا كذابة او انا بشرب خمرة او كدة
انا بقول احساس انه لم يُقبل بس انا هحاول استمر في الافضل عشان يُقبل

بالنسبة للصيام بيني و بين ربنا ايوة انا اعلم

بس برضو تجنباً للشبهات نغير الجملة برضو


تسلمي عالنصيحة بس انا حاسة برضو اني مجاهرتش بذنب معين

نورتيني

مفيش تطويل خالص
سعيدة بكلام حضرتك

..........

سلام عليكم

 

كل عام وحضرتك بخير

عيدكم مبارك
تحياتى لحضرتك

 

نعكوشتى
وحشتينى مووووووووووووووووووووووت موووووووووووت
ياااااااااااااه
حمد با لسلامه
والله العيد اختلف من زمان
الظاهر اننا لما نكبر كل حاجه حلوه بتقل
وكل سنه وانتى طوووووووووووووويبه
اما بقى با النسبه للعيد السنه دى
انا صليت العيد
وجيت رقدت وتعبت
وقعدت اخد حقن
والحمد لله
كل سنه وانتى طيبه
ومعتيش تغيبى بقى خلا ص
دمتى سالمه
ومنوره المدونه كدا علطول
حنين

 

حمدا لله على السلامه

كنتدائما افتح هذه الشاشه امامى اتصفح هذا المسمى بالانترنت افتح نعكشه ليس هناك جديد من اشد ما احزننى ان حضرتك انقطعتى عن الكتابه هذه الفتره.
البقاء لله لجدتك رحمها الله وادخلها فسيح جناته
العديه كانت كاااااااااااااااااااااام ايوه انا عارف الداكتره دول بياخدوا كتيير جدا

اسال الله لك التثبيت بعد رمضان وان يتقبل منك صيامه وقيامه
تحياتى

 

كل سنة وانتي بألف خير
العيد واضح انه اختلف اوي معاكي
في حاجات حلوة حصلت
وحاجات مش حلوة
بس ان شاء الله ربنا يديكي كل حاجه حلوة
:))

 

السلام عليكم
مش عارف المفروض انى اكتب ولا لا ..
بس كل سنه وانتى طيبه يا نعكوشه .. وعقبال تلاته وتلاتين الف عيد .. وبصرف النظر عن الاحاسيس المختلفه .. الا انها فى الاخر كلها تعبر عن انك فرحانه .. وده شىء يفرحنا كلنا ..
بالنسبه للعديه .. فربنا يفتحها فى وشك كمان وكمان يا نعكشه يا منعكشه .. ويرزقك برزق الغلابا .. بس المهم ان لما ربنا يرزقك ما تنسيش الغلابا .. هه..؟؟؟؟؟؟؟؟

بالنسبه لمحاولاتك لتقويم نفسك .. فربنا يثبتك ان شاء الله.. واللى ثبتك فى رمضان ..قادر انه يثبتك فى غير رمضان..

ربنا يهدينا ويهديكى ..وعيد سعيد علينا وعليكى

 

اهه العيد دا باين مختلف عند الناس كلها , بس غريبة اوى حكاية انك اول مرة تخدى عيدية من حد غير والدك , احنا طول عمرنا كنا بناخد من العيلة كلها , إلا العيد دا افتكرونا كبرنا باين هههههههههههه , يلا كل سنة وانتى طيبة

 

كل سنة وانت طيب
وعيد سعيد

ابقى زورينا على مدونة

فنون التغيير
http://changearts.blogspot.com/

لعلنا نجد حلا للأزمة

ودمتى بخير

 

كل سنه وانتى طيبه
وكل واحد يبص للعيد من الزاويه اللى هو شايفها
على فكره دى احلى نعكشه شوفتها

 

كل سنة ونتي طيبة يانعكوشة
منورة يا نعكوشة والله لكي وحشة
والله يرحم جدتك وجدتي وجميع اموات المسلمين

 

رضي الله عنكى وأرضاكى
وهداكى وأغناكى
وعافاكى وشفاكى
ووفقك لخير الدعاء
وأجاب لكى الرجاء
وأحبك بلا ابتلاء
وجعلك ساعية للخير
مؤثرة في الغير
وكل عام وانتى بخير

 

المستنصر بالله

وحضرتك بالصحة و السلام
عيد سعيد

نورت

........


حنين

:$ ( وش مكثوف )

انتي كمان وحشتيني
كل سنة وانتي طيبة يا قمراية

شكله كدة يا حنونة احنا نبطل نكبر بقة
هههههههههههههه

ألف سلامة عليكي يا قمر

تعبانة من ايييييييية؟؟؟؟؟
شفاكي الله و عافاكي

نورتيني يا جميلة

.........

أحمد بدر الدين

الله يسلمك يا رب

ربنا يكرمك يا رب
صراحة مش عارفة ارد اقول اية
ربنا يجعلني عند حسن الظن بيا

الدوام لله وحده

العيدية ( وش باصص لفوق)

اللهم امين
يثبتني انا و انت و كل المسلمين يا رب

نورتني

..........


ojg

دوام الحال........

كل عام وانتي بخير

نورتي
.........


2ragooz


عليكم السلام و رحمة الله و بركاتة

لا طبعاً مش مفروض :D

وانت بالصحة و السلامة

33000 عيد ليه هبقي نفرتيتي ولا اية

ربنا يفرحنا كلنا يا رب

الغلابة ؟؟؟؟؟؟؟؟؟ هه ( وش بيبص لفوق) :D


ربنا يثبتنا كلنا يا رب
آمين


اللهم امين

عيد مبارك عساكم من عواده

نورت

...............

زي الهوا

دة نتيجة ظروف عائلية
ان العيلة بتاعتنا متفرقة
و الجهة الاخري من عيلتي مبيدوش لحد عيدية :D مش عارفة لية
بس جدتي الله يرحمها كانت دايماً تديني ربنا يرحمك يا تيتة :D

نكونش كبرنا واحنا مش واخدين بالنا؟؟؟؟

سبحان الله

يلا خير

نورتيني يا قمراية

.............


علم الهسس
وحضرتك بالصحة و السلامة

ان شاء الله في طريقي إليها

نورت

..........


Romansy

وحضرتك بالف صحة و سلامة

سبحان الله فعلاً كل واحد لية زاوية بيبص منها

ربنا يكرمك

كل سنة و حضرتك طيب

نورت

.............

frortdrum


وحضرتك بالصحة و السلامة

الله يسلمك

اللهم امين

نورت / نورتي

...............

قوس قزح

اللهما مين

ربنا يكرمك يا رب و يخليكي علي الدعوات دية

نورتيني والله

كل سنة و انتي طيبة

.........


سلام عليكم

 

اهم حاجة احساسك بالسعادة .. هو ده العيد الحقيقى

اصحابك هاتشوفيهم .. والبلد هاتسافرى لها ..

ةبعدين هو احنا مش اصحابك برضه؟

كل سنة وانت طيبة .. اصلاح النفس هو مشوار طويل .. ليس له دلالة او غيرها .. انما هو عمل مستمر وهذا هو الجميل فيه .. لانه علاقة مستمرة مع الله .. وسعى مخلص للقرب منه .. وهو لايريد منا سوى هذا السعى المخلص .. النتائج بيده هو .. لانه الذى خلق قدراتنا

كل التمنيات لك بالسعادة .. وحشتينا جدا

 

sherif

تصدق نظرية برضو

انتو صوحابي طبعا ( وش محمر) إية الاوحراج دة :D

بس يعني مش بخرج معاكوا ولا اتمشي في الشوارع
هناك فرق برضو

كل سنة و حضرتك بخير و صحة و سلامة

ربنا يعينا علي المداومة و الاستمرار ياااااااا رب


ربنا يخليك يا رب

نورتني حقاً

.......

سلام عليك

 

لذينا تجمعات فى ساقية الصاوى وغيرها

اذا حبيتى تنورينا

 

معتقدش في فترة الدراسة هستطيع عشان الساقية بعيدة عني كمان
ممكن ان شاء الله في الاجازة القادمة بعد عمر طويل
و ربنا يسهل

ربنما يخليك يا رب علي الدعوة
تسلم

سلام عليكم

 

يمكن ده النضوج بقى
...........
سعدت بالمدونة ..تحياتى