نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

واجب

في مدونتنا الأخرى ( شخابيط عازفة الأوتار و نعكشة)http://messydrawings.blogspot.com/ معرض جديد للوحات الفنانة " عازفة الأوتار"

......................................

سلامون عليكم

يعني أنا خلصت منا لمدرسة عشان يبقي عليا واجب

طيب هوه أنا فاشلة في الكلام عن نفسي فهحاول علي قد ما أقدر

6 أسرار قد لا يكتشفها من يقابلك أول مرة ؟

قوانين الواجب:

1. أذكر اسم من طلب منك حل هذا الواجب؟ ( اللي لفقلي القضية)

محمد حلمي مخلوف صاحب مدونة " لمحة من حياة الكائن صفر الكائن صفر "

2- أذكر القوانين المتعلقة بهذا الواجب؟

اومال أنا بعمل إية يا حج ؟؟؟

3- تحدث عن ستة أسرار قد لا يكتشفها من يقابلك للمرة الأولى؟( جينا للحوسة بقة)

1- مهملة جداً في حياتي ( معرفش ممكن يكتشفوها إزاي)

2- عصبية جداً لحد الرخامة و المش لاقية كلمة مؤرفة مناسبة لمدي بشاعة عصبيتي ( و بالتالي اللي هيقابلني لأول مرة او كتيير ومقرب ليا بس مش معاشرني هيفتكرني طيبة جداً و أليفة )

3- مش هيعرف إني بكتب و برسم و بغني و بصمم فساتين و عندي مدونة و ليا علاقة أصلا بالنت

4- مجنونة و بكلم نفسي في المراية و بضرب نفسي ساعات و بتخانق معاها ( معتقدش انه ممكن يكتشف دة من أول مرة لإني للوهلة الأولى بكون هادية جداً)

5- معدل الغباء بتاعي مرتفع بالرغم إن القياسات بتقول إن ال أي كيو بتاعي IQ 131

6- مبعرفش أعبر عن اللي جوايا فممكن يفهم حاجات تانية من جمل أنا بقولها ومش قاصداها و المعني في بطن الشاعر فبالتالي مش هيفهم مقصدي من الحديث

في الحقيقة أنا مش عارفة المفروض اقول إية بالظبط بس دة حبة من اللي اعرفه عن نفسي

4. حول هذا الواجب إلى ستة مدونين،وأذكر أسماءهم مع روابط مدوناتهم في موضوعك.

1- نورة الخشن صاحبة مدونة http://awga3.blogspot.com/

2- عازفة الاوتار ورود و اشواك صاحبة مدونة http://mennat-allah.blogspot.com/

3- آدم صاحب مدونة الغامض http://vagueadam.blogspot.com/

4- كوشيا صاحبة مدونة قصاقيص http://kochia33.blogspot.com/

5- أحمد & اسلام صاحبا مدونة أنا و صاحبي http://anawesa7by.blogspot.com/

6- اسراء حامد صاحبة مدونة أحياناً و احياناً http://dr-esso.blogspot.com/

7- عيلة مفترية صاحبة مدونة اشمعنى انا http://eshm3naana.blogspot.com/

و أي حد من الناس الدحاحة اللي بتحب تحل الواجبات

5-ترك تعليق في مدونة من حولت الواجب عليهم، ليعلموا عن هذا الواجب.

عُلِم و نُفِذ

.............................................

خلاص كدة

حقيقي الواجبات دية مرهقة

17 قالوا رأيهم في العك اللي تحت ؟؟؟:

شاطره يا نعكوشتي
تصدقي انتي شبهي في حاجات كتير

 

نعكشه هانم
انتي زرتيني كتير وانا ندله ورخمه قوي
والله عارفه من غير متقولي
بس انا عجباني قوي مدونتك
ولعلمك الواجب ده زي العسل
اسأليني انا ده انا لسه طالعه
من 3 ثانوي
بس انا لو بصحح هنقصك ع
السؤال التاني وهتحليه تاني في الصفحه الي ادامها
وبلاش اهمال تاني

ويلا بقي
بست وشز فور يو

 

بصي يابن الحلال...
انا مش بحب التاجات..
بس انا مقدرش ماخدش التاج ده منك
بس هحلو متأخر شوية
----------------

اجمد حاجة انك ذكرتي خصائل وحشة فالحاجات اللي الناس متعرفهاش عنك

 

نعكوشه هانم
حاضر علم وينفذ

 

حته رخامة بقى


السؤال الأخير غلط

مطلوب ستة مدونيين و إنتى حاطه سبعة


كده عندك عصايتيين

 

نعكوشه
احلى حاجه فى الاجابات انك قلتى انك فيكى عيوب و انا طول عمرى أحترم الناس اللى بتعترف بعيوبها

انتى كمان بتكلمى نفسك فى المرايه؟ طب و الله دى فرصه نظيفه جدا
انتى عارفه انا كنت فاكره انى الوحيده اللى بتكلم نفسها فى المرايه و كنت بتكسف أقول كده أحسن الناس تقول عليا اتجننت بس طلع فيه ناس تانيه أعرفهم بيعملوا كده برده
دى حاجه كويسه جدا
تحياتى
السلام عليكم

 

محمد حلمي مخلوف

ديه مش حاجة حلوة
وربنا يستر و أحاول أعدل من نفسي

دمت سالم
ربنا يسامحك عالواجب ( وش رافع إية للسما )
...............

نوري

ليه بتقولي كدة
محستش صراحة انك ندلة ولا رخمة
ربنا يعينك في دراستك يا جميلة

السؤال التاني اللي هوه اذكر من طلب منك عمل الواجب؟؟؟
مش فاهمة ( الله اكبر معدل الغباء اشتغل)
لوووووووووووووول

دمتي سالمة

.....................

آدم الغامض

بصي ( للمؤنث) يا ( تنفع للأتنين ) بن (للمذكر) الحلال ( تنفع للأتنين)
يعني الملخص إية بالظبط ؟؟؟؟؟؟؟؟
زاي بصي يو يا أبن
المهم

ولا انا بحبها صراحة
و لو مش عايز تجاوبوا براحتك ( كتيير مكنتس بعمل الواجب في المدرسة
هيا جت عالمدونة كمان)

...............

هوه أنا ملاقتش خصائل حلوة عشان أذكرها يا سيد آدم
لو لاقيت كنت أتكلمت علي طول

دمت سالم

...............

احمد ( انت وصاحبك )

جيدون جيدون

دمت سالم
................

جمعاوي روش طحن


طول عمري لما بحل الأسئلة في الامتحان يقولي اذكر اتنين لازم اذكر 3 علي الأقل
عشان لو واحد طلع غلط
هههههههههههههههههههههههههههه

دمت سالم

..............

بنت مصرية

هوه أنا ملاقتش حاجات حلوة عشان اقولها للاسف
ربنا يعافينا
و يرحمنا
ويهديني
إبقي ادعيلي ربنا يهديني

هوه أنا بكلم نفسي في كل حتة
فهي ( تقريباً صديقة عمري التي لم أجدها)

دمتي سالمة

...............

سلامٌ عليكم

 

نعكشه
انا سعيد ان القصه عجبتك
وان شاء الله هتكون لك العديد من الصديقات بس انتي شيلي الخوف من جواكي واتعاملي مع الناس بحسن نيه حتي يثبتوا العكس
اما بالنسبه ليعودوا فالجمله هي (في جيبي ويعودوا)وهذا يعني انها معطوف علي مجرور اعتقد يعني مش متأكد برضه
اما بالنسبه لـ14/11/2007 فده تاريخ كتابه القصه بس
شكرا لك
دومتي بخير

 

نعكشة هانم

اجاباتك كلها عجبتني
شقية وصريحة وحرة ورقيقة وانسانة فعلا


اما انك تبعتيه ليا بصراحة انا تفاجات لكن اشكرك بجد انك بعتيه
بس انا بليدة في الواجبات
هذاكر الاول وبعدين ابقي احله ان شاء الله

تحياتي

 

نعكوشه

مممممممممممم

ماشى والله الموفق

هنحلوه

بس بقولك

شكلنا شبه بعض

بس انا مش بصمم فساتين

سلامى يا قمر

 

i am new in blogging world
this my blog
http://aliaawwe.blogspot.com
waiting for your comments
thanks

 

لا والله يا نعكشه انت بتكلم عن اتنين اعرفهم بيعانوا من نفس الحاله للاسف واحد منهم مات

 

كوشيا

كل دة في اجاباتي
والله حلو
يعني الواحد بيكتشف حاجات جديدة

اتفاجئتي ؟؟؟
لوماذا؟؟؟

أنا كمان بليدة
خدي راحتك عقبال ما تحليه

دمتي سالمة

.............

عيلة مفترية

لو بترسمي تعالي معانا في بلوج شخابييط

عليكم السلام و رحمة الله

دمتي سالمة
..............


علياوي

تسلم|تسلمي عالدعوة

دمت سالم| دمتي سالمة

............

محمد حلمي مخلوف

ربنا يبشرك بالخير

دمت سالم

..............


سلامٌ عليكم

 

هههههههههههههههههه
ده انتي شلفطي نفسك خالص .. كل ده الواحد هيعرفوا لما يقرب منك ..بس بجد أحيكي علي صراحتك ولو انها هتطفش العرسان بس بردة حاجة تحترم
بالتوفيق دايما

 

عشرة على عشرة
عملتى الواجب بدون غش ولا اى كلام
بس ايه الفضايح دى كلها
ربنا يوفقك
تحياتى لكى يانعكوشه

 

كلامك جميل يا نعكوشة
و بجد احلى حاجة فيه الصراحة المنتاهية
على فكرة فيكى حجات كتير منى بس اكيد انا ابشع هههههههه

اهو كله حيبان لما احل الواجب
انا بسطر الكراسة زى ما قلتلك و ححله
ربنا يستر من الفضايح

 

فارس بلا جواد

دة أنا كدة مقولتش حاجة و حاولت أن احافظ علي ماء وجهي
ومن جهة العرسان فمليش نفس صراحة
فمش هتضايق

دمت سالم

.............

رشيسة حزب الأحلام

إنها الحقيقة للأسف

دمتي سالمة

...........

ورود و أشواك

مش عارفة اقولك إية

بس ربنا يهدينا

مستنية الواجب بتاعك

دمتي سالمة

...........

سلامٌ عليكي