نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

لحظات من عمري ( على الشاطيء)

سلام عليكم
هذه القصة غير مرتبطة بالقصة اللي قبلها ولكن ما اكتبه هو مقطع من الحياة
عشان كدة هيا لحظات من عمري ( مش عمري أنا ) بل عمر أي حد عايز يقول عمري
في جو هادئ . تدغدغه بعض النسائم و تعلو أصوات طيور النورس بين الفينة و الأخرى علي خلفية حالمة من أصوات الموج علي شاطئ ذو رمال بيضاء و بحر تتدرج ألوانه ما بين الأخضر الرقيق إلي الأزرق الغامق ليلتقي باللون السماوي معطياً ....
سقط قلمي بعد أن خبطه بكرته الصغيرة
إلتفت إليه بضيق
سمعت ضحكاته الطفولية فابتسمت.
علمت أنها دعوة منه كي أقوم من علي كرسيي الصغير خشبي الصنع و المنضدة اللذان اتخذتهما مكتبي...
صرخ عليّ : ماماااااااااااا ... شوفي عملت إيـــــــه؟
قمت من مكتبي لأخطو بقدمي علي تلك الرمال الساخنة و يبدأ العد التناقصي لعمري 27 > 23 > 19 > 15 لأصل إليه في عمر الخامسة
حفرت معه و بدأنا نصنع طرقاً و أنفاقاً في مدينتنا الرملية
كنا نتبادل الأدوار
هو يحضر الماء من البحر لنملأ البحيرة بينما أنا أضع القواقع لتزين المدينة ثم أذهب أنا لأحضر الماء و ياخذ هو دوري

ألتفت إلي صرخات ميادة الضاحكة و هي تركض باتجاهنا لتشاركنا عمارة مدينتنا الصغيرة
ثم فجأة ............

وجدتها قد قفزت علي المدينة

شخصت عينانا أنا و عليّ و ارتفعت ضحكاتها التي أثارت في غريزتي الطفولية ..
و بروح طفل غاضب عنفتها قائلة: امشي أنتي وحشة .
انطلق عليّ في البكاء
تبدلت ملامح ميادة حين قالت في حزن : آسفة يا ماما :(

- ماما - ما هذا الذي فعلته . أنا أمها و لست أصغر منها. كيف قلت لها هذا . تخبطت الأفكار في عقلي قبل أن آخذاهما الاثنين في حضني قائلة : متزعلش يا لولو، ممكن نعمل مدينة تانية وانتي يا مودة مش وحشة يا حبيبتي. إنما التصرف اللي عملتيه هوه اللي وحش وأنا محبش بنتي الجميلة تعمل تصرفات وحشة ، ولا إيه يا مودة؟؟
أومأت برأسها
قمت بدغدغتهما فانقضا علي كي يدغدغاني
و ارتفعت ضحكاتنا
لأعود مرة أخري لطفولتي

كم أحبكما
كم تمنحاني ما ظننت أني افتقدته
متى تعود يا قاسم لترى كيف صار بَنوك

احتضنتهما بشدة و غطينا عليّ بالرمال ثم انطلق ثلاثتنا لنستمتع بماء البحر البارد....................
...........................
حكوك الطبع و النشل محفوسة لنعكوشة

48 قالوا رأيهم في العك اللي تحت ؟؟؟:

انتي بجد فنانة يا مريم


بس الموضوع لو كان كله بالعربي الفصيح انا عن نفسي هستلذه عن العامية على اللغة الفصحى


روحي بجد شوفي لو ينفع تألفي وتنشري كتب وقصص قصيرة..

هو انتي دارسة لغة عربية؟؟
وبتقري لمين؟

تحياتي

 

الأخضر الرقيق إلي الأزرق الغامق ليلتقي باللون السماوي معطياً ....
معطيا ايه بقي ده وصف لازم تكمليه صعب انك تسيبيه للقارئ
وبالنسبة للعد التنازلي لعمرها فانا شايفه بصراحه تزيد شوه النص كان ممكن تستبدليه بجمله افضل او انك متستعمليهوش خالص واحنا هنفهم انها بتعيش مع ابنها سنه
الكانات الكتير بتشوه النص حاولي تخلي بالك منها انت لم تستخدميها بشكل مبالغ فيه ولكنها نصيحه حاولي تعيدي النظر في الكانات الموجوده بنصك
القصه جميله بس العنوان غير فني
دومتي بخير
ودام قلمك
تقبلي مروري ونقدي

 

آدم الغامض

الله يكرمك يا عربي :D

مش عارفة صراحة هيا بتطلع كدة فبحطها كدة

بس هحاول في المرات القادمة لما اعمل عربي فصيح اخليه كله عربي فصيح

أألف مين يا سيد ؟؟؟؟؟؟؟؟؟

لأ انا فاشلة أصلاً في اللغة العربية
هيا فلتات كدة بجد

بقرأ لمين

فلاش و سماش و ميكي و بطوط
قريت حبة ملف المستقبل و حبة رجل المستحيل
وبعدين اتجهت للست أجاثا كريستي ( زهقت من ماربل بطلة قصصها)
فبطلت اقرالها
قريت من شهور روايات عبير بس الحمد لله بطلتها
مممم بعض الصفحات من الكتب في مكتبة ماما ( ماما عندها مكتبة كبيرة للكتب الدينية)
شوية قصائد و حاجات من دية كان حد أعرفة بيبعتهملي كل شوية
لأمل دنقل
قريت حاجات للشافعي
بص انا مش بقرأ كتاب كامل معين لحد معين
ولا بحب اسلوب حد معين
اللي ايدي تلقطة بقرأة

بس أنا اصلا فاشلة في القراءة
بجد مبحبش اقرا زي ما بقرأ علي النت كدة
بحب اكتب أكتر

بس
رغاية انا صح
طول عمري

دمت سالم

................

محمد حلمي مخلوف

مكملتوش عشان تضايقوا زي ما هيا اتضايقت
انا عدلتها
بص عليها كدة
و قولي رأيك في التعديل

بالنسبة للعد التنازلي
طيب ممكن تقولي جمل أفضل عشان مش عارفة
أكون شاكرة ليك جداً
مش عايزة مستعملهوش خالص لإني عايزة اللي بيقرا يحس في كل خطوة عمرها بيصغر معاها
فاتهمني؟؟
فلو انت تقدر تقولي جملة افضل قولي

الكائنات يعني هيا و العيال ؟؟؟
ولا قصدك طيور النورس؟؟؟
بس أنا مكتبتش إلا كائن واحد

نصيحة لي اعيد النظر في الكائنات اللي في النص؟؟؟؟؟؟؟؟؟؟

هيا فين طيب؟؟؟

دة هوه حتة كائن طيور النورس
فية كائنات تانية؟؟؟

بالنسبة للعنوان أنا فاشلة في وضع العناويين

كان فية فيلم خطير اسمة shipping news ولا news in shipping
كان الراجل بيعلم بطل الفيلم ازاي يحط عناويين فنية تشد القاريء

متعلمتش حاجة برضو

بس ممكن تقولي ازاي اخلي العنوان فني اكتر

دمت سالم

..................

سلامٌ عليكم

 

نعكوشتي
بالنسبه للكانات انا اقصد كان واخواتها مش الكائنات معلش امسحيها فيا المره ادي انا موضحتش
بالنسبة للجمله لازم انتي تحسي بيها تكون نابعه منك انتي
اما بالنسبه للعنوان فهو اصعب شئ في العمل لأنه هو عتبة النص بيختزل كل الافكار الموجوده في العمل احيانا ممكن تكتبي عمل وتضعي عنوانه بعدها بشهر
العنوان لازم يكون نابع من فحوي العمل ذاته بيعبر عنه وعن شخصياته وحالتك وحالة شخصياته
اكتر حاجه بتقرفني هي وضع عنوان
شكرا لتقبلك نقدي دومتي بخير

 

كم أحبكما
كم تمنحاني ما ظننت أني افتقدته
متى تعود يا قاسم لترى كيف صار بَنوك
طيب مش غريبه انها تتكلم طول القصه بالعاميه وتيجي في الاخر تعمل فيها سيبويه
وبعدين لازم تنتبهي لشيء هام جدا في فنيات القصه الكاتب مش مصلح اجتماعي ولا داعيه الكاتب فنان يصف احداث ويستنبط منها القارئ الدلاله وفقا لواقعه هو يعني في احدي المرات قرأت قصه حلوه جدا لطبيبه في مجلة كلية الطب باسيوط عن فتاه عندما احبت كان حبيبها يأخذ معه جزء من فستانها باسلوب رائع وجميل ولكنها في النهايه صدمتني عندما قالت ما معناه انها لن تحب ثانية لو تركت القصه علي نهايتها عندما ذهبت لمقابلة حبيبها فلم تجده ووجدت نفسها شبه عاريه حاولت ستر نفسها دون جدي
شكرا لتقبلك نقدي ويارب اكون بافيدك

 

محمد حلمي مخلوف

مش تقول يا رجل
وانا اقول كائنات اية

طيب شيلت 2 كان و سبت واحدة :d هههههه حلو كدة؟؟؟

هبقي اخد بالي من الكاناكين اللي في البتاع ان شاء الله
بس سؤال
هيا لية كان كتير بتبوظ الدنيا؟؟؟


بعد شهر:|
ان شاء الله بعد شهر هبقي آجي و أألف لها عنوان جديد
بس ابقوا عبروها
هههههههههههههه
بهرج
هبقي احاول افكر اكتر في العناويين بعد كدة ان شاء الله
ولو عرفت افكر في عنوان هبقي اصوصو عليك

والله انا اللي بشكرك انك بتنقد
.........

كم احبكما
متي تعود

الحتة دية بتفكر مش بتكلم نفسها
بتفكر وهيا بتلعب مع العيال
فوحشها جوزها

بس ولا سي بوية ولا سي عبدة حتى

آهاااااااااا فهمت قصدك علي إية

بص هوه أنا مش متمكنة قوي في الحتة دية
وبعدين مش هقدر استبدل النقطة دية
لإني عايزاها جداً

ممكن تعتبرني في الأقصوصة دية مصلحة اجتماعية معلش :D لإني بضايق من الاباء و الامهات في الحتت دية

فخدها عليا بقة



لأ بتفيدني طبعاً اومال اية
ربنا يخليك للوطن

قولي رأيك في التعديلات
الحتة اللي فوق
و الكانات

و اعذرني في حكاية لااصلاح الاجتماعي دية

هههههههههه

دمت سالم

سلامٌ عليك

 

نعكوشه هانم..

ايه ده..ههههههههه
انا طلعت فى الموضوع وانا مش عارفه..
وكمان وحشه هههههههه..

على فكره انا حسيت بكل كلمه انتى كتبتيها..بل تعايشت معاها..

انتى عارفه لو مكنتيش قلتى بعدها انتى مش وحشه..
كنت ضربت اخويا..ههههههه..اصلى متشرده بقى..



تقبلى تحياتى..

 

is it a day dream ? is it a wishful thinking? i guess its a childish notion
in french : caprice d'enfant
نزوة من العقل لرؤية مستقبلية
حلوة يا دكتور

 

جربي وحطي كانات كتير في النص واقرأيه ستعملي لما يشوه النص
---------------------------------
كم احبكما
متي تعود

الحتة دية بتفكر مش بتكلم نفسها
بتفكر وهيا بتلعب مع العيال
فوحشها جوزها

بس ولا سي بوية ولا سي عبدة حتى
------------------------------------
بصي مش صعب انها تتكلم طول القصه بالعاميه وفي الاخر تفكر بالفصحي
----------------------------------
اما بالنسبه لحكاية مصلحه اجتماعيه فانتي تكتبي وفقا لأرائك انتي لا وفقا لأراء الاخرين نحن نقول وانتي تقتنعي او لا وفي النهاية انتي صاحبة النص
دومتي بخير
مودتي وتقديري

 

بعد السلام عليكم

قصة جميلة يا نعكشة
وتعبيراتك حلوة

وعايز احيي استاذ محمد حلمى مخلوف على نقده المهذب

ولكنى هاختلف معاه فى نقطة
وهيا ان البطلة اتكلمت فى الأخر بالفصحي في موضع

كم أحبكما
كم تمنحاني ما ظننت أني افتقدته
متى تعود يا قاسم لترى كيف صار بَنوك

من رأيى الشخصى المتواضع جدا ما اعتقدش أنه دا خلل فى سياق القصة

ليه بقي
لأن حضرتك هتلاحظ أن البطلة هيا الرواى بتاع القصة واختارت لغة السرد بالفصحى ولغة الحوار بالعامية
وفى الموضع المذكور كان سرد لأنها لم تحاور به احد ، وكانت تخاطب نفسها

أما لو كان فى الحوار فهو دا هيبقى الخلل .. لأن مينفعش تكون جملة حوار فصحى وجملة تانية عامية

تحياتى لحضرتك ولنقدك

وتحياتى ليكى يا نعكشة
وفي انتظار قصص أخرى

تقبلى زيارتى الأولى
وأتمنى دوام التواصل

تحياتى

 

اكيد لحظات جميلة اوى
وانتى بجد وصفتيهابهدوء جميل عايشتى الواحد فى الجو الرايق دة

تقبلى مرورى :)

 
This comment has been removed by the author.
 

ازيك يا نعكشة ..
ما شاء الله عليكي اسلوبك جميل ..
وكونك مش بتقرأي كتب كتير.. واسلوبك بالمستوى ده .. فده يدل على انك موهوبة .. حاجة كده من عند ربنا مش مكتسبها ..
أنت اسلوبك جميل كده .. فما بالك لو قرأتي كتير ونميتي موهبتك بيها .. هتبقي معدية يا نعكشة :)
بالنسبة لنقطة الحوار بالفصحى وبالعامية ..فأنا موافقة
Abo Salah
في كلامه .. هو قال اللى كنت عايزة اقوله ..
نقطة المصلح الاجتماعي اللى اتكلم عليها محمد حلمي مخلوف مفهمتش قصده ايه ؟ ممكن توضيح ؟
لو قصده على النهاية واننا عرفنا ان زوج البطلة غايب ..أنا برضه بحب الكاتب يسيب حجات استنتجها بنفسي ....
بس أنا شيفاها هنا مقبولة جدا ..لأن البطلة بتعبر عن مشاعرها فى لحظة معينة من حياتها ..وبتوصفها ..والنهاية كانت جزء منها ..
استمري يا نعكشة .. عاجبني فيكي انك بتتقبلي النقد..مش ناس كتير كده ..وده دليل على سعة افقك ..
هستنى جديد ابداعاتك ..

SaLaM

 

قصة جميلة يا نعكوشة .. جوها هادي وسردها حلو ..


بس ماينفعش ياخدوني معاهم هناك أستجم لي يومين؟! :))


.........

مدونة منعكشة و جوها ظريف ..

استمري :)

 

انتي اللي فنانة
عندك حالة تقمص كدة بتيجيبي فيها تفاصيل حلوة اوي ودقيقة اوي وحساسة اوي

بحييك عليها كلها
وصف البحر والجو حسسني اني فعلا هناك
والحتة بتاعة العد التنازلي جميلة جداااااا
والجزء التربوي بتاع انتي مش وحشة يدل علي نضوج وسعة عقل وفهم
مخك متكلف والله يا نعكشة
انتي شخص مميز

تحياتي

 

دى مش شخبطة خالص الصراحة ربنا يخليهملك

 

بدايتاً انا سعيدة جداً معرفش لية
او يمكن عشان حسيت ان الموضوع امتزج ببعضةو التعليقات امتزجت ببعضها و معظمهم كلام عن الموضوع مش مجرد بتقولوا حلولة و خطيرة و كدة و دة اسعدني قوي فقولت اقولكوا اني فرحانة

.......................

ميادة

تصدقي ممكن يكون اسمك دخل في نغاشيشي( حلوة نغاشيشي دية ) و عجبني داخليا فعرفتة
لإني مش متعودة علي الاسم كمان

ربنا يخليكي دية شهادة اعتز بيها

لأ و انا يخلصني الولد يتضرب
اقصد اني اقول عليكي وحشة
هههههههههههه
دمتي سالمة

................

راجي

عندي إحساس قوي إني مش هيبقي عندي أولاد بس هناك بديل ( كفالة اليتيم)

احساسي
ههههههههههههههههههه
( يا رب يكون احساس كاذب)
آمين

دمت بخير :P ( واسطة بقة) ههههههه

.....................

محمد حلمي مخلوف


ممم جربتها
خلاص هبقي اكتب إن و اخواتها بقة :P

بصي مش صعب انها تتكلم طول القصه بالعاميه وفي الاخر تفكر بالفصحي
----------------------------------
دة سؤال ولا جملة خبرية؟؟؟

تسلم علي ترك الاختيار لية :P

دمت سالم

..............


أبو صلاح

شكلك إنسان منظم
لية بقة عشان كتبت وجهة نظرك بنظام و تسلسل حلو
ماشاء الله

هوه تقريباً دة اللي كنت عايزة اقوله بس معرفتش اعبر كويس

بص الفرق (
الحتة دية بتفكر مش بتكلم نفسها
بتفكر وهيا بتلعب مع العيال
فوحشها جوزها )
ههههههههههه


ربنا يخليك للوطن



نورت والله يا فندم
حقيقي نورت

دمت سالم

...................



القلب الاصلي original heart

ده كتير علي :D

نورتيني
دمتي سالمة

...................



فانيليا ( هما ازاي بيعملو ال ف امو 3 نقط)؟؟؟ المهم


Vanilla


الطبيعي ان الانسان اللي بيفهم يحاول يصقل موهبتة بس تقولي إية في الامخاخ المصدية :D

هههههههههههههههههههههه



وانا كمان موافقة إذن قرار بتركها علي ما هو علية موافقة

ههههههههههههههه



قصدة علي التة بتاعت متزعلش يا لولو وانتي مش وحشة يا مودة انما التصرف بتاعك اللي وحش



بما إني مبحبش المديح فمفيش غير النقد او اقفل صفحة التعليقات بقة

هههههههههههههههههههههههههههههههههههه

نورتيني والله

عليكم السلام و رحمة الله و بركاتة

دمتي سالمة

.................


يمامة شاردة


تعالي يلا انا مسافرة بكرة
اجيبلك شوية ماية و رمل وانا راجعة
:D


تسلمي يا قمر

نورتي

دمتي سالمة

...............


كوشيا :D

أنا بعرف امثل علي فكرة :D
مرة مثلت role play تبع قسم الكوميونتي ( دة اجابة علي سؤال التقمص)


حساسة قوي دية ( مش عارفة، معتقدش)


انا بموت في البحر أصلا

فرحانة انها عجبتك لإني مكنتش عارفة اظبطها كويس

حلوة سعة عقلي دية

نمتكلفة آة ( ميساء الخييييييييييييييييييير)



يلهوي :| الجملة الاخيرة دية دية مش ليا أكيد :D


دمتي سالمة

.............


مدحت محمد


هما مين؟؟؟

دمت سالم

...............


سلامٌ عليكم

 

الله يا نعكوشة
جميلة جميلة جميلة
شعور الأم لخبطتها بين طفولتها وأمومتها .. وصفتيه بمنتهى الدقة

وصف يدخل القلب على طول

بجد يا نعكشة إنتى هايلة

وإسلوبك وكلامك أكتر من رائع

ربنا يوفقك .. ومستنية باقى قصصك

سلام

 

ميوشة

:D ( ابتسامة )

ربنا يكرمك يا رب

انتظارك دة شرف ليا

دمتي سالمة

سلامٌ عليكي

 

اااايه انا مش عارف اقول ايه بصراحة..
في جزء كدا في القصة حسيت اني بروح عالم تاني لما البنت الصغيرة بتيجي تهد المدينة الرملية..اعتقد دي اكتر لحظة في حياتي بجد حسيت برغبة اني اكون اسرة زوجة واولاد بالرقة والبراءة دي..
تحياتي على الخيال المبدع دا
ربنا يحفظك ..
:)

 

اولا ازيك
ويارب تكوني بخير وفي احسن صحة
بصي قبل مااقولك رأيي في القصة عايز اقولك رأيي في حاجة انا شايفهااهم وهي صورة المدونة بصراحة شايفها مش حلوة خالص وكنت لما بشوف تعليقك عند حد مش برضي ادخل عندك بسبب الصورة دي بجد منفرة ومقززة قوي ياريت تشيلها وتحطي صورة الطف شوية

- بالنسبة للقصة حلوة وشايفها معبرة عن روح الطفولة
تقبلي رأيي ومروري
وتحياتي لك

 

عارفة اخر كلمة حسسيتنى بانتعاش
اللى هيا بتاع البحر البارد ده
أنا معنديش أجازة :(
فأخرى حمام السباحة البارد

 

موهبة المفروض تستغل

دمتم بخير

 

اشهد ان لا اله الا الله امال سالم راح فين ؟اشمعنى انا؟ايه الظلم ده

 

القصة حلوة بس الغريب انك ما تقدريش تكتبي عن مشاعر الامومة مادام مش عيشتيها يا نعكوشة.. لان المشاعر لازم تتعاش علشان تقدري توصفيها صح
بس طبعا اسلوب كتابتك جميل جدا

تقبلي تحياتي

 

السلام عليكم..


ازيك يا نعكشه..
احب ابشرك ان مدونتى فى خطر عااااااا..
اتمنى تزورينى على الاسم ده تحديداً فى أسرع وقت..


تقبلى تحياتى..

 

((يبدأ العد التناقصي لعمري 27 > 23 > 19 > 15 لأصل إليه في عمر الخامسة))
لذيذة جدا جدا :)
مبتكرة بشكل رائع
والقصة رائعة بشكل جميل والقيمة التربوية الراقية التي بها زادتها روعة
..
دمتِ مبدعة

 

ايه الروعة دى


بجد اسلوبك بيشد اوى وبيساعد جدا على التخيل

يعنى انا فعلا تخيلت الصورة كاملة

ماشاء الله عليكى

تحياتى

 

كله كوم وكلمة
متى تعود ياقاسم لترى كيف صار بنوك
دى كوم تانى
اصلها جات لى عالجرح لما كان احمد زوجى مسافر وإياد كل شوية يكبر
وبيعمل حركات وافعال واقوال زى العسل وكان نفسى فعلا ان باباه يشوفه
صعب السفر والفراق
بس بجد تسلم ايدك
المشهد دة احلى حاجة فيه التركيز والعمق
وانا بقراه كأنى شايفاه
سلام عليكم

 

نعكوشة حبيبتى اسفة جداااااااا
ع التاخيير بس مكنتش فى البيت يا لولو
سماح المرة دى
مش هتكرر تانى
احلى حاجة بحبها فييكى انك بتخلينى اتخيل
عارفة اسلوبك فى التخيل حلو جداااااااااااااااا
وطبعا اسلوبك الصراحة
كل مرة بيزييد رقة وحلاوة على فكرة مش مجاملة
يافنانة

 

جميل وصفك و اهتمامك بالتفاصيل النفسية ، بس واضح إن لسه ماعندكيش أولاد :) إن شاء الله على و مياده بتوعك حايغيروا نظرتك دي خالص ، لأنهم صعب قوي يسيبوكي و هم في السن ده تكتبي حتى السطرين الحلوين دول :)

 

ميرو

:D ( وش منشكح -مش قوي عشان محروق- و بق مفتوح من الناحية دية للناحية دية)

سعيدة برأيك

ربنا يوعدك يا رب بأسرة و زوجة و أولاد رقاق ز جلاش و مكرونة بساميل كمان

قصدي يكونوا افضل مما تتوقع انت
آمين

دمت سالم
.............

مصطفي ريان

بخير احمد ربي
تسلم عالدعوة

بالنسبة للصورة : أعتقد والله أعلم إني مدام مش حاطة صورة بها شيء يخدش الحياء
او بها من الدماء او الاشياء المقززة
فمن حقي أن اختار صورتي
يسعدني رأيك و لكن أنا لا أتغير من أجل الناس ولكن لأجلي
وانا لسة مهملة و منعكشة و مش فاهمة انا فين و لية و ازاي
و الصورة دية حاساها بتعبر عني
ومن حقك ألا تُعلق فهذه حريتك
لكن دعني أقول لك شيء ليس المظهر هو كل شيء بحياتنا
المظهر ربما يعطي انطباع أول
ولكن ليس دائماً الانطباع الاول يدوم


بالنسبة للقصة تسلم و ربنا يعزك يا رب
نورت يا فندم

دمت سالم

................


Funcky Doctor

مش دكتور ميم Dr.m معاك
طيب ماهو راح كام يوم راس البر
يا سيدي الفاضل فك عن نفسيتك شوية

:D

و بالنسبة لحمام السباحة البارد أعرفلك حتة فندق إية بيظبط درجة حرارة البسين علي -5 مئوية

:D

دمت سالم

..........................

جامعاوي روش طحن

لو علي كدة حاجات كتير ممكن تُستغل جيداً بس
نقول إيه
إن النفس لأمارة بالسوء
احساس دائمة بالكسل و الكركبة

ربنا يستر بقة

دمت سالم

...............


راجي

عجبتُ لكَ يا راجي

يعني نحط سالم >>> نضايق
نحط عتريس >>> مضايق برضو
نشيل سالم >> مدايق
نعمل اية بس نعمل اية

عندي فكرة

دُمْتَ سَالِمَاً ( حلوة كدة)؟؟؟
بس متعبة

اقولك

دمت سالم و خلاص و نبقي نقول لسالم مياخدش في باله لو فروتة اتقطعت

دمت سالم
......................

في حب مصر

الغريب انك متقدريش تكتبي عن مشاعر الامومة مدام مش عيشتيها

طيب مانا عمري ما حبيت قبل كدة مينفعش اكتب حاجات حُب

عمري ما ولدت قبل كدة ( فية قصة هبقي عاملاها عن الولادة ) مقدرش اكتب عن الالم ؟؟؟؟؟؟

هل انت حسيت ان فيها امومة لو آه >>> جميلٌ جميل
لو لأ >>> المرة لجاية نتحسن ان شاء الله

مش لازم تتعاش قوي ( دة رأيي)


بالنوسبة للأسلوب >> ربنا يخليك يا رب

دمت سالم

....................


ميادة رفعت

لعله خير :(

مش تزعلي يا قمراية محدش عارف الير فين

دمتي سالمة

................

أسلم ناجح

ربنا يكرمك يا رب
وتسلم

الحتة دية بالذات ( القيمة التربوية) تعلمتها من دكتور لنا كان يعطينا محاضرة عن بدايتة مع كتاب العادات السبع للناس الاكثر فاعلية

نورت يا فندم

دمت سالم

....................

Emmy Baby

تسلمي ربنا يعزك
عقبال كل بنات المسلمين ان شاء الله لما يبقي عندهم اولاد
آمين

دمتِ سالمة

..................


سبهللة

قد إية صعب الفُراق
ربنا يخليلك زوجك يا رب و يعزكوا دايماً و ميفرقكوش عن بعض أبداً
آمين


الله يسلمك يا رب

عليكم السلام و رحمة الله وبركاتة
دمتي سالمة

............


نونو

يا حبيبتي المدوننة مدوننتك تعالي في أي وقت
لا داعي للاسف علي أي شيء


ايوننننننننن هوه التخيل دة
إني اتخيل و اطلب من القاريء ان يتخيل معي

تسلميلي يا جميلة

دمتي سالمة

...............

أحمد كمال


ماهو احنا نفسيات برضو فالواحد بيهتم بالحاجات دية بقة

لأ معنديش حاجة خالص ولا أولاد ولا حتيى عرايس لعبة - لأ لأ عندي عرايس لعبة - :D


اهم حاجة : هوه انا هبقى لسة بنظري عقبال ما يـجو ؟؟؟ عشان النظرات المختلفة دية

متخيلة حكاية مش هيسيبوكي دية : ربنا يكونف ي عون كل الاماهات
الفكرة ان السن دة لازم تزرعي في ولادك فيه كل حاجة عايزاة تشوفيها بعدين

فلواحد منكن يتخلى شوية عن كتابة سطرين حلوين من اجل الولاد
ومالوه برضو

نورتني يا فندم

دمت سالم

...............

سلامٌ عليكم

 

ايه يا نعكوشتى المواهب دى
متفقناش على كدة

انتى رائعة بجد فى اسلوب الكتابة ده
و بتقدرى توصلى الاحساس للى بيقرا بإتقان عالى

مستنين جديدك يا قمر

و مش بنشوفك على المسنجر ليه

انا ببقى موجودة اوف بس مش بلاقيكى

 

بصراحة الموضوع حلو...
حلو عشان بيفكرنى بايام الطفولة ايام مكنت ابنى
بيت من الرمل ويجى حد يهدوا بمنتهى البرود
وكانوا شخصية شريرة طالعة من فيلم كارتون
بابتسمته الرخمة ونظراته الارخم
وكان شغلتوا فى الحياة انه يدمر احلام الاطفال
بجد لحد دلوقتى مش قادر انسى ده مش عارف ليه !!!

 

قصه جمييييييييله
ومميزه
شكرا لكي
تقبلي مروري

 

ورود و أشواك

ربنا يخليكي يا رب

عشان مكنتش موجوة في البيت كتير

دمتي سالمة

..........


سبعة seven

مش دايماً اللي بيكسروا الحاجة بيكون هدفهم انهم يزعلوا اللي قدامهم

حاجات كتير أنا نفسي بعملها بهدف إني اهرج بسسسسسسسس

و بكتشف إن اللي قدامي خدها علي اني هدفي أأذية

فبزعل من نفسي

هيــــــه دونيا

دمت سالم

............


طهقانة

تسلمي
نورتي

دمتي سالمة
.................

حسن حنفي

تسلم

نورتني

دمت سالم

..............

سلامٌ عليكم

 

على فكرة انت موهوبة جدا والله عجبنى قوى الجزء وهى قايمة وعمرها بينقص حلو اوى...........على فكرة كنت فاكرة ان الامهات مايعرفوش يصغروا ويستمتعوا بحياتهم بس انت وضحتى العكس الله ينور والله جميلة جدا............

 

بجد بجد
مبدعه
تحياتى

 

قدرتى يانعكوشه ياجميله بكلامك الرقيق دا تعيشينى لحظه من احلى احساس فالدنيا احساس الامومه

تحياتى ليكى دايما على كتاباتك الرائعه

 

جريدة الأسرة العربية
قرر رئيس مجلس ادارة الجريدة مشكورا أن يتبنى كل ما يكتبه المدونون
وان يفرد مساحة لا بأس بها لبوستات البلوجرز
كما وافق على نشر البوستات المرشحة بتوقيع كتابها
وسوف يفتح باب التدريب الصحفى لهواة الصحافة من المدونين
وذلك ايمانا منه بقوة التدوين وبأنها صوت المصريين
***
على كل مدون يرغب فى نشر مقالات - تحقيقات - قصص - نقد - ادب - شعر - سياسة او أى كتابات لم يرد ذكرها
ان يرسل البوست المرشح مذيل بتوقيعه وعنوان المدونة والإسم الحركى ان اراد
مرفق بصورة شخصية له
على الإيميل التالى

amyasser@hotmail.com

أو بتعليق على هذا البوست نفسه
يترك لينك البوست اللى عايز ينشره الجرنال له
تحت عنوان جريدة الأسرة العربية
الشـــــــــــــــــروط
-مراعاة الصحة اللغوية والنحوي والإملائية قدر الإمكان.
-مراعاة الا يزيد البوست المراد نشره فى الجريدة عن صفحة ايه فور.
- أولوية النشر تكون للبوستات التى فيها موضوعات عامة تهم قراء الصحف.
-اولوية النشر للبوستات التى ترسل على الميل المذكور أعلاه كفايل وورد مرفق.
الجريدة تصدر الإثنين من كل أسبوع

 

هشخبط
وأنعكش
وأقول
البحر حياتنا ما ظهرمنها وما خفى علينا
الطفولة برأتنا ونقائنا قبل أن نلوث أنفسنا, الافعال التلقائية من غضب وسعادة.
ضحكة طفل هى الطهر وكل جمال الدنيا.
القالب الذى استعملتية فى التعبير هو تعبير تلقائى منك يكفينى لأشعر بما أحسستية

منتظر منك زيارة فى مدونتاى ا
الاولى

http://kalamfekalamm.blogspot.com

والثانية


http://kalamfekalamm-mohamed.blogspot.com/

 

انجي

احتمال برضو

انا كمان عجباني

مش متأكدة انهم بيصغرو بس احساسي انهم بيصغرو

دمتي سالمة

.....................

الموجة الزرقاء

تسلم

دمت سالم

...........................

موناليزا

تسلمي

دمتي سالمة

.....................

سمر الشافعي

احلي حاجة بحبها اني بعيش نفسي الاحساس

جميل ان الواحد يعيش الاحساس

حتى لو عمرة ما شافة ولا حسة

دمتي سالمة

.................

اسوور

تسلمي عالدعوة

دمتي سالمة

...................


محمد

شخبط :D هيا الشخبطة بفلوس يعني


اة من البحر دةة

كنت بحبني قوي وانا لسة عيلة متشردة


عليهم ضحكة يخربيت كدة
ماشاء الله يعني

انا فعلا فتحت المدوننة و هقرا فيهاان شاء الله

دمت سالم
................

سلامٌ عليكم

 

دايما بتبهريني
بتحفك فعلا بحب بوستاتك
اوي يا نكوشة

على فكرة ليكي عندي
واجب
ابقي تعالي خديه

 

عاشقة الحب

ربنا يخليكي يا جميلة

انا عملته قبل كدة للأسف

بس تسلمي انك فكرتي فيا لما جالك الواجب
دمتي سالمة

سلامٌ عليكي

 

ربنا يرزقك بطفلين زى العسل .. يا نعكوشه يا بنت ام نعكوشه .. وتعملوا كل اللى انتوا عاوزينه ... بالنسبه لمياده بقى ابقى هاتيها .. عندى فى الترعه اللى جمبنا .. انا عارف فى اطفال ما بتعرفش تلعب فى الرمله .. الحاجات النضيفه دى بالنسبه ليهم ممله – زيي كده – اذا ما كانوش يلغوصوا فى الطين ... ويمغمصوا هدومهم كلها طينه .. ويطلعوا البيت ماماتهم تديهم العلقه التمام .. ما يحسوش بفرحة اللعب ..

فى تطور كبير انا شايفه فى قلم حضرتك .. او بمعنى اصح فى الكى بورد بتاعتك .. شكلك اشتريتى كى بورد جديده... الله يسهله يا سيدى ..

 

2ragooz

يااااااا رب

:D

ينهارك هتلغوص بنتي في الطين :|

هوه أنا مش حاسة بية بس مادام ناس كتير حاسة بيه يبقة فية تطور مفيش لية

اللهم آمين

نورت

سلام عليكم