نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

مشاعر متضاربة

في مدونتنا الثانية - شخابيط- http://www.messydrawings.blogspot.com رسومات ل - نعكشة - اللي هي أنا بعنوان - نفسي تتكلم -
.................................
الحاجات دية كتبتها كلها ورا بعض في وقت واحد
فقولت انزلهم كلهم مع بعض
برغم اختلافهم عن بعض


.

.

هل كان لابد من جرح لنفترق؟!!!
لم أكن سأطلب منك المكوث إذ علمت برغبتك في الرحيل
ولكن رغبتك تلك ستكون جرح لي
إذاً فلابد من الجرح لنفترق!!!
.
............................
.
هل كنت تعلم أني أعلم أنك لست والدي؟
ولكن كلينا أدى دوره بإحتراف
فلأتم دوري ببراعة " أحبك يا والدي "
.
.................................
..
لم تكن تلك حافظة أسراري التي فتشت بها.
ولم يكن هذا عشيقي الذي قتلته.
ولم أكن أنا خائنة كما أعتقدت.
فلتنعم بتعذيب نفسك للأبد!
.
..............................
.
- كيف تقومين بهذه الأحجية؟
=أية واحدة؟
- كلما نظرت في عينيكي أحس أني أحلق عالياً لأرى العالم من فوق
= تعلمتها حين ولدتك :).
.
...........................
.
ذاك القارب اتشح بالسواد لمغيبها
وتلك السماء تلونت بالحمره
والبحر صار مزيجاً لامعاً من اللونين
ترى هل هذه هي مراسم جنازتك أيتها الحسناء الساخنة؟؟
.
...........................
.
هل تظن أن ما يؤلمني هو صفعتك على خدي المتورم؟؟
لا. أن ما يؤلمني هو أني انتظرت حتى لقيت صفعة أخرى من معتوة لم يقدرهول ما فعلت كي أتمكن من احتمال آثار الصفعة الأولى.
.
........................................
.
أدهشني سرعة اندفاع و دفء ذلك السائل الأحمر اللزج من بين شفتي جرحها و كأنها تتحدث بلغة الدم
ترى..ماذا كانت تقول ؟؟؟
.
......................................
.
كيف أمكنكي تركي وحدي و نحن لم نفترق إلا دقائق معدودة ساعة ولادتنا؟
المكان : المقابر
.
.............................
.
فزعت حين رأيت الدماء
تآذيت لحظة رأيت الحروق
و أشحت وجهي و حمدت الله كثيراً حين رأيت ذو الساق الواحدة
كيف سأكون طبيبة؟؟؟؟؟
.
............................
.
آلمني سماع صوت أبنك يهتف عالياً أسمك " بابا "
فقد علمت أن حبي بعد لم يولد كي أتكبد عناء قتله و الحزن عليه
فقط أحتاج لقليل من الادوية و بعض الحركات البلهوانية للتخلص منه بلا أثر ظاهري
ولكن أتظن أن لن يكتشفه أحد؟؟؟
.
..............................
.
- لم لا تقولي شيئاً ؟
= ......................
- هل ستتركيني؟؟
= ......................
- فعلت هذا كي أجعلكِ تثوري
= ......................
- لم لست غاضبة ؟؟
= .....................
- تكلمي .
أصفعيني .
قولي أني لا أستحقك .
قولي أنك نادمة لمعرفتك بي.

هزها برفق في شدة فتناثرت دموعها علي ملابسه فأشاحت عينيها بعيداً ثم أغمضتها ببطء

صوت أرتطام الباب

دموع

= ....................


............................

حكوك الطبع و النشل محفوسة لنعكوشة

28 قالوا رأيهم في العك اللي تحت ؟؟؟:

كلمات متدفقة من القلب تحمل حزناً عميقاً..
تقبلي تحياتي

 

لأ
بجد
كويس
يا نعكشة

عندك كمية كبيرة من المشاعر المدفونة
واسلوبك حلو

وخاصة

"هل كان لابد من جرح لنفترق؟!!!
لم أكن سأطلب منك المكوث إذ علمت برغبتك في الرحيل
ولكن رغبتك تلك ستكون جرح لي
إذاً فلابد من الجرح لنفترق!!!؟

اى اتصال او ارتباط بين شخصين
يتولد عنه قوة وعاطفة

واى فراق او فض لهذا الإتصال او ارابط
لابد له من قوة

فاما القوة الأولى فهى عن حب..فلا يتولد عنها خسائر

واما الأخرى فهى عن غير رغبة...فيتولد منها الجروح والأثار الجانبية
..
..
..
ودى

"
هل تظن أن ما يؤلمني هو صفعتك على خدي المتورم؟؟
لا. أن ما يؤلمني هو أني انتظرت حتى لقيت صفعة أخرى من معتوة لم يقدرهول ما فعلت كي أتمكن من احتمال آثار الصفعة الأولى."

فعلا الجهل بالواقع سمة لإرتكاب الكوارث
وارتكاب الحماقات

..
..
..
جميل نعكشة
ما اعنى فى حاجات ما قدرتش استوعبها
وهذا اكيد عيب فى دماغى وبعانى منه من فترة طويلة.

بس اكيد انه له حكمة عند قائلها

وتقبلى تحياتى

 

هل كان لابد من جرح لنفترق؟!!!
لم أكن سأطلب منك المكوث إذ علمت برغبتك في الرحيل
ولكن رغبتك تلك ستكون جرح لي
إذاً فلابد من الجرح لنفترق!!!

*********
عزيزتى الغالية

عند الفراق لابد ان يكون للجرح دور
سواء من الحبيب او من الحياة
او من المستقبل بدونه


- لم لا تقولي شيئاً ؟
= ......................
- هل ستتركيني؟؟
= ......................
- فعلت هذا كي أجعلكِ تثوري
= ......................
- لم لست غاضبة ؟؟
= .....................
- تكلمي .
أصفعيني .
قولي أني لا أستحقك .
قولي أنك نادمة لمعرفتك بي.


هزها برفق في شدة فتناثرت دموعها علي ملابسه فأشاحت عينيها بعيداً ثم أغمضتها ببطء


صوت أرتطام الباب


دموع

*********

هل تستطيع احياء ميت قتلته دون قصد ؟؟؟



الخربشات كلها جميلة بالرغم من غموض بعضها و لكنها تبقى رموز حسية تركتِ بابها مفتوح ليستوعب احساس القارىء كما يريد هو


اعجبنى المقطعين السابقين

جميلة خربشاتك يا نعكوشة

دمتى بكل ود يا قمر

 

انتي جواكي حاجات كتيرة اوي
عجبتني معظم الخواطر دي
واثر فيا
وخاصة

""حافظة أسراري التي فتشت بها.ولم يكن هذا عشيقي الذي قتلته.ولم أكن أنا خائنة كما أعتقدت.فلتنعم بتعذيب نفسك""

""سرعة اندفاع و دفء ذلك السائل الأحمر اللزج من بين شفتي جرحها و كأنها تتحدث بلغة الدمترى..ماذا كانت تقول""

بجد حلو اوي

تحياتي
علي فكرة .. انا حاليا بفتكس في حل الواجب اللي بعتهولي
الطلعة الجاية عليه ان شاء الله

سلام

 

بجد..بجد .بجد
جميل جدا
رغم اني مش فاهم نصه

ولكن اسلوبك كده..فيه ايــــه فيه ايــــه فيه ايــــه مش عارف

بس فيه حاجة حلوة

بيفكرني ب أحمد خالد توفيق

تحياتي

 

فعلا مشاعر متضاربه
ولكن لماذا نجعل مشاعرنا تتضارب
وحدى مشاعرك ضد الهدف
تحياتى لكى

 

*الخاتــــIraqi Ladyـــووون*

:( هو واضح قوي كدة :D

نورتيني يا جميلة

دمتي سالمة

...........

رئيس الهساسين

:>

حلوة حكاية تحليل القوة دية
مفكرتش فيها كدة بس برضو صح عندك حق
بس مش دايما الفراق بيبقي نتيجة عدم الرغبة
الظروف اقوي مننا :D

والله نفسي دية ساعات بتقول كلام حلو
.....

صعب قوي ان الواحد يتحمل عشان حد تاني و هوه مش مقدر دة

.
هههههههههه

المعني في بطن الشاعر

هوه ساعات مبعرفش اعبر بالظبط عن اللي عيزة اقوله فممكن يكون دة سبب الغموض
لو حضرتك استهوتك حاجة اوضحها انا هنا

بس صراحة يعني لابد من الاعتراف ان نفسي هيا اللي كاتبة الكلام
لإني كنت شبة نايمة وانا بكتبة
فهيا اتكلمت بقة و خدت فرصتها

حضرتك نورت

دمت سالم

.............

ورود و اشواك

ممكن برضو :(

............

هل تستطيع احياء ميت قتلته دون قصد ؟؟؟

اعجبتني كلمتك بجد جداً جداً جداً

ادتها احساس اكتر

تسلميلي يا قمراية

نورتيني واللهو تعليقك خطير

دمتي سالمة

............

كوشيا


بجد حاجة وحشة قوي الشك و الغيرة اللي بتعمي الواحد
بتدفعة لحاجات بيندم عليها بس بيكون فات الاوان

ساعات بندبح اللي قدامنا
او نشوفهم بيغرقوا واحنا مش عارفين اذا كانوا بيغرقوا فعلا

أنا فاكرة في مرة
كانت عيلتي بتغرق وقاعدين يشاورولنا من بعيد

قعدت انا و قريبي واحنا صغيرين نقول
يا بختهم بيلعبوا بعيد
يا ريتنا كنا معاهم عشان نعوم بعيد قووي كدة في البحر

غباء مش كدة

بس بتحصل
و بتبقى صعبة قوي علي اللي بينزف و هوه شايف الناس بصالو ومش بتمد ايد العون ليه

مستنية حل الواجب يا قمر

دمتي سالمة

...........

آدم الغامض

لأ بجدددددددد مفيد

حقيقي مفيد

كويس انهم عجبوك برغم انك مفهمتهمش
انا مقريتش لأحمد خالد توفيق بس إن شاء الله احاول اقرا

لو عايز توضيح لاي واحدة انا في الخدمة

دمت سالم
...........

سلامٌ عليكم

 

رئيسة حزب الاحلام


لو كان بإيدي كنت عملتها من زمان

دمتي سالمة

سلمٌ عليكي

 

اولا احي اقولك ان البوست ده من احلى البوستات اللى قرتها عامة من فترة طويلة
بجد كلامك دخل جوايا وما كنتش عاوز البوست يخلص
كلامى خالى من المجاملة والكلوسترول تماما
**********************
الخاطرة الخاصة بالحسناء الساخنة ، عششت جوا دماغى ، انا حفظتها وتقريبا هرددها بعدك ، مع ذكر المصدر
***********************
الخاطرة الخاصة بأحبك يا والدى
عميقة جدا بشكل جعلنى استخدم عقلى لأصل لمغزاها ، لكن عندما وصلت للمغزا عرفت ان مجهودى كان فى محله
راااااااائعة
تحياتى دائما

 

ايه دة بس ؟؟؟؟؟
حلو جدا اوى خالص والله العظيم.......
بجد برافو عليكى

 

السلام عليكم ورحمة الله وبركاته


جميلة جدالكنها تكاد تكون مبهمة لانها تجارب
شخصية ...



و احلى حتة


هل كنت تعلم أني أعلم أنك لست والدي؟ولكن كلينا أدى دوره بإحتراففلأتم دوري ببراعة " أحبك يا والدي "



.ذاك القارب اتشح بالسواد لمغيبهاوتلك السماء تلونت بالحمرهوالبحر صار مزيجاً لامعاً من اللونينترى هل هذه هي مراسم جنازتك أيتها الحسناء الساخنة؟؟



جميلة المقاطع دى


بس إستفسار ... إيه مدلول الحسناء الساخنة



شكرا ليكى


و دمتى بكل ود

 

استراحة محمد

حقيقي مش عارفة اقول اية
بس فيه ناس كتير بتكتب احسن مني بكتير

الحسناء الساخنة من حق حضرتك طبعاً ترددها دة شرف ليا يا فندم

احبك يا والدي
ساعات مبنبقاش عارفيين اننا بنحب و بنعمل حاجة واحنا فاكرين انها مش نابعة من قلوبنا معنها نابعة منها


نورتني
وش رفتني بتعليق حضرتك

دمت سالم

..............

انجي


بجد؟؟؟؟؟؟؟؟؟؟
مبسوطة موت انها عجبتك :D

دمتي سالمة

.................

عمرو وجيه


عليكم السلام و رحمة الله وبركاتة


هيا مش تجارب شخصية خالصصصصصصصص

البتة
دية افكار كتبتها لما سبت لنفسي العنان


الحسناء الساخنة = الشمس ( الموقف دة ساعة الغروب)


شكراً إزي يعني

دنا اللي شكرا

نورتني يا فندم

دمت سالم

..............


سلامٌ عليكم

 

حقيقى كلام جميل
احلى من الصور اللى فى المدونة التانية بكتيييييير
استمرى فى الكتابة وسيبك من الرسم
تحياتى ليكى يا طبيبة واوعى تزعلى

 

كلمات معبرة ورائعة
تقبلى تحياتى

 

ِسبهلله

تسلمي يا قمر

أنا مش زعلانة بس أنا بحب الرسم و بحب الكتابة

هوه النوع دة من الرسم مش عاجبكوا ( في حين انه بيفكرني بحاجات داخل نفسي)

وبعدين هذة اول مرة اترك لإيدي لعنان انها ترسم بالطريقة دية
أكيد أكيد يعني انها ممكن متكونش كويسة

وبعدين معني انها مش حلوة مش معناه إني بطل رسم

لإن الرسم في دمي و أحبه

اسعدني تعليقك ( لإني مكنتش عارفة إن الرسوم مش حلوة لحد ما حضرتك و آدم الغامض قالولي )

لذا فأنا سعيدة بتعليقاتكوا

والله لما حد بيقولي حاجة بستفيد

دمتي سالمة يا قمراية

...............

قلب الأسد

تسلم ربنا يخليك
نورت

دمت سالم

..........

سلامٌ عليكما

 

عندك احساس عالي اهنئك علي كتاباتك الجميله

 

مش عارف حاسس انى اتلخبطت
بس الكلام حلو

 

عك ايه بس

انتى بتقولى حقااااااااائق

انا اؤيد كلماتك بشده

 

محمد حلمي مخلوف

سبحان الله والله الواحد وهوه مش واعي بيقول كلام حلو
لما عقله بيشتغل بيخرف
هههههههه
يبقي العيب في مين

طيب مفيش حاجة معجبتكش؟؟؟

دمت سالم

................


الموجة الزرقاء blue wave

ماهي عشان كدة مشاعر متضاربة

دمت سالم

............

أمل


متخيلتهاش كدة :|

اذن فأنت من المؤيدين لي ولحكمي و حكومتييييييييييي
:D

رائع محمد صبحي دة

دمتي سالمة

...........

سلامٌ عليكم

 

نعكوشة
بجد البوست المرة دي مميز .. أنتي عارفة أنا باحب النقد زي عنيا .. بس المرة دي شايف أنك تستحقي التشجيع .. وياريت تكتري في الكتابة من النوع ده لأنك مميزة فيه فعلا
عجبني أكتر من حاجه بس حسيت قوي بالمقطع اللي بيقول

لم تكن تلك حافظة أسراري التي فتشت بها.
ولم يكن هذا عشيقي الذي قتلته.
ولم أكن أنا خائنة كما أعتقدت.
فلتنعم بتعذيب نفسك للأبد!

محاولة موفقة جدا وبالتوفيق في القادم
تحياتي
.

 

لأن الكتابه في الاساس تنبع من اللاوعي ثم يتحكم الوعي بعد الانتهاء منها ويتلافي عيوب عدم الانتباه للفنيات اثناء الكتابة ولكن تظل الكتابة نابعة من اللاوعي

 

ليكي تاج عندي يا ريت لو تلتقطيه لو سمحتي :)

 

فارس بلا جواد

تسلم عالتشجيع
هوه أسمه إية النوع دة من الكتابة عشان يبقي عندي خلفية؟؟؟؟

جميلون جميلون

:D

تسلم و ان شاء الله ربنا يسهل

دمت سالم

..................


محمد حلمي مخلوف

ممممممممم

والله طلع لا وعيي دة بيقول كلام حلو
هههههههه

تسلم علي التوضيح

نورتني يا فندم

دمت سالم

................

ميرو

ينفع أخدو و مجاوبش عليه دلوقيت عشان لسة عاملة واجب؟؟؟

دمت سالم

...........

سلامٌ عليك

 

ليكى تاج روحى خديه من عندى بدل ما ابعت رجلتى يجبوكى بالعافية
تحياتى دائما

 

بصراحه أنا رأيى يمكن يكون مختلف عن الناس اللى علقت شويه ووالله مش تعمد للخلاف. بس يا نعكشه مش كان أحسن تصبرى شويه على نفسك وتجمعى الكلام الجميل ده فى قصص حتى لو قصيره شويه. أنا رأيى انك حرقتى الكلام الجميل ده بنشره متناثر كده. واضح ان كان فاضل خطوه واحده وخلاص تتكون قصه. ليه استعجلتى؟ وبعدين متسمعيش كلام سبهلله.....انا بحب رسوماتك جدا.....تحياتى وشكرا

 

استراحة محمد

أنا عملت الواجب دة قبل كدة

بس بجد تسلم إن حضرتك بعتهولي
:D

دمت سالم

................

محمد داوود

جميل اللي قولته
بس الافكار ملهاش علاقة ببعضها أصلا

يعني كل واحدة هتبقي قصة قائمة بذات نفسيتها

وبعدين كنت بكتبهم وانا نايمة

وبعدين أنا من الناس اللي بمل بسرعة

و فمش هكتب كل القصص دية

هيا جت كدة

هوه انا دايما مستعجلة و دة مش حلو فيا


وتسلم ربنا يخليك عن الكلام عن الرسومات

العفو
و شكراً علي كلام حضرتك
وان شاء الله ف يالمرات الجاية هبقي اخذة ف يالاعتبار

دمت سالم

..........
سلامٌ عليكما

 

ست نعكوشه هانم..
كلامك جميل جداً ويخترق القلب بسرعه رهيمه..على الرغم من ان كل مقطوعه فى وادى زى ماقلتى..
يعنى انا حسيت ان دى لحظات من حياتك..

ودى عجبتنى قوى..
.
هل تظن أن ما يؤلمني هو صفعتك على خدي المتورم؟؟
لا. أن ما يؤلمني هو أني انتظرت حتى لقيت صفعة أخرى من معتوة لم يقدرهول ما فعلت كي أتمكن من احتمال آثار الصفعة الأولى.
.

جميله جميله جميله وربنا يحميكى..

تقبلى تحياتى ومرورى..

 

ميادة رفعت

الله يخليكي

هيا مش لحظات من حياتي كلها

بس فيه مشاعر في نفسي تشبة إلي حد كبير هذة المشاعر

يعني المواقف مختلفة و الاحساس واحد

بصي هيا نفسي كانت واخدة اليد العليا لتكتب فلم استطع منعها

:D

اللهما مين

ربنا يحميكي و يخليكي و يحفظك يا رب
دمتي سالمة

سلامٌ عليكي