نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

الحمد لله



تحديث :

حلوة تحديث دية والله

طيب الحمد لله تجاوزت المحنة بسلام بعد معارك عصيبة ( و اكثر المتضررين هما أهلي ربنا يصبرهم عليا)

إن شاء الله هصالحهم الصبح

ممكن تقولولي مبروك بقة
وكل واحد ياخد جاتوهاية من اللي فوق دة ( معرفش اسمو إية) و عصير طماطم أو فجل
مش عارفة عصير اية
جرجير ولا خيار ولا فجل
بس هوه اسمو عصير و خلاص
ولونوا عجبني
كل واحد ياخد شفطة
كل واحد يجي بالشاليموه بتاعو
مش هينفع الوضع كدة
محدش يبقي أناني و يشرب عصير الفجل لوحده
دمتم سالمين
وربنا يخليكوا كلكوا يا رب
و منجيلكوش في حاجة وحشة
سلامٌ عليكم
........................................................


سلام عليكم و رحمة الله

صراحتاً مش عارفة المفروض أقول إيه
كتير منكوا دلوقتي لو قولتلوا النتيجة هيقولي ألف مليون مبروك و انتي معوقة و متخلفة إنك متضايقة
أنا بقول الحمد لله
الحمد لله
أي نعم في زوري غصة و مش عارفة أعيط
بس أنا بقول الحمد لله
أنا استاهل
استحق هذا
بس أهلي ميستحقوش دة
هوه قضائهم .......... أنا عارفة
بس هما عملوا اللي عليهم و أنا معملتش
الحمد لله
ربنا يصبرك يا والدي و ربنا يصبرك يا والدتي
أنا أسفة
اكيد مكنتش عايزاكوا تبقوا زعلانين
و أسفة كمان عشان لما جيتو تواسوني زعقت معاكو
و اسفة كمان لإني مش هعرف أقولكوا أسفة و عارفة إنكو مش بتقروا البلوج بتاعي
و أسفة إني باينة مش زعلانة ليكو بس باينة منرفزة
و اسفة لكل حد دعا
الحمد لله
صحيح انا جبت جيد جداً
الحمد لله
الحمد لله
الحمد لله
الحمد لله
فين الجاتوة بقة :D

38 قالوا رأيهم في العك اللي تحت ؟؟؟:

لو قلت لحضرتك ألف مبروك

يبقى غلط لغوى

و لو قلت ألف مبارك

هو إحنا مستحملين مبارك واحد ..لما يبقوا ألف ..!!

أحسن حاجة أقولها


فين الجاتو و الحاجة الساقعة

 

ممممممم

هو انتي من الناش اللي بتغلط وتستكبر تتأسف؟؟
روحي قولي انا اسفة وبوسي ايديهم ورجليهم كمان

--------
معلش بقى.. جيد جدا ايه بس

جيد جدا ده العادي بتاع طب .. واللي بيجيب جيد ده بيبقى فاشل وصاحبي وحبيبي وكفاءة

انا قلت اقولك لتكوني فرحانة ولا حاجة
P:

لازم اعكنن عليكوا يا ولاد ال.........

 

اولا الف مبروك
ثانيا لا لازم تعتذري لوالدك ووالدتك واكيد هيتفهموا الوضع ان شاء الله لازم يا نعكشه
اخيرا صراحتاً مش حرام عليكي برضه هيه صراحة ايه اللي انتي عملاه ده

 

مبرووووووووووك
بس طبعا أكيد أنتي عارفة أن التقديرات في طب مختلفة عن باقي الكليات .. وان الجيد جدا هو التقدير العام لنص الدفعة
عشان كده ربنا يكرمك السنة الجاية وتجيبي امتياز
بالتوفيق دايما

 

سبحان الله

هو الجيد جدا عندكو عادى ؟

احنا بقى عندنا المقبول بيساوى الامتياز بتاعكو !!

انا كلية علوم على فكره

بس الحمد لله جبت جيد جدا
وهطير من الفرحه اساسا

عندنا دى كدا معجزه :D

الف مبروك ياستى وبطلى عصبيه انشاء الله تتعوض وتيجى امتياز المره الجايه :)

 

جمعاوي روش طحن

في المحل

( قد إيه انا كريمة)

دمت سالم

.....................

آدم

ربنا يهديني
.........
صراحة محاولتش افرح نفسي بالنتيجة لإني مستاهلش إني ابقي فرحانة

دمت سالم
.......................

محمد حلمي مخلوف

ههدى ان شاء الله و اروح اعتذر لأمي
أنا اصلا محاولتش ابص في عين والدي
ولا في عين أي حد
ومحاولتش اني اسمع منهم كلام
بس أمي هيا اللي جت عشان تشوف لو أنا متضايقة

الحمد لله

مفهمتش باقي كلام حضرتك

دمت سالم
.............

فارس بلا جواد

الحمد لله علي كل حال
أنا بس عايزة مبقاش زعلانة بس مش عارفة
الحمد لله

دمت سالم

..................


آمال

ربنا يعزك يا رب و يفتح عليكي دايماً
تسلمي ياق مر

دمتي سالمة

..............

سلام عليكم

 

السلام عليكم

عسى ما شر

اشفيج؟؟

لا تخرعيني عليج

؟؟

شنو صاير؟

 

مبارك عليكي ...
جيد جدا.. ؟؟
دا انتي دحاحة بقى على كدا ..
الف الف مبروك وربنا يبارك فيكي ..

 

ظلام Darkness

مافي شي الحمد لله
بس نتيجة الامتحانات ظهرت
ولم تكن مُرضِية إلي حد كبير
بس نجحت الحمد لله

ربنا يعزك يا رب

ولا خزعة ولا حاجة
الحمد لله علي كل حال

دمتي سالمة

................

ميرو

جيد جداً في طب = مقبول في معظم الكليات

الله يبارك فيك

دمت سالم

.................

سلام عليكم

 

بقى انتى زعلانة انك جبتى جيد جدا؟؟
هو انتى بنت دكتور فى كلية الطب؟؟
ولوانتى مش كدة يبقى تفرحى عالاخر
وتحمدى ربنا
وادى زعرودة من عندى
لولوليييييييييييييى

 

هى جيد جدا دى
حاجة ابيحة؟

ده انا لما جبت فى مرةمقبول
كنت هاعمل فرح
وانتى زعلانة علشان جبتىجيد جدا

طيب يا سيتى
مش هاقولك مبروك
هاقولك مليوم مبروك

هو الجاتوه ده مش المفروض انه عليكى
ولا ايه؟

 

لولولولولولييييييييييي
وزعوا الشربات يا بنات نعكشه نجحت وجابت جيد جدا
بجد الف مليون مبروك وعقبال كدة التخرج والنجاح في العمل
وربنا يوفقك دايما

ومبروك مرة تاني علشان المدونات الجميلة الجديدة بتاعتك

وبلاش تنسي تقوليلي يعني ايه سلامون عليكم

تحياتي

 

ياشيخة وقعتي قلبي في روكباتي
أخص عليكي

عوبالي يارب

ونعمل حفلة جاتوه كلنا في مدونة شخابيط :0))

ألف مليوم مبروك ياقمر و عوبال التقدير النهائي

 

الف مبرووووووووووووووك

تحياتى

 

الف الف مبروك يا قمر
شكلك هاتعمليها زيى وتبقى نايب جامعه:))
يلا شدى حيلك

 

ممكن اباركلك من غير ما تتنرفزوى على ..!
ربنا يكرمك يارب و يفرحك زى ومانتى عايزة

 

الف الف مبروك يا نعكوشتى
لولولولولولولىىىىىىى
ازازة الشربات يا واد يا بلية

بجد فرحتلك من كل قلبى يا نعكوشة
يا رافعة رايتنا يا عسل انتى

و روحى اعتذرى لطنط و عمو بقى و كل اهلك
واختك اللى انتى مشغلاها طول اليوم نايمة و قاعدة و ماسكة المخدة ههههههه

ربنا يوفقك ديما يا رب و مستنية تقوليلى انك صالحتيهم بقى

 

مبروووووووووك
ايه المفاجاة دي
النتيجة طلعت بدري ليه
جيد جدا كمان

عقبال كل سنة ان شاء الله
بالنجاح والتوفيق ان شاء الله

فين الجاتو و الحاجة الساقعة؟؟

 

سبهللة

ربنا يخليكي يا قمراية ويعزك
الله يبارك فيكي

دمتي سالمة

.................

بت خيخة و أي كلام


لووووووووووووووووول

خلاص عندي دية أنا غلطانة
الحمد لله علي كل حال

جاتوة إية
فينا من جاتوة
مفروض انتو اللي تدوني الهدية
ولا إية
مش انا اللي زاكرت ( آل يعني زاكرت)

نورتيني

دمتي سالمة

...................

نورة الخشن

سوني

معلش كنت مخضوضة ساعتها بس الحمد لله تجاوزت الامر
لا إن شاء الله ربنا يكرمك و يسعد قلبك دايما وي فرحك بالنتيجة دايماً يا رب

دمتي سالمة

..............

الموجة الزرقاء

نايب مين ؟؟؟؟؟؟؟؟؟

أنا بقول جيد جداً
إيه علاقة الجيد جداً بالنواب ؟؟؟؟؟
لووووووووووووووووول

أضحكتني حقاً

ربنا يعزك يا رب

دمت سالم

.....................


sou

الله يبارك فيك

اللهم آمين
كل المسلمين و أنا إن شاء الله

تسلم يا رب

دمت سالم

...........

ورود و أشواك

عقبال عندك يا ست امو فاروق في حياتك يامو احمد

لوووووول

حاضر إن شاء الله صباحاً
( إن عشت وكان ليا عمر)

دمتي سالمة

....................

كوشيا

الله يبارك فيكي يا قمر

هناك في راس الموضوع
عصير قلقاس و جاتوة بطعم الشيكولاتة

دمتي سالمة

..............


شسلامٌ عليكم

 
This comment has been removed by the author.
 

الف الف مبروك يانعكشة بجد انا فرحتلك اوي ومش عارفة انتي ليه مش فرحانة؟ صدقيني انا بقالي سنتين متخرجة وان شاء الله هعمل دراسات عليا عشان الفرحة دي اللي انتي بخلانة علي نفسك بيها
والله يابنتي فرحة النجاح دي مافيش زيها لا تقوليلي جواز ولا حمل وولادة
آه كل ده يستاهل نفرحله بس اكيد مافيش زي فرحة النجاح
ولو انتي حاسة انك قصرتي خدي قرار انه ميحصلش تاني وخلاص وحاولي تتفادي اخطاء السنة اللي فاتت واستقبلي السنة اللي جاية ببساطة
مبروك يانعكووووشة النجاح الف مبروك ربنا معاكي

 

مبروك على ايه؟ انا مقولش مبروك الا لما اعرف التقدير ....ايوه طبعا ممكن اشرب عصير الفجل (على فكره هو غالبا عصير كيوى) واكل الجاتوه كله كمان بس مقولش مبروك الا لما اسمع كده من جيد لحد امتيازاقل من جيد حقولك لا يا ماما كينفعش كده بس برضه حاكل واشرب طبعا.....تحياتى وشكرا

 

مبروكككككككككك
كده حسيت انى بطة ههههههه
يس ان شاء الله السنين الجاية امتياز عشان جيد جدا دى شعبية فى طب ههههه
انا مش بحبطك انا بردو بعمل كده مع اصحابى
محدش بيشوفك ليه فى المدونة ابقى عدى:)

 

نعكوشه
*******
ولا تزعلى نفسك على ايه يعنى
التعليم بتاعنا ده لا بيقدم ولا بياخر
وكلنا والحمد لله كده
بمصتلحك الرقيق ( متخلفين )

وعلى فكره البتاع الى انتى حتاه فوق ده لذيذ جدا كويس انى كنت جمب البلكونه
وبلاش التورته الله يخليكى

وبما انى رخم الف مليووووووووووووون
مبروك

يكفيكى حب المدونين لمدونتك واعجابهم بها واولهم انا ومتابعتهم لها وبلاش نكد الله يخليكى.

( سلاموز منقوله )

 

ألف مبروووووك يا نعكوشة
و ماتزعليش قوى كده
لسه فيه سنين جايه و سنه خامسه و سادسه درجاتهم عاليه و أحيانا بيشيلوا السنين اللى قبل كده
افرحى كده و صالحى مامتك و باباكى لأن فى الآخر مفيش كلية و لا غيرها هتنفعك
و رضاهم عنك بس هو المهم
ألف ألف ألف مبرووووووووك

 

السلام عليكم

مدونة محبط أفندى

مدونة ..بس للمحبطين ..
ومين فينا مش محبط من حاجة ؟؟

بس يلا بينا ..نحاول اننا نخرج من الاحباط دة

ونشوف اخرتها ايه!!

ونعيش مع الامل ..وياااارب
:)

نتمنى من الجميع المتابعه .. والمشاركة ..والمساعده


الميل ..
amohbat@yaho.com

 

مباااااااااااااااااااااااااااااااااااااااااااااااااااااااااااااارك عليكي يا نعكوشة

وياستي اذا كان الجيد جدا بتاعكم ده العادي فان شاء الله السنة الجاية تعوضيها وتجيبي امتياز باذن الله

انتي بس فرفشي كده

صحيح انا كنت داخلة البلوجة ومعايا دستتين جاتووووووووووووووه عشان الجيران المدونين ،بس الدنيا كانت مكركبة اوي ومنعكشة ومعرفش وقعوا مني فين

ابقي لو لقيتهم نادي علينا مش تاكليهم لوحدك هاااااا؟

هههههههههههههههههههههههههههه


مبارك لكي يا نعكوشة

 

مبروك يا دكتورة
الجاتوه طعمه جميل جدا

 

ألف ألف مبروك عقبالنا يارب

 

مبروك النجاح والمرة الجاية يكون امتياز ان شاء الله
على فكرة العصير ده طلع عصير جرجير مش فجل

 

لأ مبحبش عصير الفجل انا عيزة عصير لب أبيض .. هى كده رزاله

مبرووووووك .. كل العيال نتيجتهم طلعت ونجحوا الجموسة الوحيدة اللي نتيجتها مطلعتش انا وانشاء الله مش هتطلع خاالص

 

مبروك يا نعكوشه اول مره اجى عندك لقيتك نجحتى ممكن بقى تسرحى شعرك المنكوش ده و تغسلى وشك و تدينى اكمل العصير كله عشان خاطرى و النبى
مبروووووووووووووووووك تانى مره

 

السلام عليكم
مبروك النتيجه وعقبال المتياز في السنين القادمه إن شاء الله,,
الجاتوه و الحاجه الساقعه وصلت خلاص..كفايه علينا الصور,,هننهب..
تحياتي ومبروك ثانية..
سلام

 

د موني

ربنا يخليكي يا رب
الله يبارك فيكي و يعزك
تسلميلي يا قمر
و إن شاء الله هحاول اتفادي اخطائي
دمتي سالمة

...........


محمد داوود


هوه انت متأكد إنك قريت كل ال post

الله يبارك فيك


دمت سالم

...............


الأميرة Princess


الله يبارككككككككك فيكي ( عشان نقلبها عشة:D(
انا قريت آخر موضوع ليكي بس لست أُهل للرد عليه

دمتي سالمة

..........


احمد ( أنت و صاحبك)

عندك حق والله

الله يبارك فيك
تسلم يا رب

دمت سالم

...........

بنت مصرية


خلاص انا فكيتها خلاص
وبقيت فُلّه الحمد لله
انش اء الله ربنا هيسهل

تسلميلي يا قمر

دمتي سالمة

............


محبط أفندي

ربنا يكرمك
جيتف ي وقتك

دمت سالم

..............

سفروتة

الله يباركك فيكييييييييي

تسلميلي يا قمر

هما الدستيتين الجاتوة دول كانوا بتوعك 8-)
انا قولت رزق و جالي
مكنتش اعرف :$
تعيشي و تجيبي يا سفروتي

دمتي سالمة

.............

د محمد ربيع هاشم

الله يبارك فيك

أنا اللي منقياة بقة

دمت سالم
.................

فتي مصر ( مصطفي )

الله يبارك فيك يا رب

دمت سالم

.............

موناليزا

الله يبارك فيكي
ان شاء الله

الجرجير مفيد برضو و لظيظ :|

دمتي سالمة

...............

نورة الخشن
لب أبيض ؟؟؟
دة أخو لبن العصفور كدة ؟؟؟

إن شاء الله نتيجتك هتطلع
وهيسعدك بيها يا رب

و يفرحك و يرضيكي

دمتي سالمة

...............

صيدلانية طالعة نازلة

ما قولنا هاتو كريم و مشت عشان المشت بتاعي ضيع محدش عبرني

الله يبارك فيكي يا قمر

دمتي سالمة

..................

د ميم Dr . M


عليكم السلام و رحمة الله

الله يبرك فيك
إن شاء الله

ايوة صح

اشيل الصور ولا إية :

هههههههههه

دمت سالم

..............

سلامٌ عليكم

 

الف مبروك ياقمر معلش متاخره حبتين بس اعذرينى

متبقيش طماعه جيد جدا مش عجباكى وبتتنرفزى وتزعقى كمان

بس السؤال هيا مال النتايج ظهرت بدرى كدا ليه ولا انا اللى مبقتش احس بالوقت

 

سمر الشافعي

الله يبارك فيكي يا قمر
و يخليكي

مش بدري قوي
احنا عندنا في طب بيعلمو اول ما بنخلص الامتحانات علي طول
في السريع يعني

خدي جاتون و عصير

دمتي سالمة

سلامٌ عليكي

 

ست نعكوشه هانم..
ماليش دعوه انا عاوزه جاتو ميلفى مش ليا دعوه بقى..
ومبشربش جرجير انا عاوزه فيروز وياريت بقى يكون اناناس..


الف مبروك ليكى انا نعكوشه وبالتوفيق والنجاح دايماً وياربى تحققى آمال والدك ووالدتك اللى تعبوا علشان تكونى كده..نعكوشه هانم..

طعم النجاح جميل جداً ميحسش بيه الا اللى جربه وبصدق..


ربنا معاكى ويباركلك فى والديكى آمين..

تقبلى تحياتى ومرورى..

 

ميادة رفعت

وعندك دستة جاتوة ميفي لميادة هانم و فيروز اناناس و صلحوا

اللهم امين

ربنا يخليكي يا قمر

و يعزك
الله يبارك فيكي

دمتي سالمة

سلامٌ عليكي