نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

ساعدوني يساعدكم ربنا :(

سلام عليكم
خلاص تم حل المشكلة تسلموا علي جهودكم معانا ربنا يخليكوا يا رب و يفتح عليكو
ويكرمكوا
ويعزكوا
ويطعمكوا ما يحرمكوا
و يقويكوا علي مين يعاديكوا
آمين
تحديث هذة الصورة تعبر عن الموقف




عند استفسار؟؟

وانا رايحة انزل بتاعة جديدة عشان انهاردة خلصت امتحان لارمد بقة
حلو وحش مش مشكلة المهم هم و انزاح ( لسة شفوي و عملي يا فالحة)
المهم

وانا جاية انزل رسالة جديدة

لقيت البتاع بتاع الرسايل مفيهوش الالوان
ولا التكبير
ولا نوع الخط

ولما جيت انزل صورة
حولها لطريقة html <<< مش هيا صح كدة وبما إني ضليعة في لغة الكعبروتر فانا معرفتش انزل حاجة وقولت أسئل المسؤولين لذا اناشدكم يا اصحاب القلوب الرحيمة ان تقولولي كيف ارجع امكانية استخدام الالوان وعدم استخدام طريقة html ........... محلوظة روحت للتعليمات Why don't I see all the text formatting buttons? وقام قالي مشكلتين يا إما البراوزر بتاعك مبيظهرش البتاع دة ( ودة لأ لاني كنت بشوفوا قبل كدة و بستخدمو) يا إما ( انتي مش عاملة yes في الكومبوز ) If you are using a supported browser, make sure that you have the Compose Mode option set to "yes" on the Settings Basics tab. Then your posting form will show both Edit HTML and Compose tabs. The Compose tab contains all the formatting options.

و صراحة معرفتش البتاعة دية فين

لو حد عارف يقولي

ودمتم سالمين
جزاكم الله خيرا

10 قالوا رأيهم في العك اللي تحت ؟؟؟:

أول تعليق....لولولي

يا عينى يا حبيبتى كان نفسى أساعدك بجد...بس أختك ولله الحمد....احم ساقطة كيك!!

يعنى مابفهمش فى الكمبيوتر خااااااالص و ماشية بالبركة..

 

جربي عيى بروزر تاني زي فاير فوكس

 

سلام عليكم

مي
اصلا المدونة لو جيتي بعد شهر هتلاقي نفسك اول تعليق :D فمش هتفرق خالص

تسلمي عالمشاركة الوجدانية

.....

مواطن المصري

الفكرة مش في البراوزر : دة لإني كان عندي الأوبشن اللي هوه البتاع اللي بيغير الخط و الألوان و يخلي الصورة تبقي صورة مش مجرد لغة html

وبما اني بدعبس كتير و بحاول اعك و افتكس فأكيد انا بوظت حاجة من غير ما أعرف
أنا عايزة اعرف منين بنتحك في وجود او عد وجود أوبشن الالوان و الخطوط و ال center , left, right و الحاجات دية

و دمتم سالمين

تسلموا عالمساعدة

سلامون عليكم

 

السلام عليكم
بصى يا جميل انا كان عندى نفس مشكلتك دى وفضلت وقت طويل كده
لو عايزة حل سريع نزلى نسخة ويندوز جديدة
او تستنيها لما تتعدل براحتها لان واضح ان بيبقى حاجة غلط فى البراوزر بس انا معرفهاش

فنزلى نسخه احسن مش هتاخد ساعه وتريحك من التعب ده

 

بصي يا ستي
انا دورت على الموضوع عندي في صفحة النشر
هتلاقي وانتي بتكتبي فوق المربع اصلا اللي بتكتبي فيه البوست على يمينه من فوق مربعين واحد مكتوب فيه كلمة
edit HTML
,التانيه
compose
والمفروض اننا كلنا مختارين كلمة
compose
لكن واضح انك دستي بالغلط على كلمة التانيه
edit HTML
يبقى الحل هتيجي بالماوس فوق الكومبوس دي وتدوسي عليها هتلاقي الصفحه حملت وبقت زي الأول تاني
ويارب الطريقه تنفع معاكي
وابقي قوليلي على النتيجه


سلاااااااااااااااااااااااااام
لو عايزه استفسار اكتر مممكن اعملك برنت سكرين من الصفحه وابعتهالك
سلااااااااااااااااام

 

داخل اصبح صبح يا عم
الحج

عاملة اية في الامتحانات

 

سلامون عليكم

فاطمة ( بحب الأسم دة قوي) المهم

برضو حصلك كدة و فجأة يعني الفكرة عيب براوزر ؟؟؟؟؟
ممممم

طيب تفتكري إية المشكلة اللي حصلت؟؟؟؟

مش عارفة
...........

الشنكوتي الكبير

منا معنديش الاوبشن دة أصلا
اني اغير من html ل compose

..........

عمرو

صباح النور
بخير نحمدو
ملناش غيرو والله

ربنا ييسرها علينا جميعاً
آمين

 

شوفى يا دكتور على اعتبار ما سيكون فى المستقبل القريب او البعيد

ادخلى على ال
setting
وبعدين
انزلى لغاية الاختيارات بتاعت ال
basic
وانزلى لغاية
Show Compose Mode for all your blogs?
اختارى
yes
وبعدين
save
وخلاص
لو الحكاية مانفعتش يبقى المشكلة فى النعكشة فى ايام الامتحانات ليس الا
:))

 

حبيبتى / نعكشة

اول مرة ازور مدونتك وهى عجبتنى اوى ماشاء الله روحها جميلة زى صحبتها

اسمحيلى اضيفها عندى
بارك الله فيكى يا جميل

تقبلى تحياتى

 

راجي

يعني والله جزاك الله خيراً

مش عارفة اشكرك ازاي صراحة

منتحرمش منك

سلمت يداك علي الوصف

دمت سالم
........

اختي في الله

تنوري يا جميلة
وتسلمي عالزيارة

و اضافتها عندك دية حريتك
حضرتك اللي بتقري :D

دمتي سالمة

سلامون عليكم

هروح اكتب البتاعة بقة :D