نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

في هذه المناسبة

سلام عليكم
باديء ذي بدء
هوه انا ملاقتش صورة تبعبر عن المنظر اللي الست اللي في البتاعة اللي تحت دية قاعدة علية
فاهوصفلكوا المنظر قبل ما تدخلوا القصة
هيا قاعدة علي فراش وثير ( حلوة وثير دية) المهم يعني و قاعدة بألاطة ( إلا صحيح يعني إية بألاطة في اللغة العربية) في أوضة ضلمة بس فية نور جاي من بعيد ساندة ظهرها مش قوي علي السرير يعني نايمة مش نايمة وماسكة في إيدها كوباية القهوة الساخنة
علي فكرة القصيدة اللي في الآخر هيا بالظبط القطعة النثرية
أدخلوا بقة في البتاعة
آه صحيح ( يا ريت نقد للعمل الفني (حلوة عمل فني دية والله آل يعني شكسبير) المهم يعني انقدوا البتاعة من حيث الكلمات و اللغة و الفكرة و الموضوع و كل حاجة بلاش بليز حلوة و مع السلامة أو وحشة كتر خيرك كدة عايزة نقد يا شباب ( الشباب شباب القلب و الروح) .
اترككم معها




ارتشفت قدح القهوة الذي أعددته خصيصاً لهذه المناسبة.
حاولت أن استمتع بالقهوة قدر استطاعتي فأنا لست من محبيها إلا أنني تصنعت الأستمتاع حتي وصلت إلي درجة الأستمتاع.........
أطفئت أنوار غرفتي إلا من نور أصفر خافت ينبعث من خزانتي التي تركتها مفتوحة .....
رحت اتأمل في تلك المناسبة تاركه لعقلي عنان التفكير.
لم أعلم بم أفكر أولاً و لم أجد الموضوعات المناسبة لحالتي المزاجية .
إتخذت عيني طريقها إلي مصدر الضوء ثم قالت : لم لا ترتدين ملابس تليق بهذه اللحظات...... ابتسمت ابتسامة رضا عن هذا الرأي...
رحت أقلب بين تنانيري و فساتيني حتي عثرت علي فستاني المفضل .. إلا أنه كان قديما ... و هذا هو المطلوب .....
ارتديت ملابسي و انتعلت حذائي ذا الكعب العالي- برغم صعوبة أن امشي به - ثم عدت مرة أخرى إلي سريري في نفس الوضع الذي كنت عليه
مددت قدمي بحذر كي لا تتسخ الملآة ... فتسآئلت وماذا سيحدث إن اتسخت ........ سأغسلها ........
مددت ساقي عليها بكل اعتزاز و رحت أفكر .
.
هل أكتب عن كيفيه استمتاعي بالقهوة برغم كرهي لها ..
.
أم اكتب عن حبي للنور الخافت برغم خوفي من الظلام .....
.
بل سأكتب عن قطتي التي تركتني من أجل أن تكون مع صديقها القط....
بدأت اتذكرني وقد كانت قطتي توقظني صباح كل يوم كي أحضر لها اللبن و بعد أن أقبلها أفعل لها ما كانت تطلبه مني تماما .
.
لا .. سأكتب عن تلك الورود التي كانت في مزهريتي طوال خمس سنوات و تخلصت منهم فقط منذ أسبوع....
يآآه . أذكر هذة الورود و المزهرية في أول مرة ألتقيت بهما ومدى اندهاشي و اعجابي بجمالهما . عاهدت نفسي ألا أتخلص منهم إلا أن ...
.
لا لا سأكتب عن تلك السيارة التي كانت ترافقنا في طريق ذهابنا و عودتنا من و إلي الحفل السنوي السابع لكُتّاب الجيل.
كم كان سائقها مريب حتي أنني كدت أن اتصل بأحد أقاربي إلا انني عندما وصلنا إلي البيت نزل من سيارته الفارهة و أقترب مني ... ارتعدت و سرت قشعريرة في جسدي فباغتني بقوله : أنا من بعث بالورود .... صرخت بعقلي و رسم وجهي إحساسي : ياآآآه أنت ..
.
ارتسمت بسمة و دمعة في آن واحد . ثم تنهدت قليلاً و عدت أفكر عن ماذا أكتب في هذة المناسبة..
.
علمت أنه يجب أن اكتب عنه
انطلقت علامات الرفض من عقلي ... لا . لا تفتحي هذا الموضوع في هذه اللحظة الممتعة .
.
قلت : و لم لا ، فبرغم كرهي له أحبه
وبقدر بعدي عنه أحس أنه بداخلي
وحتي حين تخلصت من قطته ووروده
ومن وجوده معي
جعلته بذلك يتملكني و يسيطر علي عقلي و تفكيري .
.
كنت قد اعتدت القطه حتى صارت مملة و لكني الآن في كل صباح أذكرها و اتمني لو تعود لتداعبني كما كانت تفعل و أذكره ايضاً.
كنت قد اعتدت المزهرية و الورود و صارت لا تليق بالوضع الجديد بغرفة المعيشة و بعد أن ألقيت بها صرت أحلم بها أن تعود و أحلم به .
كنت قد اعتدت وجوده معي في كل عام في هذه اللحظة .... يوم زواجنا ..... و صرت الآن اشتاق إليه و أشعل ذاك النور الخافت الذي يذكرني به و يعود بي إلي رومانسيتي القديمة.
.
احبه فقد علمني كيف استمتع بما لا احبه حتى احبه.
احبه فقد علمني أن الحب لا يجب أن يكون متبادلاً كي نحس بلذته.
احبه فقد علمني أن التمس السعادة في كل احوالي.
احبه ........... ولكني لا أريده.
.
نعم ساكتب عنه و عن قطته وعن زهوره و اعتزازي به و تقديري له فمن دونه ما كنت لأصل لما أنا فيه من الشهرة الأدبية و سأكتب ايضاً عن تلك المرأة التي سأشكرها فلولاها لما علمت أنه ما كان إلا ليستمتع بوجوده معي ولا يحبني فصرت أمقته ..... ولكني أحبه ... ولا أريده .
.
انتهيت من قهوتي . و نظرت في فنجاني فوجدت وجهه محفورا
و بقلمه قد خط سطورا
أقرأها . فأحن إليهِ
فأبحر . في بحر لُجّيٍّ مسجور
و أقاوم , و اصارع
و أقوي قلبي المفطور
وما أن ارسي بمركبتي
أتذكر ماضييِّ المدحور
فأهيم بوجهي ... و أضل طريقي
فأعود لأقرأ كلماته
وترشدني بنورٍ مسحور
وأضل طريقي
وترشدني
وأهيم
وبحار العالم صارت تعرفني
علمني حبه أن أبحث
و بنيتُ من بحثي قصورا
.............................................
.
حكوك الطبع و النشل محفوسة لنعكوشة

58 قالوا رأيهم في العك اللي تحت ؟؟؟:

السلام عليكم
عجبتنى القطعة الشعريه اكثر من القصة. شوفى يا ستى انا معنديش القدرة انى انقد من الناحية اللغوية والإسلوب والحاجات دى مع ان دراستى نقد بس عديها دى مش مشكلة.
لكن المعنى حساه اوى ساعات كتير مبنبقاش عرفين احنا بنحب الشخص ده ولا لأ.بنحبه بس مش عوزينه ومش عوزينه بس بنحبه بس انا كدة اتلخبطت كفايه بأة
سلااام

 

عليكم السلام و رحمة الله وب ركاتة

كويس إن فيه حاجة أصلا طلعت حلوة
بداية مبشرة

لأ استني ... اقفي بس هنا ... دراستك نقد و مش عارفه تنقديني
لأ بليز لازم تنقدي
يلهوي يعني يبقي عندنا واحدة ناقدي و متنقدش
لا لا لا
انا لن اتنازل عن النقد
لا بجد فعلا لن اتنازل
لو قريتي ردي
بليز حاولي أن تنقدي البتاعه ممادرستيه

انا بحب اتعلم
و لو فضل الناس تقول حلوة بس او وحشة بس مش هتعلم حاجة
.........

أنا لحد دلوقتي مش فاهمة ما هي كنهة الحب ولا اساليبة ولا صفاته
ومش عارفالو حاجة

لا متلخبطينيش معاكي و تمشي
شخبطي بس بهدوء

تسلميلي يا قمراية

دمتي سالمة

 

عجبني اوي السلاسة في القصة و طريقة عرضك للحاجات واحدة ورا التانية و ربطهم في النهاية بشيء واحد

جميل

 

اولا النقد الجامد اللى فى العظام
الاخطاء اللغوية :
***************
جمع موضوع موضوعات وليس مواضيييييع
القطة تكون مع صديقها القط وليس من صديقها القط
وبعد ان اقبلها افع ؟؟؟؟
مدى اندهاشى وليس مدا
اعجابى بجمالها وليس بجمالهما
فلولاها لما علمت أنه ما كن إلا ليستمتع بوجوده معي... المعنى غير مفهوم
أم اكتب عن حبي للنور الخافت برغم خوفي من الظلام ..موش ماشية
نور أصفر خافت ينبعث من خزانتي....النور الخافت ممكن ينبعث من الثلاجة لو تركنا بابها مفتوحا او الغرفة المجاورة مثلا ولكن الخزانة بمعنى دولاب الملابس فكيف ينبعث منه النور الا لو كان مصمم هكذا
والباقى زى الفل
:))
انتى عسل وسكر واخر جمال يا دكتور

 

انتى بتكتبى شعر هايل
تحياتى

 

وبعدين معاكى بقى؟
بطلى خفة دم تعبتينى:))

 

كاتشب

أصلا أصلا وانا بكتب القصة مكنتش عارفة أنا هكتب إية و عن إية
ولما اتجمعت في إيدي شوية خيوط عملتهم ضفيرة
وبالشكل دة نقدملك وجبة صحية عصرية اقتصادية لكي سيدتي

دمت سالم

.................

راجي

يعني مش عارفة حكيكي حكيكي لأ بجد تسلم

تم التعديل بس

أنا دلوقتي معجبة بالورود + المزهرية = 2

يبقي بجمالهما
ولا إيه ؟؟؟؟


فلولا تلك المرأة اللي جوز بطلة البتاعة سابها عشان يبقي معاها كانت هتفضل عايشة فاكراة بيحبها و بتاع
وطلع بيخونها
او طلع متجوز عليها
او طلع مبيحبهاش
بس بيستمتع بوجوده مع بطلة القصة زي اكنها بدلة جديدة و لما زهق منها راح لواحدة تانية

الخزانة فعلا مصممة إن فيها لمباية صغنونة صفرا فوق

هوه أنا كنت حاطاها مفتوحة لشيء في عقلي لربما عرفه القاريء أو لأ

إنها قبل ما تروح تقعد علي السرير و تقرر تستمتع بالمناسبة دية في بيتها كانت بتفكر تخرج بس قررت تقعد في البيت زي كل مرة و سابت باب الخزانة مفتوح بدل نور الشمع اللي كانت بتنوروا ( هوه المعني في بطن الشاعر زي ما بيقولوا وأنا من النوع اللي بمل بسرعة و مبستحملش اكتب حاجة طويلة ولا أقرا موضوع طويل)
فسايبة القاريء يفكر في البتاعة بمزاجوا هوه
بس

وربنا يخليك للغلابه
دمت سالم

...................

شفقة هانم و إحسان بيك

هايل من أنهو إتجاة

يا جماعة انقدوني انشاة تقولوا وحش مش هتضايق بس قولوا وحش ليه او حلو لية

دمتما سالمين

..............

موجة زرقاء

هوه فين خفة الدم في الموضوع ؟؟؟؟

دمت سالم

...................

سلامون عليكم

 

بصراحة رائعة جدا
اشكركى على زيارة ندونتى واتمنى ان تتكرر
تقبلى تحياتى

 

يعني باستثناء الابيات الشعرية الجميلة اللي في الآخر أقدر أوصف الموضوع بأنه عبارة عن خواطر.. مش ينفع قصة ولا قطعة نثرية أدبية
والخواطر دي تعكس اضطراب في الشخصة وتناقض في الافكار والرغبات.. خواطر شخص عايز كل حاجة ورافض كل حاجة.. يبقى الاحسن نتصل بالعباسية..هههههههه

نصيحتي ليكي بلاش تشربي القهوة مادام مش بتحبيها..ههههههههههه

وبعدين انا عندي اعتراض شديد على الجملة دي:احبه فقد علمني أن الحب لا يجب أن يكون متبادلاً كي نحس بلذته. لأن الحب لو مش متبادل يبقى جحيم

كفاية كدة

 

والله عسل واختيراتك برضه عسل اوي
ربنا يبارك فيكي
بس انتي دكتورة ولا مشروع؟؟؟!!!!
احبك في الله

 

صباح الفل

انا بقى اختلفت مع مجرد خواطر اعجبت بالقصة اكثر من القطعة الشعرية.. ورجاءا لا تاخذي اعجابي من عدمه محمل النقد الادبي هو مجرد تذوق واحساس

بالنسبة للتخلصها من اشيائه فهي ما تخلصت منها الا لانها تعذبها .. من الجلي جدا حبها

 

نقد إيه بس دي بت واصلة دا بقالها سبع سنين بتحضر الحفل السنوي لكتاب الجيل..
بس صحيح هيا بتطقّم ليه لما بتيجي تكتب؟
بالنسبة للشعر ماليش في قواعده عشان أنقد..
بس نحويا , المفروض "نظرت في فنجاني فوجدت وجهه محفور(ا)" منوّنة..
تاني حاجة إن "مسجور" إتكررت مرتين في القافية..
لكن الموضوع رائع ..
والشعر مالوش حل..

 

بصي يا ست النعكوشة
انا مش شطورة فيالقصة القصيرة وما اقدرش اقول رأيي غير اني ماحستش فيها اللي بحسه ف قصص تانية
حسيتك بتحكي موقف عشته معاكي وحسيت تفاصيله
يمكن القصة القصيرة التفاصيل فيها بيبقى ليها طعم تاني،،،، بجد مش عارفة يا نعكوشة
انما حسيتك بنوتة بتقول حاجة وانا معاكي بقرأ وبعيش اللحظة
زي ما تكوني صاحبتي وبتحكيلي
فاهماني يا نعكوشة؟؟
بس لذيذة،، حتت فيها حسيت اني عايزة افكر ،، استفزيتي خيالي ف حتت عشان اقول يا ترى هو حصل ايه؟ وايه حكاية السواق وكده فاهماني؟
كمان حاجة صغنونة اوي ومهمو اوي اوي،، النحو،، محتاجة تبصي ع الاخطاء النحوية عشان الحلو يكمل

نهايته،، شربات يا نعكوشة

مها ميهوووو

 

انتي مش عيزة حد يقولك حلو طب بالعند فيكي حلو ايه رأيك بئى
بس هقولك على حاجة وحدة بس

وما أن ارسي بمركبتي

(وما أن) ولا (وما إن) ولا انتي تقصدي (ما من) اصل الاتنين الاولنيين ليهم حاجة والتالتة دي ليها حاجة تانية

بس فالمجمل جميل اوي انك ختمتيها بالقصيدة والفكرة كمان حلوة اوي
يعني لو كنتي حكتيلنا هتكتبي عن ايه منغير متكتبي او خلتيها مكتبتش حاجة كنت هضايق منك
على فكرة حاتلي الكرة دي بعد بوست قط ناعم
كنت المفروض احط قصيدة مطلعها
وداعاً أيها المغرور دع العجرفة تدفعك والغرور

بس انا اللي غبية وفرحت اوي لما لئيتك عاملة الحكاية دي

وبمناسبة ان مدونتك عجبتني وانشاء الله جاية تاني ليكي عندي هدية بس خليها مفجأه وهدعي انها تعجبك انشاء الله

تحياتي
ــــــــــ
نوره الخشن

 

اولا هناك اناس يلعبون على اوتار احاسيسنا الحانا رائعه يخلدون فينا ذكرى لا تمحى انا اعجبتنى القصيده جدا ولكن اسمحيلى نعكوشه يبدو انك تعانى من تباعد فى الافكار او فوضويه فيها لالالا تنزعجى انا ايضا اعانى من هذا المرض العضال ولكن هناك فرق انت افكارك المبعثره لها وقع جميل فى النفس ولديك ذوق فى اختيار الكلمات التى تعبر عن هذه الافكار المبعثره وهذه بدايه اى كاتبه عظيمه اما انا فافكارى المبعثره يبدو انى ساظل طوال حياتى الملم فيها (ادعيلى) وان حكمت يبقى لازم تزورينى فى العباسيه على فكره انا بحب الكاكا اعملى حسابك فى عشره عشرين كيلو .

 

قلب الاسد

تسلم

.............

في حب مصر

هوه انا عايشة في المتناقضات فيمكن دة اثر في الموضوع

بالنسبة اني استمتع بالحاجة برغم اني مبحبهاش

مينفعش اا كدة مش هستمتع بحاجة ابداً

هيا بتشرب القهوة هنا عشان كانت متعودة تشرب معاه القهوة عشان هوه كان بيحب القهوة
فبتشربها عشان تستمتع باللحظة

الحب لا يجب ان يكون متبادل حتي نحس بلذتة
انا بحب كل الناس برغم ان بعضهم مبيحبونيش
وبحبني و بفرح لما بعملهم حاجة حتي لو مبيحبونيش
واعتقد انك لو بتحب واحد حتي لو مش بيبادلك نفس الشعور إنك تعدي من جمبو و تصيبك الاحاسيس بتاعت الحب دية في حد ذاتها لذة
من حقي اني استمتع بيها
( مع اني مليش فيها بس يلا)

تسلم علي النقد

دمت سالم

...............

نونو

ربنا يخليكي يا رب و يكرمك
بس مقولتيليش عجبك إية فيها

لا انا مشروع لسة
يااة قدامي لسة كتييييييييييييييييييير

ربنا يستر

دمتي سالمة

..............

لمياء محمود

صباح الياسمين

دايما بقول إن اللوحة الفنية ( الصورة) او المقطوعة الشعرية النثرية او الادبية بيحس بيها القاريء و بيختلف كل قاريء عن التاني في نظرتوا للحاجة

تصدقي

مكنتش عارفة انها تخلصت منها لانها تحبه بس اعجبني جداً ان انتي حسيتي بيها كدة و شوفتيها كدة
و هيا بتحبه
وانا حبيت تعليقك

دمتي سالمة

..................

أنت

تسلم يا رب علي التعديل النحوي أنا فعلا محتاجة ادرس عربي عشان منظري بقة بطاطا خالص

هيتم التعديل ان شاء الله
مسجور التانية = مسحور سوري علي الخطأ المطبعي

باالنسبة للتطقيم عشان الكتابة
لأ هيا بتلبس عشان انهاردة مناسبة عيد زواجها و هيا متعودة تلبس فيها و تستمتع بالقهوة

بس

دمت سالم

................

احسن تستاهل

مع إني مفهمتش حاجة
مع اني قريت تعليقك كذا مرة
وحسيت برضو بنفس نظرة البلاهة بس هرد علي قد ما فهمت ولو شوفتي تعليقي عبريني ولو مشوفتيهوش يبقي هتفضل نظرة البلاهة المهم

هوه انا معرفش اصلا اية فكرة القصة القصيرة
بس هيا مش خواطر هيا قطعة نثرية
تحكي موقف معين
انا مش بقول مجرد احاسيس
يعني هيا ممكن
واحدة قاعدة تعمل فلاش باك في حياتها
لو كفيلم هيجيبلك مثلا واحدة داخلة تلبس و بعدين افتكرت لما كانت بتبوس في قطها ولما قطتها سابتها او هيا اللي باعتها لصاحبتها عشان تبقي مع صاحبها القط و بعدين في يوم تاني حد خبط الباب و جابلها زهور

في الحقيقة انا معرفش اللي مفروض يتعمل في القصة القصيرة

لذا دعينا نسميها مقطوعة نثرية

اصلا وانا بكتبها كنت مستفزة نفسيا إني اعرف هوه انا بحكي عن إية في الاخر

يعني هتوصلني لإية حتة قطة و شوية زهورة و كوباية و ضلمة

يمكن انتي حسيتيني او حسيتيها
او حسيتي الموقف

ودة شيء كويس انو وصلك

جيتي عالوجيعة
انا فعلا فعلا فعلا محتاجة اظبط نفسي في النحو
تسلميلي يا قمراية

دمتي سالمة

...........

نورة الخشن

لأ يا اوختشي كدة صعب عليا

يعني ية الفرق بين وما أن و ما إن و إية اللي جاب و ما من في الموضوع ؟؟؟؟

- يعني لو كنتي حكتيلنا هتكتبي عن ايه منغير متكتبي -
يعني إية ؟؟؟؟

هوه مش غباء هوه قدر

وبعدين ماهي المدونة مدونتك
نزليها يعني ما المشكلة

نحن ف يالانتظار

بحب انا القصائد اللي فيها ترخيم علي الطرف الاخر او نبينلوا اننا خلاص مش محتاجينو
او اننا اقوي من غيرو


تسلميلي يا رب ربنا يخليكي

من اولها كدة هدايا

ينهار بتاع

ربنا يخليكي يا سكرة

دمتي سالمة

نورتيني

.................


سلامون عليكم

 

انا و صاحبي

اتفق معاك
الجملة اللي قلتها رائعة
فيه ناس بتلعب علي اوتار احساسيينا الحان رائعة يخلدون فيها

فعلاً

أنا عندي مشكلة بشعة ألا و هي إني منعكشة و الدنيا عندي متكلكعة تكلكعاً و افكاري كمان

الفكرة انك بتحاول تتغير

متيقنش بالهزيمة لإنك لو قلت انا هنهزم حتي لو جيشك ضخم هتنهزم
حاول و حاول و حاول
النملة بتطلع الشجرة كتير قوي و تقطع و برضو بتكمل
ولو في لحظة ايقنت انها مش هتعرف تطلع مش هتقدر تعيد الكرة

متقولش كدة علي نفسك
خليك واثق في ربنا ثم نفسك

انا و صحابي دايما بنقول اننا محتاجين دكتور نفساني
لو لاقيت واحد حلو ابقي قولي عليه
و انا بحب الفراولة هات معاك خمسة كيلو

دمت سالم

سلامون عليك

 

ياستي المشكلة ان البوست نزل خلاص والناس جت ردت وفي بعده بوست نزل انتاي ست العارفين فمش نافع اعمل تحديث أما عن النزول فاكيد هبئى انزلها لوحدها

والهدية بئى انا جبتهالك بس يارب تعجبك ولو حاجبة اي تعديل من حيث الصورة او شكل الكلام او الالوان اي حاجة بلغيني وانا فالخدمة
ولو مش حابه يتحط خالص مش هزعل انا عملته بس عشان حسيت ان مدونتك جميلة وناقصها بانر منعكش مش مكتوب فيه بكل نظام كده
وبالنسبة للصورة انا اخدت الصورة اللي فالبانر عشان انتي اللي مختراها لكن لو تحبي تغيريها ابعتيلي الصورة اللي تحبيها ونعدل

تحياتي واتمنى تعجبك :0))

http://www.swahl.com/up/m132/swahlcom_73f70.jpg

 

احبه ........... ولكني لا أريده.

عجبتني اوي الجمله دي

اسلوبك بسيط وسهل وقريب ....

عمرنا ماهتقدر نتخلص من حاجات حد حبيناه ...

 

سامعه صوت تسقيفى
:)
بجد انا استمتعت بالقصه جدا يمكن اكتر من القصيده لان ماليش فى الشعر

بس بجد بلوج لذيذ اخر حاجة
و هتلاقينى نطالك فى كل بوست كده
ده بعد اذنك طبعا

 

عجبني الصيدة الي في الاخر

 

انا بقى اكتر حاجة عجبانى
الربط بتربطى بطريقة تحفة
وعلى فكرة انتى مشروع شاعرة هايلة
غير تصميماتك السوسة تحفة بجد
وبحس روحها جدييدة جدااااااا

 

نسيت اقول حاجة مهمة انى مبسوطة انك زبونة عندى
والله يا نعكوشة مدونتى زادت شررف

 

نورة


إبقي بعد ما تحطيها حطي hint انها تبع موضوع القط الناعم

انا عجبتني قوي ربنا يخليكي

بس ليا تعليق ( موزعجة أنا )

فكري كدة معايا
لو حطينا كلمة نعكشة في اقصي اليسار تحت بلون فاتح تبقي أحلي ؟؟؟

ولا لو خليناها في النص فوق - كلمة نعكشة- زي الأصل بس الكلام مبعتر اكثر بحيث ياخد معظم المكان ؟؟؟

يعني شحات و بيتأنعر

هيا عاجباني جداً الكلمات المنعكشة اللي فوق
بس حاسة كلمة نعكشة عاله علي الصورة

مش عارف

دمتي سالمة
ربنا يخليكي يا رب
لأ بجد انا مكسوفة أو مبسوطة قوي مش عارفة

سانكيوح

..............

أومة

انا كتبت تعليق و رجعت فيه
مش عارفة

فعلا فيه حاجات بنحبها مع اننا مش عايزنها مش عشان هيا متنفعلناش بس عشان متنفعش تبقي لينا او نبقي ليها

تسلمي يا قمر
ونورتيني

دمتي سالمة
...................

ذربونة هانم

ربنا يخليكي
اخجلتيني تصقيف مين و الناس نايمين
يمكن في الفكرة بس مش في الصياغة
الواحد عايز يتعلم

تسلميلي يا قمراية

دمتي سالمة

...........

مواطن مصري

تسلم يا فندم

...............

نونو

والله هيا جت كدة يا باشا
ساعات الالهام - إلهام مين يا بنتي - ايوة هوه كدة بيجي كدة والواحد ملوش دعوة

انا مشروع حاجات كتير
وشكلي هفضل مشروع طول عمري
لأ بس هنحاول نتظبط عشان نبقي كدة

ادعيلي بقة

شرف اية يا بنتي انتي اللي سكرة
ربنا يخليكي يا جميلة

دمتي سالمة

............

سلامون عليكم

 

انا تعليقى وصل ناقص
كان قصدى اقولك خفة دمك على التعليق اللى قبل البوست
اما عن البوست ف كلماته هايله واحساسه عالى لكن احساسى ان الربط فيه ماكانش تمام يعنى شويه مفككه
تحياتى

 

هههههههههههههه
اول زيارة..
بس بجد لما ما شاء الله بتكتبي حاجة بالروعة دي
واحد زيي يخش ينقد إيه أصلا..
الناحية الادبية روعة روعة روعة بجد والتصوير كمان جميل
بس فيه كام تكة لغوية ع الطاير
تحياتي :)

 

نعكوشه الجميله

اول زياره ليا عندك ياقمر وان شاء الله مش الاخيره انا بصراحه لا ليا فالنقد ولا الكلام الكبير دا بس البتاعه دى بتاعه حلوه بصراحه وشكلك كدا بتقولى كلام كبير كفايه الخزانه ولا الفراش الوثير اللى مش فاهمه يعنى ايه

بس فى سؤال مكلبظ على جنب كدا الا هيا كانت متجوزه السواق يعنى ولا ايه لامؤاخذه ههههههههه

تحياتى بجد بتاعه حلوه اوى

 

انتى نعكشه صحيح
يا بنتى وانتى بتشرحى الشكل العام توهتينى بجد ههههههههههخخخخخخخخخ
هى القصه كده يعنى مش عارفه يعنى المفروض تبقى شاعريه شويه او شعريه مشيها اى حاجه
انما الشعر حلو يا ريس مش منعكش خالص تسلم ايديك يا قمر

 

تدينى الأمان؟ أخدنا الأمان بأعتبار ان انا بعيد عنك يعنى....بصى يا ستى طبعا واضح جدا أن الشعر حكايه وعالى قوى وأبيات تهز وتجذب فعلا....أنما القصه نفسها مستواها أقل بكتير ولو تسمحيلى أوشوش من غير ما حد يسمع وأقول ايه السبب....السبب هو التسبيهات والخيال والبعد شويه صغيره عن الواقع فى الشعر وده مش موجود فى القصه.....طبعا أنتى خبيره وفاهمه أنا بقول ايه....متغاظه منى وعاوزه ترديلى النقد؟.....ياريت تشرفينى فى مدونتى وتقوليلى رايك وعاوز كلام زى الرصاص فى جنابى.....تحياتى وشكرا

 

الموجة الزرقاء

مممم .... طيب معلش ممكن حضرتك توضحلي فين التفكك يعني حسيتوا فين
عشان اعدل من نفسي المرة الجاية إن شاء الله

دمت سالم

............

ميرو

الواحد مش محتاج يكون ناقد عشان ينقد
بس تذوق المقطوعة النثرية او الشعرية
وقول اللي انت حاسه
و اية ممكن يتغير عشانن تبقي افضل من وجهة نظرك

و ياريت لو تقولي إية هيا التكات اللغوية ؟؟؟؟


دمت سالم
....................

سمر الشافعي

والله انتي سكرة

لأ يا بنتي دة صبي الميكانيكي كان بيجرب العربية بعد ما عملها عمرة

دمتي سالمة

...........

آبي

مهو انا مش عارفة اوصل هيا قاعدة ازاي ولا حاسة باية
فلكي مطلق الحرية في ان تتخيليها كما تشائين
بالنسبة للشعرية فأنا بحبها باللبن

تسلميلي

دمتي سالمة

..............

محمد داوود

هوه انا ولا خبيرة ولا فاهمة

بس أنا بحب التشبيهات في حياتي برضو زي ما حضرتك بتحبها

هوه مين متغاظ من إية ؟؟؟؟

دة انا بعز النقد يا سيدي الفادل

إن شاء الله في اقرب فرصة ازور حضرتك
بس انا عندي مشكلة في البتاع اللي اسمو مخروب ( الكمبيوتر) بتاعي عندو سعار و بيعمل ريستارت عمال علي بطال فبستخدم جهاز اخواتي و بالتالي بقعد حبة نونو
بس ان شاء الله اجي لحضرتك طبعا

دمت سالم

..............


سلامون عليكم

 

ههههههههههههههههههه

حلوة النعكشه دى

احنا كنا بنمر ع المدونات ولقينا مدونتك

اى نعم احنا كمان اتنعكشنا بس المدونه لذيذه

وعجبنا الشعر اوى

على فكرة مدونتك دمها خفيف زى مدونتنا

هههههههه

تقبلى مرورنا

ومش هتكون اخر زيارة انشاء الله

 
This comment has been removed by the author.
 

شوفتي فيه تكات لغوية زي مقولتلك ازاي اسمعو كلام الاصغر منكو وبطلو نعكشـــــة بئه ;-)>

 

ياستي هعملك اللي انتي عيزاه ولو تحبي تغيري الصورة كلها وتجيبي وحدة تانية منعكشة بحق بئى ابعتيهالي وانا انعكشهالك زيادة

وايه شحات دي متقوليش الكلام العبيط ده تاني ثم انها مسمهاش كده اسمها شحات وعايز عيش فينو هههههههههههههه

بس قوليلي تحبي كلمة نعكشة تتكتب بالانجليش ولا العربي يعني تبئى زي ما هى ولا اكتبهالك
n3kasha
مثلاً
ولا نكتبها بالاتنين شوفي الاقتراح ده وردي عليا عشان ابدأ
ولو تحبي صورة تانية مفيش مشكلة بسيطة العملية انشاء الله انت تأمر أمر ياجميل

وعلى فكرة انا بهرج معاكي فالرد اللي فوق ده بتاع اللغويات لتفتكريني انا اللي سيبواي وجاية اعملهم معاكي انا كمان ساعات بتهطل

تحياتي

 

انا قلت انقل بعض الـ"التكات "اللغوية..بس والله أنا مكنتش بتقصد..وبجد والله أنا آسف بس عشان البوست الجاي يبقى أحلى

"أطفئت أنوار غرفتي إلا من نور"
الاستثناء دا بـ"من" لما يكون مثبت لازم يكون مستثنى من منفي..مش كفاية فعل الاطفاء..فتبقى
يا "أطفأت أنوار غرفتي إلا النور.."
أو "خلت الغرفة إلا من النور.." لا ن خلت نفي للنور وبعد كدا من تثبت الانور الاصفر..

"إلا أنه كان قديم"
المفروض "كان قديما" خبر كان منصوب :)

"حذائي ذو الكعب"
المفروض "ذا الكعب"

بس بوست جميل بجد مش مجاملة والشعر كمان ممتع
انا آسف والله بس خير..
تحياتي لابداعك :)

 

بصي ياستي انا عملتلك كام حاجة كده شوفي اللي يعجبك وحطيه وقوليلي تعديلاتك ولو مش عيزة ولا واحد مفيش مشكلة واطلبي من غير كسوف اوك


http://www.swahl.com/up/m132/swahlcom_8aa35.jpg




http://www.swahl.com/up/m132/swahlcom_4ec05.jpg





http://www.swahl.com/up/m132/swahlcom_3cb45.jpg

 

اسلوب جميل
تحياتى لكى
وفققى الله

 

يها المواطنون نذيع عليكم بعد قليل خبرا هاما
مارشات عسكريه مارشات عسكريه مارشات عسكريه
كمان مارشات عسكريه
كفايه كده
ايها المواطنون جاءنا البيان الهام التالى
اذاعت كافة وكالات الأنباء الفضائيه والأرضيه وما تحت الأرض ايضا ان السيد عبده الرايق مرشح للفوز بجائزه تقدر بربع مليون يورو ....متتخدوش اوى كده لأن من شروط الجائزه ان يجيب على سؤال بمدونتنا التى تحوى هى وموقعنا كافة التفاصيل والكل مدعو للأشتراك والفوز باحدى جوائزنا الثيمه
ونرجوا ان تستمعوا الى حلقة برنامجنا الأذاعى الذى به ايضا معلومات مثيره فى هذا الموضوع يوم الأحد 29-6 حيث نكشف كافة الأسرار وراء هذا الموضوع والبرنامج يذاع التاسعه وعشر دقائق صباحا على اذاعة مصر الرئيسيه كما يمكن الأستماع اليه من داخل موقعنا على النت اسرة برنامج انت تسال والكمبيوتر يجيب
والعنواين
المدونه ثم الموقع كالتالى
http://netonradio.blogspot.com

7:52

 

ولا أجمل ولا أروع

نعكشة

كلام رائع فأنتى اليوم تتمنى ما قد مللتى منه فى الماضى

تعبيرات مناسبة وتصوير للأحداث جعلنا فى قلب الحدث

رائع

 

صبح صبح
نعكشة بتنكش
صباح الأدب المتغطى بمكسرات الشعر
كويس قوى
بس فيه شوية حاجات لغوية كده
يعنى النعل يمشى فيه مش به
والحالة لمزاجية كانت ممكن تبقى الوجدان أحسن
بس تمام قوى
سلاموز

 

السلام عليكم
كثير من الاحيان الكلمات القصيرة بتكون اجمل في التعبير عن المشاعر ولكن ما عجبين بها انه بحور العالم تعرفي
فهذ ان دل فيدل علي كثرة البحث ومحاولة ايجاد من نبحث عنه

 

حسام و ريمان

تسلموا ربنا يخليكوا

و تسلموا عالدعوة

دمتما سالمين

...............

نورة


مممممممممم

اللي هيا دية http://www.swahl.com/up/m132/swahlcom_8aa35.jpg

عسولة
بس ممكن تخلي بدل كلمة N3kasha كلمة MeSsY في النص متسنترة تحتها

و ربنا يخليكي للوطن

دمتي سالمة

...........


ميرو

مفيش أسف
ربنا يخليك
كويس ان حضرتك قلتلي
أول واحدة بتاعة إلا من نور مفهمتش حاجة
إنما التانين هعدلهم إن شاء الله

تسلم يا رب

و دمت ناقداً و سالماً

.............

رئيسة حزب الاحلام


ربنا يخليكي

نورتيني

دمتي سالمة

................

كمبيوتر القاهرة

تسلم

دمت سالم

...................

ارسنالوي


ممممممممممممم

جميلون جميلون

تسلم

دمت سالم

................


فنكي دكتور

يمشي فيه بجد ؟؟؟؟؟؟؟؟؟؟؟؟؟ يعني هتتمشي فيه لحد ما تخلص الشوز و بعدين تمشي في الشارع بقة ؟؟؟

الحالة المزاجية ممكن تبقي الوجدان
يعني أعمل اية؟؟؟

يعني أقول اية بالظبط

معلش مفهمتش حضرتك

دمت سالم

...................

ابن مصر


عليكم السلام و رحمة الله و بركاتة

اعجبني تعليق حضرتك

و عجبني إن حضرتك انتقيت الجملة دية
وبحار العالم صارت تعرفني

دمت سالم
................


سلامون عليكم






................

 

عوووووووووووووووووووو انا جيت اتخديتى
.............................
هايلة جداااااااااااااااااااااا
احيكى
سلام وهبقى اجى تانى
عوووووووووووووووووووووووووو

 

اهه ياستي كما طلبتي


http://www.swahl.com/up/m132/swahlcom_e5e0c.jpg

بس مظنش حد هيفهم ايه الكلمة المتسنترة دي

 

اولا الاطه معناها بالفصحي عجرفه
ثانيا بصراحه النثر فيه تطويل شوية يعني عايز تكثيف اما الشعر فكلام مستهلك اسف لرأيي هذا
تقبلي مروري ونقدي
شكرا

 

طالما إنك طلبتي تعليقات صريحة ونقد بناء .. فسأقول رأيي بصراحة
أنا أري أن كلامك في بداية القطعة النثرية كان به إطاله بدون مبرر .. وكان يمكنك البداية من نقطة متأخرة دون الدخول في هذا الوصف الدقيق للمكان وللحيرة التي شعرتي بها قبل الكتابة
كان يمكن اختصارها بصورة أبسط مع التركيز أكثر علي الموضوع الأساسي .. أي من بعد أن اتخذتي القرار بأن تكتبي عنه
أتمني ان تتقبلي رأيي وألا يزعجك
أما بالنسبة للشعر فهو جيد باستثناء بعض الأوزان .. لكن إجمالا أري أنها تجربة موفقة .. وأستمري لأن بالتأكيد في كل مرة يتحسن أداءك عنما قبل
بالتوفيق في القادم

 

الاسلوب جميل جدا والالفاظ سهله وواضحة
اللي يقرا القصة يحس انه ممكن يكتب زيها بس دا بيسموه السهل الممتنع

دا غير كمية المشاعر اللي وصلتني منها

طريقة البلاي باك دي اضافت للقصة عنصر التشويق

وبصراحه بئي الشعر اللي في الآخر دا يجنن انا كنت بحسبك مقتبساه وهاتكتبي اسم الشاعر تحت اتاريه طلع كلامك انتي

بجد بجد ماشاء الله

اديكي 9 من عشرة
الواحد اللي نئصتيه دا علشان الكمال لله وحده ولا ايه؟
:)

 

كلاكيت تاني مرة


كيكي

يامي

تسلميلي يا قمر
عليكم السلام

دمتي سالمة

..............

نورة

عجبتني سانكيوح
تسلميلي يا جميلة

لما ابقي اعوز اغير بقة - وانا بموت في التغيير- هبقي رجعلك بقي و اطبق علي نفسك.

إلا صحيح إنتي بتنعكشيها ازاي ؟؟؟؟

دمتي سالمة و مرسيخ كتييييييييييير

...............

محمد حلمي مخلوف

قشطة قشطة الناس بدأت تنقد جميل جداً

هوه أنا مش قصدي عجرفة خالص
لأ
عارف
لما تحس ب ال selfhappiness or selfsatisfaction وانتا bit concieted مش قصدي خالص عجرفة

سؤال بس

يعني إية تكثيف ؟؟؟؟؟ معلش انا فاشلة في المواضييع دية

و يعني إية شعر مستهلك ؟؟؟ يعني وحش ؟؟ ولا مش فاهمة معلش .. طيب لو وحش يا ريت تقولي إية نقط الضعف اللي فية عشان اتلاشاها المرة الجاية

و ربنا يخليك يا رب إن حضرتك نقدتني
شكل حضرتك فاهم في المواضييع دية

يا ريت لو حضرتك شوفت ردي تفهمني بليز

تسلم كتييييييييير

دمت سالم

.................

فارس بلا جواد

هوه أنا مثا لو داخلة علي فيلم أو هحكي قصة
لازم اعمل سكوب علي الحدث
و الناس الموجودة مع شوية موسيقي عشان ادخل الناس في القصة و اعيشهم فيها

وبعدين تبدأ الاحداث تتصاعد لحد الذروة و بعدين فششششششششش حليت المشكلة و خلصت القصة
مينفعش ادخل القصة او الحكاية علي طول من ذروة الاحداث
يعني ابدأ احكي و اقول بحبو ومش عارف إية
مش هتبقي لطيفة

ولا إنت إية رأيك ؟؟؟؟؟؟؟؟


بالنسبة للشعر فأنا عندي مشكلة فعلا ً في الاوزان و محتاج اقرا و كويس انو كان جيد و إن شاء الله أحاول اتحسن ف يالمرات القادمة

ربنا يخليك علي النقد
حضرتك اسعدتني بأرائك مأزعجتنيش خالص

دمت سالم

..............


قلب ينبض لله
اسمك ماشاء الله حلو موت


ينهار سهل ممتنع إية ياب نتي دنا لسة بحبي .. ربنا يخليكي يا قمراية

أنا بحب التشويق في القصص بس الله أنا مبسوطة إنو عجبك :D

إنتي كدة بتطيريني فوق و بتديني اكتر من حجمي لأ طبعا فيه ناس كتير بيكتبوا احسن من كدة بكتير

ربنا يخليكي
وسعيدة برأيك .. تسلميلي

دمتي سالمة


...........

سلامون عليكم

 

اول زيارة لي

بصراحة مجهود طيب وعرض رائع للاحداث

بارك الله في الموهبة وننتظر المزيد

 

الجمعاوي الاصيل

شرفتني

تسلم

دمت سالم

دعوات حضرتك

سلامون عليك

 

السلام عليكم
قبل ما اقول اى حاجه .. وبصرف النظر عن اللى هاقوله .. انا باعتبر هذه الاقصوصه .. خطوه للامام .. يعنى مرحلة نضوج لقلمك .. ربنا يوفقك ان شاء الله
بالنوسبه للنقد .. يعنى هى عاجبانى جدا .. بس فى شوية ملحوظه .. فى شوية الفاظ كانت غريبه شويه .. غريبه عن الالفاظ اللى انتى مستعملها فى الموضوع كله ..
( لُجّيٍّ مسجور - المفطور - المدحور )
انا حاسس انها دخيله على الموضوع ..
كمان فى حاجه عاوز اسال عليها .. احبه ولكنى لا اريده ؟؟
يعنى ازاى .. ماهو يا باحبه .. وعاوزه يبقى معايه على طول .. يا اما باحبه .. وخانى مع حد تانى .. فهختار ..هل هاسامحه وانسى الموضوع .. او مش هاقدر اسامحه ..فهاشيله من حياتى .. انا ..بيتهيألى ان مرحلة باحبه ولكن لا اريده دى مرحلة زائفه .. يعنى المحصله انك بتحبيه فعلا .. فريحى دماغك وخلى البطله تروح تتأسفله .. بس طبعا مراته التانيه مش هاتسيبها ..هاتجرها من شعرها لحد ما تسحلها .. فهى هاتضطر اسفة تطلع الفرفر .. وتضربها وتضربه .. وبعدين تنتحر .. وانزلى بالتترات وورق الحائط فى الاخر .. وشكرا

بس برضو عاجبانى اوى ..

 

انا شفت تعليقك وشكرا علي تقبلك النقد فيه ناس تانيه مبيعجبهاش النقد وبتحذف تعليقاتي وبدون ذكر اسماء طبعا
اولا التكثيف يعني الاقتصاد الشديد جدا في العبارات يعني فيه جمله تؤدي معني فقره استخدم الجمله فيها جملتين يهما نفس المعني احذف واحده حرف جر لا محل له من الاعراب احذه وهكذا
اما بالنسبة للشعر المستهلك فمعناه انه لم يأتي بجديد علي مستوي الصور يجب ان تنحتي صورك بطابعك انت ان تكون لك شخصيتك
شكرا لك ودومتي بالف خير

 

صحيح نسيت اقول لك حاجه معلش انا دارس قانون ومفيش قانون بالانجليزي وانا مفهمتش اللكلام اللي بالانجليزي يا ريت توضحيه

 

أراجوز

عليكم السلام و رحمة الله

طيب هوه جميل إن حصل نضوج مع إني مش شايفاه بس مادام فيه تطور يبقي قشطة

بالنسبة للملاحيظ اللي انت كاتبها

هوه انت معترض علي الكلمات من حيث المعني ولا من حيث طبيعة الكلمات مع طريقة القصيدة؟؟؟؟؟

معلش وضحلي عشان اعرف ابعبرلك


بالنسبة لاحبه و لا أريده
لا مش لازم يبقي زي مانت بتقول سوري يعني
يعني هوه انا بحب واحد مثلا و جرح كبريائي أنا بحبه و بحترمه و كل حاجة بس سوري مينفعش نبقي لبعض
فيه حاجات بينا اتكسرت مينفعش نصلحها و هتفضل موجودة في اللوحة مهما داريناها
اللوحة حلوة كدة
أنا مبسوط كدة
بحبه و بعزه بس مينفعش اروح اتأسفله لإن هوه اللي جرحني و حتي لو هوه اللي أتأسف مينفعش يرجع الوضع كما كان لان فيه شيء انكسر
بس الحب باقي
والمشاعر باقية
وانا حاسة بلذة الحب في مجرد تذكره
( أنا هنا عائدة علي بطلة القصة أنا مليش دعوة يا بية)


بما انها عاجباك يعني فية جزء من عقلك موافق

اذاً هناك أمل

دمت سالم

...................

محمد حلمي مخلوف

أنا لا انا احمد شوقي ولا حافظ ابراهيم ولا إليا ابو ماضي ولا عنترة ولا امرؤ القيس عشان ميكونش فيه نقد علي اعمالي الفنية
بالرغم إن الواحد ممكن ينقد اعمالهم الفنية

انا فين و الناس دية فين

عامتاً مش دة موضوعنا انا بحب جداً النقد سواء بنقاط الضعف او القوة بس اهم حاجة اني استفيد من الحوار

المهم

أنا كدة فهمت معني التكثيف
معلش خليك معايا بس ( انا متعبة انا عارف)

قولي كان ممكن احط جملة إية مثلا بدل جملة إية
يعني وضح بالامثلة عشان افهم اكتر

بالنسبة للإستهلاك

اعمل حاجة بطابعي أنا مممممممم يعني إية برضو
فين الخطأ في الموضوع
و إية الموضع اللي حسس حضرتك إنا بطابع الناس التانين مش طابعي انا

؟؟؟؟؟


بالنسبة للكلمتين
أنا اسفة معلش هوه ساعات كدة الواحد مبيععرفش يوضح باي لغة
المهم

عارف احساس الرضا النفسي مع السعادة النفسية ممزوجة بشوية صغنونة جداً كبرياء مع حبة نونو غرور
لما تبقي قاعد بألاطة مش بعجرفة
لما تبقي مبسوط وحاسس إنك ملك
في اللحظة دية
هوه دة قصدي
معرفش كلمة معينة تصف هذا الاحساس
عشان انا فاشلة في اللغة
لو حضرتك عارف قولي

تسلم علي التوضيح
معلش بتعبك معايا
دمت سالم
و ربنا يخليك للوطن

............

سلامون عليكم

 

الله على اللغة العربية
كم هي جميلة...
تلمس قلبي

لذلك لحب احمد خالد توفيق..
بل اعشق كتاباته

والجميع قبلي نقدك حتى قرأت مدونة رائعة بلا اخطاء تقريبا

وكان جميلا ان تكتبي عن زوجها وليس حبيبها..
ولكن لم ذهب الزوج بعيدا طوال تلك المدة؟؟ لم افهم هذه النقطة

تحياتي
ادم

 

بالنسبة للاحساس فهو احساس معقد ملوش مرادف كلمة واحده في اللغة فلازم تصفيه بالتفصيل بس الاطه معناها عجرفه
وبالنسبة لكلامك عن صور نابعه منك انتي
انا حاسس في قصيدتك اني اقرا قصيده لفاروق جويده اخرجي من عباءته ولتصنعي تجربتك لأنك تستحقي ان تكوني شاعرة مختلفه لأنك تمتلكين القدرة علي كتابة الشعر
قرأت قصيدة في مدونة احلام اليقظة تقول

انا

ذلك الحزن العالق فى أعماق التماثيل

لم يستطع يوما ان يخرج
و
لن تستطع التماثيل يوما ان تموت

حزن ابدى....
و
حياة لا تنتهى..
قصيدة جميله بالرغم من قصرها بها صور جديدة نحتتها هي
تستحقي ان تنحتي صورك جربي سيدتي وستجدي الفرق جربي ان تنحتي صورك
وانا اكاد ان اقسم انك ستكوني شاعرة لها وزنها وثقلها شكرا لك
تقبلي مروري
ادعوك لزيارة مدونتي وتعطريها من رائحتك الزكية
شكرا

 

آدم الغامض

كتير بحب اللغة الفصحى بس كتير بحب العامية

مفيش حاجة من غير أخطاء
ركز انت بس و هتطلعلك حبة
أنت شكلك كنت مبسوط شوية

دمت سالم

..................

محمد حلمي مخلوف

خلاص مش لازم نوصفه
المرة الجاية غن شاء الله
ههههههههه

بالنسبة لفاروق جويدة أنا أصلا مقريتلوش حاجة إلا مرات قليلة زماااااااااااااااااااااااان من يجي 3 او اربع سنين كان فية واحد اعرفه بيحبو فكان بيبعتلي حاجات ليه

ثانياً انا فاشلة اصلا ي القراءة
ومعتقدش إني قريت لحد كتير فانغمست في طريقته او بمشي بأسلوبه

معني إن حضرتك حسيت اني زي فاروق جويدة يلهوييييييييييييييييي يعني أنا معدية ( بهرج) بس ممكن توارد خواطر او توارد اساليب معرفش
...........

هوه انت حسستني إني كاتبه خمس صفح أنا كاتبة مقطوعة شعرية - لو جاز قول إنها شعر أصلا- كام بيت صغنين

أنا حبيت البتاع بتاعها جداً

بس بالنسبة للتكثيف فمش حاسة إني طولت قوي يعني
أنا لازم زي ما قلت انتقل من حدث لحدث و بعدين اربطهم نعمل مشكلة و ذروة احداث تعلو و تعلو وبعدين فششششششششش اتحلت او خلصت القصة

ولا إية ؟؟؟؟؟



هوه أنا خدت برأي حضرتك في نحت صوري دية بس في حاجة تانية
في الرسم

بطلت رسم بنات حلوين و هرسم بنات معقدين لووووووووووووووووول

تسلم علي دعوة حضرتك لزيارة مدونة حضرتك

دة شرف ليا

دمت سالم

سلامون عليك

 

:) ده شيء عظيم بجد

الكتابة متوحشة سعادتك :)