نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

مورجيحة

حياتنا دية مورجيحة
حبة فوق

وحبة تحت
وحبة كدة عالريحة
.
تيجي تلاعبها .....تغلبك
ولما تسيبها تجري وراك
تبقي فلحظة... قريبة
و اللي بعدها مش سامعاك
.
ودوام الحال من المحال
ودة بقة اللي عليها أتقال
تجيبها كدة...تجيبها كدة
هيا كدة فكل الأحوال
.
,,,,,,,
.
كان في واحد حب حبيبته
عصى ربه علشانها بخيبته
.
ودة يا ترى جراله إيه؟؟؟؟
.
الدنيا ضاقت حواليه
ملقاش حد يشكيلوا همه
غير ربه اللي كان بيعصيه
.
,,,,,,,,,,,
.
ودة زعل مامته وباباه
مامته إللي قعدت ترعاه
تفضل تسهر
تربي تكبر
وده يتكبر
مش راح ينسي الدمعة ديه
.
و دة يا ترى جراله إيه؟؟؟
.
أولادو انقلبوا عليه
فكر يطلب منها تسامحه
بس خلاص
راح أبويه
.
و حياتنا دية مورجيحة
حبة فوق
و حبة تحت
وحبة كدة عالريحة
حكوك الطبع و النشل محفوسة لنعكوشة

63 قالوا رأيهم في العك اللي تحت ؟؟؟:

يا خبر ابيض على السكرة الننووووسة الصغننة المعفرتة المأطأطة نعكوشة الصغنتتة
كلامها شكلتة أصلها معفرتة وكمان صغنتتة
===========================
والله انتي سكر كلامك جمييييييل وحلو اوي
خلاص خلاص من دلوقتي هزورك على طوووول
نورتي مدونتي المتواضعة وجزيتي الخير على وضع رابط لي عندك
اعزك الله
تحياتي وودي

 

متخافيش محدش هيلعب بحكوكك في الطبع

 

من قال يا نعكوشة ان ده عك

عجبني اوي كلامك ده

جميل جدااااااااااا

بس اكيد مش كل حياتنا يعني مأساويااات

اكيد في خير كتييييير

تحياتي ليكي ولتلك النعكشة

:)

 

موش بطال ، بس على فكره فى حاجة اسمها الهاء والتاء المربوطة موش كله واو
بس عسولة

 

نونو

يلهوي حسستيني اني لسه عيلة بشرايط ( دة احساس حلو و عاجبني موت علي فكرة)

ربنا يخليكي يا رب
ونورتيني
..........

كوكاوي

معلومة رائعة و مفيدة
جوزيتي خيراً

............

سفروتة

ربنا يخليكي يا قمراية

هيا كان فيه ليها بقية بس مش متظبطة ف يالاوزان
البقية كانت حاجات مفرحة

معلش اني نكدت عليكي

نورتيني
.........

راجي

تصدق والله عندك حق
تم التعديل
معلش اختك فاشلة في اللغة

تسلم عالنصيحة

.......

سلامون عليكم

 

نعكوشة
ازيك؟
فعلا نعكشتك كلها افكار
وكمان بسيطة ولذيذة
تحياتى

 

الدنيا اوضة كبيرة للأنتظار ...


تحياتى :)

المدونة حلوة والبوست حلوة على فكرة :)

 

تعرفي انا بقرأ البوست ده وحاسس ان اللي كاتباه طفلة في ابتدائي او في الروضة بتسمع اناشيد جميلة ..هههههههههه

واله انتي سكر فعلا

تقبلي تحياتي

 

علشان خاطرى كمان صلحى كلمة ربو
خليها ربه
شكرا يا اظرف دكتورة

 

نعكوشة

والله الدنيا مرة وفوق ومرات تحت ... بس لما بتنزل بتحتاج زقة .. عندك حق والله في موضوع الدنيا ده .. والله الناس فعلا بقيت احوالها تمرض وتشل

احييكي قدرتي توصفي حال الدنيا وحال البشر

 

جنة

بخير يا قمر طول مانتي بخير , انتي بخير؟؟

نورتيني

.........

فوكسولوجي

انتظار ممممم تصدق عندك حق عندك فيها كل الاوبشنز يا اما تزاكر يا تلعب و هما هياخدوك علي عفلة
نورت

........
في حب مصر

والله نفسي ارجع تاني ابتدائي
كنت طفلة متشردة :D
الحمد لله بقة

تسلم عالتعليق
...........

راجي

والله مش عارفة من غيرك كنت عملت اية
معلش العتب عالنظر بقة

تسلم عالنصيحة
تعيش و تركز :D

دمت سالم
........

حمادة زيدان

مش دايما تحت بس اللي محتاجة زقة يمكن تفضل معلقة فوق معرفش ازاي

بس عامتاً الوضع بقة غريب
ربنا يستر علينا في اللي جاي بقة

دمت سالم

.........

سلامون عليكم

 

كلامك كلام طفل برىء....ما شاء الله عليكى عسل
شفقة

 

عثووووووووووووووووله يا نعكوشتى يا قمورره. كلماتها بسيطه اوى ومعناه كبيرررررررررر .ورقيقه وبر يئه. طبعا ما هو انتى اللى كاتباه فلازم تكون غايه فى الجمال. تحياتى ليكى وما تنسيش تدعيلى عشان انا بدعييلك

 

السلام عليكم
كلمات جميله ودمها خفيف وتوصل المراد .. عاجبني الاسلوب الاسلوب الساخر التهكمي والروش في نفس الوقت في معظم البوستات..
تقبلي مروري ،سلام

 

حبة فوق و حبة تحت

الحياة فعلا حبة فوق و حبة تحت

جميلة يا نعكشة

 

ههههههه
فعلا الدنيا مرجيحه
حبه فوق و حبه تحت و حبه تهبدك على الارض
عاوزينك
http://faransaraayek.blogspot.com/
شاركينا سباق التعليقات

 

حلوووووووووووووة ايه الحلاوة دى حسيت فيها ببراءة برافو نعكوشة برافوووووو

 

شفقة هانم و إحسان بيك

أومال أنا لية مش شايفة البراءة اللي بتقولوا عليها دية؟؟؟؟

...........

حنين

ربنا يكرمك يا قمر
ياجماعة هتجنوني ليه
فين البراءة في الموضوع ؟؟؟؟

ربنا يعينك يا رب دايماً و يفتح عليكي و يكرمك و يوفقك ف يامتحاناتك دايماً
آمين

......

دكتور ميم

تسلم علي رفع الروح المعدنية
ربنا يكرمك يا رب
نورت

.............


مواطن مصري

هيا آخرها حبة لب و نقزقزهم :D

نورت

...........

واحدة مفروسة

مين سباق التعليقات دة
هوه انا بتابع المدونة و بحب اقرا المواضيع اللي فيها ( عبدو وف رنسا)
بس مفهمتش حاجة

نورتيني يا قمراية

..............

سلامون عليكم

 

مورجيحة...أول مرة اقرأها مكتوبة كده
:)
حقيقي كلام بسيط وعميق في نفس الوقت

خالص تحياتي

 

رأيى فى العك ده إنه عك جميل وفيه فكرة جميلة بس متاج شوية تظبيط يا نعكشة متستسهليش الكتابة بدون بحور وأوزان
بس خاطرة جميلة تستاهلى التحية عليها

 

ايه الكلام الكبير ده
بجد حلو وافكارك جميلة

قوليلي
ليه حاطة الصورة المنعكشة دي ؟؟

تحياتي

 

إنجي

ممممممممممممممممم
:|
ميرسي

..............

ياسر حسين

اومال بتتكتب إزاي

أنا بعيد عنك فاشلةف ياللغة ف أي مساعدة بحبها يعني و برحب بيها
قولولي الحاجة بتتكتب ازاي
وكان مفروض احط كلمة إية بدل كلمة إية هرحب قشطة يعني

فرحت إن حضرتك حسيت انها عميكة

دمت سالم

سلامون عليك
..........


أيمن بدر

رأيك اسعدني حقيقي

هوه انا محتاجة الاول اظبط اللغة عندي عشان أنا عندي مشاكل ف ي اختيار الجمل و الكلمات المناسبة
و إن شاء الله اتعلم بحور و اوزان
وساعتها هرجعلك و اقولك اتعلمهم منين
وهتساعدني يعني هتساعدني لا مفر
:D
اتدبست خلاص

دمت سالم

سلامون عليك
...........

كوشيا وردة بالصيني ( هع هع هع)حبة رخامة :$

ولا كبير ولا حاجة
هيا الدنيا كدة سيدتي
تأملي فيها هتلاقي معانيها

انا حاطة صورة منعكشة لإن دة بيعبر عن حالي
فانا فتاة مهملة
مبهدلة
منعكشة في حياتي
بحاول إني اتغير
بس مش عارفة في الوقت الراهن
ومازالت المحاولات جارية
حتي اكون من فئة المنظمين

دمتي سالمة

سلامون عليكي

 

نعكوشه نعكوشه

مبسوطه اوى خالص جدا بكومنتك الجميل عندى

بقولك ايه
انا حسيت ان كلامك ناقص - وعجبى-

اة والله يا بنتى
ايه الحكم دى كلها
ده انتى كلك حكم والله

يسلم لسانك

صباحك فل

سلامى

 

ماهو انتي لو تسرحي شعرك حتلقطيها بسرعه
هههههههههههههههه
ادخلى معانا فى مباراة التعليقات انا حاسه ان دمك خفيف
و اهه الميه تكدب الغطاس
و لو طلع دمك يلطش...اوعي تقولي اني انا اللي عزماكي قولي جيتي لوحدك
هههههههههههههههههههه

 

اية ياعم الشعر النعكووشى دة

جميل كدة ونعكشتة متساوية

ما شاء الله

بيس ياقمر

منتظرااكى

 

حاضر يا دكتورة هشخبط
المرجيحة
صح هى حياة البنى أدم شوية فوق
شوية تحت
شوية فى الوسط
بس بتدور حول محور المرجحية
وممكن نوقف المرجحية وننزل منها
صح ننزل منها وأحنا دايخين, بس بعد شويةبنثبت
ونعرف نتحرك بتوازن
هى دية يا دكتورة
فية نقطة توازن تحت المرجحية
وفية نقطة توازن واحنا فى المرجحية
ممكن تعرفى نقطة توازنك فين فى الحالتين؟
شرفتينى جدا بزيا رتك لمدونتى
وأدى النك لمدونتاى أبقى زورينى
http://kalamfekalamm.blogspot.com

و
http://kalamfekalamm-mohamed.blogspot.com/

بس هاتى شيكولاتة

 

عيلة مفترية سابقاً

يا بنتي مفيش الحاجة المدونين لبعطيهم برضو

بس هوه إية اللي ناقص
لو قصدك الكومنت فانا كلامي دايماً معوق
متاخديش عليا
لو قصدك الاغنية
فقوليلي ممكن اكملها إزاي

انتي اللي سكر
ومستنين حِكَمِك انتي

وص باحك فل و قشطة و كل لحاجات الحلوة اللي بتتقال جمب الصباح و اوعي تنسي البطاطا
...............


واحدة مفروسة

ماهو لو تقولولي فين المشط كنتوا ارتحتوا

بس سايبيني ادور
وكل اما الاقية معرفش فين الكريم
الاقي الكريم يضيع المشط و هلم جرجر لحد ما تغاضيت عن حكاية تسريح الشعر دية

طيب قشطة
طب اقدم الابليكيشن فين

وبعدين انا ان شاء الله أربع أيام كدة احتمال مجيش خالص
عشان عندي امتحان فظيع و معرفش عنوا حاجة خالص

فإن شاء الله بعد اربع ايام
هروح اكبس علي نفسكوا بقة
دمي حلو
دمي يلطش
تستحملوا بقة
هاهاهاهاهاهاااااا < صحكة شوريرة

..........

دعاء مواجهات

تسلميلي يا قمراية

انا اصلا بحب اقرالك بس مش دايماً بعلق

بيس عليكي

...............


الحشري

لأ . دة مش امر
دة اسلوب استحراري لا مش استحماري استحراري يدل علي الحرية


اعمل اللي يعجبك


ماهو اول ما هننزل منها يا باشا
هنكون في القرافة سيادتك و بيوزعوا علينا قرص و جوافة

قصدي يعني هيا الحياة كدة هنفضل نتخبط فيها لحد ما نروح القبر
الفكرة بقة
نرضى بيها و هيا فوق و هيا تحت و هيا ف يالنص

و ربنا يستر

دمت سالم

..................

سلامون عليكم

 

طريقة تعبيرك حلوة اوي
و مسنتية جديد

تحباتي

 

على فكرة التصميمات بتاعتك دي لو انتي عاملاها فعلا يبقى المفروض تكوني مصممة ازياء مش دكتورة!!!!!

تحياتي

 

عاشقة الحب

تسلمي يا جميلة
إن شاء الله منتظرة تعليقات اكثر إفادة في ماهو جديد عندي

دمتي سالمة

..........


في حب مصر

طيب مينفعش ابقي مصممة ازياء و دكتورة في آن واحد ؟؟؟؟

ولا دة حلم بعيد المنال؟؟

دمت سالم

...........

سلامون عليكم

 

ايه يا نعكوشة الحكم دى
ربنا يهديك يا كوكو ويكتر من امثالك
بتمنى تكون النبرة نبرة نصيحة مش الم من الدنيا لانك اكيد عارفة انها فانية
اول زيارة دى ليكى وان شاء الله مش الأخيرة
تحياتى

 

هناك اناس يكتبون كلماتهم بقلوبهم يعرفون ما يكتبون يدركون ان كلماتهم الرائعه ستؤثر فى اخرين هؤلاء الناس هم اولى ان نقرا لهم وان ناخذ خبرتهم بوركت فانت على راسهم .
احمد من مدونه انا وصاحبى
وان لم يكن هناك مانع ارجو تشريفى فى مدونتى المتواضعه جدا .
http://anawesa7by.blogspot.com/

 

آية الشقية الشعنونة

اسمك عسول


حكم إية يا بنتي دية مورجيحة
مش عارفة بس انا مش متألمة من الدنيا أنا بس مبحبهاش مع إني بحبها مش عارفة ازاي
بس سؤال
مين كوكو دة؟؟؟؟؟

نورتيني يا قمراية
دمتي سالمة

............

أنت و صاحبك

انا قولت هتقولي أولي انك تقريلهم
وبطلي العك اللي بتقولية دة

انت متأكد من الكلمتين اللي قولتهم دول

دة كلام كدة
راجعوا نفسكوا
دة مش لي أنا اكيد
انتوا كنتوا بتردوا في مدونة تانية باين

تسلما علي دعوتي لمدونتكما
دمتما سالمين

...........
سلامون عليكم

 

نعكشة

والله نعكشتك ولخبطك والعك بتاعك ده جميل قوى وهو غصب عنك شعر

اقولك على حاجة

انا كل ما اقرا بوست اضحك كتير على اللخابيط اللى فوقيه واللى تحتيه بس لما اقرا البوست نفسه بحس انك فيلسوفة

بس فى اللخبطة الجميلة

فى حاجة اسمها فن اللخبطة برضو

تحياتى

 

يامساء النعكشة

لا كلام شغال مش وحش

بس جامدة اوى اول حتة دى

بالتوفيق اول زيارة لى سعدت كثيرا بيها

 

نعكشة بجد تصميماتك تحفة وعجبانى بشكل
والله كلامك وتصميماتك
انتى سكرة وياريت نبقى اصحاب

 

ايه العسل ده يا نعكوشة ؟؟
ايه كل الشقاوة الل فى المدونة دى ؟
و ايه الكلام البسيط اللى مليان معانى جميلة ده ؟

كلام جميل و انتى زى العسل
و شكلك بجد ملكيش حل

و على فكرة انا سعات ببقى منعكشة كدة
بس اكيد مش ببقى عسولة زيك كدة

سلاموز بالموز يا قمر

 

حلوة قوى
بس اسه شخبط يا عم ده
هههههههه
ربنا معاكى فى الإمتحان
أميييييييييين

 

شكرا على الزيارة ولو أني على عجل لكنت قرأت البوست وعلقت ولكن لي هودة مؤكد لي عودة تحيتي

 

السلام عليكم

بوست جميل و عندك حق
ثبات الحال من المحال

بس لذيذة اوووي حكوك الطبع و النشل محفوسة لنعكوشة :D

مدونتك جميلة و ان شاء الله ازورك تاني

و ميرسي علي زيارتك لمدونتنا , يارب مش آخر زيارة

تحياتي :)

 

السلام عليكم
كلامك امور والبوست حلو
الدنيا زى ماقلتى فعلا مرجحية.
مرجحية ساعات بتكون محتاجه حد يديكى زقة عشان تطير فى الهوا


على فكرة السونج اللى انتى حاطاها جميلة اوى وزوقك جميل خالص

دومتى جبنة تلاجة :ي

 

احلى عك واحلى نعكشة
وحكوكك محفوظة متخافيش
ربنا يوفقك فى ال 140 سؤال وتتطلعى الاولى ان شاء الله
تحياتى ليكى وبالتوفيق ان شاء الله

 

الله عليكى مورجبحة حته واحدة تصورى فعلا هى كدة وكل الكلام دة جميل جدا
سرد ونتايج للافعال جميل جدا

تحياتى لنعكشتك اللى فعلا فيها افكار

 

نعاكيش عسولة خالص :)

 

انا اول لما دخلت المدونة فعلا حاسيت بنعكشة فى كل مكان على فكرة انا بحب اطبق مبدا النعكشة واسلوبك جميل جداافى كتابة البوست

 

كويس ان الواحد يتوب
بس طريقة عرضك حلوة خالص مالص يانعكشة

 

مدونتك لذيذة بتفكرني بأغنية نانسي عجرم .. شخبط شخابيط
الموضوع اللي كتبتي عنه جميل وليه هدف سامي
ربنا يوفقك ومنتظر منك الجديد

 

ايه الكلام الفظيع ده يا نعكوشة

 

هى فعلا حياتنا مرجيحه للاسف
عارفه ليه
عشان احنا موجودين فى الزمن ده

 

مكنتش اعرف ان فيه حد فى طب ودمه زى العسل كدا:)
تحياتى

 

شايفاكى بتقولى عندك امتحان
ربنا يوفقك
__________________________________
ميفوتكش البوست الجديد (الفرح اسلامى نص ونص)
__________________________________
للى عاوز يزور لوحه شرف يدخل مدونتى وهتلاقو لينك لوحة شرف فيها
لوحة شرف هى لوحه شرف لكل من دون فابدع وينشر بها افضل بوستات كتبها البلوجرية

 

عسل والله يا نعكشه ياريت ابقي في نص برأتك وطفولتك الجميله ربنا يديمها عليكي نعمه

ربنا معاكي في الامتحانات يا رب وينجحك بأعلي الدرجات يا رب

سلامز يا نعكوشتي

 

جامده جداااااا
اول زيارة ليا لمدونتك و بجد اسلوبك روعة ماشاء الله بجد

و عجبني جداااااا تشبيه الدنيا بالمرجيحة
عندك حق جداااااااااااا

 

وااااااااو

مدونه جميييله اوى

اول زياره ليا وهاكررها باذن الله

:)

ومتخافيش حقوق الطبع محفوظه

فى الارشيف

 

سلام عليكم

ينهار حلبسة يا ولاد اغيب يومين ارجع ألاقي كل الناس دية . و طول منا قاعدة بدور أنش
لوووووووووول

أولاً أولاً جزا الله خيراً كل من دعا سواء كتب انو دعا او مكتبش انو دعا و ربنا يكرمكوا يا رب دايماً و منجيلكمش في حاجة وحشة
...............
التنين المحارب فاروق الاسيوطي

ربنا يخليك يا رب بس لو قلنا شعر بتوع الشعر هيضربونا

ربنا يخليك يا رب
هبقي افتح مدرسة تعليم فن اللخبطة و أهو كلها شخبطة يا عم :D

نورتني

دمت سالم
............

ارسينالوي ( دة مكتوبة كدة صح؟؟؟؟)


مساء الكورة
شغال إية بالظبط ؟؟؟ هع هع هع <<< ضحكة مهلوسة

يا رب تنورنا دايما يا رب

دمت سالم
..................
نونو


ربنا يخليكي يا قمر
ممكن لو تعرفي واحد خياط كويس تاخديهم لوف علاً عاجبينك بس أهم حاجة تكتبي RAF علي البتاعة اللي بتبقي خارجة من الهدوم

مين عارف الدنيا مخبية إية ... لو فيه نصيب نبقي صحاب إن شاء الله

دمتي سالمة
............
ورود و أشواك


اموت انا في المنعكشين نقعد ننعكش مع بعض و الدنيا تبقي آخر نعكشة

ربنا يخليكي يا رب عالكلام الحلو دة

دمتي سالمة
..........
فنكي دكتور


تسلم قوي
الشخبطة والله ساعات بتبقي حلوة

دمت سالم

...........
كاتب مصري


لا تعليق

نورتني
دمت سالم

..............
بونجو


عليكم السلام و رحمة الله وب ركاتة

فعلاً والله
وأكبر دليل إني امبارح ومنذ لحظات كنت في قمة القرف و الهم و الحزن و دلوقتي انا تقريباً كويسة مقارنتاً بكام يوم

بس هوه الوقت العصيب بيعدي ببطء مش عارفة ليه
في حين إن الفرح بيمر هوا

نورتيني يا قمر
انا اصلا بحب اتابع الحلقات بتاعتكوا
اسلوبكوا رائع ماشاء الله

دمتما سالمتين

................
لا تضغط علي إف 1


عليكم السلام ور حمة الله وب ركاتة

تسلم ربنا يخليك

سؤال بس يلح عليا

هوه لية مندوسش علي إف 1 ؟؟؟؟

دمت سالم برضو :P

.................
سبهلله عالآخر


ربنا يخليكي يا رب دايماً و تسلمي عالدعوات

دمتي سالمة

..............
دعوة للحب


سبحان الله
مش قولتلكوا ساعات النعكشة فيها افكار

نورتيني يا قمر

دمتي سالمة

..............
إنت


تسلم خالص

دمت سالم

..................

جيو عمرو

كويس إن النعكشة ليها مؤيدين
بالرغم إني مش من مؤيدينها
لوووووووووول <<<< ضحكة مزبهلة

دمت سالم

............

المفقوعة مرارتها


تسلمي ربنا يخليكي

بس اهم حاجة انو يلحق يتوب في الوقت المناسب
لإن الموت مبيستناش إننا نمر بكل مراحل المورجيحة بيجي في أي لحظة

ربنا يحسن خواتيم اعمالنا يا رب

آمين

دمتي سالمة

...............
فارس بل جواد


تسلم عالمديح
حلوة هدف سامي دية
لأ بجد محسساني إني كنت بخطب في الامم المنتحدة

نورتني

دمت سالم

..............


شفقة هانم و إحسان بيك


حقيقي فظيع ؟؟؟

من انهو اتجاة ؟؟؟


دمتما سالمين

..................


لست أدري

لست ادري مقصدك
او العلاقة بين إننا عايشين في الزمن دة و الحياة المرجيحة ؟؟؟

معلش لو فيها رخامة توضحيلي
أصل انا ال أي كيو بتاعي مرتفع جداً

لو فيها رخامة ممكن توضحي؟؟؟

دمتي سالمة

............

صحفية روشة

تسلمي يا رب عالدعوات

إن شاء الله هشوفوا و عنوانوا مغري إني اقراه
دمتي سالمة

و تسلمي يا رب

.................

يوميات فنانة مفروسة

والله انتو محسسني إني بريئة وانا مش حاسة إني كدة
خايفة عليكوا تنخدعوا
اصبروا اصبروا ينكن تكتشفوا بعدين

تسلميلي ياق مر

دمتي سالمة

...................

إسراء احمد

جداًًًًًًًًًًًًًاااااااااا

نورتيني جدااااااااا

يا رب دايما اشوفك مبسوطة
وتنوريني دايما

دمتي سالمة

...............


حسام يحي

تسلم ربنا يخليك يا رب
نورتني

دمت سالم

................

سلامون عليكم

 

كلامك زى العسل ودمك خفيف جدا

ربنا يكرمك حبيبتى

(:

 

عسولة مووت
مش عارفة امتى هتكبرى وتفكى الضفاير

 

عسولة موووووت
امتى هتكبرى بقا وتفكي الضفاير !!

 

انا خلصت امتحانات يا نعكووووووووووووشه وانتى ايه اخبارك طمنينى عليكى. والله دعيتتللك..... انتى بقى دعتيلى

 

بقولك ايه...

ماتنسيش اني اول من تنبأ بان المدونة دي هتبقى كنبلة

ولا ناسية؟؟


هااااااااااااااايــــــــل

بالذات دي :
كان في واحد حب حبيبته
عصى ربه علشانها بخيبته.
ودة يا ترى جراله إيه؟
.الدنيا ضاقت حواليه ملقاش حد يشكيلوا همه غير ربه اللي كان بيعصيه

السؤال هنا:
هوفي حد بيحب حبيبته؟؟

 

أختي في الله

تسلميلي يا رب

دمتي سالمة

............

وفاء


والله أنا كبيرة و فاكة الضفاير لإني مش مسرحة شعري أصلا
اقصد محجبة

دمتي سالمة

.......................

حنين


مبرووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووك

الف مبروك يا قمر
أنا كمان خلصت امبارح بس لسة قدامي شفوي
دعيتلك والله هوه مش بإنتظام( معلش انا نساية و صريحة) بس دعيتلك
ربنا يخليكي يا قمراية


أهم حاجة عملتي إيييييييييييييية؟؟؟
طمطميني !!!!!!!!

دمتي سالمة يا قمراية

...................

فيج آدم

أنا قلقت
قلت فين الراعي الرسمي
فين قدوتي :D

نورت يا سيدي الفادل

ولا كنبلة ولا بمبة ولا أي بتاع

هوه أول ما هكتب حاجاتي و اتفضفض تفضفضاً هتلاقيهم بيشوفوني أنا و يهربوا :D


وبعدين إزاي انسي يا سيدي الفادل
لوووووووووووووووووول

بالنسبة للسؤال

مش عارفة

بس أعتقد إن الحب دة مخلوق جوانا كلنا حتي لو مش بنحب شخص معين
أو بنحب شخص معين مش لدرجة الحب اللي بيودي للجواز يعني

وبعدين عصي ربه عشانها بخيبتة تحتمل كل شيء

تحتمل اللي بيسرق عشان يجيبلها المهر

واللي بيرتشي عشان يعرف يتجوزها

واللي بيمسك إيدها و يفضل يسبلها

واللي و اللي

تحتمل كل حاجة

كل دة هيروح
ومش هيتبقي غير عمله

ربنا يحسن أعمالنا

آمين

دمت سالم
وتسلم عالتشقيع <<<< ( شكل وش منشكح و مفتوح و سنانة كلها باينة )

...........

سلامون عليكم

 

كان في واحد حب حبيبته عصى ربه علشانها بخيبته.ودة يا ترى جراله إيه؟؟؟؟.الدنيا ضاقت حواليه ملقاش حد يشكيلوا همه غير ربه اللي كان بيعصيه




عجبنى قوى المقطع ده ...


حلو قوى يا نعكشة

 

عمرو وجيه

تسلم

نورت