نـعـكـشـة

شوية كلام والسلام..مليش دعوةلوبعدما قريته قلت انك ضيعت وقتك..اقرأعلى مسؤليتك الخاصة

يوميات دكتورة مستقبلية 2

سلسلة ارجوك لا تفعصني
-2-
رحلة إلي البايوكيمستري

مادة biochemistry أو الكيمياء الحيوية تدرس في السنة الاولي و الثانية من كلية الطب .
.................
أرتميت علي أقرب سلم عندما سمعت الصاعقة : دكتورة رابحة هتعمل الامتحانات المفاجئة ب 30 درجة و كل منهم ب 5 درجات . يا إلهي . ماذا سأفعل لقد دخلت اثنين من هذة لاامتحانات و كان دخولي إليه كخروجي منه فلم اكن اعلم ما امامي في الورقة هل هي اسئلة بيوكيمستري ام فسيولوجي( علم وظائف الجسم) ام انه اناتومي ( تشريح) متخفي . الله يخ..... يا رابحة. ظننت ان هذة نهاية العالم و اسودت الدنيا في وجهي و لكن صديقتي نبهتني : يلا يا نجوي ورانا درس دكتور امين بايو . تذكرت انني كنت دائماً اجلس في الصفوف الاخيرة ( بلكون :D) لأنني كنت عادتاً ما اصل متأخرة. تناسيت مشكلة رابحة و الدرجات الثلاثون و انطلقت انا و صديقتي إلي المترو .
و ما اجمله من مترو( بدءً من صعود السلالم المكتظة بالاجساد البشرية منتهياً بالخروج قذفاً من ابواب المترو ) . قمت انا وصديقتي بعمل غرز بين الناس متفادين إياهم. كنت احاول ان اظل ممسكة بها كي لا تضيع وسط الزحام. و طبعا بكل سهولة و يسر مددت يدي إلي نافذة التذاكر . و بكل سهولة و في سرعة البرق –طبعاً- اخذت تذكرتي ( يبقي انت اكيد اكيد في مصر )
ثم انطلقنا للنزول إلي السلالم بسرعة . و من حسن حظي :D انزلقت إحدي قدماي لأخذ السلالم اسرع من المعتاد و انزل جالسة بعد ان مسحت السلالم بملابسي ( فأنا دائماً نظيفة لا أحب ان اري السلالم متربة ) و لكني لم اخذ وقت لأتألم فقد كان المترو واقفاً فاتحا ابوابه ليلتهمنا – او نندس نحن بين طيات معدتة لتتم مرحلة العجن او الهضم - وجدت صديقتي تنتشلني من افكاري لنجري سويا ثم و بقوة الدفع ندخل الي المترو الفارغ تماماً ( كعادة المتروهات في ساعة الذروة) لم استطع ان اتنفس . ي.. يا .. جم ...ا عة ار..جوكوا . وسعوا .. شوية ... ع ع ع ع ع بكاء الاطفال , مشاحنات بين طلبة المدارس - بأرق و اعذب الالفاظ - و كلما فتح المترو ابوابة في محطة جديدة خرجت واحدة :D ... و لكن يدخل بدل منها الأعداد التي لا تحصي
و في كل مرة احس انني افعص و افعص و لا استطيع التنفس و- همست- إلي صديقتي: + يا دعااااااااااااااااااااااااااااااااااااااء ... سامعانيييييييييييييييييييييي ... لترد : - ايوة يا نجوييييييييييييي .. + محطتنا قربتتتتتتتتتتتتت - آآآآآآآآآآآآآآآه . يلا نقرب من الباااااااااااااب ... يلااااااااااا و بجهود مضنية تمكنت من اختراق الاعداد المتكدسة لأصل إلي الباب و اقتربت المحطة و سقط شيء علي قدمي : وقع منك حاجة يا دعاء؟؟؟ ... بحثت قليلا ثم قالت اة العليقة بتاعتي ..نزلت لأحضرها : و لاقيتهاااااااااااااا . و .. مش عارفة اطلععععععععع .. الحقوني الباب هيتفتح وانا هتداس كدة يا جماعة : ...............
حاولت النهوض ولكن انا المتكاسلة في المترو الفارغ تماما و رفعتني صديقتي و فتح الباب و دُفعنا إلي الخارج لتتسارع الخطي للوقوف في طابور ايضاً لأجد مكانا في الدرس . ايضاً مفعوصة بين زميلاتي و يدخل الدكتور و تبدأ الحصة و .....
إلي لقاء أخر من يوميات دكتورة مستقبلية في
أرجوك لا تفعصني
حكوك الطبع و النشل محفوسة لنعكوشة

9 قالوا رأيهم في العك اللي تحت ؟؟؟:

نعكشة مرحبا ياحجة ايده بس شكلى الزائرة الوحيدة على المدونة الغلبانة دى بس بجد تدويناتك لذيذة خالص وفكرتها حلوة جدا وعجبتنى اسمها وسلسله ارجوك لا تفعصنى تصدقى ان كل حاجة فى الحياه فعلا بقت بتفعصنا انا سعيدة جدا بتعليقك على مدونتى وزيارتك ليا وسعيدة بوصولى لمدونتك الجميلة دى وهكون سعيدة اكتر لو شفتك عندى كتير ويلا يستى خدى التاج انا كان قعدلى واحد ياخده يبقى ليكى يلا

 

صحيح ياريت تشيلى تاكيد الكلمة للى بيعلق علشان يبقى التعليق اسهل صحيح الصور حلوة جدا انا كمان بحب التصوير الفتوغرافى موت

 

اول الغيث يبدأ بقطرة :D

ربنا يخليكي علي التشريف يا باشا

تسلميلي يا قمر
لوعندك اي موقف حصلك و اتفصتي فية ابقي قوليلي نحطوا في السلسلة ( و اخد انا برائة الاختراع ( هع هع هع ))
نورتي يا فندم

و شيلنا تأكيد الكلمة

وعايزة اشوف الصور اللي صورتيها بقة :D

تاج مين يا بنتي محدش هيشوفوا
ادية لحد تاني :D
تسلمي يا قمر ربنا يخليكي

 

ياباشا تشكرى على شيل تاكيد الكلمة بس بجد تستحقى يابنتى تاج وكل الدنيا هتشوفه خليكى متفائلة يلا جوبى ماشى يعم هنزلك الصور بتاعتى بس لما افضى اصل الدنيا كلها مكركبة فوق دماغى اعدى بس كركبة الامتحنات وانزل اليوميات والصور ونتفعص مع بعضنا
تحياتى سلام

 

انا حاسس ان المدونة دي هتبقى قنبلة

طريقتك حلوة قوي وبتفكريني بيا وانا دمي خفيف :P

 

سلامون عليكم
همس
ربنا يوفقك يا قمر في امتحاناتك بالتوفيق باذن الله

مرسيخ بوكوز بالنوزبة للتاج ربنا يعزك يا قمراية

فيج

والله نظرية تستحق التقدير و الإمعان بس ربنا يوستور ومتبقش قنبلة تفرقع في وشي او تفرقع في حد :D

تسلم علي المرور و التعليق

 

وصدقت توقعاتى

:))

 

انتى مش واخدة بالك ان المدونة دى قنبلة ؟

ياسلام عليا
قاري السيناريو ده وانتى عندك كومنتين بس


مبروك عليكى انا